اخيرا استلام الجوازات وتاجيل السفر

[ivan ali]

السلام عليكم اخوتي الغالين واخيرا استلمت الفيزا والي صدرت بتاريخ 7-11 واستلمته عن طريق DHLبتاريخ 11-11 وارسلت الفيزا الى ال IOM بخصوص الحجز للطيران وكانت الاجابة انه لابد ان انتظر لغاية 1-2 عسى ولعل زوجتي تحصل على الفيزا الخاصه بها لانه صدرت الفيزا الخاصة بي وباطفالي ماعدا زوجتي واتمنى ان تحصل زوجتي قبل الموعد الي قرروا الي  لعمل جدول طيران حتى نطير كلنه سوية
اتمنى لكل الاعضاء ولكل الناس الي تريد تطلع من العراق العظيم ان تسافر وتخلص من هذا الوضع الماساوي الي نعيشه احنه
امنياتي للكل ان تسمع اخبار حلوة قبل نهاية هذه السنة

[فنكوش]

كل الخير انشاء الله اخ ايفان ويارب تسافرون كلكم سوه انته وزوجتك والاطفال

[ام الهنا]

 الحمد لله ومبروك الفيزا وان شاء الله تكمل فرحتكم بفيزا زوجتك وتسافر وترتاح .
دعائي لنا جميعا بالسفر القريب العاجل .

ام الهنا

[الامعط]

هاي الاخبار الحلوة .. ربي بالتوفيق الك ولعائلتك .. الحياة السعيدة والمستقبل الك ولعائلتك الكريمة

[ام محمد و احمد]

الف مبروك بلتوفيق

[titan]

الف مبروك اخوية ايفان وبلتوفيق في حياتك الجديدة 

[kunda]

ايفان اذا انت مقدم من وكت حمورابي ......دروح يمعود هيه هم عايزة متجيك الفيزا 

[ivan ali]

شكرا للجميع وشكرا للامنيات الجميلة ويارب تكون ايامكم حلوة وبيه احلى الاخبار الي تشرح الصدر ويارب يوفقكم ويحميكم من كل سوء
وبالنسبة لاخوية كوندا لك عيني اشو اني من وكت حمورابي  مقدم ووزوجتي مجته الفيزا متكلي شسوي بعد والله طكت روحي
عموما تحياتي للجميع

[ابو نعنوع]

الف الف مبروك اخي العزيز لو تدري شكد فرحت الك لان انت قديم وهسه انته سويت النه امل احنه القدامى بلكي احنه وراك
مبروك مره ثانيه وان شاء الله تجي الفيزه لزوجتك وترحون سويهه وتتوفقون بحياتكم وتشوفون كل الخير بعد ان خلصتو من العراق العقيم بلاد مابين القهرين

[googoo]

بالتوفيق أخويه أيفان

 ان شاء الله توصل وتستقر وتنسه هاي الأيام الصعبه وتصير كلهه سوالف

ان شاء الله انتم السابقون ونحن اللاحقون

[lyoo]

الحمدلله الف مبروك
ان شاء الله زوجتك تستلم الفيزا ومبقى شي

[ivan ali]

حقيقتا ردودكم قللت الي الم ومرارة الانتظار وبعض الكلمات كانت دوما تدفعني لتحمل الم الانتظار اكثر فشكرا من كل قلبي للجميع وتاكدوا بان فرحي هو ان اسمع اخبار جميلة عنكم وانتم تغادرون سالمين انتم وعوائلكم وتكونون بأمان وان تكون حياتكم الجديدة مليئه بلافراح والخير
فمن كل قلبي مرة ثانية الف الف تحية للجميع

[Abdullah2006]

 الف مبروك
ان شاء الله يوم السفر للجميع

[Aiham_]

يمعود ايفان , و داعتك شهرين زلاطة ما تحس جرب انتة بشهر الثاني , اني لو منك افلت لعمان و مناك اطلع اخذ المرة و الجهال , اقلها سوي بروفة للغربة  و بعدين هم تخلص من مطار بغداد و لغوة بغداد كلشي يصير منا لشهر الثاني و هاي نصيحة من اخوك و من تريد تسافر كللهم اني اريد اطير من عمان بلكت يقدمولك الموعد
و مبروك و شايف كل الخير

[ميمي2010]

الف مبروك اخوية ايفان
وان شاء الله تجي فيزة زوجتك باسرع وقت وتسافرون كلكم بنفس الوقت
وتوصولن بالف سلامة يارب