السلام عليكمكلي سعادة وانا انتقل بين ردود اخوتي العراقيين في بيتهم هذا المنتدى (لمن يريد ان يحتفظ بصورة عراق مابعد الاحداث عراق 2012 ) يجمع بين الاطياف ومااسعدني وانا ارى بعيني كلمات تدل على الغيرة والنخوة والشهامة وتسارع في زرع الامل لمن فقد الامل وسوف اشارك لاحقا بكلماتي فقط اقول:انه لايوجد انسان على وجه الارض يستطيع ان يتمتع باي نعمة اهل زوجة اولاد ارض بيت محل سيارة اي نعمة بانعدام الاحساس بالاماااااااااان والاطمئنااااااااااان.
ولكن الان ابدي اعجابي بمقتطفات من اغلب الردو د واكتفي بما نقلت لكم منها وسامحوني اخوكم (
العطر لغة عالمية).
فقط ملاحظة مهمة الكلام بالخط الاحمر عليه مخالفة مرورية وتيكيت ويدفعها بالعراق بعد مايصعد السوكوهذا الشاعر يرد عليهم من سنين(
http://www.youtube.com/watch?v=M9uhcTMj8sA)
و أني عندي شك بهاي القصة التعبانة Abu Ahmed
الناسك
من هذا المنبر نكل لصديق صاحب الموضوع ... اهلاً وسهلاً بك في بلد الرفاهية والأمن والاستقرار والحياة الجامعية المليئة بزمر المليشيات والإرهابيين والتحزبات الجامعية ...
زين على راي احد الاخوان نقلك نصف الكاس فارغ مكالك على الخدمات اهناك محجالك على الكهرباء وةالماء الحار الي هسه احنا شته وهاي ابسط الامور الي العراقي صار ابحسرته وعايش على رحمة اهل المولدات ويحمي ماء على الجولة لو الطباخ محجالك على النظافة والامان محجالك شلون يرجع بالليل من شغلة مرتاح البال ومخايف من سيطرة لتجلب بية بلليل وهواية من الامور star_2000
بس تذكير للاخوان اللي مقدمين للهجرة وانا واحد منهم ... لا يرحون زايد وينتظرون هاي السنين حتى يسافرون لامريكا بدون ما يقدرون قيمت هذا الوقت الطويل من العمر....
وللاسف بعض الاخوان يذكرون الوضع الامني بالعراق صفر وكأنوا الواحد حياته مرتبطه بامريكا ...... لا تقيسون الوضع على منطقة معينة من العراق او فئة معينة من العراقيين وخلوا المقاييس تكون اكثر واقعية.....
صدكوني اكو ناس هنا عايشه بالعراق احسن بهواي من ناس عايشين بامريكا والعكس صحيح.....
الله يوفق الجميع
بس تذكروا لا تضيعون سنوات حياتكم بالانتظار وربط مستقبلكم بالهجرة Basra_80اخواني & اخواتي
النقاش غير مجدي بمثل هكذا حالات
كل انسان وطريقة فهمه لطبيعة الحياة اللي يريد يعيشه
اكو ناس تتحمل الذل والضيم وخطر الموت والاهانة والمهانه من اشباه البشر
كل ذلك في سبيل الماده او في سبيل الشكل الاجتماعي (الوهمي) واللي لايقدم ولا ياخر
واكو ناس(وانا احدهم)
عده استعداد تعمل وتكد وتعيش في مجتمع يوفر الاتي
الكرامة
شعورك بانسانيتك(اللي مموجوده بقاموس العراق اصلا)
ضمان مستقبل اطفالك
سيادة القانون
والخ من الامور الاخرى والتي بوجهة نظري المتواضعة لا تقدر باي ثمن
ابو مريومة
لاشك العمل في امريكا شاق خاصتا اذا كان من وارد واحد يدخل للبيت
بس نرجع ونكول بان الله تعالى هو الراعي والمعيين,,
واهم شي من ترجع من الشغل بالك مرتاح ومطمئن وحتى ان كنت خارج البيت فاهل البيت بامان.
احنه ضحينا وتغربنا وتدبهدلنا من اجل اطفالنا لكي يعيشون بامان واستقرار بعيد عن اصوات الانفجارات وصراخ الامهات
وباجر من تكبر اطفالنا وتعرف حقيقة الي مرينا بيه بالعراق راح نكبر بنظرهم,,لان ما خليناهم يذووقون الي ذقناه من نفس الكاس,,,
اذا ماكو مانع ان اشتغلت حمال واتعب ويروح الي يروح من عمري
اهم شي راحة عائلتي ومستقبلهم,,
ضحينا بعمرنا لكن كسبنا راحة البال,,,مستقبل اطفالنا,,ومستقبلنا من انموت نندفن بجنازه محترمه ونلكا من يترحم علينا,,
ومن الله التوفيق birj
لازم تضحية من اجل اطفالنه مو من اجلنه يعني شكبرهة من تشوف ابنك او بنتك الهم مكانه بلمجتمع وتعليمهم ممتاز والهم قيمه فوكاهة احنه بلعراق مشفنه غير الضيبم واحنه بلعراق حتة منعرف نام وراسنه بارد يعني على غفلة وفاتولك تفتيش وعلى غفلة وصارت كبال عينك سيطره وتعرف شنو مصيرك يعني خلاصة الكلام الصبر الصبر الصبر alzandawi
احنه ليش نتفرز من نقرة موظوع بيه سلبيات اكثر من ايجابياته ليش مانحاول نعرف شنو السبب الي يقرر يترك امريكا ؟؟؟؟hdhdhd
فكل واحد عندة طاقة تحمل طبيعية ومكتسبة حتى يواجه بيها ظروف الحياة من تتغير عليه Banjamen
صاحب الموضوع يكول هي هاي امريكا الي انت تحلم تروحله ؟ فدنوضحلة ليش نريد نروح و نكولة هو هذا العراق الي تريدنة نبقى بي؟ iraqi_pride
اتمنى من الكل يكون ذو قلب كبير ومتفتح ياناس امريكا مثل اي بلد في ناس الله يوفقها وفي ناس ممتوفق وهذا كلها قسمة ونصيب ليش امريكا مابيها مجادي فعلى كيفكم ويه الولد ومو كلشي ينطرح سلبي لازم احنا نهاجمه SIV NASSA
الموضوع لازم يبقة فلو لم يكن استفزازي لما اغنى الجميع هذا الموضوع بآرائهم ورؤية كل شخص منهم وتجربته ، صاحب الموضوع واحد من الاشخاص اللي مقدمين وعنده رهبة من هذه الخطوة ، فالرجاء اثراء الموضوع اكثر وخصوصا تجارب الاخوة اصحاب العائلات . واتمنى ان تكون الردود موضوعية وبمثابة توضيح للامور لا استفزازية مقابل عنوان الموضوع فالشحنات المتشابهه تتنافر . ام الهنا
وكلنا نعرف هل سلبيات بس هوه طريقة طرحه للموضوع واسمه هيه هاي امريكا الي الكل تحلم اتروحله؟ star_2000
شنو هلمعنويات اللي تهبط العالم؟انتو ناقصين هوة راية الشخصي يرجع وياذي عائلتة واتحدا اذا ماعندة كرين كارت مسويها علاوي يروح ويجي ويخيب العالم وينطي راية انو ممرتاح من الشغل وللة وللة اخوانى واخواتى واكولهاابصوت عالي ----امرررررررريكا تسوة الجية وبدايتهاا الشهور الاولى صعبة بس اسالونى من شنو وللة مو التعب بس من الفراك وتغيير المكان وانى احجي بصراحة ومحد يجبرنى اكذب تسوة امريكا بكل ----وبكل ----وبكل شي من بشر وحياة وانسسسسسسسسسسسانية----وانى اللي احجيلكم جنت عايشة ملكة بلعراق بس بلة انسانية وشفتهاا هنا الريم 2000
اخواني الطيبين .....بدون تشبيهات بالكلاب ( و اني اعرف انه الامثال تضرب و لا تقاس ) لأن اكو بعض الناس تتحسس من هيجي تشابيه
كثير عوامل اتأثر على مثل هاي القرارات ......
اخوان محد يكدر يحكم على غيرة اذا ميمر ابنفس تجربتة ..... خلي نحجي ابصراحة ... كل انسان عندة معايير و طموح ابحياتة وة ايريد ايحققة.. و كل انسان عندة قابلية تحمل تختلف عن غيرة ..و كل انسان عندة ظروف ايضا متشبه ظروف غيرة
اكو ناس مو مهددة و ما عدهة مشكلة بالعراق و ايجوز امورها المالية و الاجتماعية مستقرة ..هذولة الناس ممكن شافوا امريكا بالافلام و الاخبار و شافوا شهاداتهم و وضعهم بالعراق و كالوا اذا احنة بالعراق هيجي لعد من نطلع الامريكا اشراح انسوي؟....طلعوا الامريكا و اتفاجئوا ابأمور مكانوا يعرفون بيها مثل انه لازم تبدي من الصفر و لازم تشتغل اي شي حتة اتطور نفسك و لازم تطبك الليل و النهار و تتعب حتة اتسوي شي النفسك و العائلتك و اهناك انصدموا بالواقع و قرروا يرجعون
قصد كلامي انه مرات الانسان تنعمي بصيرتة و ايكوم ميباوع للمستقبل و ايخلي مشاعرة اللحظية تتحكم بي و هاي مشكلة جبيرة ZOKO1976
اي شخص يتكلم عن المعاناه في امريكا غير مرحب به هنا هذا واقع لكن كلكم ما تحبون تسمعون مسيطره عليكم رغبه السفر و رؤيه عالم اخر من دون التفكير الوضع هناك شلون
و كيف سوف اعيش و هل اصمد اكو بيهم يصرح شعارات انا اول مااوصل اشتغل و مااحتاج مساعدات و يتكلمون على الناس الي لحد الان عايشه على مساعدات و انت شعليك بيهم ناس عايشه يومها و خلاص الوضع باامريكا صعب مو سهل و مو كل واحد عنده طاقه و يتحمل
الحياه عمل فقط و مثل ما قال $$$$$ السبت و الاحد تقضيها نوم و راح تجون و تشوفون
ابو المثل يكول امشي وره الي يبجيك و لا تمشي وره الي يضحكك
لكن ويامن تحجي و يه ناس ما تحب تسمع خليكم بهذه العقليه ظلوا اسمعوا كلام الحياه الورديه و الجنه ----على امريكا من توصلون تنصدمون خيركم اذا اشتغل شغله هو يحبها
صفاء الكرخي انت شنو تشتغل مو تصفط كتب على الرفوف؟ ما بيها شي لكن مقتنع؟ مرتاح؟سبت و احد بس مو؟ راح تكلي لخاطر اطفالي اوكي وياك اني لكن اتحداك اذا مرتاح انت دام ظله
واكيد كل واحد يختلف وياك مو معناها انه ميحترمك بس الناس متكدر اتقيم مستقبل اطفاله ومستقبله واخوك اني اولهم واكيد انه هواية ناس وصلت امريكا تعبت بس صارت مع تقديري لراي الجميع
واشكر الاخ الي اتهمنه كلنه بالنفاق واتهم اخونه ابو قمر انه هو وهو وهو مع العلم الرجل كان معدم وبده من الصفر ونقل تجربته هو واكيد انه اني ما ابني مستقبلي عليهه واحب اكول حقيقة انه الناس واني اولهم طبعا مدتطلع لامريكا لان امريكا جنه بس لان العراق جحيم
وضيم اهون من ضيم
ومبروك عليك متبرعلك بحصتي ابو معتضد
اكو هوايه ناس يكلون ما مرتاحين و امريكا متناسبنه و التعب و البهذله والصعوبات والعيش بامريكا مو سهل .....الخ بس مع هذا بعدهم كاعدين ومجلبين بامريكا و مارجعوا للعراق مثل ما سوه هذا صاحبك البطل. هذا كول و فعل مو بس يدردم و يتشكه و هو كاعد متربع و ميتحرك من امريكا. Dollar
السلام عليكم ورحمة الله وبريكاته
اخوان لكل شخص امكانية وطاقة مخددة مثل الاراء الشخصية يعني كل شحث يرى ماهو مناسب له والعاقل يقارن بين تجارب الاخرين ويختار طريقه بكل ثقه لماسمعه ولما يراه هو ويقرره ليناء مستبله وحياته
وشكرا لك اخي ولكل من بفيد الاخرين بكل شيئ قد يساعد العراقي سواء نصيحه او عمل
ياريت نتكاتف مثل الجاليات الاخرى في دول اللجوء كان محد يجوع ولا ينضام
حامد شاكر
السلام عليكم جميعا
نائب رئيس جمهورية العراق شخصيا ما كدر يحمي نفسه وجماعته من وضع العراق الجديد فكيف سيحمي المواطن العادي نفسه وعائلته من عدم وجود العدالة والامن بالعراق ابو مودي
هناك ناس تعتقد ان الاحترام والكرامة يجي من الكعده وراء ميز او يكون في منصب معين , مثل الاخ الي تعب من امريكا ويتوقع ان راح يرجع للعراق راح يكون محترم بعمله لكن لا احد يحترمه في بلده , راح ينهان من الجميع شرطي عسكري واحد يمشي بالشارع , هنا هو اختار منطقة معينة على حساب مجتمع , ارجع واكوول العبارة المشهور اذا انت غير مهدد وعندك مكانتك بالمجتمع الي انت مغرم بيه شكوووو طالع من الاول ..
اجي الى اهم جميلة ذكرت بالموضوع , والي كالها الاخ صاحب الموضوع , كال : تتصور الرجال هو الي يشتغل من الصبح لليل مثل الزمال ؟؟؟
اويلي على هاي الجملة , للاسف مجتمعنا يعتقد ان الي يشتغل ويبني مستقبله زمال والي كاعد بالبيت والي يشتغل سايق مخدة هذا المحترم للاسف , رغم ان هذا الكلام ما يستند على اي مرجع ديني او اخلاقي , دائما الدين يكلك العمل عبادة بس احنا صار عدنه العمل عيب , الي يستنكف من حمال ولو ماكو بامريكا شي اسمه حمال خلي يذكر اذا كان مسلم رسوله شجان يشتغل واذا كان مسيحي يتذكر ايضا المسيح شنو كان.
رغم كل اني عايش بيه فهذا كله عندي ميساوي شي بقدر ما يعني لي احترام وتقدير المجتمع الي , ابتسامة الناس وحبهم ومساعدتهم من غير ميعرفوني واحترام الدولة والشعب الي كانسان بغض النظر عن ديني او لوني او قوميتي على فكرة هذا الكلام مو جملة تقروها بكتاب خيالي لا هذا حال كلمن عايش في امريكا واتحدى اي شخص عايش في امريكا يذكر عكس هذا الشيء , للاسف اقولها وسأقولها المجتمع الامريكي افضل بكثير من مجتمعنا العراقي بالاحترام والمحبة والنظافة القلبية يعني معدهم حقد مثل الي عد كثير من عدنا الي للاسف حقدهم سببلهم امراض .. واتذكرت اني اكتشفتها لمن كنت طفل من اخذني خالي للحلاق فمن دخلنا جان رجال ورانا بقيت فاتح الباب اله حتى يدخل , وانصدمت بان خالي بدا يوبخني ويكلي شنو انت الخدام مالته تفتحله الباب عيب تفتح الباب لاحد انت مو خدام ...... للاسف انما الامم الاخلاق .. وللاسف الاخلاق اصبحت عملة نادرة بمجتمعنا وهذا الشي الي دينعكس على تصرفات الناس ..
فيا اصدقائي امريكا واحد لكن الي يختلف هو الناس بثقافاتهم وبشخصياتهم وبأفكارهم ... هنا الي يعمل مو زمال الي يعمل الكل يحترمه وهو اكفء من وزير كاعد ورا ميز مهما كان عمله
... لكن لاتنسى ان في العراق المنزلة الاجتماعية مو هي الي تكفلك الاحترام والكرامة , السلطة فقط هي الي تكفلك الاسترام والكرامة , يعني هو استاذ صحيح لكن اي واحد ممكن يهينه بالشارع وميحترمه , واذا وكف بسيطره ممكن يلعبون بيه طوبة هذا واقع عراقنا ... فاذا هو منزلته الاجتماعية اعلى من كرامته فهو حر .. طبعا اكيد التعليم في امريكا للاطفال شي راقي ومو بس التعليم التربية الي تقدمها المدارس شي راقي جدا .. كلنا نجتهد لكي نصل بالمعلومة الى الجميع المعلومة الصادقة المفيدة , التفائل هو نصف احراز الهدف فاذا زرعت التشائم في احد فلا تتوقع بانه شيجتاز ابسط حاجز ..
تحياتي أبو قمر
عند الانظمة التعبانة فهي من عشرات السنين تحاول تهميش الكفائات وتلكة عدها المحسوبية والرشاوي وكل الامراض الجتماعية الاخرى .ها نسيت كلمة مشي,عبر ,خطية(خطية بس العراقيين يكولوها )وأقصد من يكولوها من يريدون يتجاوزون القانون وليس المعنى الانساني للكلمة.
كل هذا ولعشرات السنين اثر على طبيعة الانسان العراقي فأصبح العراقي خامل بطبيعته متململ وانتشر الحسد بين الناس بشكل غير طبيعي
(كلنا نتعجب من نشوف الهندي او البنكلاديشي شلون يشتغل 24 ساعة وما يوكف الباتري مالته ينجز عمله وهوة فرحان ابد ما يتململ مو مثلنا)فاكثر من يروح لاميركا يشوف فد واقع غريب عنه واقع متعب بعيد عن حياة الراحة والخدة في العراق
طبعا اخوان احجيلكم واني مو احسنكم بس اني من خلال عملي كمترجم ولمدة اكثر من خمس سنوات افتهمت خلالها الامريكي شلون يشتغل ويفكر وهاي روح العطاء الي عدهم اللي ما تنوصف . طبعا ما اكول الامريكان كلهم ملائكة بس لاحظت الاختلاف الكبير بيناتنا واهم شي بل من الضروري ان الواحد يتعلم منهم الاشياء الزينة موياخذ القشور . بعدين شغلة المساعدات والعمل يعني انتة تريد تروح لاميركا وتبدي حياة جديدة( غنية بكل معنى الكلمة)وتريد تعتمد كليا على المساعدات .. زين جهالك من راح يشوفون أبوهم عطال بطال شراح يتعلمون انتة تريد تبني لو تهدم عمي ابقى بالعراق احسنلك لان المساعدات يجي يوم وتخلص بعدين تكوم تلعن اميركا وليوم اللي جيت بيه ابن شارع فلسطين
احجيلك على نفسي فأني ما اؤمن بالعالم الوردي ...... اني صاحب شهادة و صاحب عمل و عندي عائلة .... الفلوس ما عندي مشكلة بيها .... شفت مآسي بالعراق خلتني كل ما اروح للعراق الدمعة اتريد تطفر من عيني .....خطف انخطفت ....تعذيب اتعذبت ...خسرت اصدقاء انقتلوا كدام عيني ...تهديد اتهددت ... ابكل سيطرة احس ابنفسي مهان من ورة اسلوب السيطرات المو مؤدب و اللي ميحترم الانسانية ..كل دائرة اروحلها اذا مو فلوس متمشي الشغلة ابصورة صحيحة .... اذا مو رشوة امورك متمشي بالعراق... يا عراق هذا اللي دتحجي علي؟
و اذا تحجي على امريكا ...امريكا مجتمع صعب .... ينراد اتكافح من الصفر و تتحمل كلشي ...راح تتعب و ايجوز اتحس انه اللي دتمر بي ذلة ..بس لازم اتخطط و تعرف شتسوي ... اشلون تشتغل و اشلون تقرة و تاخذ شهادة اتخليك تشتغل شغل اسهل و اجدى .... ماكو شي اسمة تكعد بالبيت و اتعيش على المساعدات ...المساعدات مؤقتة الى ان تفتهم شنو هذا المجتمع الجديد و اشلون يشتغل و شنو ضوابطة و قوانينة ..... عادة ايكولون لتتطاول على الاخرين حتة لتفتح المجال للاخرين ان يتطاولون عليك .....اول كلمة انت كلتها هي احترام الرأي و الرأي الاخر و هذا اول مبدأ جنابك خرقتة ZOKO1976
شوف ابو قمر اني لحد الان محترمك بالرغم من كل الحجي اللي دتحجي شنو تصفيط حجي عيب عليك بس انتو مع الاسف تصورون للناس الحياه جنه بامريكا ولتقيس حالتك على الباقين اني من خلال مشاهداتي لتعليقاتك فوك بصراحه شفت حجيك مو منطقي ابد يعني انت خلال اقل من 3 سنوات على حسب قولك عندك بيت و 3سيارات وتفوتلك 5 رواتب وتكضي 4 ايام بالاسبوع بالبيت هاي وين صايره بس كلي شنو منصبك انت اوباما لو هيلاري كلنتون؟؟؟؟؟ ارجو ان لا تظللون الناس باوهام والله العظيم اني عندي اصدقاء كثيرين بامريكا وولا واحد مرتاح وكل واحد قصته شكل تنفع تصير مسلسل والله
ما اعتقد بامريكا بلد العمل والتعب على حد قولك وانت مكابل عين كاوه 24 ساعه وكاعد تكتب رودد وتشارك بسجالات
