الكفيل مالتي امريكي وساكن بالعراق...تعالو ساعدوني

[corner_stone]

السلام عليكم
شباب اني قابلت المقابلة الاولى
وحسب ما اعرف راح يطلبون الكفيل بالمقابلة الثانية
واني الكفيل مالتي امريكي من اصل عراقي وساكن بالعراق
يكدر يكفلني وهة بالعراق؟؟؟؟؟؟؟؟؟؟
مع العلم انه هوة عنده عنوان سكن دائم في امريكا ومتقاعد من العمل هناك

[محي الدين]

اخي العزيز
لايسطيع يكفلك وهو بعراق لان المنظمة راح تتصل بية على تليفونة بمريكا ويطلبون منة الحظور لتوقيع اوراق الكفالة وان يكون ملتزم بتهئة امورك عند وصولك ان شاء اللة
اني اشوف شوفلك كفيل اخر او تركهة بدون كفيل وهذة الحالة المنظمة راح هية شوفلك ولاية
بتوفيق

[ام الهنا]

 اخي الكريم من تجربتي مترهم ، انا كان كفيلي احد اخوتي امريكي الجنسية ورجع للعراق لبعض الاعمال والمنظمة اتصلوا بي ( من حظي الحلو) حتى يوقع الاوراق وكللهم اني بالعراق ، كلوله نريد كفيل اخر . ماطول عليك السالفة صار اخوية الثاني كفيل وهو بامريكا ايضا وتأخر سفري والحمد لله .
ان شاء الله ربي يسهل امرك واستعجل بموضوع الكفيل اذا تريد كفيل .

ام الهنا

[*iskender*]

امريكي عايش بلعراق هههههههههههه
حلوه هاي

[Edy Simon]

والله زين العراقيين يطلعون من العراق او يرحون الى امريكا او من يتقاعدون او يحصلون على الجنسية الامريكية يرجعون او يعيشون بالعراق, والله خوش فكرة,  اني هم راح افكر بالموضوع ارجع اعيش بالعراق او التقاعد مالتي ماشي.
تحياتي
جوسي البغدادي المانيا

[corner_stone]

شباب اشكركم كل الشكر وبارك الله بيكم
عندي كفيل اخر بغير ولاية
ان شاء الله انسق اموري وياه

[الريم 2000]

بلتوفيق اخوية ربي يسعدك وترتاح هاي سوالف الكفيل بس شنكول اللة كريم ؟-------زينب

[ابوجنة]

يا جماعة والله دشوف شغلات يمكن رب العباد من خلق البشرية ماصايرة هيج سوالف وكلها صارت براس العراقيين ... ياربي رحمتك