مواعيـــــد ســـــفر بالجملــــة من لبنــــــان

[المهــــاجــر]

صباح الخير اخوان
اخبار حلوة اليوم بخصوص مواعيد السفر الى اميركا ..عرفتُ من جماعة اعرفهم شخصياً ان مواعيد كثيرة الى اميركا يومي 16 و31 \1\2012
ناس قالوا 30 واحد وناس قالوا 50 واحد وناس قالوا 100 واحد  ..المهم ان المواعيد قد اعطيت بغض النظر عن العدد..
والغريب ان ولا واحد ما نشر الموضوع بالهجرة واللاجئين !!!! هل يا ترى يخافون لا نصيبهم بعين ؟؟؟؟؟!!!!! لو من كثر ما فرحانين نسوا عنكاوا؟؟؟
ايامكم سعيدة وينعاد عليكم بالخير والبركة يارب ..وانشاءلله سنة 2012 سنة المواعيد والسفر والأستقرار للجميع...
وتمنياتي للجميع بالســــــفر القريـــب..

[** يدكو **]

ان شاء الله تسافرون وترتاحون من الضيم الي بلبنان باقرب وقت

[المهــــاجــر]

شكرا اخويا نسيم يدكو..اكيد احنا فرحنا لغيرنا بأن يسافروا بس المشكلة احنا القدامة نســـونا ولا جابو طاري واحد من اللي خايسين هنا بحدود 3 سنوات ..بس اذا هما نسونا اكيد الرب ما ينسى احد وانشاءلله دورنا بعد راس السنة يخابرونا ...الله قادر على كل شيء والأعتماد على الله احسن من الأعتماد على البشر..
تمنياتنا للجميع بالسفر القريب ..كل عام والكل بخير انشاءالله..

[المهاجر التائه]

مشكور اخي المهاجر على نقل الخبر وان شاء الله السفر للجميع والاستقرار وان شاء الله تكون سنه 2012 سنه استقرار لكل العراقيين
اخي مستحيل احد ينسه عين كاوه ولا الاخوه الي موجودين بي لانه مستحيل الشخص ينسه افضال هذا الموقع بكل معنى الكلمه وصدك هذا الموقع هو مرجع للهجرة وان شاء الله منقصر باي معلومه نعرفها وان شاء الله كل اخواننا مينسون هل الشي تقبل مروري اخويه العزيز

[Edy Simon]

عزيزي المهاجر
هذي طبيعة اغلب الناس ما يدخلون الى منتدى عينكاوة الا من عدهم مشكلة او من تخلص مشكلتهم يديرون ظهرهم او يحاولون ينسحبون من المنتدى , على اساس اني شغلي خلص....
بس مو مشكلة انه اكو اهويا ناس طيبين يريدون يساعدون ابناء شعبهم بالرغم انه مايحتاجون المساعدة او اغلبهم في دول الحرية.
بس مو مشكلة الله كريم احنا علينا بالطيبين بعدهم بالمنتدى او انته واحد منهم لاجل ان تنقل الاخبار السارة لأخوانك او انشاء الله يوم الك اتسافر او تكتب مشاعرك في بلاد الحرية
تحياتي
جوسي البغدادي المانيا

[xxlm569]

شكرا على نقل الخبر

[ام الهنا]

 مبرووك لكل عراقي يخلص من الضيم كتــم  الخبر ام أعلنـــه ، وان شاء الله تعالى يسهل امورنا جميعاً ونسافر .
شكـــراً لك اخي المهاجر ، وان شاء يجيك الدور وتهاجر .

ام الهنا

[شموسه123]

الف مبروك ويصلون بسلامه

وشكرا اخي على نقل الخبر ويوم الك

[ابورحمه]

مشكور على نقل الخبر .... وانشاء الله يوصلون بالسلامه
ويوم انشاء الله النا ونسافر كلنا .... امين رب العالمين

[امير البغدادي]

مشكور على ن :Dقل الخبر المفرح يارب وانشاء الله السفر للجميع

[cool050]

عمري انت الف شكر على هذا الخبر الحلو والله اوفقك

[مــودي]

مشكور ياوردة على الخبر

[الريم 2000]

شكراا على نقل الخبر وانشالله للجميع يارب-----اختكم زينب

[the lion]

اخي صاحب الموضوع نرجو التأكد من صحة الخبر قبل نشره واتهام الغير

وخاصة  كروب اهل لبنان نفوا صحة الخبر اي لا صحة للخبر

[المهــــاجــر]

ألأخ العزيز  so softان
اولا  كل عام وانت بخير
ثانيا شدعوة انت نازل بيه حدر وصاير عصبي؟؟ اذا انت اصلاً مو بلبنان شمعرفك شكو كاكو هنا وحتى لو كان صاحبك بلبنان ليش كلشي راح يعرف شصار شما صار؟؟  واذا كلت يخافون لا ينصابون بالعين كلت هذا الحجي على سبيل المزح.. واذا تريد تتأكد خلي يجي صاحبك او اي واحد ما مصدك الخبر على سد البوشرية ببيروت يم كنيسة مار تقلا والعصر كلهم متجمعين هناك او منطقة زعيترية والساكنين بيها اغلبهم عراقيين ويسأل اي واحد ويكلهم اخوان اكو منطين مواعيد السفر لشهر الواحد واسمع الأجابات ..وانا اعرف ناس شخصيا من هو صديقي او اقاربي ابن منطقتي انطوهم المواعيد وعلى شكل 5 رحلات طيران موزعة بشهر الواحد..وما اريد اذكرهم بالأسماء.. وليش انشر الخبر اذا مو صحيح بس أحنا هنا معنوياتنا هابطة لأن ماكو مواعيد السفر صار فترة ولأن هذا الخبر اقصد مواعيد السفر يرفع من معنوياتنا نشرت الخبر مو على مود اتلقى شكر ولكن اريد افرح جماعتنا لأن كلنا بحاجة الى اخبار حلوى لأن ملينا من هاي الوضعية التعبانة.. لأن اني هنا تقريبا 3 سنوات ونعرف شلون المعمعة هنا واكو غيري صارلا 4 و5 سنوات هنا ..
واشكر كل اللي ردوا على الخبر اذا كان ردهم حلو او كان قاسي ..المهم كلمن اله وجهة نظر وما بيها شي..
مع تمنياتي للجميـــع بالســفر القريب وانشاءلله سنة 2012 تكون سنة السفر والأستقرار..

[** يدكو **]

اخي المهاجر

اولا: اتصور  لو هناك من يتهمك بأنك اتخاف من العين او حتى كان يمزح معك اكيد جان اضوج وخاصة اذا الخبر ليس صحيح ...ليش؟؟؟ لانك بذلك خليت البعض يتكلم على اهل كروب لبنان على انهم ما يتكلمون وضامين الخبر ...والذي هو ليس بحقيقي
واتصور ردود الاعضاء اعلاه يؤكد كلامي ...

ثانيا: اتصور كروب اهل لبنان ... نفوا  صحة الخبر ...واجابوك انهم لم يسمعوا بذلك بالمرة

ثالثا: والاهم التلاعب في اعصاب الغير اعتقد صعب والله شنو حتى نرفع المعنويات كم يوم

شنو الفائدة من رفع معنويات على اخبار  زائفة وليست بحقيقية ....

خوبين كل واحد يكدر يصفط كلام ويكول رح ايسافر 200 شخص بدل ما يكول 100

ماتكلي انت ليش تحكي من كيفك ليش الرجال يكذب اني اعرف 5 عوائل هنانا بامريكا كالو راح يجو اقربائهم 31 بهذا الشهر مايصير تفتري من يمك على الرجال انتبه على كلامك

[المهــــاجــر]

 الكاتب    موضوع: مواعيـــــــــد طيـــــــــــران بالجملة بشهر الواحد من عام 2012  (شوهد 1311 مرات)
nooova
عضو فعال

 متصل

رسائل: 69

Abu Maria


    
   
مواعيـــــــــد طيـــــــــــران بالجملة بشهر الواحد من عام 2012
« في: ديسمبر 21, 2011, 11:54:30 pm »

حبيت ابشركم باخبار الطيران الي دائما ترفع معنوياتنا نوعا ما
انطو مواعيد طيران بالجملة خلال شهر كانون الثاني من 2012

11-1-2012
12-1-2012
17-1-2012
18-1-2012

و كلها من تركيا
مصدر الخبر هو صديقي بتركيا بمنطقة يوزغاد

يوم الكم جميعا وانشالله نسمع اخباركم الحلوة
وانشالله تكون مواعيد طيران بالجملة من عمان و باقي الدول ايضا


مرحبا اخوان انشاءلله بالف خير..اخوان هذا الخبر نشرو واحد من الزملاء عن مواعيد سفر كثيرة في تركيا ...يعني ليش تستغربون ان ينطون مواعيد كثيرة بلبنان ؟؟لعد هذا الأخ هم كلامه مو صحيح؟؟ وشنو مصلحة الأخ او مصلحتي بأن ننشر اخبار كاذبة؟؟
بس العتب مو عليكم العتب علينا احنا وننشر هيجي اخبار.. ومع ذلك تمنياتي للجميع بالســـفر القريب
وهذا رابط بالموضوع


http://www.ankawa.com/forum/index.php/topic,550265.0.html

[jack black]

اخي المهاجر بارك الله بك لنقل الاخبار المفرحه والله المعنويات هابطه  مثل متكول وحياك الله ياطيب

[علي ياسين]

اخوان اني من لبنان والخبر صحيح مية بلمية وكل اللاجئين هذه الايام يحجون بلموظوع ولكن الاخ مهاجر نشر الموظوع قبل ما ينتشر

عاشة ايدك اخوية وهاجر وانت دائما اخبار صحيحة وحتى توقعات صحيحة دائما

[so soft]

اخي المهاجر

اولا: اتصور  لو هناك من يتهمك بأنك اتخاف من العين او حتى كان يمزح معك اكيد جان اضوج وخاصة اذا الخبر ليس صحيح ...ليش؟؟؟ لانك بذلك خليت البعض يتكلم على اهل كروب لبنان على انهم ما يتكلمون وضامين الخبر ...والذي هو ليس بحقيقي
واتصور ردود الاعضاء اعلاه يؤكد كلامي ...

ثانيا: اتصور كروب اهل لبنان ... نفوا  صحة الخبر ...واجابوك انهم لم يسمعوا بذلك بالمرة

ثالثا: والاهم التلاعب في اعصاب الغير اعتقد صعب والله شنو حتى نرفع المعنويات كم يوم

شنو الفائدة من رفع معنويات على اخبار  زائفة وليست بحقيقية ....

خوبين كل واحد يكدر يصفط كلام ويكول رح ايسافر 200 شخص بدل ما يكول 100

ماتكلي انت ليش تحكي من كيفك ليش الرجال يكذب اني اعرف 5 عوائل هنانا بامريكا كالو راح يجو اقربائهم 31 بهذا الشهر مايصير تفتري من يمك على الرجال انتبه على كلامك

اخ بدكو....
انتبه انت على كلامك ...انا لم افتري على احد بل اخينا المهاجر هو الي اتهم الاعضاء بعدم البوح بخبر السفر والي همه نفوا سماعه بنفس الوقت ...اشو حضرتك لم تقل له لا تفتري على احد ولاتتهم احد بكتمان الخبر  قبل التأكد من ان الناس سامعين بالخبر ام لا ؟؟؟ اخاف يطلع المهاجر صاحبك وكاعد ادافع عن كلامه المسألة واضحة للعيان لانه جان على الاقل تنصحه بعدم توجيه اتهام الى الاعضاء بعدم بوح خبر السفر
وانا ما اتكلم من كيفي ...انا تأكدت من اصدقاء لي ومن جماعة لبنان نفسهم والي همه اكدوا انهم ما سامعين
وبعدين اكو فرق بين 5 عوائل وبين رقم 100 شخص او كلمة سفر بالجملة !!!!!!!!

اذا حبيت ان تعقب على كلام شخص ما .....فانصحك ان تعقب على الطرفان بالحق وماكو داعي للتحيز

ولا داعي ان يوجه اتهام الى الاعضاء انهم يكتمون خبر السفر ...ويؤذي مشاعر الغير

كلمن يريد يصفط كلام ...خلي يصفط  براحته بس بدون اي  اتهامات للغير او  جرح مشاعرهم

[mrooka]

سلام ومحبة للجمبع
اخوان كل عام وانتم ابالف خير وعافية وهذا اهم من السفر
ثانيا انتو عليش عتجادلون على مصداقيت الخبر ليش هو السفر بالاعداد الكبيرة او الصغيرة للسفر هي الشغلة كلمن خلصة اجرااته راح ادزولة موعد السفر ف القصد اذا الشغلة بالجملة او بالمفرد هي كلمن وقسمتا لان بالايام الي كان السفر بالجملة اكو ناس ماسافرو وبهالايام الي السفر بي شبه متوقف هم اكو ناس دسافر فالمشكلة ليس بعدد الي راح اسافر بل بحالة كل كيس  وضروفة 
مع احترامي لجميع الاراء

[asad3333]

انشاءالله يسهل اللكم بالسفر لكل المغتربين الموجدين في كل البلدان العربية السفر باسرع وقت ونسمع اخبار زينة عنهم

[المهــــاجــر]

شلونكم اخوان انشاءالله بالف خير  ...اليوم اريد اقدملكم دليـــل آخر على صحة كلامي بحصوص مواعيد السفر في لبنان ..وان انا ما نشرت الخبر بدون ما اكون متأكد منه  ... تمنياتي لكم بالسفر القريب ..


 الكاتب    موضوع: فعلا اكو مواعيد سفر من لبنان وبكثرة  (شوهد 29 مرات)
kunda
اداري
عضو مميز جدا

 متصل

رسائل: 3408


 
   
فعلا اكو مواعيد سفر من لبنان وبكثرة
« في: اليوم في 01:16:48 pm »

مرحبا ..
قبل فترة انثار هذا الموضوع بالمنتدى ...وبصراحة ماكان عندي معلومات اكيدة لذلك انتظرت حتى اتأكد منها يالله انشرها بالمنتدى
وفعلا تاكدت انه الجماعة متصلين بعائلتين من معارفي على موعدين مختلفين بشهر الواحد وبعد ان باركتلهم على مواعيد سفرهم ,سألتهم اذا اكو بعد مواعيد فاخبروني بانه اتصلوا ايضا بجيرانهم واصدقائهم وهمة الان سامعين باربعة مواعيد طيران على الاقل في شهر الواحد .
ان شالله تفرج على الجميع وشكرا
ومبرووووك مقدما لكل من اتصلوا او سوف يتصلون به هذه الايام
تنبيه للمراقب     سجل