اخون اذا شخص متعيين ويطلعلة السفر ؟؟؟

[جاسم الحلي]

السلام عليكم اخواني واخاوتي العنكاويين قبل كلشي انشاء لله بل القريب العاجل الكل اسافر والله يسهل عليكم واني هم وياكم عندي سؤال
:هو هل من الممكن اذا شخص متعيين بصحة ويطلعلة السفر اذا الله سهل يكدر ياخذ اجازة سنه من الجكومه العراقيه حتئ ميضيع المشيتن ارجو الرد وانشاء لله ربي الله يسهل اموركم ؟

[iraqi_pride]

حسب سنين الخدمة مالتك ... الي خدمته قليله ما ينطو سنة كاملة

[Edy Simon]

السيد ابو الموضوع
انته لازم اتقرر اما تبقى او تستمر في وظيفتك, او خاصة انته جديد متعين, او تترك وظيفتك او اتقدم للتوطين...
الاجازة ما اتصور يستحقها شخص جديد متوظف
تحياتي
جوسي البغدادي

[كرك]

عوف السفر وابقة بالتعيين هو يتحصل تعيين بهذا الزمن 

[جوني جاك]

اخي العزيز
اخذ اجازة سنة بدون راتب بس اعتقد هي من صلاحية الوزير حصرا وتختلف حسب الوزارة اللي انت بيها
زين
الشي الثاني انو قرار رؤسائك المباشرين كلش مهم من مدير الشعبة وانت طالع
ثالثا الاجازة مالتك متنحسب خدمة فقانونا الموظف اللي متعين صارلة يوم يصير ياخذ اجازة لان مو محسوبة خدمة
رابعا الحقارة موجودة بكل مكان بدوائر الدولة واذا سمعوا تسافر ( وهجرة خصوصا) يحقرون وياك فسويهة مرضية وجيب تقارير مال احد اقربائك مريض ( لاسامح الله ابوك اخوك عمك خالك عمتك امك خالتك بيبيتك اي واحد قريب عليك جدا عندة تقارير ارفقهن بالطلب)
خامسا الشغلة ينرادلهة تعب
سادسا اذا منطوك سنة حاول تاخذ اقل والواسطات ما اوصيك بيهة
سابعا اذا منطوك اجازة اخي العزيز بالطكاكية اضربهة للوظيفة لان مابيها مستقبل مقارنة بامريكا
وانت وقرارك بس نصيحتي الك اذا منطوك اجازة اضرب الوظيفة بالحائط وسافر
وتقبل مروري واتمنى ان اكون قد فدتك
اخوك
جوني جاك

[alany]

اخوية  اني حالتي  مشابهة الى حد ما ...

يعني  متعين جديد  و عالصحة

و دا ادرس هذا الموضوع

بس اللي  وصلني  انه الصحة ما ينطون الا اذا اجازة مرضية و احيانا يسوون لجنة تقرر هذا الشي

و اني  مستمر بالبحث و التقصي 

و اذا اكو شي جديد خلينه نتواصل

تمنياتي بالموفقية


alany

[Banjamen]

السلام عليكم اخواني واخاوتي العنكاويين قبل كلشي انشاء لله بل القريب العاجل الكل اسافر والله يسهل عليكم واني هم وياكم عندي سؤال
:هو هل من الممكن اذا شخص متعيين بصحة ويطلعلة السفر اذا الله سهل يكدر ياخذ اجازة سنه من الجكومه العراقيه حتئ ميضيع المشيتن ارجو الرد وانشاء لله ربي الله يسهل اموركم ؟

الله يكون بعون كل واحد يمر بهيج موقف ,,  صدك صعب جدا

[camaro2011]

اخي العزيز الشغلة كلش شغلة سويلك طلب وارفق ويا تقرير طبي مثلا لا سامح الله ابوك او والدتك مريضة او راح اتروح وياها للعلاج خارج القطر او ثق الموافقة تجي ابلمح البصر هما بس ايريدون واحد يطفر حتا لاياخذ فلوس

[iraqi_pride]

لااااااااا ما يصير يكول راح اسافر لان لازم موافقة وزير و الوزير ما ينطي اجازة سفر سنة ... و الخوش اواااااااااااادم مليانننييييييييييييين بوزارة الصحة !!!

[ALBERT.]

أخي العزيز في قانون الدولة العراقية من حق اي موظف لديه خدمة سنتين أو اكثر أن يحصل على اجازة لمدة سنة بدون راتب ولاتحسب له خدمة لأغراض الخدمة والتقاعد.
طبعا هذا الكلام عن تجربة شخصية.
وأنصحك نصيحة من أخ لأخوه لالالالالالالالالالالالالالالاتضيع وظيفتك وحتى اكون دقيق اكثر لتضيع المشيتين .حصل اجازة باي طريقة وروح جرب حظك والتوفيق من الله سبحانه وتعالى.

[عمر المترجم]

ابو نصيف عيني اني لو تعين صحه مثلك جان مافكرت اسافر اني ظيعت المشيتين لا سفر ولا تعيين

[*iskender*]

شلون ناس بطرانه على ربها متعين ويراد يسافر شنو اخويه انته تريد تاكلها للدنيا عمي العالم ممحصله شغله
وانته متعين وتريد اتسافر اكو ناس لا محصله شغله ولا محصله تعيين ولا محصله سفر وانته تريد التعيين والسفر اثنيناتهن يعني رجل بلتعيين ورجل بأمريكا شنو هالناس مده افتهم صدك متشبع عين البني ادم الا عفنه من التراب
اخواني لحد يزعل عليه تره ما اقصدكم

[اسراء بغداد]

السلام عليكم اخواني واخاوتي العنكاويين قبل كلشي انشاء لله بل القريب العاجل الكل اسافر والله يسهل عليكم واني هم وياكم عندي سؤال
:هو هل من الممكن اذا شخص متعيين بصحة ويطلعلة السفر اذا الله سهل يكدر ياخذ اجازة سنه من الجكومه العراقيه حتئ ميضيع المشيتن ارجو الرد وانشاء لله ربي الله يسهل اموركم ؟

اخوية اذا تريد تاخذ الكرين كارد وترجع

ترة الكرين كارد ورة السنة يلة تقدم عليه يعني تحتاج اكثر من سنة
 ورة متاخذ الكرين كارد لازم كل خمس اشهر ترجع الى امريكا

اني اعرف هذا المو ضوع كلش حيرة بس اخوية لازم تدرس الموضوع زين علمود متتندم بعدين

تحياتي

[لاجىء محتار]

اخي العزيز ... سنه فتره غير كافيه الك لكي تستقر وتقرر البقاء لو العوده ... اخواني رجاءاا حاولوا تستفادون من خبرتنه بهذا الموضوع ... امريكا بلد كلشي بي مختلف ... اكيد راح تحتاجون فترة زمنيه علمود تتاقلمون ويه القوانين واسلوب الحياة الجديده ...

[الريم 2000]

اخي اولا السلام عليكم هاي هواية ردود من الاخوة والاخوان وكلهاا ماشالله شافية بس بصراحة رد اخونة جونى جاك والفقرة السابعة هية الانسب والامثل بكل ردة وانى مع راية وانت القرار الك وانشاللة كل الخير وماتتندم لان ماكو شي يندم علية بعد اللي ديصير بلعراق  وهاي راي وانشالله الصراحة حلوة ومتضوج منهاا الله الموفق -----اختك زينب

[مغترب بلا وطن]

اخذ اجازه قبل موعد السفر بكم اسبوع وتعال جرب حظك يجوز لا سامح الله ما تتوفق باميركا

[مدام كوري]

السلام عليكم اخوية
والله اني هم جانت عندي نفس المشكله
وعندي خدمة 3 سنوات واخذت اجازة سنه بدون راتب كللت كلشي يصير بلكي متوفقنة عود نرجع
بس بصراحه الي يجي لهنا ميفكر يرجع والاسباب كثيرة
وكللللللل الي يكولون راح نرجع محد بيهم طلع سم من المجمع مالته
انت استمر بعملك ومن يخلوك على الجدول مال سفر قدم على الاجازة والله كريم

[abo shams]

السلام عليكم اخوية
والله اني هم جانت عندي نفس المشكله
وعندي خدمة 3 سنوات واخذت اجازة سنه بدون راتب كللت كلشي يصير بلكي متوفقنة عود نرجع
بس بصراحه الي يجي لهنا ميفكر يرجع والاسباب كثيرة
وكللللللل الي يكولون راح نرجع محد بيهم طلع سم من المجمع مالته
انت استمر بعملك ومن يخلوك على الجدول مال سفر قدم على الاجازة والله كريم

هذا خصم الحجي و اللي جاوبك مجرب يعني احسن من الحكيم خوش ... هسه اخويه بعد لا اتلح و اتعيد السؤال مرة اللخ و طفي جهازك و شيل الفيشه و ريح بالك من تحشيشه

[مــودي]

ني اكول السفر احسن من العراق العظيم