الحمد الله حصلت الكوم ابروفال و ارجو المساعدة لتكملة المشوار

[Birch]

السلام عليكم اخواني و اخواتي الاعزاء

الحمد الله و الشكر حصلت الكوم قبل يومين بعد ايام عصيبة ,لانه مثل ما شرحتلكم سابقا اجاني رفض و الحمد الله و الشكر انحلت القضية و اني هسه ممصدك نفسي الله يخليكم ساعدوني لانه كل شوي يصير عندي هبوط و ممتخيل نفسي حصلت الكوم ابروفال و كان حلم.

اولا اريد اشكر كل الاخوان و الاخوات الي ساعدوني و نصحوني و شاركوا ولو بكلمة طيبة في مواضيعي و اتمنى من جميع الاخوان و الاخوات ان ميقصرون ويايه حته اكمل عملية التقديم للنهاية و ممنون منكم مقدما.

قبل ثلاثة ايام رسلولي رسالة و بغلوني بانه حصلت الكوم ابروفال بس اني لحد هذه الحظة ممصدك نفسي لانه اني قدمت قبل اقل 3 اشهر و صار عندي تاخير بحدود الشهر بس الف الحمد الله و الشكر فرجت و ان شاء الله تفرج بوجهكم بحق محمد و ال محمد.

اني جيكت الكوم ابروفال و كلشي مطابق بيها ,يعني الرقم مال NVC و تاريخ التقديم و الاسم و المواليد .هسه دكولولي و ساعدوني هاي هيه لانه خايف اطلع مو اني و تصير بيه نوبة قلبية و اموت.

اذا كلشي اوكي دبشروني لانه يريدوني ارسل للاوراق للنبراسكا و اقدم استمارة I360   و يريدون اترجم الاوراق الي بالعربي....الخ.

اسف على الاطالة و ممنون منكم اخواني و اخواتي الاعزاء.

تحياتي

اخوكم بيرج

[ام الهنا]

 انا دخلت لاقدم لك التهنئة ومبرووووك ، واتمنى لك التوفيق .
وان شاء جميع المرفوضين تفرج عليهم .

ام الهنا

[malak.ali]

اي شي تحتاج اخي العزيز هنا بيتك واخوانك وخواتك واحنه حاضرين

[need justice 1]

السلام عليكم
اخي الغالي اولا الف مبروك حصولك عالكوم وان شاء الله تتيسر امورك بكل الخطوات والمراحل اللاحقة .
سؤال بلا زحمة , اشلون اجاك الرفض بالبداية وليش واشلون تعدلت ؟
عموما اي شي تحتاجه بالمراحل اللاحقة احنا بالخدمة وممنونين نوكف وياك بكل الخطوات ان شاء الله .
هسه ارسل الفورم 360 ونسخة من الكوم وبقية المستمسكات المطلوبة لنبراسكا ولا تنسى تترجم كلشي .
وراها خل نشوف جواب نبراسكا شنو والله كريم بالمرحلة الوراها .
بالتوفيق

[steven_siv]

خلص ليش الخوف جان اكو غلط واتصلح وهذا من حسن حظك المهم انت باشر بالمرحلة التالية واللة يوفقك ويوفق كل واحد
تحياتي

[Birch]

شكرا اخواني و اخواتي الاعزاء (ام الهنا ,malak,need justice,steven,tamata) و ممنون منكم على كلماتكم الحلوة و المشجعة.

بالنسبة للاخ العزيز need justice , اجاني رفض قبل تقريبا شهر و اعتقد انته أو عضو ثاني وضحلي بانه استفسر منهم ليش سبب الرفض .هم كانوا كاتبين بالرفض بانه مقدم طلب بشهر 6 -2011 و اني مرفوض لانه ممقدم خدمات للحكومة الامريكية أو العقد كان منحة.

بعدها بغلوني بانه احد الاشخاص الي موقعين على الاوراق للاج ار لتر فرفيكيشن نكر التوقيع , وبعدها اني اتصلت بالشخص الي ارسل النسخة بالاميل و بلغوني بانه صحيح صار خطا بالموضوع و قعها شخص ثاني و و الحمد الله مشت الشغلة.

بس الغريب بالشغلة اني حته السوبرفايزر ممبلغني بانه متصلين بيه و الحمد الله مشت الشغلة و الله يفرجها بوجه الجميع ان شاء الله.

اخواني و اخواتي ,دفهموني بالضبط شنو اسوي تره اني ممفتهم شي شنو الخطة الجاية .بس فهمت بالاميل لازم ارسل للاوراق للنبراسكا و من ضمنها الكوم ابروفال و فورم I360  .

ممكن رجاءا شنو اسوي بالضبط؟ شنو اترجم ؟ و اشلون املأ الفورم I360 ؟

تحياتي

[need justice 1]

أخي العزيز تعذرني والله هاي الصينية ما بقت عقل عندي يتذكر اي والله نسيت
صحيح انا رديت بموضوعك السابق .
على العموم الحمد لله تعدل كلشي وطلع الغلط منهم .
هسه خلنا بالمرحلة الاحقة وهي مرحلة الفورم 360 وارسال الاوراق الى نبراسكا.
الاخ طماطه يكول صاير تحديث وهاي ما نعرف بيها لان على ايامنا كان الخطوة التالية ورا الكوم هي ارسال الفورم 360 ونسخة من الكوم والفورم 157 والمستمسكات الاخرى الى نبراسكا بواسطة البريد ولازم يكون عندك عنوان بامريكا تكتبه بالفورم علمود يستلم الريسيبت . هسه الاخ طماطه يكول صاير تحديث وهاي اول مرة نسمع بيها . بالرسالة مال الكوم شنو كاتبين لك امشي عليه
اذا كاتبين لك ارسل الاوراق لنبراسكا عبر البريد توكل بالله كملها ودزها واذا ما كاتبين لك ارسل رسالة للسفارة على هالرابط استفسر منهم شنو راح تسوي http://iraq.usembassy.gov/ivform.html
اي شي تحتاجه بالفورم 360 انا حاضر وبالخدمة ادز لك نسخة على ايميلك وهذا ايميلي echo9ankawa@yahoo.com
واي شي تحتاجه بالخطوات اللاحقة امانة برقبتك لا تتردد تراسلني وانا خادم .
بالتوفيق .

[Birch]

شكرا اخي العزيز need justice  و ممنون منك و الله يوفقك .ان شاء الله راح اضيفك على الاميل و افهم الخطوات القادمة.

اني بصراحة ترة كلشي ممفتهم من الخطوة القادمة .

[Aiham_]

هو شنو الكوم ابروفل , شيسوون بي 

اسمع من عمك ايهم و نفذ بالحرف الواحد تحظر الملاعيب هاي

1- جنسيتك و شهادة الجنسية مصورة نسخة و نسخه مترجمة و موقع عليها و خاتمها المترجم و تكدر اترجمها مثل ما سويت اني بمعهد المستنصرية للغات الي يم الجامعة التكنولوجية
2- نسخة من جوازك ملونة
3- الكوم ابروفل نسخة من عندة
4- استمارة I-360 تترسها مضبوط و اي سوال عندك بخصوص هاي الاستمارة احنة حاضرين

تروح لمكتب ال دي اجل الي بشارع الصناعة هاي اذا انتة من سكنة بغداد لان اني دزيتها مناك و خلال 5 ايام وصلت الى نبراسكا

كلفة الطرد 45 دولار

 و ابوك الله يرحمة وراها تنتظر و راح يدزولك جماعة ال ان في سي يريدون بقية الاستمارات و احنة وياك نساعدك

[Birch]

شكرا اخي العزيز ايهم و تسلم و متقصر و ان شاء الله سنة 2012 كلها خير و تحقيق الاماني.

اخي ايهم افهم من كلامك ماكو حاجة ان اصدق الوثائق المترجمة؟

و حاليا ميحتاجون صورة قيد 57؟

و انته تكول ارسلها DHL  ماكو بيها خطورة لانه اني بايك طن هوه  من سوالف الي مريت بيها؟

تحياتي

[Aiham_]

مو طلعتلك الزبدة من الثلاجة و انطيتكياها 

سوي كل الي كتلك علية بالحرف الواحد لا تصديق و لا بطيخ و لا ركي و لا صورة قيد حاليا  لحد ما يجيك الرد من نبراسكا

[ابو فرقان]

الف مبروك اخي العزيز يويم السفر ان شاء الله