اخوية العزيز ان شاء الله اول متوصل الاي دولة بأوربا عدا بلجيكا إذا تريد ترتاح يوم بفندق او تركب قطار وعدل وكبل البلجيكا او بالباص
اتسلم نفسك وقبلها تخفي جوازك عد احد وابد لتتلفه وتمزق كل التكتات الخاصة بالباص او القطار الراح تجي بي لازم ابد متنطي اي لزمة عليك انو انته جنت بأي دولة اوربية وبعدين من اسلم نفسك اتكلهم انته اجيت تهريب عن طريق الشمال وبعدين تركيا وبعدين حطوك بشاحنة وورا 20 ساعة مثلا لكيت نزلوك ابمكان واخذوك بشاحنة ثانية او حطوك بقطار او اخذوك بسيارة وبعدين ورا مثلا 12 ساعة لو 20 ساعة لخ نزلوك وكلولك اتسلم نفسك عد هذاك المبنى هذا الحجي كله والدنيا ليل ابد متكلهم الدنية صبح جانت يعني تنقلك كلة الدنية ليل حتى من يكولولك اوصفلنة المكان الانت جنت بي تكلهم مشفت شي وجنت تعبان ونعسان هاي الحجي كلة انته لازم اترتبة وتسلسلة وتأليف واخراج ويرادلك كعدة ويا نفسك حتى يكون انتاج مميز
بعدين تكلهم قصتك المدعمة بوثائق وادلة واهم شي تقنعهم انو رجعتك للعراق بيها خطر على حياتك شخصيا وان شاء الله خير
اما راح تاخذ لجوء او لا ... وان شاء الله تاخذ هية تعتمد على اوراقك واثباتاتك اولا واخيرا إذا مترجم واثباتاتك قوية تاخذ يسرعة اما إذا مومترجم او ممشتغل ويا الشركات الامريكية او ويا الامريكان عموما فتعتمد على قضيتك والأثباتات والوثائق وهية هسة داطول لان اكو شوية زخم عدهم واعتقد من ورا الكرسمس همين عموما دطول 10 اشهر اعرف مترجم اخذها ب 4 اشهر واعرف شخص عادي اخذها ب6 اشهر واكو شخص صارلة 10 اشهر وبعدة مماخذها بس ان شاء الله ياخذها لان همة مدا يرفضون احد بس القضيته حيل تعبانة وممقنعة وهم ميرجعو بس يأخرو هواية هاي حسب معلوماتي والله اعلم
اما على موضوع لم الشمل بجاوبت عليه برابط الدزيتلكيا ومكانة اخر رد بالرابط حاول تقرأ كل الردود لان تفيدك وهم حلزكة الك هنا وتدلل
السلام عليكم ورحمة الله
اخواني كثرت بالايام الاخيرة تساؤلات بين الناس (من خارج او داخل المنتدى) عن الوضع الحالي في بلجيكا من ناحية تقديم اللجوء والطريقة ولم الشمل والرفوضات الصادرة من لم الشمل او من بعض الاخوان السمعوا انو اصدقائهم او اقاربهم انرفضوا من بلجيكا فحبيت انقللكم هذا الأخبار المؤكدة بأذن الله حتى يكون علم عند الجميع بالديصير حاليا في بلجيكا وهي:-
1- لا زال اللجوء في المطار بنفس التوجيهات القديمة !! (هاي إذا حبيت اسلم نفسك بالمطار )
2- ليس هناك حالات لرفض لم الشمل بل هناك تحديد جديد وهو اذا منحت الاقامة ولم تقدم طلبا للم شمل عائلتك خلال السنة الاولى فسوف يسقط حقك في لم شملهم . التعليمات تطبق بالحذافير .. ولا يرفضون لم الشمل الا لمن تجاوز او عنده مشاكل في المعلومات والمستمسكات المطلوبة !! ولازم يكون عندك عمل وان لايقل راتبك الشهري عن ( 1229 يورو ) تقريبا وتقدم لك كل المساعدة في الحصول على عمل بعد اجتياز كورسين لغه بالنسبة للساكنين في المنطقة الفلامانية علما يسمح لم الشمل لاصحاب الاقامة المؤقتة من اللاجئين والحاصلين على دعم OCMW-steun في السنة الاولى من حصوله على الاقامة.
وأذا اجاك رفض لم شمل وعندك كل المذكور الافضل انو توكل محامي (بس مو دليمية حتى لا يثكل ) لان احتمال جبير اخو خطأ بسيط بالموضوع مع اخذ المستمسكات المطلوبه للمحامي مثل فترة الاقامه اقل من سنه ومايثبت مثل عقد زواج مثل صورة قيد مثل جناسي مثل حفله الزواج فيدو وصور مثل عقد اجار في بغداد او سند ملك مثل تائيد من المختار او المجلس البلدي يثبت ذلك مثل شهود موقعين على ذلك وغيرها من الاثباتات.....
http://www.kruispuntmi.be/vreemdelingenrecht/detailnieuwsbr.aspx?id=15416في الرابط اعلاه تجدون التعليمات الجديدة بخصوص لم شمل عوائل من طالبي اللجوء في بلجيكا اعتبارا من 22-9-2011 علما ان التطبيق يكون مباشرة بعد هذا التاريخ ولاتوجد فترة انتقاليه لتطبيق القرار يعني حتى من قدم لجوء قبل هذا التاريخ ومامكمل معاملة لم الشمل ايضا لابد ان تسري عليه التعليمات الجديدة
3- هناك بعض من اللاجئين ترفض طلباتهم للجوء وخاصة القادمين من جنوب وشمال العراق ! ومن يقدم اوراق مزورة انه قادم من الموصل او بغداد او الرمادي او صلاح الدين او كركوك او ديالى فأن طلبه يرفض.
4 اللاجئين القادمين من بغداد والمحافظات المذكورة الاخرى يكونون مفضلين ويحصلوا على النتائج اسرع . ولو كانت مستمسكاتهم قليلة... وبقية المحافظات تعتبر أمنة لذلك نسبة قبولهم ضعيفة جدا ومع هذا لا يوجد تسفير قصري في بلجيكا والحمد لله
5- القادمين العسكرين المستمرين بالخدمة الى الان من الجنوب او الشمال فيحصلوا على اللجوء اذا اثبتوا انهم هربوا لانهم ملاحقين من قبل الميليشيات.
6- لا تغييرات حول اللجوء بسبب الحكومة البلجيكية الجديدة فنحن لسنا في دولة عربية بل هناك نظام يستمر في العمل ولو بقيت الحكومة بدون رأس ل 10 سنوات ,
تحياتي واحترامي للجميع وهذه المعلومات دقيقه ومن مصدر موثوق وكافي اشاعات ولعب بأعصاب الناس لان الي بيهم مكفيهم كلمن نام وكعد من النوم حلم حلم صارت اشاعه وانتشرت
وان شاء الله السفر والموفقية للجميع واي سؤال او استفسار اني حاظر وتدلل
