الاخوه اللاجئين المتواجدين حاليا في امريكاسؤال عن مدارس ورياض الاطفال

[$$$$$]

اخواني عندي سؤال محيرني ومدا اعرف جوابه اذا الطفل عمره مثلا 6 سنوات يعني مستحق صف اول ابتدائي او اصغر او حتى اكبر شلون راح يدخل مدرسه هناك مراح يفتر عنده الديلكو من عربي الى انكليزي وشلون راح يكدرون يتعاملون وياه وشلون راح يكدر يفتهم من البدايه الى ان يضبط امور اللغه؟؟؟ هل اكو مدارس عربيه ويعلموهم شويه شويه انكليزي لو شلون؟؟؟

اشكركم مقدما على الردود


اخوكم  $$$$$

[$$$$$]

شنو ماكو عراقيين بامريكا عدهم اطفال بالمدارس؟؟؟ همتكم يمعودين

[ام الهنا]

شنو ماكو عراقيين بامريكا عدهم اطفال بالمدارس؟؟؟ همتكم يمعودين

اكو عراقيين عدهم اطفال بالمدارس اخويه $$$$$ ، والافضل تطرح موضوعك في الحياة العامة ، واحد من الاخوة TO US طرح موضوع عالمدارس والاخوة ديجاوبون عليه ، وان شاء الله ربي يسهل امرك وتسافر وترتاح .
وبالتوفيق ....

ام الهنا

[لاجىء محتار]

اخي العزيز ... اطمان ولاتشيل هم ... الطفل عنده قدرة على الاستيعاب بسرعة كبيره ... بمجرد ان يعيش وسط الاطفال تلقائيا يبدي يغرد ... طبعا المدرسة مالته راح تعرف انو هو لغته الاصليه العربيه فيبدون يركزون علي اكثر ... واكو بكل مدارس امريكا برنامج خاص  ESL  وهو باختصار للطلاب اللي اللغة الانكليزيه هي اللغة الثانيه ... وهذا يشمل كافة الجاليات الاجنبيه ... فتبدي مدرسه خاصه تنطي للطفل كل يوم ساعه تقويه ... و بالتدريج يوصل الطفل الى مرحلة الاكتفاء ... وراح اتكون اسرع مما تتوقع ... من خلال تجربتي مهم جدا الاطفال يرحون للروضه علمود من يوصلون لمرحلة الابتدائيه اتكون لغتهم ممتازه وميحتاجون لاي دروس تقويه ... بس طبعا اذا همه وصلوا امريكا بعمر الابتدائيه فمثل مكتلك درس التقويه موجود وفعال جداا .

[$$$$$]

شنو ماكو عراقيين بامريكا عدهم اطفال بالمدارس؟؟؟ همتكم يمعودين

اكو عراقيين عدهم اطفال بالمدارس اخويه $$$$$ ، والافضل تطرح موضوعك في الحياة العامة ، واحد من الاخوة TO US طرح موضوع عالمدارس والاخوة ديجاوبون عليه ، وان شاء الله ربي يسهل امرك وتسافر وترتاح .
وبالتوفيق ....

ام الهنا

اختي العزيزه ام الهنا ربي يوفقج ويحفظج ويسهل امرج

[Safaa Alkhrkhy]

انتة شيل هم الى نفسك شلون تتعلم انكليزي ولاتشيل هم بالنسبة للطفل مالتك يتعلم انكليزي بكم شهر وراح انتة اتشوف شلون تبدي تساله عن هواي شغلات بالانكليزي...!!


ابو سارة

[beautiful angel]

up