موضوع محير siv

[bob2011]

مساء الخير الى الجميع طبعا اني اسف لقلة مشاركتي بالاونة الاخيرة لكن ضروف العمل واريد اسال على موضوع مهم بالنسبة الي وارجو المساعدة طبعا موعد المقابلة مالتي اني وعائلتي كان بشهر الخامس من سنة 2011 وبعد ما كملت زوجتي كانت حامل اجاني طفل والحمدالله وره ما كملت كل اجراءات الجنسية والشهادة وبيان ولادة وترجمة الاوراق والجواز سويت نسخ ودزيتها الى السفارة عن طريق الايميل جاوبوني انه عندي مقابلة في شهر الثاني بسنة 2012 لكن السؤال وين هل هوه طبيعي يسولي مقابلة بدون مايدزون يكلولي كمل الاستمارة الفلانية والاستمارة الفلانية والغحص الطبي اني بصراحة شفته فد موضوع غريب وضليت دايخ ومادري شسوي ادزلهم ايميل اكولهم انه تريدون مني اكمل الاستمارات واجيبها ويايه لو اغلس بصراحة دايخ واذا اكو احد مار بي نفس الموقف ارجو ان يوضحلي ولو اخرت الشرح عليكم واشكركم على الردود مقدما اخواني الازعزاء

[$$$$$]

اخوية العزيز هيه مال تغليس دزلهم انكوايري واسئلهم على هاي الاسئله بس بطريقه واضحه لان مرات مطايه حشى السامعين ميفتهمون لذلك فصل الموضوع اكثر واكتبه بصوره واضحه وهذا اللنك مال الانكوايري

http://iraq.usembassy.gov/ivform.html

[محارب]

اخي عالانكوايري افظل بس من تروح لمقابله مال طفلك الله يخليه اخذ وياك كل المستمسكات اللي سويتهه لنفسك ما عدا العدم محكوميه (الجنسيه , شهادة الجنسيه, جواز, دي اس157, دي اس 230 أو 260, الفحص الطبي, قيد 57, بيان الولاده)
طبعأ جميع الوثائق لازم تكون مترجمه وانت اكيد تعرف كلش زين بس مبين عليك متعاجز وتريد تغلس

تحياتي
اخوك
ابوسمسوم

[الفرج2]

اخي العزيز صايره هذه الحاله  , اذا طلبوا منك بالتعليمات اخذ النسخ الاصليه واعطائها الى السفاره من كل وثيقه ما دازها او دازها استنساخ فقط . احد اصدقائي هم تعجب وقال , هذوله حتما غلطانين عينولي مقابله واني بعد ما مكمل الاوراق .  وبعث لهم مسج استفسار عن بقية الوثائق فأجابوه ان يأخذها الى السفاره مباشرة .  ويستحسن للتأكد ان تبعث لهم استفسار وضح فيه كل شيء .





الفرج2 ............................................................ ان شاء الله .

[steven_siv]

اكيد ميصير وحاول تستفسر منهم ولاتروح اذا ماكملت اوراقك