الناس مو كلها سوى

[aboMareo]

                 الناس مو كلها سوى


ناس منهُم  ًكلبنا  أنجِوى   ×××   و ناس منهُم  لجرحنا  دوى
 مثل الأصابع  بالأيدين       ×××       الناس مو كلها سوى

×××××××××××××××××××××××××××××××××××

 غريبة الدنيا وأطباع  البشر
         بيها الطيب و ال  ما ينحزر
                   منو  الوياك  ومنو العليك
                      الزين  ألي يلمـك  لو تنكسر

                حُب و خِـداع   و   كُل يوم  بقِناع
                 و الـًكلب  يامَ  من ألأحزان أرتوى

××××××××××××××××××××××××××××××××××××
 
 يـًكولون الدنيا بعدها بخير
             وين ألي  يفكر بالغير
                      من قساوت  ًكلبنا   
                           هجرنا  حتى  الطير 

 وين الحنان ألجِان   **   بـًكلب كـُل أنسان
 وسفة غيرنا الزمان **  وسفة الحُب أنطوى                       

×××××××××××××××××××××××××××××××××××××

          شكد حلو ذاك الوكت 
                    ليطيح  بينا  نعـينا
                           ليش   تغير طبعنا
                           و تغير حتى الوفا البيـنا

 تاهت علينا أطباع الناس  ***  ومن سوالفهم شيب الراس
            ناس داخلهم ظلام و ناس داخلهم ضوى

×××××××××××××××××××××××××××××××××××××

ناس منهُم  ًكلبنا  أنجِوى   ×××   و ناس منهُم  لجرحنا  دوى
  مثل الأصابع  بالأيدين     ×××       الناس مو كلها سوى


† ليحميكم الرب †

                    أخوكم/  ابو ماريو 

[alkoshmena]

عاشت ايدك اخي ابو ماريو يعني مثل ميكولون انت كسرت المنتدى بي اشعارك الحلوة واني معجبة بيك وباشعارك كلش هواية اتمنى ان تتحفنا با المزيد من هذي الاشعار الحلوة



    شكد حلو ذاك الوكت   ليطيح  بينا  نعـينا
          ليش   تغير طبعنا  و تغير حتى الوفا البيـنا



باي  مينا

ليحميك الرب

[/font]

[sarina patio]

اخي العزيز ابوماريو كلمات جدا رائعه

 
 لم أسمع عن قصة حب خاليه

من العذاب

السهر

الألم

والا لما أسميناه حباً

الحب محطه رائعه في حياتنا

بحلوه ومره

سواء انتهى الحب اواستمر

يبقى ذكرى جميله

يتردد بين جدران قلوبنا

كلمات جميله
سلمت

أختك 
ساينا

[aboMareo]

شكراً أختي العزيزة مينا هذا  من ذوقج  وأنشاء  الله ما  خيب  ظنج  وهذا  فخر  الي  تسلميلي عززتي  .

شكراً اختي  العزيزة  سارينا على كلماتج الجميلة >>>
. و كسر  البحر  كل  السدود حاملاً معهُ همسات بلا حدود من قلب  كالبستان يملء أشعاري بكلمته التي  مثل  الورود .

† ليحميكم الرب †

                    أخوكم/  ابو ماريو 
 

[alkosh mena1]

 اخي ابو ماريو لا داعي للشكر انت تستحق تكون شاعر بكل جدارة على كلماتك الحلوة الي تدخل القلب بدون استاذان
باي
مينا

[aboMareo]

كلماتكِ يعتز بها قلبي و سوف أُعلقها في كُل دربي لأن هذهِ الكلمات هي التي ُتنسيني تعبي
شكراً مرة ثانيا أختي العزيزة مينا .

†ليحميكم الرب †

                                  أخوكم أبو ماريو

[Aboud Esho Isaac]

الاخ العزيز ابو ماريو الموقر :

لولا الاسود ما كنا ميزنا الابيض
لولا الشر ما كنا احببنا الخير
لولا الظلام لما راينا النور
لولا الطالح لما وجد الصالح
لكن المشكلة عندما يروح الصالح مع الطالح .

ابياتك جميلة و تصف البشر خير وصف .
مع حبي و احترامي و الرب يوفقك يا اخ ابو ماريو العزيز .

اخوك عبود ايشو اسحق 

[Firass]

تسلم خويي مهند على كلامك الرائع .. انت فعلا بلبل عنكاوا المهاجر .... دائما احلى واحلى ... تعيش وتكتبلنة يا خويي الغالي

اخوك فراس

[aboMareo]

شكراً لكم أخواني الاعزاء على مشاعركم الطيبة .

شكراً اخي العزيز عبود أيشو وشكراً لكلماتك الجميلة والرب يوفق الجميع مع حبي وأحترامي لك .

شكراً يا أخي  العزيز فراس  هذا من ذوقك حبيب ألبي .. يا أخويا و يا روحي أنت الي تفهم جروحي عزيز الًكلب انتَ وداعت ًكلبي وغربتة .


†ليحميكم الرب †


                     أخوكم أبو ماريو

[alkoshmena15]

ولو اني قريت موضوعك بي ما اكدر لازم اقراه يوميا لانه حلو مرة ويخبل
اتمنى تضل في تقدم داشم وتنشر الزيد من المواضع لاني اجد مواضيعك حلوة كلش والواحد ما يكدر الا يقراها دائما
اتمنى ان ينير الرب دوما طريقك ويحميك
الصديقة المخلصة دوما وليس يوما
مينا
ليحميكم الرب
باي

[aboMareo]

وأنا سوف ابقى أشكركِ على مشاعركِ الطيبة أيتها الصديقة المخلصة  . وهذا من ذوقج يا عزيزتي  ميناااااااا .


†ليحميكم الرب †


                      اخوكم أبو ماريو

[Abdul02]

عاشت ايدك الحلوة يا اخ ابو ماريو  على الكلام الجميل  المعبر عن الحال الي دا انعيشه بهذا الزمان

[aboMareo]

شكراً اخي العزيز Abdul02 على مشاعرك الطيبة  .. وفعلاً ومع الاسف هو هذا الحال الي دا انعيشه بهذا الزمان .


ليحميكم الرب †


                     أخوكم أبو ماريو

[babel2005]

الأخ العزيز أبو ماريو :


إنك  تكتب  بطرقة  و  باسلوب  متميز  و  تختار  جمل  كإنها  تخصك  وحدك  و الأجمل  من  ذلك كله

تنوع  المواضيع000000000
 
أما بالنسبة  ( للناس  مو كلها سوى )  فأنت جعلتني أعود إلى سنتي الدراسية  الأولى  في الجامعة عندما أخذ نا

الأديان  الشرقية  القديمة000

أي  الكون  كله  مبني  يا  صديقي  على  مبدأين :  الخير  و الشر  00  الصالح   و  الطالح  000

و  لكن أجمل  ما  جاء  في  قصيدتك هو  الحنين  إ لى  أيام  زمان  و  كإن  الكون  قد  تغير  والناس ما  هي

نفس  الناس000 و في  الاديان القديمة  كان  ينتصر  الخير  دائما  000  وأعتقد  بأنك  أنت  أيضا  انتصرت

يا  صديقي  عندما  جعلتنا  في (  الناس  مو  كلها  سوى  )  أن  نقف  في  و قفة  مع  الذات  00 و مع  الآخرين                   00000



*  نضال  زيا  كابريال           * دمشق  ‏19‏/08‏/2005

[aboMareo]

شكراً اخي العزيز نضال  زيا  كابريال   على كلمات الجميلة و شكراً على  مشاعرك الطيبة . وهذا شرف لي أن تعطر أشعاري بكلماتك و وصفك المعبر  الجميل . 

†ليحميكم الرب†

                              أخوكم/  مهند أبو ماريو         

                                     

[الثريا]

ابو ماريو انا مشتركة جديدة في المنتدى .. وكل ما اتصفح  الكي  ابداعتك وحده احلا من الثانية .. تسلم على هذا الابداع
ويا رب يديم عليك نعمة الابداع
الثريا

[aboMareo]

مرحباً بيج أختي العزيزة ثريا بين أخوانج وانشاء الله تتمتعين ويانا في منتدى المحبة منتدى عنكاوا .

وشكراً على مشاعرج الطيبة وردودكم هي الي تخلينا نكتب كل ماهو جميل بحكُم ذوقـكم الاجمل شكراً مرة ثانية .


†ليحميكم الرب†

                              أخوكم/  مهند أبو ماريو