مطلوب محاسب لديه خبرة جيدة ولديه لغة انكليزية للعمل بشركة اجنبية في البصرة

[looking for peace]

السلام عليكم... اخواني واخواتي من يجد لديه الخبرة الكافية للعمل كمحاسب ولديه خبرة جيدة في هذه المجال ويجب ان يتحدث الانكليزية ولو لغة وسط يعني .. هناك شركة اجنبية في البصرة تبحث عن هكذا خبرة .. فمن تتوفر فيه الشروط  محاسبة + لغة انكليزية  يرد عليه واني بالخدمة راح اساعده والراتب جيد يعني ....... الحلي

[سياب البصره]

;Dيعني شكد الراتب مثلاً

[gustavo]

مشكور عزيزي عل الموضوع اولا..
وثانيا لازم اكو تفاصيل خاطر واحد يعرف وين واشكد ..
وبالمناسبة اذا عندك معلومات عن الشركات الامنية بالافتراض انك " بصراوي او تعرف الامور بالبصرة " ياريت لان اني دا احاول لان بس همة الي يشغلون المترجمين حاليا ...
وتحياتي اخوك "كوستافو".

[looking for peace]

اخواني .. الراتب مو اقل من 1500$ .. اللي تتوفر لديه الكفاءة في المحاسبة والانكليزية فاني بالخدمة... تحياتي الحلي ..  الدوام يومي ما عدا الخميس والجمعه فعطلة وعطل الدولة ايظا  محسوبة عطله ....والدوام من ال8 صباحا الى 4 العصر وسيارة تاخذك من موقع العمل الى ساحة سعد وبالعكس ... السكن عليك مو على الشركة.....

[looking for peace]

السلام عليكم .. حبوبي ليو منكم نستفيد جان دزيت عنوان هاي الشركة Weatherforld ووين عملها باي محافظة .. وشنو رايدين وظائف .. خلي نستفاد وياك بعد كلبي .. اما سؤالك فحبيب خبراتك ادارية مثل ما كاتب وهمه رايدين محاسبة .. تحياتي الك وياريت تبعثلي عناون هاي الشركة حتى ابعث السيفي مالتي ويارب يوفق كل واحد يريد الخير للناس وشكرا الك .... الحلي 

[lyoo]

اخي هاي شركه weatherford بالرميله الشماليه واي سياره تكسي توصلك من ساحه سعد الى الشركه ب 5 الاف دينار وبس تنزل من التكسي تصير مقابيلك الشركه مكتوب عليها حرف w بالاحمر هيه هاي واكو باب صغير بس دكه اكو استعلامات وراه يسمعون الباب ويكلولك تفضل كللهم اني عندي مقابله اذا معندك طبعا عرف فيكلولك شنو اختصاصك ويعرضون عليك الشغل اللي يحتاجونك بي وشغلات فنيه وتكنشن واصور يفضلون لغه انكليزيه شويه واتمنى التوفيق للكل بس ماعرف شنو اختاصاصك وروح فد يوم وجرب حضك بكلت يجنص هاي المره 
بصراحه ماعندي ايملهم والله رحت عنوة بدون اي ايميل وكلولي احنه نحتاجك بس انتظر الجواب منا بعد شوكت ماعرف
بس سمعت يكولون خوش  رواتب

[lyoo]

مشكور عزيزي عل الموضوع اولا..
وثانيا لازم اكو تفاصيل خاطر واحد يعرف وين واشكد ..
وبالمناسبة اذا عندك معلومات عن الشركات الامنية بالافتراض انك " بصراوي او تعرف الامور بالبصرة " ياريت لان اني دا احاول لان بس همة الي يشغلون المترجمين حاليا ...
وتحياتي اخوك "كوستافو".

اخي الكريم -gustavo

اني اعرف شركه اسمها الزيتون OLIVE هي هاي الشركه المسؤوله والمتعاقده ويه كل الشركات الامنيه اغلبها طبعا لان من يمهم يدربون الشخص على العمل لمده اسبوع او اقل اذا كنت سكيورتي او سوبرفايزر  - طبعا اني انقبلت بيها سوبرفايزر وجان الراتب 8 ورقات ونص وكالو نزيدك وعدوني على غير شغل بس صارت شغله وبطلت .
وعنوان الشركه طريق الزبير - تعبر السيطرة البحريه - طريق سفوان على ايدك اليمينه ثاني شارع بين محلات اثنين واحد مقابيل الخ تفوت بالشارع هيه لوحدها الشركه موجوده وطبعا قبل متوصل الى شركة الكفيل
اوصيك اذا عندك باجات او ركمنديشن او سيفي اخذه وياك واهم شي باجات العمل
وموفق ان شا الله

[جاسم الحلي]

اخوان اني ارسلت رسالة علئ الخاص بس ماعرف دتوصل لو لا بس ماعرف ؟؟؟ اخواني اني مترجم سابقا وعندي عائلة ابحث عن عمل اخواني اذا ممكن اي شركة اتريد حماية او مترجم او حاسوب يعني اني عندي هذا الاعمال اخواني اذا ممكن اتصل مباشر بل الشركة مثلا اميل او تلفون او شخص يعمل بل الشركة حتي اتصل بيه وهذا تسهل امر عائلة اذا ممكن اشكركم والله يسهل امركم انشاءالله وهذا رقمي الي يحب يتصل بيه او يدزلي اميل شركة او رقم 07800218833شركة اشكركم

[lyoo]

اخوان اني ارسلت رسالة علئ الخاص بس ماعرف دتوصل لو لا بس ماعرف ؟؟؟ اخواني اني مترجم سابقا وعندي عائلة ابحث عن عمل اخواني اذا ممكن اي شركة اتريد حماية او مترجم او حاسوب يعني اني عندي هذا الاعمال اخواني اذا ممكن اتصل مباشر بل الشركة مثلا اميل او تلفون او شخص يعمل بل الشركة حتي اتصل بيه وهذا تسهل امر عائلة اذا ممكن اشكركم والله يسهل امركم انشاءالله وهذا رقمي الي يحب يتصل بيه او يدزلي اميل شركة او رقم 07800218833شركة اشكركم

اخي جاوبتك وانطيتك  التفاصيل جيك بريدك

[gustavo]

مشكور حبيبي ليو ..
مقصرت واني ممنون الك حيل ....
يعني اخذ السي في والباج والركمنديشن و عندي ورقة شكر موقع عليها LT C و SMA ..
واورح مباشرة للمكان الي ذكرته ..؟ لا واسطة لا شي .
ولو اني ضوجتك ويايه , بس عندك معرفة اذا حاليا همة يريدون مترجمين او سوبر فايسر؟
لان تدري طريق مو سهل من كربلا للبصرة .. واخاف الجماعة قافلين الباب ونايمين..
واكون الك ممنون اخوية ليو .
اخوك الكربلائي.

[ابو ايمن المياحي]

رحم الله والديك

[looking for peace]

انتو تتدللون ابو محمد المياحي برسم الخدمة لكل طيب ....

[Abnaa Al-Iraq]

عاشت ايدك اخي الحلي على هذا الخبر بس ماعدهم فرع بعمان واكون ممنون لو بنص هذا الراتب اوافق 

[looking for peace]

تحياتي لك اخي ابناء العراق بس ما اعرف  هيه هاي شركة نفطية وشغلها يمكن بالعراق حالياً... ربي يسهل لمورك وتخلص وتشتغل ... تحياتي الك

[Abnaa Al-Iraq]

أشكرك على دعواتك الحلوة لو لسة بالعراق جان مدومن على الجهتين عندي بثنينهم شهادة بكالوريوس والحمد لله .

[uae123]

انا عايش بالخليج صارلي 30سنه وعندي شهادة محاسبه من كليه بريطانيه ولغتي الانكليزي بيرفكت  شلون اقدم عليها وانا خارج العراق اكو اميل واحد يجرب عليه

[looking for peace]

مع احتارمي لرأيك اخي uae بس بطران على ربك عايش بدولة خليجية وتدور تعيين بالعراق هاي شلون شو كولي .... على العموم انته عراقي يعني يعني ضايك الضيم لا .... بس على العموم والله ما اعرف اذا ترهم تراسلهم من الخليج لو لا... ما عندي معلومة بعد كلبي كلبك... الحلي

[عراقيون]

تحياتي اخي العزيز انا من الناصرية ومحاسب ممتاز وانكليزية ممتازة وعملت مع شركات اجنبية كثيرة لحد ال 2011 لكن البصرة موصلت وهسه بحاجة العمل وانا املك خبر كوني عملت منظم عقود ومتابع مع الشركات المانحه ارجو مساعدتك wwiraqww27@yahoo.com

[عراقيون]

السلام عليكم... اخواني واخواتي من يجد لديه الخبرة الكافية للعمل كمحاسب ولديه خبرة جيدة في هذه المجال ويجب ان يتحدث الانكليزية ولو لغة وسط يعني .. هناك شركة اجنبية في البصرة تبحث عن هكذا خبرة .. فمن تتوفر فيه الشروط  محاسبة + لغة انكليزية  يرد عليه واني بالخدمة راح اساعده والراتب جيد يعني ....... الحلي