سؤال بخصوص قصة التهديد الله يوفقكم

[Basra_80]

السلام عليكم ... الاخوان الكرام...
عندي سؤال واتمنى من اهل الخبرة يساعدوني..
انا على ابواب المقابله الاولى لي مع الاي او ام وقصة تهديدي ما عندي بيها اي اثبات لكون التهديد كان شفهي وما بلغت اي واحد بوقتها غير مسؤولي المباشر بالشركة الامريكية(عراقي الجنسية) وطبعاً عائلتي ... ولم اقدم شكوى لمركز الشرطة بوقتها (خفت من العلاسه) بس هسه مسؤولي المباشر خبرني انا هو غير مستعد يشهد بقصه تهديدي .
سؤالي:
 هل يتصلون بمسؤولي المباشر او الشركة بخصوص قصة تهديدي.
وسؤالي الثاني/ اذا ماعندي شيء مادي يثبت قصة التهديد هذا يؤثر على ملفي

مشكورين واكون ممنون جداً لمن يتفضل ويرد على الموضوع

[مــحــمــــد]

اخويه العزيز
تره الجماعه يعرفون كل هاي السوالف وبالحقيقه همه متهمهم انت تهددت او راح تنقتل يعني اذا انقتلت لاسامح الله الاداره الامريكيه راح تشيلك هم
اخي العزيز الجماعه يريدون عدد لا اكثر ولا اقل بس همه روحهم طويله واحنا روحنا كصيره
ادخللهم من باب الانسانيه وانه انته تطمح تعيش حياة افضل من الحياة بالدول العربيه هذا احسن شي
قضية التهديد صارت موده قديمه لانه صدام راح والبعث راح
والقاعده راحو وجيش المهدي راح
واهم شي دبر دفتر الخدمه العسكريه
تحياتي

[الريم 2000]

اخي احب اطمنك انو قصة التهديد ميرادلها شهود ؟ وانما المحلف يعتمد على طريقة   تكلمك للقصة - وانت اهم شي   لا ترتبك لان هاي حقيقة مو خيال انت فعلا مهدد وتريد تسافر للحياة الافضل وانشالله يقتنع لان همة يعرفون كلش زين الوضع مو جديدة عليهم --بلتوفيق

[Basra_80]

اخويه العزيز
تره الجماعه يعرفون كل هاي السوالف وبالحقيقه همه متهمهم انت تهددت او راح تنقتل يعني اذا انقتلت لاسامح الله الاداره الامريكيه راح تشيلك هم
اخي العزيز الجماعه يريدون عدد لا اكثر ولا اقل بس همه روحهم طويله واحنا روحنا كصيره
ادخللهم من باب الانسانيه وانه انته تطمح تعيش حياة افضل من الحياة بالدول العربيه هذا احسن شي
قضية التهديد صارت موده قديمه لانه صدام راح والبعث راح
والقاعده راحو وجيش المهدي راح
واهم شي دبر دفتر الخدمه العسكريه
تحياتي

شكراً لك اخي على مرورك .... شنو تقصد بالجمله الاخيره بس دبر دفتر الخدمة العسكريه ؟؟.... للعلم انا ما خادم عسكريه ولا يوم لكون كنت طالب

[Basra_80]

اخي احب اطمنك انو قصة التهديد ميرادلها شهود ؟ وانما المحلف يعتمد على طريقة   تكلمك للقصة - وانت اهم شي   لا ترتبك لان هاي حقيقة مو خيال انت فعلا مهدد وتريد تسافر للحياة الافضل وانشالله يقتنع لان همة يعرفون كلش زين الوضع مو جديدة عليهم --بلتوفيق

شكراً على المرور... بخصوص السؤال الاول هم يتصلون بصحاب العمل (الجهة الامريكية) حتى يتأكدون من قصة التهديد؟؟

[Abnaa Al-Iraq]

أني مع رأي الاخ ايوه كده يوديع يعرفون معظم القصص مالها صحة بس المهم عدم اختلاف الاجوبة بين المقابلات كذلك ماعندك موقف ضد الانسانية اثناء خدمتك العسكرية ولا من رموز النظام السابق واذا يكون عندك دفتر خدمة يثبت انك مخادم او خادم بدوائر غير فعالة يكون افضل مع هذا كثير سافروا وماعدهم دفتر خدمة فلتقلق اخي العزيز وتكلم بثقة ووضوح وأن شاء الله تشوف الخير كدامك .

[Basra_80]

شراً اخي ابناء العراق ....

بس اب اذا اكو احد يجاوب على سؤالي الاول مع الشكر

[الريم 2000]

الجواب لا مالها اي علاقة بلقصة   بلتوفيق

[Basra_80]

الجواب لا مالها اي علاقة بلقصة   بلتوفيق

شكراً جزيلاً والله يوفق الجميع

[نجم المشرق]

صباح الخير اخي العزيز
اني مثلك متهدد لاكثر من مرة و و تركت مكان سكني و غيرتة اربع مرات  و بلغتهم بهاذا الشي و مسوولي شي لان التهديد مكان بي اثبات على كولتك شفهي و هسة اني خارج بغداد و مبلغهم صار من شهر الثامن و كالوا راح نوصل قضيتك للجهات المختصة و كذب في كذب و اخوك بعيد عنك بعدة متبهذل و الحمد لله ز

[lyoo]

اخي التهديد مو الا كلام تحريري مكتوب او قصاصه هو كلام شفوي من احد الناس الي مهدديك وحتى لو ميشهد وياك السوبرفايرز ماله علاقه واهم شي تكون مستعد للمقابله وسويلك بروفه لقضيه التهديد وسال وجاوب نفسك وين اماكن الضعف حتى تتحاشها
والله يسهل عليك

[kunda]

مقتبس من ايوة كده يوديع ..
ادخللهم من باب الانسانيه وانه انته تطمح تعيش حياة افضل من الحياة بالدول العربيه هذا احسن شي
قضية التهديد صارت موده قديمه لانه صدام راح والبعث راح
والقاعده راحو وجيش المهدي راح
واهم شي دبر دفتر الخدمه العسكريه

لاياصديقي مااعتقد هذا الكلام صحيح ,البعث رجع يرتب اوراقه والقاعدة هسه اقوى من اي وقت مضى ومسيطرة على الارض بغرب العراق واجزاء كبيرة من الموصل وبغداد وديالى وصلاح الدين وجيش المهدي رجع اقوى من قبل طبعا وحجايتة وافعالة مسموعة وتهديداته علنية وعيني عينك ....والعراق من أسوأ الى اسوأين   ,,,ومال تروح للمنظمة وتكوللهم والله اني ضايج من الدول العربية واريد اعيش يمكم اذا متصير زحمة  ;Dتعرف شنو جوابهم راح يكون ؟؟ راح يكولولة اذا هيجي لازم نسمح للعرب كلهم يعيشون يمنا !!

[ميمي2010]

نعم اخي اؤييد كلام الاخ كوندا الكل رجع وبقوة ومال تدخللهم من باب الانسانية ماتصور راح تقنعهم
 المفروض بالشخص الي جاي يطلب لجوء او هجرة حياته تكون في خطر وخطر داهم وحقيقي حاول تركز على هاي النقطة
وبالتوفيق اخي