أفضل شركة أتصالات في أمريكا

[daimon]

تحياتي وسلامي الى جميع اخوتي وأخواتي في امريكا ما هية افضل شركة للاتصالات من حيث الاسعار والخدمات ولكم جزيل الشكر والتقدير

[BraveHeart777]

الشغلة تعتمد عليك بالاساس... مثلا تريد كونتراكت (عقد) لو بلا كونتراكت ؟؟؟ تريد تلفون بس تحجي بي لو تريد تلفون طاك وبي انترنت؟؟...  خط واحد لو فاملي بلان؟؟....
اذا كونتراكت (سنتين) تحتاج شوية كردت جيد او تخلي تامينات  بس تحصل تلفون طاك وبسعر جيد او حتة ببلاش.... وارخص شركة بهذا النوع هي Tmobile تي موبيل  (50 دولار للخط اذا تاخذ خطين او اكثر .. انليميتد كلشي) بس بنفس الوقت اضعف شبكة.... اما احسن شبكة فهي  verizon بس كلش غالية (توصل فوك المية دولار بالشهر للخط)  ... اي تي اند تي و سبرنت بالوسط (بالخدمة وبالسعر).
السعر لكل الشركات يتغير هواية حسب الخطة (يعني شكد تريد دقايق , مسجات و انترنت كل شهر).
اما اذا استعمالك للموبايل قليل و بسيط فما انصحك بكونتراكت ... اخذلك تلفون بري بيد Prepaid or  Pay as you go  تمشي حالك بي مثل التراك فون وايضا اي تي اند تي عدهم بري بيد (10 سنتات بالدقيقة) ... او 1500 دقيقة بالشهر بتلاثين دولار (تي موبيل).
واكو شركة جديدة اسمها Republic Wireless همين بدون عقد ب 19 دولار بالشهر... تطيك انليميتد كلشي  بس لازم تكون بمكان بي راوتر (واي فاي)  معظم الوقت (مثلا بالبيت او الشغل ...) واذا ماكو واي فاي فتستخدم شبكة سبرنت (550 دقيقة و300 ميكابايت بالشهر خارج الواي الفاي).
وبالمناسبة اذا تريد تتاكد من تغطية كل شركة طب عالموقع مالتهم وشوف coverage map على الزبكود مالتك.

و اي استفسار اني حاضر
اخوك بريف هارت

[daimon]

أشكرك اخوية بريف ويارب النجاح والموفقية اكرر شكري وتقديري وأجترامي الك على هاي المعلومات الممتازة

[ninwanastar]

اخي الكريم
اسمع مني وراح تدعيلي ليل نهار
اشتري فقط سيم كارد مال شركة simple mobile
بدون عقد ولاكلشي حتى اسمك ماياخذ تدفع 40 دولار بالشهر
مكالمات داخل امريكا ومسجات داخل امريكا ومسجات خارج امريكا يعني عالعراق اذا تلفونك يكتب عربي وانترنت علتلفون كلها مفتوحة شكد ماتستعملها هي ب 40 دولار
سعر السيم كارد 25 دولار وشهريا 40 واذا مادفعت من يخلص البلان ماتدفع اي غرامة بس ينقطع الخط من تدفع يتفعل مرة ثانية
وعدهم ب 50 دولار اذا تريد مكالمات علخارج وعدهم ب 60  انت بكيفك

[yasir fakhri]

Simpel mobile أفضل شئ حاليا للاسباب التالية :
1-  شراء وتفعيل الخط لايتطلب وجود عقد مثل باقي الشركات.
2- تغطية جيدة ولمعظم المناطق بامريكا حتى التي تكون بعيدة عن مراكز المدن.
3- مكالمات ورسائل نصية غير محدودة داخل امريكا خلال الشهر مع رسائل نصية غير محدودة الى دول العالم منها العراق طبعا.
4-كل  هذا اللي تكلمنا عنه باربعين دولار شهريا فقط .
وانت تبقى بكيفك اذا تريد تدفع اكثر لباقي الشركات او حتى لـ Simple mobile تكدر تفوت على الويب سايت وتشوف باقي العروض.
مع التحية

[ابو بنين]

السلام عليكم بالصدفة  سالت احد اصدقائي عن نوع التلفون الذي يستخدمه في امريكا فقال انه مشترك مع شركة اسمها كريكت ويدفع 29$ بالشهر مع الانترنت ومكالمات ببلاش على نطاقلا امريكا وكندا
اذا تحب اخي اسال عن هذه النوعية لانها بشهادة صديقي خدماتها كلش حلوة واكو نوعية اسمها بيست على شكل سيم  كارت مثل العدنة بالعراق بس بي اوبشنات عالية وخدمة تغطي كل امريكا وعذرا على الاطالة

[daimon]

تحياتي وسلامي الى كل من كتب حرف في هذة الصفحة  اشكركم جزيل الشكر على هاي المعلومات  الممتازة

[مغترب بلا وطن]

مولانا انت بيا ولاية ؟ وبأي مكان بهذيج الولاية ؟؟!!!!

رفيقي ترة التغطية مال الشركات تختلف قوتها مابين منطقة ومنطقة لازم تشوف بالانترنت وية كل شركه شلون قوه التغطية مالتها بمنطقتك 

[لاجىء محتار]

اخي الكريم
اسمع مني وراح تدعيلي ليل نهار
اشتري فقط سيم كارد مال شركة simple mobile
بدون عقد ولاكلشي حتى اسمك ماياخذ تدفع 40 دولار بالشهر
مكالمات داخل امريكا ومسجات داخل امريكا ومسجات خارج امريكا يعني عالعراق اذا تلفونك يكتب عربي وانترنت علتلفون كلها مفتوحة شكد ماتستعملها هي ب 40 دولار
سعر السيم كارد 25 دولار وشهريا 40 واذا مادفعت من يخلص البلان ماتدفع اي غرامة بس ينقطع الخط من تدفع يتفعل مرة ثانية
وعدهم ب 50 دولار اذا تريد مكالمات علخارج وعدهم ب 60  انت بكيفك

كلام صحيح ميه بالميه ... اني جربت كلشي وفعلا هاي احسن واريح شي ...