اخوتي الاعضاء المحترمين , مرات الكتاب ينعرف من عنوانه ولو هذوله اللي بدائرة الهجره ما ينحزرون , بس يعني ...... اني صارلي اكثر من سنتين ونص من قدمت وهم مخلين طابوكه جبيره على الفايل مالتي وبين فترة واخرى يحركونه حركه كلش بطيئه , يمكن حتى لا ينجبس جوه الطابوكه . اشو هسه وبعد جهد جهيد , اول مره كالولي عيد الفحص لأن الفحص صار اكسباير , وبعد فتره كالو اشو هاي العدم محكوميات مالتكم قديمه لازم تبعثولنه جديده , وطلبو هاي الطلبات بدون ان يشيروا من بعيد او من قريب للفيزه ,,,,, اصدار ,,,,,موافقه ,,,,, شنو ما شنو ؟؟ يعني كأنما الموضوع ولا يم الفيزه ؟؟؟؟؟؟؟ مع العلم اني سويت فحص طبي 1700 دولار كبل المقابله وعدم محكوميات هم صرفت عليهن اكثر من 100 الف دينار ودزيتها . وهسه همزين وامر اسمها هسه اور شويه ارخص من ابن البيطار وهم ذبينا كومه فلوس غير اسعار الدي اج ال اللي بس تنطق بلسانها رقم واني اجاوبها : تفضلي عيني , امرا وطاعه وبدون اي مناقشه ..... ماذا يعني ذلك ارجوكم ؟ هل نشم من ذلك رائحة الخير ؟ جاوبوني ارجوكم واتمنى لكم بشائر خير مفرحه وفرج قريب ان شاء الله .
الفرج2 ................................................... ان شاء الله تعالى .
