هاي ياهو اللي يوصل لامريكا يكوم يبجي بوجه الله؟؟؟

[$$$$$]

اخواني اكو موضوع مو بس اني دا اعاني منه وانما هوايه من اصدقائي واللي هو عدنه هوايه اصدقاء بامريكا وياهو اللي اتصل بي اكله تكفلني؟؟ يكلي مو اني بعد شهرين اغير عنواني واتحول لغير منطقه والحجي مو شخص وشخصين والمصادفه الحلوه انه عندي 2 من اصدقائي نفس الحاله هم من يتصلون بجماعتهم بخصوص هذا الموضوع ينطوهم نفس العذر الظاهر الاخوان اللي بامريكا متفقين على هاي الشغله.
والله لو اني بامريكا يمكن اكفل حتى الغريب بس الظاهر مو كل الناس معدنها يظل اصيل والبشر يتغير

[محارب]

اخويه هو حتى اتغير عنوانه راح يجي البريد اللي على عنوانه القديم لمدة 6 اشهر
بس هاي تغليسه

[ABO SARAH]

ممكن يكولون صادقين خلي نستحضر النية الحسنة وياهم وبصراحة اني صارت وياي وفكرت بالبداية هيج بس كلت لا ممكن يكون صادق.

تحياتي الكم
ابو سارة

[مترجم سابقا]

نفس الموقف صار وياي بس بغير طريقه وذكرت الي صار وياي بموضوع بالمنتدى والحمد لله والشكر احد الاعضاء بالمنتدى زياد ابو الحسن الله يوفقه  عرض عليه بان يكون كفيلي والحمد لله كفلني واسال الله اله التوفيق ولكل واحد يسعى بالخير

[malak.ali]

كل واحد يعمل باصله 

اي والله صحيح

[خولة بنت الأزور]

كل واحد يعمل باصله 

عاش كلامك اخوية ....اي والله كل واحد يعمل بأصله

[kunda]

$$$$ رحمة لوالديك احنا عايشين بكردستان باربيل وكل سنة ينشلع كَلبنا يالله نلكَا كفيل علمود الاقامة ...تصور السنة الفاتت مالكَيت كفيل حتة بفلوس وهم ماكو وهالسنة كذلك .... عايفها على الله
النوب تريد بامريكا تحصل كفيل بسهولة ................
ثم تعال اكولك هو وينة السفر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[روزة اليرموك]

مع احترامي
بس هاي انانيه (( مو الكل اكيد ))
وطبعا لحد هسه مداافتهم من كرايبي بامريكا وضعهم  مرتاحين لو لا
كل يوم بحجايه

اي والله صدك اخت سالي بس عود هاي ليش الواحد ميحجي الصدك؟؟؟

[سأحقق ذاتي]

اعتقد يا اخوان ان المساله هي شخصيه ولا يجوز فيها التعميم فكل شخص وقناعتة وشخصيتة لحب الخير أو لا فيوجد أناس يحبون عمل الخير حتى لمن لا يعرفونهم من غير دين وغير قومية واختلاف كبير في كل شى مع هذا يقدمون ما يستطيعون من مساعده ويوجد اخرين لا يقدمون يد العون لاقرب الناس اليهم  عذرا عالاطاله ولكن هذا رايي

[messi10]

حقك اخوية تضوج بس بالنسبة للي يكلة اي اكفلك و وراها يكلب... هاي بالله شتخليلهه و تطيييب ؟؟؟ هاي صدك مصيبة لانه من تبدل كفيل ممكن  راح يأخر ملفك ... الله كريم و تحياتي للجميع

[كوكي 2004]

أخي $$$$$ حضرتك ليش متخبر المنظمة بأنه ماعندك كفيل وخلي همه يختارولك الولاية
يعني عشوائي جائز تطلع أحسن من مكان أصدقائك والخير فيما أختاره الله
وبالتوفيق ان شاء الله

[lionofiraq]

تحية الى صاحب الموضوع....اخي العزيز انت متعرف شنو ضروف الناس اني انتقلت بعدت ولايات خلال سنتين

[وردة الكرادة]

هاي مو بس الي يوصل امريكا العراقيين بس يطلعون خارج العراق هيج يصيرون حتى هنا يمنة بالاردن هم هيج الناس
متحب الساعد وتريد بس مصلحتها قليل من العراقيين معدنها اصيل على كولتك

[$$$$$]

اني حاضر للكفاله سواء اعرفك او لا اذا ترغب ارسلك عنواني .......... مع التقدير

حبيبي الغالي الله يوفقك وهذا بس من اصلك الطيب اشكرك اخويه بس ربك ميكطع لكيت ولد صديق وانشالله فظت السالفه
تحياتي الك ولكل اصيل

[الريم 2000]

تريد نصيحة ( مو بفلوس) لوجه الله لا تخلي احد يكفلك لو يصير اخوك ابن امك وابوك صح مو الاصابع كلها سوة بس رجاء اخوي خلي اعتمادك على رب  العالمين اولا والمنظمة ثانيا--- ولا يزعلون الطيبين بس هاي واقع وكلمن الله يكتبلة السفر امين يارب   خلي يذكر ----مع احترامى للطيين والطيبات مرة ثانية--تقبل مروري

[Edy Simon]

عزيزي ابو الموضوع,

عيني ياكفالة يابطيخ, الناس القلايل اللي جانت اتقوم بالكفالة او اتساعد هم اكو ناس توبوهم او بعد ما يجازفون او يساعدون الغير...
عمي وين بقت ثقة او اصالة او تربية, اشو راح الاخضر بسعر اليابس....
او اني احجيلك ياها من خبرة عملية او من السمع او كلام الغير, دا اروح او اركض او ادك او من يخلص شغلهم وياك او يستقرون بعد سلام مايسلمون عليك او لايعرفوك....
عزيزي اعتمد على نفسك او الغرب يختلف عن الشرق او كلشي مايمشي الا بالفلوس او المصلحة او حتى الابن ماعرف اهله مرات, بقت على الناس الغربة يقومون بالكفالة...
او لاتنسى اغلب اللي ياعون للغرب تتغير عليهم الحياة او تكثر المصاعب او بعد مايكدرون يشوفون دربهم بعد يكومون يساعدون الغير, او من يشوفون واحد يساعد لوجه الله يسموه هذا شخص مايفتهم الحياة...
هذي الاشياء اذكرها الكم عن خبرة او خبرة الاخرين ايضاً
تقبلو تحياتي
جوسي البغدادي استشاري اللاجئيين والمهاجرين (لوجه الله) المانيا

[ميمي2010]

اخي العزيز مو بس بامريكا بكل مكان
كل واحد يتصرف وفقا لتربيته ولاصله

[الريم 2000]

انى من نفس راي الاخ جوسي وما اخلفة بلراي ومثل ماكلت (لوجه الله) عاشت ايدك اخي وانشالله تقبل النصيحة---زينب

[ZIAD-ABO ALHASAN]

سلام عليكم اجمعين
بما انه اسمي انذكر هنا ولو ما جنت رايد من الاخ ان يذكرني بالاسم لان احنه العراقيين بعدنه اهل الطيبة و دائماً نسوي زين و نذبه بالشط و نحب نساعد لوجه الله سبحانه و تعالى . بس للتذكير  و بس كل واحد وصل لأمريكا هو أدره بظروفه من غيره و خصوصا اللي بعده ينتظر السفر مع دعائنا الصادق لرب العالمين جل جلاله بتسهيل و تسريع سفر المنتظرين .

إخواني و أخواتي الأعزاء بعد مرور تقريبا سنه بأمريكا أكدر أحجي من خبرتي البسيطة ان مشروع الانتقال من ولاية او مدينة معينة الى ولاية اخرى هو مشروع قائم في بال اللاجئ من اول وصوله لأمريكا و لهذا نشوف اغلب الناس ما يريدون يتكفلون حته اقرب الناس لهم حته لا يورطوهم و يتورطون لان الانتقال من سكن الى سكن ثاني هو حق مشروع لكل لاجئ و يرتبط بالكثير من الظروف و الامور المتعلقة بوضع اللاجئ شخصيا.

نصيحتي للجميع تعالو بدون تعيين كفيل لان امريكا هيه هيه وين ما يوطنوك و باي ولاية تقريبا الوضعية نفسهه عالاقل ببداية المشوار.

هاذي قناعتي و لكل واحد رائ شخصي مختلف عن الاخر

تحياتي لكم

أخوكم
زياد / ابو الحسن
مينيسوتا - روشستر

[snoopy]

من رأيي المتواضع الفرق بين الي عايش بالعراق و الي عايش بامريكا مثل الفرق بين الي يعيشون بعالمين مختلفين الناس الي بالعراق تعتب على الي بامريكا و يتصورون الحياة بامريكا مثل الحياة بالعراق عبارة عن وقت فراغ قاتل..اخوان انا اتكلملكم عن تجربة شخصية حتى اخوك ابن امك و ابوك اذا تكفله بس يوكع بشدة بامريكا راح يلومك الك بالدرجة الاولى رغم انه انت شارحلة الوضعية قبل لا يجي او يقدم على خطوة السفر ..هالنوب تعتبون على الغربه تريدوهم يكفلوكم ؟عمي كولوا يا الله و اعتمدوا على الله و نفسكم و شوية على المنظمة و الا الباقين ميفيدوكم باي شي بل بالعكس ممكن يضروكم بقصد او بغير قصد..تحياتي
سنوبي

[الريم 2000]

نفس راي وما الها علاقة بلاصل اخوان رجاءا ميزو مو احنة نحجي عن تجربة وانشالله الكل تتوفق وهاي ماتخلى من ناس طيبة قلائل تمشي باصلها بس قلائل ---ربي يوفق الجميع

[doori]

السلام
شلونكم اخواني و اخواتي
تره موضوع الكفاله فد شي كلش سهل و م بي لا صعوبه ولا مجازفه اني هسه كفلت شخصين واحد من بغداد صديق اليه وواحد من عمان مقدم و ان شاءالله في طريقه الى امريكا ما اعرف ليش البعض يتخوف من هالشي مع العلم اني من اجيت لامريكا ما كان عندي كفيل غير الله بحانه و تعالى لكن المشكله وين يجينا احد الاعضاء و يراسلنه و يسال و اجاوب بكلشي مثل منكول حتى الابره منين يشتريها و بعد ما ينفذ من الاشأله يعيد و يكرر الاسئله نفسها 3 او 4 مرات و صارت ويايه اكله اخي او اختي مو كتلكم على هالشي مو سألتوني و جاوبتكم طبعا حسب ولايتي الي اني بيها يكول بالكلمه ( اصار شبيك لو وصلتو امريكا تغيرتو ) طبعا مو الكل القصد البعض اكثر الاسأله الحاحا" موضوع الشغل هو الشغل لا بيدي ولا بيد غيري كلها بيد الله و صارت ويايه بالشغل يلي اني بي كالولي تره مراح تحصل بشهر الواحد ساعات كفايه لان المعروف شهر الواحد هنا هو سبات بالنسبه للعمل و مرات شهر الثاني همين لكن الله كاتبلي اشتغل مرات اشتغل اوفر تايم مثلا عامل ميجي و ياخبروني و اروح اشتغل او او او فالرزق بيد الله فقط ضل مع المنظمه و اشلع قلبهم والله اني مجرد ادز ايميلات لمسؤولة العمل لكتلي شغلتين و الحمدلله يعني على الله هو الرزق
و اني مستعد لكفالة اي شخص اني بولاية كولولرادو مدينة دينفر الشغل موجود للي يريد يشتغل فقط
و تحياتي للجميع

[امل انتظار صبر]

سلام عليكم ,,,مو بس العراقيين الي بامريكا تغيروا,,,الناس بكل مكان تغيرت,,,حتى بداخل العراق تغيرت النفوس,,,يبدو الزمن تغير,,الاخ مايساعد اخوه,,,يبدو البشر من يتمكن يتصور انه مايحتاج بعد مباركة رب العالمين ورحمته لهذا يبخل عن فعل الخير ,,ان الله في عون العبد مادام العبد في عون اخيه,,,, ممكن سؤال لاصحاب المعرفة ؟شنو السلبيات الي ممكن تحدث للكفيل اذا تكفل شخص او شخصين؟ شنو ممكن ياثر عليه؟ اذا ماياثر عليه نهائيا باي صورة وباي شكل , لو فرضنا الشخص المكفول قام بجريمة او مخالفة قانونية شنو تبعات هذا الامر على الكفيل؟؟ وشكرا لاثراء المواضيع بالمعلومات الجديدة

[P AS]

اخواني اكو موضوع مو بس اني دا اعاني منه وانما هوايه من اصدقائي واللي هو عدنه هوايه اصدقاء بامريكا وياهو اللي اتصل بي اكله تكفلني؟؟ يكلي مو اني بعد شهرين اغير عنواني واتحول لغير منطقه والحجي مو شخص وشخصين والمصادفه الحلوه انه عندي 2 من اصدقائي نفس الحاله هم من يتصلون بجماعتهم بخصوص هذا الموضوع ينطوهم نفس العذر الظاهر الاخوان اللي بامريكا متفقين على هاي الشغله.
والله لو اني بامريكا يمكن اكفل حتى الغريب بس الظاهر مو كل الناس معدنها يظل اصيل والبشر يتغير

               




                                        الكفالة اولها شهامة واخرها ندامة                               حبيبي الي يذهب الى امريكا يجب عليه ان يضمن اقل شيء يضمن فردثلاث اشخاص للا اتكال عليهم بعد الله بموضوع الكفاله والله يفرجها عليك

[سعداوي]

والله يا اخويه الظاهر هذه ((حاله عامه )) مع الاسف ليش ما ادري لانه اني هم صارت ويايه نفس الشي اعرف كلش هوايه بأمريكا حاليا من اصدقائي و المفروض هم اصدقاء قدماء و من ردت كفيل ضليت حاير فتره طويله لحد ما الله سهل و اللي كفلني هم ما عندي بيه علاقه قويه بس هيه فعلا الناس معادن ممكن تحسبه صديق و بعدين يضربك بوري هههههههههه
على كل حال الناس مو سواسيه مثل ما اكو ذهب اكو ؟؟

تحياتي

[الريم 2000]

اخوانى واخواتى اريد بدوري اسال سؤال رجاءا الاجابة خلي تكون من الضمير؟

على سبيل المثال احد الاصدقاء المقربين سوة خير وكفلك وهاي نعمة وفضل ودين ---السؤال انت مرتاحيت بلولاية وشفتها حيل كولش حيل عليك تبقة بيها ومتكدر تصبر ولا يوم---- السؤال راح تغير الولاية ؟


راح تفكر بلرجعة هلكد ماطكت روحك؟


راح يدور ابالك شي اريدكم تكولون شراح تسوون من الدنيا هنا بامريكا معجبتكم ولا فادتكم شششراح تسوي والصديق الوفي اللة ينطى العافية والبركة موقع انو هوة كفيلك؟خلي يبدي يجاوبنى اي شخص حتى ارد انى بلجواب الشافي


حتى لاتكولون اصل وفصل ؟ وصح وان خليت قلبت بس بامريكا ---نشوف الردود


بعد اذن صاحب الموضوع حتى نذبحها على قبلة؟

[مدام كوري]

السلام عليكم
اذا تحب اني اكفلك واني بولايه تكساس دالاس
واذا تريد تفاصيل عن العنوان والتلفون ارسلي عالخاص
الله يوفقك وان شاء الله السفر القريب
وان شاء الله من تجي اني اكدر اساعدك بلي اكدر عليه
وبالنسبه للي يكلك انه الكفيل ياخذ الويلكم ويشمرك بالشارع فماكو هيج شي لان الكفيل واجبه معنوي مو مادي
واصلا الويلكم المنظمه متنطيه الا لصاحب الكيس نفسه
تقبل مروري

[$$$$$]

اخوانى واخواتى اريد بدوري اسال سؤال رجاءا الاجابة خلي تكون من الضمير؟

على سبيل المثال احد الاصدقاء المقربين سوة خير وكفلك وهاي نعمة وفضل ودين ---السؤال انت مرتاحيت بلولاية وشفتها حيل كولش حيل عليك تبقة بيها ومتكدر تصبر ولا يوم---- السؤال راح تغير الولاية ؟


راح تفكر بلرجعة هلكد ماطكت روحك؟


راح يدور ابالك شي اريدكم تكولون شراح تسوون من الدنيا هنا بامريكا معجبتكم ولا فادتكم شششراح تسوي والصديق الوفي اللة ينطى العافية والبركة موقع انو هوة كفيلك؟خلي يبدي يجاوبنى اي شخص حتى ارد انى بلجواب الشافي


حتى لاتكولون اصل وفصل ؟ وصح وان خليت قلبت بس بامريكا ---نشوف الردود
او انتقل لغير ولايه هل يتاثر الكفيل؟؟ وشنو الضرر اللي راح يكون عليه؟؟

بعد اذن صاحب الموضوع حتى نذبحها على قبلة؟

اختي العزيزه الريم بس حبيت استفسر منج انه اذا واحد عاف الولاية وطلع او رجع للعراق شراح يأثر على الكفيل مالته وهل يتأذى الكفيل بهاي الحاله؟؟

[$$$$$]

السلام عليكم
اذا تحب اني اكفلك واني بولايه تكساس دالاس
واذا تريد تفاصيل عن العنوان والتلفون ارسلي عالخاص
الله يوفقك وان شاء الله السفر القريب
وان شاء الله من تجي اني اكدر اساعدك بلي اكدر عليه
وبالنسبه للي يكلك انه الكفيل ياخذ الويلكم ويشمرك بالشارع فماكو هيج شي لان الكفيل واجبه معنوي مو مادي
واصلا الويلكم المنظمه متنطيه الا لصاحب الكيس نفسه
تقبل مروري

اختي العزيزه مدام كوري الله يحفظج ويوفقج ويكثر من امثالج وانشالله تسهل امورج يارب اني جدا ممنون الج انت طيبه والله يفتحها بوجهج. الحمد لله اني لكيت كفيل بتكساس سان انتونيو و رحم الله والديج

[سوسو اسو]

الحمد لله الله يسهل امرك وامرنا

تحياتي

[الريم 2000]

اخي --$$$$$  طبعا ياثر على الكفيل حتى لو موقع كفالة معنوية وبلاخص عقد الايجار اللي يكون باسمه ---وانى حاضرة لاي سؤال---زينب

[$$$$$]

اخت زينب ممكن توضحين اكثر شنو نوع الاذى اللي يأثر على الكفيل؟؟ يعني واحد اذا غير ولايته او رجع للعراق واذا العقد يكون باسم الكفيل المعنوي شراح يتأذى اذا واحد كنسل عقد الايجار او دفع المستحق عليه الى نهايه الشهر بحيث ميتأذى كفيله ممكن توضحين اكثر واكون ممنون الج

تحياتي

[الريم 2000]

اخي اكيد من راح تكسر عقد الشقة ياثر على الكفيل اي ينضرب الكردت مالتة  حسب ما فهمنة الرجل بس احنة التزمنة وتحملنة الولاية بعد ماخلص عقد الايجار--انشالله تكون الفكرة وضحت واذا اكو تفاصيل الغير يوضحها ومنكم نستفيد ---زينب

[ابو ياسين]

اخي العزيز
الكفيل مايتاثر باي شي لان الكفيل معنوي فقط في اول الايام التي توصل بها  فقط يوديك ويرجعلك ويكملك بعض المعاملات وماله اي علاقه سواء سافرت او بقيت واول ماتوصل راح يكون العقد باسمك بكفالة المنظمه ماكو هيج شي انه العقد يكون باسم الكفيل هاي ماتصير بامريكا قانونيا العقد باسمك بس راح تكون المنظمه هيه الوسيط وهم مراح تتاثر المنظمه باي شي كلشي يكون باسمك
اني احجيلك عن خبره مو سامع من احد لان اني كفلت اكثر من عشرين شخص هنا بولايتي والسلام وعليكم

[الريم 2000]

اخي ماكو هيج شي شنو؟ العقد باسمه وميصير يتغير وللعلم يضيف اسمة الشخص الكفول مع الكفيل هاي تجربة مو نحجي من جيبنة ؟مع احترامى الرأيك شعليها المنظمة اذا الكفيل اموقع ؟ العقد انى عن تجربتنة اخ $$$$$ مكدرنة نغير الشقة الا بعد سنة لان الكفيل اموقع وانت حر وشكرا اخ  ابو ياسين للتوضيح وعن تجربتك ؟

[ام تبارك]

والله يا اخوية العزيز من خلال تجاربنة .. مع الاسف كل الناس الي تمدلهم ايد المساعدة بس يوصلون يعضون الايد الي انمدتلهم ... اني ما احجيلك على واحد او اثنين هوووواية صارت بينة .. وتالي منحصل غير الحجي الفارغ والمشاكل حشاك والله يبعدك عنها .. لهذا تلكة هواية ناس مصدومين .... اعمل خيرا شرا تلقى
قبل لا يجون تلكاهم ملائكة وقلبنة مكسورة عليهم وبس يوصلون تطلع اللسان وانتو ليش جبتونة لهاي الولاية وكلة صوجكم وانتو هيج كلتو ومع الاسف هواية حجي مالة داعي
فالواحد يبتعد عن المشاكل ويبرد راسة مع احترامي للكل

[ابن الكاظمية]

السلام عليكم اخوان

اخوان ان احجيلكم عن تجربتي  اخوان حسب اعتقادي الشخص الي يجي لامريكا بدون كفيل اشرفلة والله العظيم

اني اخوان وصلت فرجينيا بشهر العاشر واني للعلم صديقي كفلني وصديقي متتصورن شنو العلاقة اني وياه اني وكفتلة وكفات بس الله يدري بيها واني من جنت بالعراق هو هو املني كتلة اخوية اذا الوضع صعب يمك عادي والله العظيم مااجي ولا اوصل اقلم روحي بالعراق واسكت دمرتي روحي بالعراق وبعت غراضي وبقيت عايش على السفر لحد ماا فرجت واجيت لامريكا اجيت وجبيت وياي خمسين ورقة وكتلة خوية هذني اني اداينتهن اريد اشتري سيارة علمود امن على شغلة للعلم مخلاني اشتري سيارة كلي اهنا متفيدك السيارة تشتريها اتاخر علية الفود ستامب ولان هو ميكدر يمرلي هواي كون مرتبط كام ياخذني اشتري هاي وهاي لحد وغيرها واجرلي سيارة الي هو ماجرها ودفعت التامينات مالتها
 لحد مابقى كلشي عندي اجرلي بمنطقة بفرجينيا الايجار 14 ورقة ونص وهذا الظيم الثاني جان يكلي من جنت بالعراق مالك شغل بالمنظمة اني اشغلك انطاني وعود بس الله يدري بيها ولا واحد اتحقق والله العظيم بس ورطة بورطة قبل لا اجي كتلة خلي اروح بولايات رخيصة لان شوية يهتمون اكثر بالعوائل كلي كل عقلك اني يمك لاتفكر واخر شي كام يتهرب مني يكلي اني بالشغل ومرات انزل اروح اتسوق اكلها طالعة وي جماعة يفتر ويكلي اني بالشغل  والمنظمة الي اني عليها تعبانة حيل كوة راح ينطوني شهر اخير 3 وبعدها كالولي بعد مانة علاقة بيك كتلهم يابة مو اني لغتي ضعيفة ولازم تلكولي شغل عملود على الاقل بس احاول ادبر الايجار يكلولي نلكالك شغل اقل من الايجار كتلهم عمي لعد متفيدين خلي ارجع للعراق والله اشرف واحد امريكي من المنظمة يكلي شعبالك امريكا كتلة الله كريم   وهسة حاير ماعندي افلوس علمود الايجار وصيت جماعة هواي علمود شغل وماكو للعلم العراقيين الي شفتهم اهنا ماادري شكللكم مجد الة علاقة بالثاني واذا يوعد يخلف مية بالمية فد بشر مصايرون وهسة داانتظر اذا ماكو شغل لازم احاول ادين افلوس علمود ارجع للعراق ولو راح اشوف الظيم اكثر كون راح ارجع وماعندي ولا فلس بس لان عندي زوجة و3 بنات ومااعرف شسوي اذا بقيت بلا شغل فا شي اهون من شي وصديقي اتصلت بيه بس حجي وكلشي ماكو وكتلة ماكو مشكلة انت كافلني احاول ادين افلوس علمود انطي الغرامة مال الشقة علمود مااخليه بموقف محر ج 


والله ارحم الراحمين والي بيه الخير يقدمة رب العالمين

[ابو ياسين]

اختي العزيزه الريم
حشاك من ان تكونين كلامك غلط اني ماقصدت انتي حجيك مو صحيح الكفيل مالكم اجتهاد من عنده وقع العقد صدقيني واسالي قفي اي ولاية كانت الكفيل معنوي الله وكيلكم محمد كفيلكم ماله اي علاقه فقط يساعده اول ايام الوصول لكن اذا اراد الكفيل ان يتكفل بكل شي مثل ماصار وياكم فالكفيل حر هوه رايد هاذا الشي الي قصدته المنظمه ماتجبر الكفيل يوقع باي شي والله العظيم اني كفلت هواي ناس وماسويت اي شي فقط جبتهم من المطار حتى المعاملات المنظمه كملتهه الهم وهواي منهم هنا بالمنتدى ويعرفوني وان شاء الله همه يردون بنفسهم وياكدون ماقلته
واسف مره ثانيه منك اختي العزيزه كل كلامك صحيح والله من وراء القصد ماردت ان اجعلك تتعصبين او اكذبك حاشاك من الكذب بس كفيلكم هوه رايح موقع محد يجبره  والسلام وعليكم

[الريم 2000]

اخي ابو ياسين ماصار شي ؟مابيها كذب ان شالله ولكوسسسسسسسساينر انشالله يسوي زين للناس الزينة احنة مع الاسف الكوسسسسسسسساينر مطلع ادمى ويانة وكلامك 100% صح تحياتى ببلمرور للجميع بلخير والتوفيق

[الريم 2000]

نسيت ابلغكم اهم شي اللغة ترة هواية ناس (عراقيين )    حشى الطيبين يتباهون بان لغتهم عال العال  ميدرون هنا الامريكان بلذات يحترمون اللي حتى لو ماعندة لغة لانهم اوادم --دعائي للجميع التوفيق

[hamada2]

والله لو اني بامريكا يمكن اكفل حتى الغريب بس الظاهر مو كل الناس معدنها يظل اصيل والبشر يتغير

صاحب الموضوع حظرتك من توصل بالسلامة اريدك تنفذ ما كتبتة وامانة هاي برقبتك وتذكرني

واريد يكون معدنك اصيل وما تتغير وتتكفل وتنفذ كلامك حرفيا


اخي اكوا كثير من الامور انتة لاتعلمها او لايعلمها الاخرين

لكن ماتفضل به الاخ زياد ابو الحسن هوة مختصر الكلام واليك المقتبس من كلامه

سلام عليكم اجمعين
بما انه اسمي انذكر هنا ولو ما جنت رايد من الاخ ان يذكرني بالاسم لان احنه العراقيين بعدنه اهل الطيبة و دائماً نسوي زين و نذبه بالشط و نحب نساعد لوجه الله سبحانه و تعالى . بس للتذكير  و بس كل واحد وصل لأمريكا هو أدره بظروفه من غيره و خصوصا اللي بعده ينتظر السفر مع دعائنا الصادق لرب العالمين جل جلاله بتسهيل و تسريع سفر المنتظرين .

إخواني و أخواتي الأعزاء بعد مرور تقريبا سنه بأمريكا أكدر أحجي من خبرتي البسيطة ان مشروع الانتقال من ولاية او مدينة معينة الى ولاية اخرى هو مشروع قائم في بال اللاجئ من اول وصوله لأمريكا و لهذا نشوف اغلب الناس ما يريدون يتكفلون حته اقرب الناس لهم حته لا يورطوهم و يتورطون لان الانتقال من سكن الى سكن ثاني هو حق مشروع لكل لاجئ و يرتبط بالكثير من الظروف و الامور المتعلقة بوضع اللاجئ شخصيا.

نصيحتي للجميع تعالو بدون تعيين كفيل لان امريكا هيه هيه وين ما يوطنوك و باي ولاية تقريبا الوضعية نفسهه عالاقل ببداية المشوار.

هاذي قناعتي و لكل واحد رائ شخصي مختلف عن الاخر

تحياتي لكم

أخوكم
زياد / ابو الحسن
مينيسوتا - روشستر

[eboo]

السلام عليكم اخويه عادي هل امور اتصير واني من اجيت هنا نفس الموضوع بس كفيلي لغه كفالتي يوم الي وصلت وضليت بالمطار بشيكاغو وتالي كفلتني المنظمه بدالاس تكساس الكاثوليكيه ورحت واتصلت بأخويه ابو عبد الله التكساسي طلع بهيوستن واتصل بأخويه  الوسمي وابو قمر اجوي وما قصرو ويايه والحمد لله يعني لا تعتمد على كفيل والامور حسب اكو ناس متسهله عليهم واكو لا لان تعتمد على المنطقه واللغه وكثير من الامور الله يسهل على الجميع ونصيحه مني انت بعد اذا طلعت الفيزا شسوي بالكفيل يصير عليك صاحب فضل خلصت التعب بسوريا او الاردن او تركيا مجرد يكول اي خلي يجي هنا اكفله معنويآ يصير عليك صاحب فضل يمعود وكل واحد الكفيل لا يقدم ولا يأخر اتوكل برب العزه وتعال

[$$$$$]

والله لو اني بامريكا يمكن اكفل حتى الغريب بس الظاهر مو كل الناس معدنها يظل اصيل والبشر يتغير

صاحب الموضوع حظرتك من توصل بالسلامة اريدك تنفذ ما كتبتة وامانة هاي برقبتك وتذكرني

واريد يكون معدنك اصيل وما تتغير وتتكفل وتنفذ كلامك حرفيا


اخي اكوا كثير من الامور انتة لاتعلمها او لايعلمها الاخرين

لكن ماتفضل به الاخ زياد ابو الحسن هوة مختصر الكلام واليك المقتبس من كلامه

سلام عليكم اجمعين
بما انه اسمي انذكر هنا ولو ما جنت رايد من الاخ ان يذكرني بالاسم لان احنه العراقيين بعدنه اهل الطيبة و دائماً نسوي زين و نذبه بالشط و نحب نساعد لوجه الله سبحانه و تعالى . بس للتذكير  و بس كل واحد وصل لأمريكا هو أدره بظروفه من غيره و خصوصا اللي بعده ينتظر السفر مع دعائنا الصادق لرب العالمين جل جلاله بتسهيل و تسريع سفر المنتظرين .

إخواني و أخواتي الأعزاء بعد مرور تقريبا سنه بأمريكا أكدر أحجي من خبرتي البسيطة ان مشروع الانتقال من ولاية او مدينة معينة الى ولاية اخرى هو مشروع قائم في بال اللاجئ من اول وصوله لأمريكا و لهذا نشوف اغلب الناس ما يريدون يتكفلون حته اقرب الناس لهم حته لا يورطوهم و يتورطون لان الانتقال من سكن الى سكن ثاني هو حق مشروع لكل لاجئ و يرتبط بالكثير من الظروف و الامور المتعلقة بوضع اللاجئ شخصيا.

نصيحتي للجميع تعالو بدون تعيين كفيل لان امريكا هيه هيه وين ما يوطنوك و باي ولاية تقريبا الوضعية نفسهه عالاقل ببداية المشوار.

هاذي قناعتي و لكل واحد رائ شخصي مختلف عن الاخر

تحياتي لكم

أخوكم
زياد / ابو الحسن
مينيسوتا - روشستر

اذا الكفاله المعنويه مابيها اي ضرر على الكفيل وليش ما اكفل اخوتي اذا يحتاجوني؟؟ شنو الضرر اللي بالموضوع ياريت لو توضح احسن ما تكعد تشكك بالناس

[الريم 2000]

up

[lyoo]

اشكرك عزيزي صاحب الموضوع $$$$$$
صحيح هوايه ديعانون من هاي المساله وثاني شي اخي كوندا يكول باربيل وبالعراق ومدا يكلي كفيل بعد لكن مثل ماكال ابو مريويمه كول واحد واصله
وطبعا اشكر اخوي ذا بيس على هاي المبادره الطيبه وتواضعه لمساعده اخوانه
ثاني شي اذا اني اروح لامريكا لويش ماتصل واتواصل ويه اخواني وشنو هيه الكفاله المعنويه كلما بالامر تساعد اخوك معنويا مو ماديا علكود يتعرف على سبل طرق حياته يعني بين قوسين مساعده بسيطه وخصوصا على اختيار  الولايه
قدر الله ماشاء فعل والخير  فيما اختاره الله

[lyoo]

حقك اخوية تضوج بس بالنسبة للي يكلة اي اكفلك و وراها يكلب... هاي بالله شتخليلهه و تطيييب ؟؟؟ هاي صدك مصيبة لانه من تبدل كفيل ممكن  راح يأخر ملفك ... الله كريم و تحياتي للجميع

حجايتك عدله والله ياخي
واحد الاخوان نبهني كال اني صارت مثل شغلتك انو كفيل اول مقابله اتصل وياه ويسولف وياي وهسه لا تلفون ولا مسج ولا يجاوب على التلفون كال من اروح ثاني مقابله الغي الكفيل واهمه يختارولي ولايتاخر الملف شهر ولاهم  يحزنون

[lyoo]

شكراا للاخت مدام كوري على ابداء المساعده الاخويه
وشكرا لاابو ياسين الطيب على التوضيح بخصوص الكفيل لان حقيقه افادنا به
واخوي ابن الكاظميه الله يكون بعونك ويسهل امرك حسافه هشكل صديق يسوي بصديقه الي مسوي على فضل معناه لاتثق حتى بصديقك المقرب ومثل ماكل احد الاخوان اشلع قلب المنظمه خلي كلشي عليهم
واذا الكفاله المعنويه مابيها قسما عظما اكفل كل واحد طيب وغريب لان انا اتشرف بهذا الشي واحب المساعده
واني شنو تنصجوني الغي الكفاله لو لا ؟؟؟؟؟؟؟؟؟؟

[فارس العراق 90]

هاي مو بس الي يوصل امريكا العراقيين بس يطلعون خارج العراق هيج يصيرون حتى هنا يمنة بالاردن هم هيج الناس
متحب الساعد وتريد بس مصلحتها قليل من العراقيين معدنها اصيل على كولتك

لا عاب حلكج اختي

ولله بس اوصل بخير وسلامه اي واحد ايريد اكفله  مو بس هاي عيوني اله

[الريم 2000]

شكرا لصاحب الموضوع---يرجى الاطلاع والمزيد من الاجابات حول هذا الاستفسار ----تحياتى

[$$$$$]

اخواني الاعزاء شكرا لردودكم جميعا بس بعد ان قريت هواية مواضيع وقريت ردودكم توصلت لقناعه انه الواحد ميكتب كفيل ويروح وحده احسن ويكللهم ماعندي كفيل وشوف الله وين قاسمله يروح ولا مذله الاصدقاء عبالك مو دا اكله اكفلني معنويا حتى اجي لولايتك عبالك دا اكله انطيني ابنك.
الله يسهل على الجميع ومع الاسف اكول لا والله ليش مع الاسف بس الحمد لله من خلال موضوع الكفيل عرفت هوايه ناس على حقيقتهم.

تحياتي للجميع

[الريم 2000]

اخي صاحب الموضوع --صحيح الغايب عذرة معاه---بس ارجع الردي الاولي كتلك راي انو اطلع بدون كفيل والكفيل ربك واعتمد على نفسك مو اقصد الشك بس تلافيا لبعض الاشكالات وكونك بدون عائلة اسهل-- وانى طرحت اللي صار النة مو جبنة الحجي من قال ويقال كما يدعي البعض وانشالله الكل تستفاد وربي يوفق الجميع---تحياتى الك

[رافت العراقي]

السلام عليكم
طبعا عندي هواي اصدقاء او اقارب بامريكا بس لان اعرف شنو العراقي (مع الاسف اكولهه ) بس الله يوفقه شويه يشوف نفسه اكبر من الباقين او ميحب الخير لغيره(الا ما ندر) او هذا الشي صار وياي اكثر من مره ولهذا السبب من سالوني المنظمه كتلهم ما عندي كفيل ولحد هاي اللحظه اصدقائي يتصلون بيه علمود ايكفلوني بس ما اقبل لان اعرف شنو تاليتهه حتى لو جان صديقك المقرب , او من خلال ردودكم ترسخت عندي هاي القناعه او حمدت الله انه ما خليت كفيل ,

اخوكم رافت

[اهلي ياعراقين]

اهلي ياعراقيين
انا في هيوستون تكساس ومستعد لاي  كفالة اومساعدة

[$$$$$]

بارك الله بيك اخي ياطيب هذا بس من اصلك واتمنى اي واحد يكدر يكفل اخوانه ميقصر وتحياتي الك

[santabanta]

والله يا أخي موضوعك خلاني اكتب واكتشفت عندي حساب قديم هنا, اول شي احب اسلم عالكل واشكر اداره الموقع عله هالجهد الراقي اني عايش بكالفورنيا صارلي سنه ونص تقريبا, بالنسبه للكفاله اتمنالك تجي لامريكا حته بعد متعتب عله اي احد مكدر يكفل, الحياة هنا مو سهله ومعظم الي معتمدين عله نفسهم يشتغلون فل تايم يعني من السبعه للسته العصر و بس سبت واحد عطله(تتوقع هالشخص حيكدر يساعدك باي شي اذا كفلك؟), والله نركض من الصبح لليل و يادوب مدبريهه اني صدفه الي كفلني جان عده يومين اوف بنص الاسبوع وكلش سهل عليه ياخذني لاي دائره حكوميه ويساعدني باي اجراء طبعا مكلفته غير ان يوديني للسوشال و لامتحان السياقه الله شاهد بعدين اعتمدت عله نفسي والحمد لله, امريكا حلوة و تفتحلك افاق متلكاهه باي دوله ثانيه والسبع يستغل الفرصه ولازم يكون ناوي يتعب ويكد مو يحط رجل عله رجل ويسب بامريكا وباليوم الي اجه بيه هنا (دائما من احد يحجي هيجي كبالي اكله معاجبتك؟ يا اخي شجابرك؟!  ارجع للعراق وفضهه) لازم الي ناوي يجي يكون مستعد يتقبل الحياة الجديده و يتأقلم, 80 بالميه من العراقيين ميسووهه مع الاسف, و احجيلك العدله اذا الشخص الي طلبت منه يكفلك ميعرفك معرفه شخصيه مراح يخاطر و يجيبك يمه مو انانيه ولا لان ميحب يفيد بس لان اكو هوايه عراقيين مو اوادم (حشاك وحشه الطيبين) وهالشكولات عمو عالزينين و تصرفاتهم متخليك تكفل عمياوي اني من الناس كفلت شخص برغم هوه انطه اسمي ومعلوماتي (جابهه من الفيسبوك) للمنظمه حته بدون ميخبرني! اتخيل اني كاعد واجاني تلفون من المنظمه انت كافل فلان! طبعا اني انسانيتي غلبت عله ضوجتي وقبلت لان هم خطيه, بس بصراحه هذا تصرفه ابد مو مسؤول ويخليك تفكر هوايه قبل لا تكفل هيجي ناس, الصداقه والانسانيه والتعاون ماكو احله منه بس الاستغلال وعدم مراعاة ظروف المقابيل انانيه ومحلوه, هوه ميعرف وضعي ولا حته كلف نفسه يسألني اكدر لو لا,نصيحتي انطي لصاحبك الف عذر و. تحياتي وتمنياتي للجميع بالسفر والتوفيق للاحسن ان شاء الله.

[الريم 2000]

تسلم اخي (santabanta)  ربي يوفق الجميع وتكون درس بس ماتخلى ونكو ل وان خليت قلبت من الناس الخيرة

ارجو ملاحظة كلام الاخ ابن الكاظمية =======


ومااعرف شسوي اذا بقيت بلا شغل فا شي اهون من شي وصديقي اتصلت بيه بس حجي وكلشي ماكو وكتلة ماكو مشكلة انت كافلني احاول ادين افلوس علمود انطي الغرامة مال الشقة علمود مااخليه بموقف محر ج 

[الريم 2000]

انشالله الكوساينر مايتاثر يارب

[مــحــمــــد]

ابو مريومه
ابن عمي مسجون في ميريلاند صار  خمس شهور بسبب واحد اتكفله سوه مشكله ويه الشرطه
والاثنين على قائمة الترحيل
هاي بسبب الكفاله

[kunda]

سؤال ,,,,,, شلون اعرف كفيلي معنوي لو مو معنوي ؟؟؟؟؟؟؟
يعني اثناء توقيع الاوراق شنو الاسئلة اللي راح تتوجهلة ؟

[lionofiraq]

السلام عليكم اخواني عندي سؤال

اذا الواحد ينطي عنوانه الى عائلة راح تجي الى امريكا شنو يترتب على هذا الشيء؟

هل المنطي عنوانه لازم يتكفل بكل شيء بيهم منها الأجار و استقبالهم بالمطار ام المنظمة الموجودة في تلك الولاية هي الي تتكفل؟

و شكرا و ممنون

[الريم 2000]

انشالله الكل تفيد وتسسسسسسسسسستفيد؟
 اخ وديع صح وهذا اللي هوة الكفيل خبرنة بي من ضمن الالتزامات وثانيا صدكونى اخوان المنظمة كولشي هية سوت من كافة الاجراءات وكلشي ماعدا هوة اللة يحفظة ويرعاه وقع عقد الشقة لهذا مكدرنة نغير الولاية او نكسر عقد الشقة --مو اجتهادات منى او من اي شخص لا سامح الله والاخت سالي وضحت اللنك مالت اخونة عكعك (الله يذكره بكل خير يارب----)واضح بس ارجع واكرر انى هاي اللي جرى الي من خلال الكفيل (الله يحفظة)--تحياتى للجميع

[مــحــمــــد]

يعني هذا اللي تكفل الولد اللي طلعو ارهابيين ماراح بالرجلين من وره اللي تكفلهم

[**Sally**]

كل انسان عنده حد للتحمل اني هذا اكثر شي
طبعا مسحت تعليقاتي بالموضوع لان صار الموضوع تصفيه حسابات لا اكثر
واني اعتذر وحقكم على راسي واني غلطانه

وان شاء الله الممسافر يسافر ويتذكر هاي السوالف ويضحك
موفقين جميعا

[الريم 2000]

اخونة العزيز والغالي --كوند تعرف انو معنوي اولا من خلال اتصالك بي حول ماهية الاوراق اللي موقعها اذا مسطرهن كولة-لا- عادي واذا موقع الفقرة اللي تعجبة ويستفاد منها طبعا يكون مسول عليك بلمدة المقررة هاي عن تجربتى اكرر انى اللي جرى علية داكولة وانشالله الاخوان هم يوضحون لان هية شغلة تجارب وولايات بصراحة وانى الممنونة---تحياتى

[lionofiraq]

السلام عليكم اخواني عندي سؤال

اذا الواحد ينطي عنوانه الى عائلة راح تجي الى امريكا شنو يترتب على هذا الشيء؟

هل المنطي عنوانه لازم يتكفل بكل شيء بيهم منها الأجار و استقبالهم بالمطار ام المنظمة الموجودة في تلك الولاية هي الي تتكفل؟

و شكرا و ممنون

[الريم 2000]

لا اخي طبعا -لا- حسب الاوراق اللي اتوقعها من يخابروك المنظمة لان انت الكفيل وتكدر تكول كفالة معنوية(بس باختيارة الولاية اللي انت بيها) وكولة تكول لا-لا-لا وهاي من حقك لان انت كفلتة معنويا باختيار الولاية --ولا يكلفك خاشوكة جاي اصلا--بلتوفيق

[الريم 2000]

ان شالله الاخوان ميقصرون بلرد كل اللي واصل امريكا مو من سمعنا ونسمع وانشاللة التوفيق من الرب الجليل (تصفية حسابات)

انما اعمالكم بلنيات --الفرج يارب والصبر اللة يساعد كل الصابرين ومن ضمنهم انى  امين

[امل الوصول]

السلام عليكم جميعا ...عزيز صاحب الموضوع موضوعك واسؤا منة هسة اني وعائلتي هسة حاليا دة يصير بينا عرفت  صديقتي بامريكا تكساس وكلتها اني ملفي على امريكا ممكن تصيرين كفيلتي واسال زوجج الاول واذا صعبة او بيها احراج عادي ما بيها شئ بس لان انتي تكولين تكساس رخيصة وزينة والاهم من كل شئ جوها دافي لان ابني مريض عندة ربوا واني انطيت عنوان مشكن كالت اردلج خبر ورة فترة ردت وانطتني العنوان وكالت هلا بيكم ولا ازعاج ولا شئ اصلا كلشي معلية بيكم هي المنظمة تتكفل بكل شئ وطبعا اني قدمت عنوان مشكن الاول وتالي كلتلهم لا بدلنا  نريد تكساس حتى الملحفة كالت ليش بدلتوا العنوان كنالها الطفل مريض بي ربوا وميتحمل برد مشكن نريد ولاية تكون دافية هسة انوبة طلعلنا تعليق ومدنفتهم راسنة من رجلينة وعقلنا واكف ودمار نتيجة التعليق لا يوصف طبعا فوكاها صديقتي كلما ادخللها على الياهو تكولي بزي اني بلكولج ؟ وبلفيس من تشوفني جات تطلع ركض ركض ؟؟؟؟؟شنو رايكم بهل حالة يعني اني دا اتوهم لو هي فعلا تتهرب مني وتورطت ورطتني وياها؟زين هسة شسوي ؟وشكول للمنظمة ؟خاف لا تكول ما اريدهم؟وتاخر كل الملف لو خاف يتصلون بيها ومترد؟لو هذا عادي وفعلا هي مشغولة ؟واذا اريد اخلص من كل هلغوة اتصل بلمنظمة واكولهم الغوا العنوان الاخير وانتوا قرروا وين تودونا؟بس المشكلة انوا احنا نريد تكساس للدفوا والرخص .....ممكن ردودكم بلحلول والارأء الصريحة ؟هسة اني تورطت واريدكم تساعودني الله يسهل وييسر اموركم يارب

[شمعه منوره]

الأخ $$$$$  صاحب الموضوع

كافة الاخوه المشاركين وغير المشاركين ..

توضيح مهم للجميع لكي لا تتكرر هذه المناوشات في الردود بلا علم ولا فهم مع الاسف الشديد ..

1- دائما نقول لا تكتبو معلومات اجتهاديه وغير متاكدين منها ومن صحتها لكي لا يقع الاخرين في خطأ معلوماتكم ويصبحو ضحايا .... ومع ذلك اغلب المواضيع فيها اجتهادات غير صحيحه من اصحابها مع الاسف الشديد .. وموضوع الكفيل المعنوي واثره على المكلفول وما هي الاشياء التي تترتب على الكفيل المعنوي وما هو دوره شرحناها انا والاخ عكعك التطوي والاخ سلاما للعراق والاخت انجي في اربعة مواضيع متكامله وغطينا كل جوانبها وموجوده في الارشيف ولكن لا احد منكم يتعب نفسه في متابعة هذا الموضوع واي موضوع اخر في الارشيف ويكتب معلومات من اجتهاده الشخصي وياريت يكون ما يكتبه صحيح وانما يكتب معلومات تشبه رسالة (الحاج راضي) التي ترجمها (عبوسي) في مسلسل تحت موس الحلاق .. (طبعا هسه يطلعلي واحد ايكولي جيب الروابط مال هاي المواضيع حتى انشوفها وراح اكوله تريد اني اتعبلك وانت كاعد مستريح ؟؟ روح دور بنفسك مثلما جنا احنا اندور اول ما اجينا اعضاء جدد ) ...

2- لعلم ومعلوم الجميع بلا استثناء واقول عن خبره كامله ودلائل اكيده وقويه ما يلي :

ليس هناك اي اثر او تأثير على الكفيل المعنوي (الكوساينر) اذا كان الكفيل قد وقع على استمارة الكفاله بدون اي تأشير على اي فقرة من الفقرات الموجوده في استمارة (فورم) الكفاله نفسها ... اما اذا اشر الكفيل بعلامة (صح) على اي فقره من الفقرات المذكوره في الفورم فيكون في هذه الحاله مسؤؤل عن الكفيل فيما يخص الفقرات المؤشر عليها فقط وليس كل الكفاله ...

ولذلك الكفلاء المعنويين دائما يوقعون على الكفاله خاليه من اي تأشير على اي فقره من فقرات الكفاله لكي لا يتحمل مسؤؤلية الكفيل في الامور الماديه ومنها الاثاث والايجار وغيرها ولذلك يسمى الكفيل ب (المعنوي) اي ان معنى الكفيل المعنوي هو اقرار بان الكفيل يعرف المكفول شخصيا فقط ليس الا .... اكرر ...معنى الكفيل المعنوي هو اقرار بان الكفيل يعرف المكفول شخصيا فقط ليس الا ....

3-انتقال الكفيل الى اي ولاية لا يؤثر مطلقا ونهائيا على المكفول من كل النواحي لان المكفول عندما يصل سيتم تخصيص(سوشيل سيكيورتي) خاص به يحتوي على عنوان سكنه وكل المعلومات الاخرى ولا علاقه له بالكفيل ولا للكفيل علاقه به في هذه الحاله ...

4-الاخت ريم ذكرت ان كفيلهم وقع على عقد ايجار ولم يستطيعو الانتقال الى ولايه اخرى بسبب توقيع الكفيل على عقد الايجار وهذا من الناحيه الواقعيه والقانونيه غير صحيح لان الكفيل حتى اذا وقع على عقد الايجار نيابة عنك وتريد ان تنتقل الى منطقة اخرى ففي هذه الحاله ستكون ملزم بدفع مبلغ الاشهر المتبقيه من العقد طبقا لعقد الايجار نفسه فقط لا غير وتستطيع الانتقال الى اي مكان اخر واي ولايه اخرى ... ولذلك حتى لو وقع الكفيل عقد ايجار نيابة عنك فانت تستطيع ان تنتقل الى اي مكان اخر ولكن بعد استيفاء شروط عقد ايجارك مع المالك كما هو مثبت في العقد لضمان حقوق صاحب الدار ... اذن الاخت ريم كان بامكانها الانتقال  بشرط استيفاء عقد الايجار في مدته المتبقيه والمبلغ المادي للايجار المترتب عليها ...

5-الكفيل المعنوي لا يتحمل اي مسؤؤلية عن المكفول الا في حاله واحده هي اذا كان المكفول لا سامح الله قد ارتكب جريمه او جناية او جنحه فدراليه يعاقب عليها القانون بعقوبات معينه ... ففي هذه الحاله يكون الكفيل مسؤؤل عن المكفول والسبب كما قلنا لان الكفاله المعنويه معناها اقرار من الكفيل بانه يعرف المكفول شخصيا ... وبما انه على معرفه شخصيه به فانه يتعرض الى المساءله القانونيه امام الجهات المختصه اذا ارتكب المكفول اي جريمه او جنايه او جنحه فدراليه ....

وبما ان اغلب اللاجئين (ماشاء الله عليهم) بعد وصوله الى امريكا يتفنن في وسائل مخالفة القانون لذلك يتعرض الكفيل الى المساءله القانونيه ...

وفي غير هذه الحاله ... ليس للكفيل اي اثر او تاثير على المكفول نهائيا سوى الاقرار بالمعرفه الشخصيه ...

والاخ ( بيرج ) قبل سنتين كفل العديد من الاشخاص وكذلك الاخت انجي والاخ ابو دجله ايضا على ما اعتقد والكثير والكثير من الاخوه الاخرين من الاعضاء القدامى الذين كانو معنا كفلو العديد من اللاجئين بدون اي اثار او مترتبات على الكفاله ....

لذلك اقول للاخ صاحب الموضوع وللجميع (كفيلك ) لا يؤثر عليك بشيء نهائيا طالما انك لم ترتكب مخالفه قانونيه واضحه ....


وكلام الاخ ابو مريومه والاخ ابو ياسين والاخت سالي صحيح وسليم مئه بالمئه ....


تحياتي

شمعه - كندا

[الريم 2000]

شكرا شمعة وللة طالعة انى بس مكدرت كلت لازم ادخل المنتدى واسلم عليك  كلامك صحيح وتسلم وبشهادة اللي انشدت بيهم بس انى حجيت اللي صار بية وهذا ردي محملت احد ياخذ بي وانت حجيت وجهة نظرك تسلم اخي


سؤال ظال ابالي بيش سعر المكامة من مصر ال كندا----    تحياتى لحزب الرجال (شدة ياورد)

[شمعه منوره]

شكرا شمعة وللة طالعة انى بس مكدرت كلت لازم ادخل المنتدى واسلم عليك  كلامك صحيح وتسلم وبشهادة اللي انشدت بيهم بس انى حجيت اللي صار بية وهذا ردي محملت احد ياخذ بي وانت حجيت وجهة نظرك تسلم اخي


سؤال ظال ابالي بيش سعر المكامة من مصر ال كندا----    تحياتى لحزب الرجال (شدة ياورد)

الاخت الريم

نظرتي عنك نظره ايجابيه واتمنى ان تستمر ايجابيه وانا دائما احب ان يكون الكلام صريح بلا لف ولا دوران ولا الغاز ولا تلميحات لان هذه الاساليب يتبعها الذين ليس في نفسهم ثقه ...ولذلك لا احب لغة اللف والدوران والالغاز والكلمات المتقاطعه والحزورات .. ولذلك جوابي على ردك الاخير المقتبس اعلاه هو :

1-أكيد وبكل ثقه كلامي صحيح والناس الذين ( انشدت) بيهم هم الاخ عكعك التطوي وهو فطحل من فطاحل المنتدى والاخ سلاما للعراق وهو اشهر من نار على علم والاخ ابو دجله وهو معروف والاخت انجي وهي ايضا غنيه عن التعريف وانا (انشدت) بيهم لانني قلت انني وهم ايضا كتبنا مواضيع عديده حول (الكفيل) .... وهؤلاء الذين انا (انشدت) بيهم هم من الاعلام في المنتدى الذين لا اعتقد ان اي عضو في المنتدى يستطيع ان يقول عنهم عكس ذلك الا (النشاز) من الاعضاء ..وارجعي الى ردي لكي تتاكدي من الذين انا ( انشدت) بيهم مع الفخر والاعتزاز بهم ...

2- واذا كنتي حضرتك تقصدين الذين انا(انشدت) بيهم هم الاخوه ابو مريومه والاخ ابو ياسين والاخت سالي فانا ذكرت اسماؤهم لان كلامهم كان صحيح ومضبوط وليس من عادتي ان اقول على صاحب الكلام الصحيح والمضبوط الا الحق ومع الفخر والاعتزاز بهم ايضا .. والحق ان كلامهم كان صحيح ...

3- ردك لم تحملي به احد ولكنه كان رد يحتوي على معلومات خاطئه ... ومن الواجب تصحيح الخطأ عند وقوعه لكي لا يقع في نفس الخطأ الاخرين الذين لا يعلمون ...

4- اما السؤال الذي ظال في بالك حول سعر الاتصال من مصر الى كندا  فبأمكانك الاستفسار عنه في اقرب مركز بريد عليكم وما تحتاجين لاي ( كفيل) .... وحتى اريحك واريح بالك اكثر لا توجد اية اتصالات لا بين مصر وكندا .. ولا .. بين كندا ومصر ... اتمنى الان ان يكون بالك مرتاح ...

تحياتي لحزب النسوان ( شدة يا شوك ) ...


شمعه - كندا

[الريم 2000]

اخي شمعة ليش هلكد متحمل ولا اعرفك هيج---ثانيا الناس اللي انشدت بيهم انى اساسا اعتز بيهم ولا تصير عصبي ولا اي شي---اساسا الحمدله عندي ثقة بنفسي ولو ماعندي ما جاي اجاوبك لان اعرفك انت انسان بعيد عن كل الاضواء اللي اتهمتنى بيها-----

اما عن مناشدتك للاخوة انت انشدت بيهم بس وين ردود الاخت سالي حتى انت انشدت بيها ارجو ان الغلط يكون مطبعي



واما عن الفلاطحة للاخوان اللي بلمنتدى يضلون شمعة بهذا البيت واشوف منك رد سلبي بجوابك لللمكامات انت ابدمو هيج لان الانسان الزين متغيرة اوربا ولا امريكا --ارجو ان تكون عند حسن ظنى الك والثقة رجاءاا موجودة ودايما ---لا تنسى انى امراة بعيدة عن مهاترات الرجال  واسلوبي دايما بسيط مع اللي يتعامل معي باسلوب الاخوة ---رجاءا لا تخلي التجريح باسلوبك  لان اللي اعرفة مو طبعك ودخولك المنتدى منورر اليوم وتسلم على كلشي المهم يطمن بال الباقيين  شكرا الك

[الريم 2000]

ابو احمد ارجو منك ان ترجع لردودي اللي ماممسوحة رجاءاا --انى كلت انو كفيلي وقع الايجار العقد يعنى وما اكدر نكسر العقد لان هوة يتحمل مسؤولية مثل مافهمنة (اللة ينطي العافية) وانت نفس الحجي عدتة وبعدك مصر انو انى اخطات هسة انى بامريكا يا اخي واللي مار بية حجيتة ليش تخلينى اغير وجهة نظري ميصير حضرتك تكذب يمكن تكول معلومة عن التصرف اللي صار معانة بس مو تكول مو صحيح --انى اشداخل بجيبي لا فول ولا طعمية حتى اريد احد يصفك الي---انى حجيت رد صار بية وخلاص وانى ما اوزعل ولا اتذمر من اخ مثلك يكول  وللة مو هيج بس مو تكول مو صحيح ------كولها بلجلفي (جذب )


المهم الخطا المطبعي انشاللة تصلحة وانى ممنونة للمرة الاخيرة بس ماتمنعنى اجوبة اللي مرت بية سواء يستفاد منها الشخص او لا


بس للعلم حسب التجربة وانى ما احجي من نفسي انشالله الكل تتفهم ؟

[شمعه منوره]

اخي شمعة ليش هلكد متحمل ولا اعرفك هيج---ثانيا الناس اللي انشدت بيهم انى اساسا اعتز بيهم ولا تصير عصبي ولا اي شي---اساسا الحمدله عندي ثقة بنفسي ولو ماعندي ما جاي اجاوبك لان اعرفك انت انسان بعيد عن كل الاضواء اللي اتهمتنى بيها-----

اما عن مناشدتك للاخوة انت انشدت بيهم بس وين ردود الاخت سالي حتى انت انشدت بيها ارجو ان الغلط يكون مطبعي



واما عن الفلاطحة للاخوان اللي بلمنتدى يضلون شمعة بهذا البيت واشوف منك رد سلبي بجوابك لللمكامات انت ابدمو هيج لان الانسان الزين متغيرة اوربا ولا امريكا --ارجو ان تكون عند حسن ظنى الك والثقة رجاءاا موجودة ودايما ---لا تنسى انى امراة بعيدة عن مهاترات الرجال  واسلوبي دايما بسيط مع اللي يتعامل معي باسلوب الاخوة ---رجاءا لا تخلي التجريح باسلوبك  لان اللي اعرفة مو طبعك ودخولك المنتدى منورر اليوم وتسلم على كلشي المهم يطمن بال الباقيين  شكرا الك

الاخت الريم

كما قلت في بداية ردي السابق ... نظرتي عنك ايجابيه واتمنى ان تستمر ايجابيه ولكن على ما يبدو لي ان حضرتك تريدين تغيير هذه النظره من خلال اسلوبك في كتابة الردود .... ولذلك اعود واقول  مره اخرى ما يلي :

1- انا لست متحامل لا عليكي ولا على غيرك لان التحامل على الاخرين ليس من طبعي ولا من صفاتي ولكنني تعودت ان اقول الحق دائما عندما يكون قول الحق مطلوب وضروري لكي تفهم الناس الحقيقه بدون اي معلومات خاطئه ... ولذلك ليس في ردي اي تحامل ولكن اتمنى ان تعودي الى ردك السابق الذي كتبتيه باسلوب اللف والدوران والألغاز والكلمات المتقاطعه  ....

2-وردك السابق ايضا كان باسلوب التشكيك بالنوايا بدليل قولك ( الناس اللي انشدت بيهم )  ... وعندما اوضحت لكي من هم هؤلاء الذين انا ( انشدت بيهم) غيرتي ورجعتي في كلامك مره اخرى ووصفتيهم على انهم ( اعلام بالمنتدى ) بينما في ردك الاول  لم تصفينهم على انهم اعلام ... وهذا يدل على اسلوب التشكيك بنوايا الاخرين ..

3- اما بالنسبة للاخت سالي فانا اؤكد انه ليس في ذكر اسمها اي ( غلط) مطبعي لأنني تابعت ردها الذي مسحته هي بنفسها وتابعت ايضا ردك الذي كان فيه تجاوز واضح على الاخت سالي لا اريد ان اذكره هنا مره اخرى لانكي تعرفينه جيدا وانتي ايضا اضطريتي الى مسح ردك ..... ولذلك انا ذكرت اسم الاخت سالي لانها كتبت رد وكان جوابها في الرد صحيح ... وكما قلت سابقا ليس من عادتي الا ان اقول الصحيح على صاحب الكلام الصحيح ورد الاخت سالي كان صحيح ....


4- أما كلامك عن ( مهاترات الرجال ) فياريت لو توضحين اي مهاتره تقصدين ؟؟؟ اي مهاتره ؟؟؟ولانك امراه اقول لكي لا يجوز  ولا يصح اطلاق الكلام بلا دليل وياريت لو تعطينا الدليل على وجود ( مهاترات الرجال ) المزعومه التي قلتيها وذكرتيها بدون دليل وبدون وجه حق .... واذا كان اسلوبك هو اسلوب (بسيط مع اللي يتعامل معي باسلوب الاخوه ) كما ذكرتي فأرجو ان تفسرين معنى كلامك في ردك السابق حين قلتي ما نصه :
((سؤال ظال ابالي بيش سعر المكامة من مصر ال كندا----    تحياتى لحزب الرجال (شدة ياورد) )) ؟؟؟؟؟؟!!!!!!!  هل هذا هو اسلوب  امراه تكتب ببساطه وباخوه ؟؟؟؟؟

اخيرا .. اذكرك بقاعده مشهوره في علم الفيزياء وتنطبق في كل الحياة ...تقول هذه القاعده :

(( لكل فعل رد فعل يوازيه في القوه ويعاكسه في الاتجاه )) ... وردودي لحضرتك كانت بناءا على ردودك التي كتبتيها ...

وأتمنى ان نحافظ على مسار الموضوع ولا نخرج عنه الى مواضيع وقضايا فرعيه وجانبيه ليست من صلب الموضوع احتراما لصاحب الموضوع وليقة الاخوه الاعضاء ...


تحياتي

شمعه - كندا

4-

[الريم 2000]

شكرا الك وشكرا لصاحب الموضوع ---


من اول ما احب العب لعبة (المتاهات) لهذا اذا كانت الصورة سلبية عندك خليك عليها بس انى اظل احترمك لان انت شمعة --واكتفي بلرد لان انت اخي الكبير وما تطلع الكلمة منك بلغلط وصار واضح االي وتبقى علم اما عنى مايهمنى سلبي او ايجابي رايك بية لان اعرف مع من اتكلم ومنشوود بيه     

احترم الصراحة واكره التشكيك لان اعتبرة تخلف احترامى هاي وجهة نظري


اكرر شكرا لصاحب الموضوع مرة ثانية

[شمعه منوره]

ابو احمد ارجو منك ان ترجع لردودي اللي ماممسوحة رجاءاا --انى كلت انو كفيلي وقع الايجار العقد يعنى وما اكدر نكسر العقد لان هوة يتحمل مسؤولية مثل مافهمنة (اللة ينطي العافية) وانت نفس الحجي عدتة وبعدك مصر انو انى اخطات هسة انى بامريكا يا اخي واللي مار بية حجيتة ليش تخلينى اغير وجهة نظري ميصير حضرتك تكذب يمكن تكول معلومة عن التصرف اللي صار معانة بس مو تكول مو صحيح --انى اشداخل بجيبي لا فول ولا طعمية حتى اريد احد يصفك الي---انى حجيت رد صار بية وخلاص وانى ما اوزعل ولا اتذمر من اخ مثلك يكول  وللة مو هيج بس مو تكول مو صحيح ------كولها بلجلفي (جذب )


المهم الخطا المطبعي انشاللة تصلحة وانى ممنونة للمرة الاخيرة بس ماتمنعنى اجوبة اللي مرت بية سواء يستفاد منها الشخص او لا


بس للعلم حسب التجربة وانى ما احجي من نفسي انشالله الكل تتفهم ؟

الاخت الريم

اتمنى ان ترجعين الى ردي وتقرأين الفقره التي كتبتها انا عنك جيدا واكثر من مره لكي لا تفسرين الكلام على المزاج ولكي تلاحظي فيها ما يلي :

1- انا لم اقول انكي تكذبين ولا ( جذبتج ) وانما انا قلت ما نصه  وسانقل هنا ايضا مرة اخرى نص الفقره كامله لكي تقرايها مره اخرى كما يلي :

((الاخت ريم ذكرت ان كفيلهم وقع على عقد ايجار ولم يستطيعو الانتقال الى ولايه اخرى بسبب توقيع الكفيل على عقد الايجار وهذا من الناحيه الواقعيه والقانونيه غير صحيح لان الكفيل حتى اذا وقع على عقد الايجار نيابة عنك وتريد ان تنتقل الى منطقة اخرى ففي هذه الحاله ستكون ملزم بدفع مبلغ الاشهر المتبقيه من العقد طبقا لعقد الايجار نفسه فقط لا غير وتستطيع الانتقال الى اي مكان اخر واي ولايه اخرى ... ولذلك حتى لو وقع الكفيل عقد ايجار نيابة عنك فانت تستطيع ان تنتقل الى اي مكان اخر ولكن بعد استيفاء شروط عقد ايجارك مع المالك كما هو مثبت في العقد لضمان حقوق صاحب الدار ... اذن الاخت ريم كان بامكانها الانتقال  بشرط استيفاء عقد الايجار في مدته المتبقيه والمبلغ المادي للايجار المترتب عليها ...))

وكلامي هذا معناه ان قول ( كفيلكم) بانكم لا تستطيعون كسر العقد هو قول غير صحيح لانه من الناحيه القانونيه العقد ملزم للطرفين بشروط العقد نفسه وهذا معناه ان صاحب الدار يريد حقه القانوني من استيفاء مدة الايجار  المنصوص عليها في العقد ولا علاقه له اذا انتم ستكونون موجودين في الدار  او سوف تنتقلون الى مكان اخر ..

2- ولذلك انا قلت انه كان بامكانك ان تدفعين لصاحب الدار فترة الاشهر المتبقيه من العقد وتنتقلين الى منطقه اخرى لان العقد ينص على اكمال فترة العقد من حيث الالتزام بدفع الايجار .. يعني اذا عقدك لمدة سنه وتريدين ترك الدار قبل نهاية السنه مثلا باربعة شهور فيجب ان تدفعين ايجار الشهور الاربعه الباقيه من السنه لكي تخرجين ..ولكن انتم تريدون الخروج بدون دفع الباقي المترتب على ذمتكم من عقد الايجار السنوي والكفيل في هذه الحاله هو الذي سيتحمل دفع فرق الاشهر الباقيه وهذا غير عادل وغير منصف لذلك الكفيل قال لكم لا تستطيعون كسر عقد الايجار ....

3- سؤالي لكي الان .. اين هو التكذيب في كل كلامي ؟؟؟؟؟ وكلامي هذا ليس فيه تكذيب ولكن حضرتك علىما يبدو تتصورين ان من يخالفك في الراي او يصحح لكي معلومه وكانما يكذبك ...  اين هو التكذيب ؟؟؟؟ وللعلم كلامي هذا قانوني واصولي ....

وللعلم والمعلوم هذه الحاله حصلت مع العديد من الاخوان الاعضاء في الكثير من الولايات وبعضهم فعلا دفع فرق ايجار الاشهر المتبقيه من مدة العقد وبعضهم اضطر الى اكمال فترة العقد ثم انتقل الى مكان اخر بعدها ....


اتمنى ان يكون كلامي الان واضح جدا جدا ...


تحياتي

شمعه - كندا

[الريم 2000]

جداا -جدا بس انى هذا اللي صار معنا واكرر ماكدرت اغير الولاية لان الكفيل كال انى اتاذى واظل على راي لان انى صاحبة تجربة  وحجيتها اما عن المعلومة يجوز انت صح وتعتمد على المكان او الولاية واخي انشالله الاخوة ياخذون برايك لان انت من الاشخاص المعروفين بلمعرفة وهاي حقيقة ماكدر انى انجرف عنها لان منك هم هواية اجوبة استنتجت وتسلم على كل حرف--كل كلمة--كل مناشدة --كل (شوكة) مقبولة منك لانى احترم رايك ----انت --ولا ان
حرف منة واكرر حجيت (تجربتى) وتعبناك اليوم عوف الكفيل روح على غير موضوع

دايم ابو احمد---هسة الاتصالات واروح اسال الثلج المن اسال

[شمعه منوره]

الاخت الريم

حتى تتاكدين اكثر من صحة كلامي تكدرين تستفسرين بشكل مباشر من المنظمة التي كانت رعايتكم عليها ...كفيلكم لن يتأثر الا اذا كان موقع في ( فورم الكفاله) عن فقرات اخرى لكفالتكم ...


اما بالنسبه للاتصالات ... أكدر ادزلج من كوم الثلج اللي يمنا وتاخذين الجواب  




تحياتي

شمعه - كندا

[الريم 2000]

لا شكرا عدنة هواية اذا تريد انى ادزلك علمود لا تتعصب وتبرد اعصابك ؟---راح ادز اغنية للكفيل لان اشتاقيتلة

بعد اذن صاحب الموضوع http://www.youtube.com/watch?v=WrKoSKSPeRQ

[الريم 2000]

على فكرة انى غيرت الولاية وهسة (الكوساينر)مرتاح وانى بعدنى الوب اجيب بسيرتة وللة حسبي الله ونعمة الوكيل من كل ظالم

[شمعه منوره]

لا شكرا عدنة هواية اذا تريد انى ادزلك علمود لا تتعصب وتبرد اعصابك ؟---راح ادز اغنية للكفيل لان اشتاقيتلة

بعد اذن صاحب الموضوع http://www.youtube.com/watch?v=WrKoSKSPeRQ

انا اصلا بطبعي من النوع الهاديء جدا والأقرباء والأصدقاء دائما يقولون عني ( اخر واحد ممكن ايصير عصبي ) ... بعدين شلون  اكدر اصير عصبي والثلج يمنا اطنان ؟؟؟؟؟

يعني كل هاي الخبصه مالتج  وتاليها انتي امغيره الولايه ؟؟؟؟ الله يساعد كفيلكم عليكم .. والله حقه 

شوفي الصوره ... سؤالي الان عدكم هيجي ثلج ؟؟؟ يوميه اكرف من باب البيت واشمر على جيراني  


تحياتي

شمعه - كندا

[ابن الكاظمية]

السلام عليكم اخوان 

وتحياتي للاخت العزيزة ريم 

اني الي سمعت بيها بولاية فرجينيا على كسر العقد اكو مجمعات تغرم شهرين واكو مجمعات شهر ماسماع بتغريم الاشهر الباقي للعقد 

تحياتي للجميع