اعاده لفحص الاشعه ؟؟؟؟؟ ارجوا المساعده

[ريحـــانه]

مرحبا اخواني و اخواتي

اني الفحص الطبي مالتي صار اكسباير يعني فات على اول فحص طبي 7 اشهر و قبل كم يوم سويت فحص طبي ثاني و الغريب بالموضوع انه اجاني تلفون من المنظمه يطلبون بيه اعاده فحص بس للاشعه مع العلم انه الفحص الاول كان عادي يعني ما اتصلوا بيه مره ثانيه اني الصراحه كلش قلقه ما اعرف حسيت الممرضه مدتوضحلي السبب تكولي صوره الاشعه مو واضحه و الطبيب يريد منج تجين تسوين مره ثانيه صوره اشعه و شافتني شويه ارتبكت و خفت كالت ماكو شي يخوف بس اني ممرتاحه سؤالي اخواني و اخواتي اكو احد صايره وياه طالبين منه اعاده فحص للاشعه فقط بحجه انه غير واضحه علما اني بعمان

مع الشكر الجزيل

[مجروح واكابر]

ريحانه ذهبايه 
ماكو شي
هية لااشعه مثل الصورة
مرات المصور ياخذ واضحه ومرات لا
فجماعة الفحص مسوين وحدة مواضحه
روحي عيديها وخلص

[**Sally**]

مادام كلتلج مواضحه ولتخافين ماكو شي
ليضل بالج

[ريحـــانه]

اشكركم اخي العزيز مجروح و اختي العزيزه سالي انشاء الله ماكو شي و الله يوفقكم

[روزة اليرموك]

اختي العزيزة اتوكلي على الله وروحي وان شاء الله ماكو غير بس الخير يارب

[الريم 2000]

اختى العزيزة انشالله ماكو شي وصدك نوبات تكون مو واضحة ولا يظل بالج الله يبعدج من كل مكروه يارب----تقبلي مروري---زينب

[احبكم1]

عااااااااااااااااااااادي لتخافين صحيح الاشعه مواضحه وهاي مو صوجج هاي صوج الياخذ اشعه لازم يشوفهه قبل ميكولكم روحو

[مــودي]

الاشعة مو فد شي ..بس هاي المرة اتأكدو من الطبيب قبل المغادرة هاي اني سويت هيج كتلة اوكي يلة رحت ..يابو عيدوا وخل انشوف الحجج وين توصل

[ميمي2010]

ان شاء الله خير اخت ريحانه

[ام الهنا]

 عادي ريحانه روحي عيدي ، وشيكلولج سوي قابل احنه شكو ورانه ... خلينه نعيد حته نبقه دائماً متجددين 
ويااا ربي ياكريم افرجها علينا ويسر كل عسير من امورنا وارحمنا برحمتك الواسعة .

ام الهنا

[كلي امل]

يجوز سفرج قريب ;-)الله يسهل امرج عادي حبي لتخافين

[messi10]

الله يسهلج اختي ريحانه انشالله خير و الصراحة اول مرة اصادف هيج شي بس اعتقد عادي ... تحياتي الج

[وردة الخليج]

توكلي على الله ولا تخافين أن شاء الله ماكو شي بس الخير تلجينه
فحص طبيعي يريدون يتأكدون منه يمكن مو واضح مثل ماكالولج

[فيصل العراقي]

اختي العزيزه اني صارت هاي الحاله كدامي
انو ماخذين اشعه الشخص سمين بس شنو مو واضحه  والدكتوره ما شافت الصوره مال اشعه

فهذاك ريايح فالدكتوره بعدين كالت هذا لازم يعيد الاشعه

وخلص
سالفه كلش عاديه بس المشكله اتاخر من نتائج الفحص الطبي مالتج لا اكثر ولا اقل وشكم يوم ائثر هم

تحياتي

[Edy Simon]

عزيزتي الاخت ريحانة

اتصور هذي اللي اخذتلج الاشاعة جانت مبتدئة, لانه بالنسبة اذا كانت الاشعة واضحة ولا موواضحة, جان تكدر اتكلج انتظري خمس دقائق او انشوف النتيجة مال الاشعة او اذا جانت زينة او مقتنعة جان قلتلج خلصتي او دزتج للبيت.....
لكن لجهلها اما حمضت الفلم او بالتحميض او احترك او اكو ةشي ثاني بس مو واضحة اتصور جواب مو مقنع لانه مو شايلة الكاميرة بيدها او دتاخذلج اشعة, كلها اجهزة مثيتة او منظمة, جائز صارت حركة غير ارادية منج...
بس بالرغم من هذا جانت اتكلج انتظري الى ان تطلع النتيجة او اذا زينة جان دزتج للبيت او اذا طانت مو زينة جان عادة العملية....
بس مو شمكلة اتصور هذا الشي دائماً يحدث او لا اتفكرين مرة ثانية لاتتحركين من يخذولج الاشعة, او طلبي منها ان تنظرين على ما تطلع النتيجة او اذا جانت هم مو واض1حة خليها تاخذلج اشعة ثالثة
تحياتي
جوسي البغدادي المانيا

[ريحـــانه]

اول شي اشكر كل من مر على الموضوع و شارك و اشكركم على كلماتكم الطيبه الي خففت عني القلق

اني اعرف انه ميرجعون يدزون على الاشعه مره ثانيه اله يكون اكو شي لا سامح الله لان لو كانت مو واضحه لاي سبب تصير الاعاده بنفس الوقت بعد ما يشوفون التقنيين الطبيين الي دياخذون الاشعه لان تظهر عدهم على الشاشه فاني يعني استبعدت تكون مو واضحه بس تاملت خيرا

طبعا رحت و اتفاجأت اولا بانه بما انه نحن لاجئين لازم منفتح حلكنا و نسال ليش و شنو المشكله لازم نسمع الاوامر بدون نقاش بس اني اصلا على مضض اسويها لان ادري بروحي ما بيه سل و الاشعه بيها اثار جانبيه على الصحه هالنوب بعد كم يوم يريدون اعيدها فكلش عصبت عليهم و كتلهم يعني لان اني مجبوره و مجايه بفلوسي دتعاملوني هيج اني اريد احجي ويه الطبيب و مقبلت اخذها اخير الشي السستر وره مشافتني معصبه ودتني على طبيبه و الطبيبه اتصلت بطبيب الاشعه المهم طلع عدهم شك 1 بالميه و الطبيبه كالتله اني دا اكلك هذا مو تدرن رئوي لان شفت الاشعه و اءكدلك كلها اني عليه مسؤليه ما مستعد اتحمل اللوم حتى لو عندي شك واحد بالميه اعيدها للمريض المهم عدتها و غصبا ما على خشمي و بنفس اللحظه كالولي كلشي ماكو و هسه رح ندز الفايل للاي او ام والله العظيم اني مهندسه ولا الي علاقه بالطب و لا شي اول مكالولي ليش ديعيدوها كتلهم واضحه وضوح الشمس هيج و هيج السالفه و استغربت شلون مبتدئين الكل من الاطباء الي الفنيين و شلون الطبيب اخر همه صحه اللاجيء

اني الي اليوم كلللش ضوجني حسيت انه احنه يعني لا حول و لا قوه طبعا الاكس راي بيها اضرار هوايه و اني على مضض اسويها كل 6 اشهر و حتى الطبيبه ام الفحص السريري كالتلي احنه منقبل و هوايه حاولنا نغير السياسه مال الفحص بالاشعه كل 6 اشهر و كلنا خليها اجراء قبل السفر و من تطلع الامنيه بس محد سمعلنا و كالتلي انتي حقج من تحاولين تتجنبيها لان هيه متخلو من الاثار الجانيه و قد تكون كلش خطيره و ثاني شي ضوجني السستر تكولي احنه اصلا مندور على اي شي و لا يهمنا يعني لو واحد اسم الله بيه شي بالرئه ميتعبون نفسهم و يكولون بس اذا شافوا شي مشكوك بيه سل بس يله يدزون على المريض او يبلغوه

[messi10]

الحمد لله اهم شي الصحة , كل شي ثاني سهل ... تحياتي الج اختي ان شاء الله خير

[روزة اليرموك]

الحمد لله والشكر اختي العزيزة المهم طمنتينا عليج وان شاء الله متشوفين شر يارب

[Edy Simon]

اني الي اليوم كلللش ضوجني حسيت انه احنه يعني لا حول و لا قوه طبعا الاكس راي بيها اضرار هوايه و اني على مضض اسويها

عزيزتي الاخت ريحانه

اني ماردت اخوفج بس انتي ذكرتي السبب الاساسي انه بالنسبة للاشعة اتأثر على الجسم او مثل ما اتفضلتي انه لازم بين اشعة او اشعة اتكون مدة طويلة, بس بالرغم من هذا رادت ان اتعيدها...
اتصور مالها دخل انتي لاجئة او غير لاجئة, لانه انتي بالدرجة الاولى انسانة او هذا حقج المشروع, او هذي صحتج او لازم ادافعين عنها, او اود ان اذكرلج اذا الواحد ما يفتح حلكه يكومون يتحكمون بيه او لازم اتوكفيهم عد حدهم, او خاصة بالغرب يجبون الانسان الجريئ, اتمنى اليج الموفقية او الصحة او السفر العاجل بأذن الله
تقبلي تحياتي
جوسي البغدادي المانيا

[ريحـــانه]

اخ ميسي اشكرك اخي العزيز اتمنالك كل الموفقيه و مبروك الفوز المستحق لبرشلونه الاربعاء الماضي 

اختي العزيزه روزه شكرا على كلامج الجميل فعلا الصحه اهم شي و الله يوفقك و يحميكي انتي و الاهل شكرا اختي العزيزه على مشاركتك الجميله

اخي العزيز جوسي اني اعرف طبعا بالمضار مال الاشعه لان اني اصلا من نوع ما اسوي شي اله اعرف شنو هذا و شنو تاثيراته و هاي كلها مواد مشعه تتحلل بالجسم و تاثر على الخلايا و حتى ممكن لا سامح الله ان تسبب عقم بس شنسوي يعني ما باليد حيله ندعي رب العالمين يحفظنا لان هو اعلم بحالنا و الصحه اهم شي والله اني اميركا اصلا طلعت من عيني و الدنيا كلها بس راودتني مخاوف من انه يكون اكو شي و طبعا ابني هو الي يخليني اتمسك و اخاف على صحتي اكثر و بالنسبه للجراءه اني هم شفت انه من ناقشتهم باسلوب منطقي حدي بس مو وقح شفتهم تغيروا و تعاملوا ويايه احسن بس ادعي من رب العالمين ان يخلصنا بسرعه من القلق و عدم الاستقرار لان اله شفناه و دنشوفه رح يترك عواقبه النفسيه بينا شكرا اخي على مرورك و اهتمامك اتمنالك كل الموفقيه

[jack black]

 الاخت ريحانه حمدلله على السلامه والله يسهل عليج وتسافرين بدون فحص طبي دعائي لك بالصحه والعافيه

[ريحـــانه]

اشكرك اخي العزيز جاك بلاك على دعاءك الجميل هذا اهم شي والله الصحه و اتمنالك الافضل و انشاء الله تسافر باقرب وقت اني متابعه اخبارك و انت من القدماء بس كلش احترم صبرك و روح التفاؤل عندك انشاء الله اسمع كل خير عنك اخي العزيز

[الريم 2000]

حبيبتى كمل الفحص وانشالله ماعندج غير العافية يارب وتبشرينة بموعد سفرج وداعائج النة بلخير وللجميع يارب---تقبلي مروري اختج زينب

[ريحـــانه]

اختي الغاليه الطيبه زنوبه تسلمين حبيبتي على مرورج و كلامج الحلو الله يوفقج و انشاء الله داءما اسمع عنج كل خير