الى كل اخوتي واخواتي الغالين اشكركم على الرد الرائع جزاكم الله خير الجزاء
خلي اشرحلكم فكرة الرحلات الي اني دا اعلن عنه :
1- احنه اكيد مختنكين بالسكن الي ممتعودين عليه.
2- نبتعد عن التفكير المستمر بوضعنه التعبان ونخلص من موضوع شوكت المقابلة وستلام المغلف والمحلفين وخط الرحلة الي مسوية عند بعض الناس امراض مزمنة.
3- نجي الى مبدء المنفعة الي الاخ اتكلم عنه:
الرحلة الاولى الي نضمته طلعت باصين الباص الاول كامل العدد والباص الثاني 8 نفرات
الخسارة 45 دينار
الرحلة الثانية باصين الباص الاول 14 نفر الثاني 9 نفرات
الخسارة 70 دينار
الرحلة الثالثة
باص واحد عدد الركاب 18 نفر
الخسارة عشرين دينار ودين 40 دينار لحد لان ممستلمهن( حين ميسرة)
4- اني متطوع وهذا من ظمن اختصاص الدعم النفسي
5- الحمد لله ممحتاج استفاد براس اخوتي , وخلي افهمك اني متتطوع منظمة انسانية ادرس كرافك ومدرب دولي وما محتاج هذه الشغلة بس اني احب اطلع ويه اهلنه الطيبين وهذه احسن طريقة احسن ما اروح وية اشكولات ما اعرفة .
وشكراً لسمومك
واشكر كل من رد رد طيب هذا من اصلكم الطيب يا هلي الطيبين
حضرتك تكول انته متطوع بمنظمه انسانيه يعني هاي المنظمه اكيد هيه اللي تدفع الاجور مثل ما تدفع الك راتب زين انته تكول خساره وحين ميسره حضرتك تدفع من جيبك ؟؟؟؟؟ يعني انته تدفع بدال المنظمه وبعدين هيه تنطيك !!!!!! اعتقد المنظمه ما عندها هيج برامج انوا تخلي المتطوع يدفع من جيبه وبعدين تنطي !!! ... وبعدين المفروض من حضرتك من تعلن عن شي لاتخلي اعلانك شخصي وكانه انته مسوي فضل براس الناس الطيبين انته المفروض تعلن وتكول المنظمه الفلانيه اللي انته متطوع بيها براتب تنظم سفرات او اي نشاطات كانت لخدمة اللاجئين العراقيين وهذا من حق اللاجيء على المنظمه وبدون ما تحمل الناس منيه لان كل منظمه عندها برامج دعم بمختلف النواحي نفسيه اجتماعيه
او دورات في مختلف النواحي لخدمة اللاجئين ويكدر كل لاجيء يحمل ورقة المفوضيه ان يسجل على مساعدات او دورات بهاي المنظمات وطبعا هاي المنظمات كلها تدعم عن طريق التبرعات بانواعها ومختلف مصادرها .....
انته تكول (متطوع ومدرس كرافيك ومدرب دولي (مال شنوا ما اعرف )) المهم ولاتزعل انته المفروض تفتح مجال لغيرك من اللاجئين حتى يستفادون وراح اكلك شلون يعني انته مدرس كرافيك المفروض تكتفي بهاي الشغله لغرض اعطاء فرصه للاخرين يعني ماتروح تطوع على المنظمه وتاخذ حق غيرك تكتفي باللي عندك حتى غيرك يستفاد واني متاكد ومن خلال فترة وجودي بعمان 3 سنوات اكوا ناس محتاجه القرش حتى تمشي يومها وعيشتها واكوا ناس تحاول تلفلف كلشي ومتخلي مجال لغيرها يستفاد ما اعرف هيه كل واحد ونفسيته وتفكيره ..... اخي ارجوا ان ما تزعل من عندي بس اني شفت التعليق وحبيت ابين وجهة نظري فارجوا تقبل رأيي برحابة صدر والله اعلم مافي الصدور وازيدك من الشعر بيت اني عندي خبره بالمنظمات الموجوده في عمان وغير عمان ومشتغل وياهم والحمد لله ساعدت هواي ناس عن طريق المنظمات اللي اشتغلت وبأسم المنظمه اللي اشتغل وياها وعينت هواي ناس والحمد لله حاليا عندي سفر عن قريب انشالله واني دخولي للمنتدي قليل ودائما ادخل زائر ..... شكرا
اولاً اني متطوع منظمة ادرس كرافك مقابل 50 دينار فقط
والمنظمة مالها علاقة بالرحلات . تقدم بس خدمات تعليم اللغة والكومبيوتر.
هاي الرحلات اني وياي عوائل نتفق ونطلع باص من ضوجتنة ومن الخنكة الي بيه احنا وفرصة نتعرف على عوائل ثانية بغير مكان مو بنفس المنطقة الساكنين بيه مو احسن ما ننعزل ونحجي على الناس وادفع اجرة نقل حالي حال الناس و لان اني اتفق وية السايق شكو شغلة اصير او نقص اتحملة لان اسايق يريد اجرة كاملة فتهمت ابو حضرتك.( اما بخصوص الاعلان مال انوفر شياش كباب لان كل سفرة اخذهن وياي والفحم والماء كلت خلي يستفادون منه العوائل الي حاب يشوي وتفسرت انه استفاد بس انت وامثالك ما راح تاثرون بينه ونبقى نطلع رحلات ويه الناس الطيبة الي ما عدهم .......ومانستخدم نفس اسلوبكم انت وابو اطماطة والخيار ويريد توطين حتى يبيع طماطة وخيار.
اما ما يخص المجال الغيري اكو ناس هواي سعيتله بشغل
وهسه دا تشتغل حتى ما اعرفه عن طريق المنتدى ) ثانياً انته قديم تكول هنا اني جديد بس حسب كفائتي قبلوني مو رحمة والدين
اما بخصوص مدرب دولي اني جنت امثل العراق كلاعب منتخب وطني ومدرب دولي يعني مو محتاج اسوي رحلات حتى استفاد واعتقد هذا اشي ميزعجك ولو انته مزعووج مني اذا تحب تعال اشتغل مكاني من الصبح لليل ب50 دينار (لان هذا العمل به خدمة للناس يشرفني اشتغلة حتى بدون اي اجر)
ولمعلوماتك اني مااستلم راتب من الفوضية اما بخصوص المتطوعين اكو ناس لازكة ومتنطي فرصة الغيره ومستفادة وضعهم المالي ممتاز وعدهم سيارات وعيشين احسن عيشة والله يزيدهم بس مينطون فرصة الغيرهم مثل ما اتفضلت حضرتك من هاجمتني
وفتهمت من كلامك انه ممخلي منظمة ما مشتغل بيه مخليت واحد مكانك يشتغل 3 سنوات انته هنا مفكرت اشغل واحد مكانك وتنطي فرصة الغيرك اني مستعد اخلي اي واحد يريد يشتغل مكاني وكون ممنون
واذا اي واحد يريد اشوفلة شغل موجود الشغل بس هجومك يدل على شيء واحد ............. والله اعلم
شوف...
اولا لاتتونون وتكول هاجمتني هذا اسلوب مبطن وتسوي نفسك مظلوم ...... اني علقت وكتلك بالنهايه لاتزعل مني وكتلك شكرا يعني ما خليت بالتعليق كلمات مثل (امثالك وهاجمتني .. وانته تزتهزء باالاخ اللي يريد يشتغل يبيع خيار وطماطه ) اخي الشغل مو عيب ولاتستهزء بالناس كل واحد وامكانيته و انته تكول اني كنت امثل العراق ومنتخب وطني والله يابه العراق بخير ما دام انته اتمثله لاتزعل مني بس اسلوبك بالرد خلاني اكتب وبعدين اني كنت مفتهم غلط يعني اني افتهمت انه انته تشتغل درس ومتطوع ومن خلال عملك كمتطوع تنفذ نشاطات المنظمه اللي هيه من ظمنها السفرات لذلك علقت اول مره بس هسه افتهمت الشغله وبارك الله بيك على عملك درس كرافيك .... وتره الشياش والفحم مو فد انجاز لاتذكرها لان اني ما كلت شي هههههههههه...وبالنسبه لشغلي انته يمكن اصغر مني او اكبر اني عمري 45سنه عزيزي واشتغلت ويه الاي ار دي مسؤول علاقات وتنسيق برامج التمويل وما اريد اذكر اسمي حتى ما اسببلك احراج وكلام من قبل الاخوه الاعضاء بالمنتدى وما اريد اكلك بعد شنو وشنوا شهادتي ومن خلال عملي الحمد لله ساعدت هواي ناس عراقيين وعرب يا ابو امثالك ههه ..... والك من عندي وعد بس يصير عندي مجال راح اهتم بموضوعك وبحضرتك .... وآسف لان اتاخرت عليك بالرد لان جنت مشغول بامور السفر ... وشكرا جزيلا
ملاحظه:
رجاء اذا ما عجبك كلامي احذفه مع الاعتذار وشكرا جزيلا يا حضرة البزون العراقي (تره دا اشاقه) لاتزعل وتتنرفز ....
ليش أتأثر بكلامك مايأثر بية
بس حبيت ارد عليك بنفس اسلوبك
انت دا كول اني مادخل وتارك عينكاو وجيت علينه برشوت وحشرت نفسك موضوع
ميهمك هنا الكروب بس للناس الي تريد تستفاد من مواضيعة مو مكان للاستعراضات والبطولات الشخصية لو ذكر السيرة الذاتية
اما بخصوص عمل با الاي ار دي ومساعدة الناس هذا عملك الي تستلم راتب عليه وعلى كل زيارة ينطوك افلوس يعني مو رحمة والدين
وما منطي من جيبك
وهم انعم لله عليك
نرجع الموضوع لا تونون اني ما اتونون وميهمني العمر والا الشهادات والى المكانة او المسميات الاخرى من اريد ارد ارد مثل ماشوفة مناسب ما دام اني على حق
واضح من كلامك بعد اعتذارك شعورك بذنب لان مافتهمت الموضوع ورديت بتهجم مرة ثانية ادرس الموضوع ورد حتى لا تعتذر الامثالي
اما من تفرغ وهذا كلام بيه نوع من التهديد تهتم بموضوعي فهذا الشي ميهمني اذا هذا قصدك وذا حاب نلتقي ما عندي مانع
اما انت تكول مشتغل منسق وغيرها هذا شي يخصك
وللعلم اكو بعض المتطوعين من يصير بمنظمة ينكلب طنطل
على الناس وحتى يستغل ضعفهم لو وحدة تطوع تكوم اتفيك على الناس وحتى متحجي بعد بلهجته الي نفتخر بيه كونه عراقيين بس هذا نوع من التكبر
واكو استغلو مكانهم بتنسيق والعلاقات واكو واحد معروف بهذة الشغلة حتى مرة شتكو علية من صار توزيع الاربع اوراق مال الهجرة والمهجرين
المختصر شايف هواي نماذج مو مشرفة مع كل الاسف ومع احترامي وتقديري الى اخوتي واخواتي الي دا تعبون ويزورون العوائل ويساعدون الناس
ولمعلوماتك ماكو عراقي بزون كلها اسود واذا انت عندك رئي اخرى كلمن يشوف الناس مثل ما يشوف نفسة
وبخصوص تمثيل المنتخب الوطني العراقي مو حضرتك اتقيمني الناس الي تعرفني هي الي تنطي رئيها مو حضرتك فماكو داعي لطافتك
اما الشهادات الي تحجي عليهن عندي كونية منهن هاي من غير الي عفتهن بالعراق والعراقيين كلهم عدهم شهادات
وانت تكول اني ستهزئة بابو الطماطة لان هوة سوانه كل العراقيين انبيع طماطة وخيار والشغل ادري بيه موعيب معلومة بديهية
واشياش الكباب والفحم ادري بيه شي مو مهم بس الاهم انه ناكل بسفرة وحدة سنة وشيعة وصابئة ومسيح هاي سفراتنا
ردنه ناكل بسفرة وحدة من كلت اوفر الاشياش اعرف مو شي المهم بس انت تكول مبين اعلان سفرة بيه فايدة الك ورديت فلا تستظرف
وهسه مو بالعمر خلي اضيفلك معلومة بالاخلاق هي الي تحكم مو العمر ولا الشهادات
وبخصوص اسمك ميهمني ذكرته او لا واذا حاب اذكرة ذكرة ماخايف منك ولا من ردود الاعضاء الي دا تحجي
عنهم لان اعرف نفسي زين مغلطان وانت الي حاب سولف لان هل أيام معندك شي منتضر خط الرحلة حاب تحجي وين تروح جيت هنا اسولف وتستعرض سيرتك الذاتيه
عموما طولت عليك اشرفنا معرفتك
لاتزعل من ردي رديت بنفس طريقتك
تحياتي
