التثقيفية عاجل عاجل مهم جدا

[bello1]

السلام عليكم

الاهل كملوا كل المقابلات ووقعت اوراقهم وهسه اتصلوا بيهم على تثقيفية وللعلم اني سويت ايميل كلولي همه بمرحلة التجييك الامني الاخير
طيب سؤالي شنو بعد التثقيفية وهل اكو عوائل سووا التثقيفية ثم سافروا بعده وشكد طوولوا وبعد اجه موعد السفر

للعلم الاهل مقدمين من بغداد

شكرا

[Fatboy]

بالخير ومبرررروك اتوقع ماكو شي باقي وراهم وانشاء الله السفر العاجل بس سؤالي هم منين مقدمين وشوكت قابلو وارقام الكيس مالتهم البداية؟؟
اتوقع ما باقي شهرين ويجون يمك بالسلامة

[احبكم1]

اخي العزيز ما اريد اهبط معنوياتك بس الدوره ما الهه علاقه بالسفر يعني همه وحضهم

انشالله نسمع خبر سفرهم عن قريب

[ام الهنا]

 
اخي bello1 ، مبرووك التثقيفية للعائلة ، ونتمنالهم مواعيد سفر قريبة .
ودعائي لنا جميعا بالسفر القريب العاجل ..

ام الهنا

[ميمي2010]

بالخير اخي وبالموفقية ان شاء الله
اخي البعض يكول اجراء تروتيني والاخر يكول لا هذا معناه اكو تحرك على الملف مال الاهل
وان شاء الله خير اخي هي خطوة الى الامام
اختك ميمي

[mr.sad]

مبروك وان شاء الله السفر القريب

[za3im al7ub]

مبروك وان شاء الله السفر القريب

[ابو ايمن المياحي]

مبروك

اني سويت الدورة التثقيفية قبل ثمانية اشهر ولحد هسة كلشي ماكو

[sahar38]

اخي bello1 ممكت بلازحمة توضح بيا تاريخ وقعت اوراقهم  الاهل ويارب السفر القريب للاهل ويرتاحون ...

[messi10]

اخوية العزيز مبروك عالدورة التثقيفية انشالله تبشرنه بموعد سفر بالقريب العاجل... انت ابقة تابع الموقع مال الأي او ام و اعرف النتيجة مال الأمنية و ان شاء الله خير...تحياتي الك

[asmar22]

مبروك وان شاء الله السفر القريب

[s350thebest]

اني دورة من 8\2011 وال هسة بعدني بالعراق العظيم.

[روزة اليرموك]

مبروك اخي وان شاء الله تفرج علجميع يارب

[Banjamen]

تفائلوا بالخير تجدوه ,,, خليك متفائل بجيتهم دوم

[saeedsaeed]

مبروك أخي العزيز وأن شاء الله ينطوهم موعد سفر ويوصلون بالسلامه

[وردة الخليج]

ألف ألف مبروك وأن شاء الله السفر القريب بأذن الله سبحانه وتعالى

[lyoo]

الف مبروك


اخي زميلي سوه دورة تثقيفيه من بغداد وصارله 3 اشهر كلشي ماكو لا حس ولا خبر

[BATMAN87]

والله يا اخوية هي مو شرط اني من شهر الخامس 2011 مخلص تثقيفية والحد الان بلتجيك الاغبر

[bello1]

شكرا جزيلا على الردود السريعه وممنون منكم طبعا الاهل قدمتلهم من اول ما اجيت للولايات المتحد الامريكيه وتفريبا بديت معاملتهم بشهر 5بال 2011
قابلوا اولى ومحلفين بنفس الوقت ووكان بشهر 7 2011
وبعده كملوا الفحص الطبي واجتي اوراقهم للمنظمه الي اشتغل بيه والي هي
LCFS
اللوثرن رفيوجي سيرفس وقبلناهم ووعملنه اشورنس على الااسماءهم وسويت ايميل لمسئولتي الي هي بفيلادلفيا وهي بدوره عملت ايميل لل
DHS
وبلغتني بانه كيساتهم حاليا بالتجييك الامني الاخير والبارحه اتصلوا بيهم على الدوره التثقيفيه
وحسب كلامكم بانه لاعلاقه بالتثقيقيه والسفر هسه اتضحت الصوره شكرا الكم جميعا
واني حاضر لاي مساعده او اي استفسار
اني ساكن بولاية بنسلفانيا مقاطعه لانكاستر
شكرا وان شاء الله الموفقيه للكل والسفر باقرب وقت يارب