السفارة ... تسهيلات رائعة لل SIV

[الطيار العراقي]

طبعا هذا الموضوع صار وياي قبل شهر تقريبا او اقل بس راح احجيه هسة لان دا اشوف المعنويات هابطة .......
بعد مراسلة دامت 13 شهر بيني وبين السفارة ... موتوني طلبات وتفاصيل واوراق وخلوني اعدل الريكومنديشن لتر مالتي 3 مرات ......... طبعا مو صوجهم لان اني اشتغلت باكثر من وحدة واكثر من شركة ومن 2003 لحد ماطلعوا ..... المهم دزيتلهم بوكتها 6 رسائل ركومنديشن ولصتها على روحي هههههههههه....
طبعا مو كل المدراء يجاوبوني بسرعة على طلبات السفارة ........ اخير شي السفارة كالت راح نسوي الاس اي في مالتك على بس فترة العمل مترجم مراح نشتغل على الشركات الامريكية ......... فتراسل الضابط الاول وتكوله يعيد صياغة الرسالة مالتك لان احنة نحتاج بيها بعد كذا وكذا طلب ..........
دزيتلهم اميل كتلهم الضابط مالتي ميجاوبني واني هذا الي عندي اذا تكدرون ساعدوني ...
والله خطية خلال يومين وصلتني رسالة من الضابط ورسالة من الشركة مال تايتن من اميل السفارة ووراها بيومين دزولي كوم ابروفل ......... يعني هم مشولي بالمعاملة ....
والله اخوان الخير جاي بالطريق وخصوصا جماعة الاس اي في لان قليلين .......... مقارنة بالاي او ام .

اخوان والله اني متاكد الاوراقه سليمة والنيته صافية والامة داعيتله شغلته تخلص بخير ............. وامريكا متجي بيوم وليلة ترى يرادلها شوية تعب (على كولتهم : امريكا مش مزيكا )
اخوان احنة تحملنا خطورة وتهديدات وقطعنا 3 ارباع المشوار وشدتها بنهايتها بس انشاء الله الشدة زائلة
اخوكم الطيار العراقي

[kunda]

تعرف من قريت عنوان الموضوع كل شوية اتأكد من تاريخة ......... واني بيني وبين نفسي اكول اكيد الاخ من جماعة المهاجرين مال 2008 او 2009 بالزايد بدايات 2010 واني اكول هذا شوف منو مسوي رفع للموضوع ... بس احتاريت من شفت الموضوع جديد لوك. مال اليوم2012 .
 .............
والله مااقدر اكولك غير الله يسمع من حلكك وياريت يكون اكو فعلا تسهيلات من السفارة بالايام القادمة , \
وانت فعلا كان المفروض بيك تلتزم بريكومنديشن وحدة وتنسق التواريخ بيها ويا تواريخ عملك . وماتسويها هوسة على روحك لانه الزيادة كالنقصان .
وتحياتي

[الطيار العراقي]

بس رغم هذا سهلوليها وهم كاموا يتصلون وهم خطية ركضوا بيها المعاملة وجابولياها جاهزة ...... المهم شوف يعني اكو توجيهات بالمساعدة

[yasir fakhri]

مشكوراخوية لطرحك هذا الموضوع وبهذا الوقت بالذات

وقل لن يصيبنا الا ماكتب الله لنا هو مولانا ونعم النصير

[SIV NASSA]

تسلم على رفع المعنويات متتخيل شكد هابطة المعنويات والكابه صاعدة بارك الله بيك

[Aiham_]

عيني احب اكولك شي و لكل الاخوان الي قدمو و دا يقدمون على ال اس اي في ,

التيم مال ال اس اي في تيم كلش دقيق و كلش متساهل و كلش ذكي و ما تعبر عليهم اي غلطة , يعني بين قوسين يغربلوك يالة ينطوك الكوم ابروفل , صح همة يشلعون كلبك يالة ينطوك الكوم ابروفل بس شغلهم دقيق و  لحد الان ما شفت خطاء صار بشغلهم و اذا صار فا مو مثل اخطاء ال اي او ام ,
الحجي مو هنا الحجي يم المقابلة و ما بعد المقابلة , يعني ترا سنة علمود تصدر الفيزا ترا شغلة واكفة , يعني بهاي السنة تكدر تدرس كورس مال رائد فضاء و اطير للقمر و ترجع 

[googoo]

أخويه الطيار العراقي:

بالبدايه مبروووووووووووووك لأستلامك الكوم أبروفال

بس أللي أريد اقوله انه اللي صار وياك من تسريع حسب توقعك هو خاص بالسفارة الأمريكيه ببغداد حصرا لكن أحنه اللي امكملين كل شي ومعاملاتنه صارت خارج صلاحيات السفارة حاليا بسبب التجييك الأمني بالسستم الجديد ومنتظرين الفيزا أكثر من سنه هاي مو يم ولا بيد السفارة.
من أنشوف انه الفيز بدت تصدر بكميات كبيرة ذاك الوقت انقول صار تسريع بالمعاملات.

تحياتي

[جاسم كراده]

 يمعود يا تسهيـــــــــــــــــــــــــــــــلات..... مقابلتي كانت نهاية شهر 12 سنة 2010 والى حد هذا اليوم ماكو اي شـــــــــــــــــــــــــــي....  

ان شاءالله الفرج القريب للجميــــــــــــــــــــــع ....

للعلم... كم مره دزيتلهم رسالة...؟ والجواب كان تحت المعالجــــــــــــــــــــــــــــة

[kunda]

ابو بالاحرى من تشوف جاسم الكرادي وابو خالد (نيد جستس) وكوندا وكوكو وسامي75 وبابلي ونزار ونورا وحيدر والفانوس السحري ومصابنت ولورد او باين وسارة وعونك يارب وزنبور وموسزو وعالشحن والمهندس حيدر وابو سميرة وسمارت فو اراك وA.M.E  وجورج دبليو بوش  ;Dوahmedalmushrif Smart71.ALQUBIAS.ALQUBIAS.ahmedalmushrifamy44. يمتة الفرج. الوتار ,ابن شارع فلسطين tamata.saksoka.
SIV NASSA. البلدوزر titan. malak.ali .ابومسك web.ManRED HAT  


وهالمجموعة العتيكة ...من تشوفهم استلموا فيز كول اي والله اكو تسريع (مااعرف اذا نسيت احد ) بس اللي نسيتة غير فكَر هم اني ناسيه وهم السفارة ناسيتة؟!!

[الريم 2000]

 

الله كريم

[ابو كرار الحلاوي]

السلام عليكم حبايب خلي ارفع المعنويات انا لي صديق مترجم قابل قبلي ب 6 ايام هو قابل 1 - 10- 2011 و انا بعدة بست ايام ثبل 10 ايام استلم الفيزة مالتة يعني ما طول اقل من 4 اشهر يوم الللالكم جميعا و بالتوفيق علما انه صاحبي اس اي في و قابل ببغداد

[مرسي الزناتي]

ابو بالاحرى من تشوف جاسم الكرادي وابو خالد (نيد جستس) وكوندا وكوكو وسامي75 وبابلي ونزار ونورا وحيدر والفانوس السحري ومصابنت ولورد او باين وسارة وعونك يارب وزنبور وموسزو وعالشحن والمهندس حيدر وابو سميرة وسمارت فو اراك وA.M.E  وجورج دبليو بوش  ;Dوahmedalmushrif Smart71.ALQUBIAS.ALQUBIAS.ahmedalmushrifamy44. يمتة الفرج. الوتار ,ابن شارع فلسطين tamata.saksoka.
SIV NASSA. البلدوزر titan. malak.ali .ابومسك web.ManRED HAT  


وهالمجموعة العتيكة ...من تشوفهم استلموا فيز كول اي والله اكو تسريع (مااعرف اذا نسيت احد ) بس اللي نسيتة غير فكَر هم اني ناسيه وهم السفارة ناسيتة؟!!

هذا هم حظي هم السفاره ناسيتني و هم انت

[blood_brothers8]

ابو بالاحرى من تشوف جاسم الكرادي وابو خالد (نيد جستس) وكوندا وكوكو وسامي75 وبابلي ونزار ونورا وحيدر والفانوس السحري ومصابنت ولورد او باين وسارة وعونك يارب وزنبور وموسزو وعالشحن والمهندس حيدر وابو سميرة وسمارت فو اراك وA.M.E  وجورج دبليو بوش  ;Dوahmedalmushrif Smart71.ALQUBIAS.ALQUBIAS.ahmedalmushrifamy44. يمتة الفرج. الوتار ,ابن شارع فلسطين tamata.saksoka.
SIV NASSA. البلدوزر titan. malak.ali .ابومسك web.ManRED HAT  


وهالمجموعة العتيكة ...من تشوفهم استلموا فيز كول اي والله اكو تسريع (مااعرف اذا نسيت احد ) بس اللي نسيتة غير فكَر هم اني ناسيه وهم السفارة ناسيتة؟!!

هذا اني الفگر لعد...ليش عيني مذاكر اسمي..

[lyoo]

اني هم عدت الركمنديشن 3 مرات صديقي رحملله والديه  ماقصر بس يمشون شغل همه انت وحظك من الله التوفيق

[s350thebest]

يا الله.

[kunda]

blood brother والمارد لولو ............ والله مااعرف ليش حسيت  ناسي جماعة عزيزين علينا  لذلك كتبت هالملاحظة
بس ان شالله مايكون حظكم فكَر وتستلمون وتفرحونا قريبا..

[الطيار العراقي]

طبعا انتو ما عدكم ارادة ...
وشنو يعني منتظر سنة لو سنتين ........... شحال العراقيين الي بالسويد والي صرفوا الورة والكدام ورجعوهم وديرجعون بيهم 
اذا خايف من الموت ..... فاتذكر انه لن يصيبنا الا ما كتب الله لنا
احنة سوينة الي علينا ......... وقدمنا ..... والموت ترى يلحكك لو مو بامريكا لو على القمر ..
وليش تضوج وتنقهر؟؟ .......... حتى لو نرفضت يجوز الله ممخليلك بيها صالح هناك .. يجوز سفرك بيه اذيه عليك
اتوكلوا على الله وسلمو امرك بيد الله وادعي انه يسهلك الي بي مصلحتك
يا اخواني وياخواتي .................. ترى هاي مو سفرة لاربيل هاي امريكا ......... يعني حتى توصل لهيج مرحلة لازم تتعب شوية
ولو مو بيها هيجي تعب وهيجي مدة جان لكيت العراق كله هناك
اخواني وخواتي ........... الصبر مفتاح الفرج
وتذكر هالكم شهر الجاية اكو مطرة مال فيز رح تنزل علينا
وتذكروا كلام اخوكم الطيار العراقي

[فقير وحباب]

ياالله ,,,مو والله طكت روحنا .

[s350thebest]

طبعا انتو ما عدكم ارادة ...
وشنو يعني منتظر سنة لو سنتين ........... شحال العراقيين الي بالسويد والي صرفوا الورة والكدام ورجعوهم وديرجعون بيهم 
اذا خايف من الموت ..... فاتذكر انه لن يصيبنا الا ما كتب الله لنا
احنة سوينة الي علينا ......... وقدمنا ..... والموت ترى يلحكك لو مو بامريكا لو على القمر ..
وليش تضوج وتنقهر؟؟ .......... حتى لو نرفضت يجوز الله ممخليلك بيها صالح هناك .. يجوز سفرك بيه اذيه عليك
اتوكلوا على الله وسلمو امرك بيد الله وادعي انه يسهلك الي بي مصلحتك
يا اخواني وياخواتي .................. ترى هاي مو سفرة لاربيل هاي امريكا ......... يعني حتى توصل لهيج مرحلة لازم تتعب شوية
ولو مو بيها هيجي تعب وهيجي مدة جان لكيت العراق كله هناك
اخواني وخواتي ........... الصبر مفتاح الفرج
وتذكر هالكم شهر الجاية اكو مطرة مال فيز رح تنزل علينا
وتذكروا كلام اخوكم الطيار العراقي

يا الله 

اني اي او ام بغداد من 1\2009 وبعدني ما مسافر  .

[سوسو اسو]

السلام عليكم
حياك الله خويه بس سؤال
بالنسبه للتقديم على الاس اي في ضروري يكون الواحد مشتغل ويه ملتري
يعني اذا ويه شركة امريكيه ميخالف مثل kbr او واشنطن كروب يعني واضح انو هي امريكيه  100% مينراد اثبتلهم انو تمويلها امريكي
واني سامعه انو ال اس اي في يطلع على حسابه وهناك يحير بروحه ؟ هذا الشئ صحيح؟
 تحياتي الك

[الطيار العراقي]

اولا: وعليكم السلام ورحمة الله وبركاته
ثانيا:  نعم حسب اعتقد ممكن تقدم على الاس اي في
ثالثا: حتى لو كانت الشركة معروفة فهذا روتين لازم تجهزهم بنسخة من العقود وكل شي مطلوب ... بس المترجم وي الجيش مستثى لان هو اصلا وي الجيش
رابعا: نعم الاس اي في يحير بروحه ويصرف من جيبه .... الا اذا لحك على البنفتس ولازم تكون خلال موعد اقصاه 10 ايام من استلام الفيزة واكو ناس حصلتها واكو ناس لاء
خامسا : الاي او ام مضمونة الك مئة بالمئة  بس ( ماكو احد يضمن السفر ) وكلها تساهيل بيد ربك

بس اذا تعتقد ال KBR  ما ممكن يعطوك نسخ من العقود مجرد بطرك الركومنيدشن فخلي ببالك الاي او هو المشوار الاقصر

[سوسو اسو]

هو ولذلك اني قدمت اي او ام بس هم طلبو مني عقود تثبت التمويل من الحكومه الامريكية
تصلت بالشركة رفضو وكلولي بكل بساطة سوووري
كتبت للاي او ام وكتلهم ماكدر اوفرلكم هل موضوع
جاوبوني نطوني كيس نمبر وكلولي ملفج ناقص
زين اذا ناقص ليش نطوني كيس نمبر
هوايه ناس نصحوني كلولي عوفيهم بعد لدزيلهم شئ ماطول نطوج كيس نمبر فماشئ حالج بس همه يردون هاي الامور زيادة خير
فما اعرف

[s350thebest]

اختي قريبي هم انطوه اي زي بس ملفة بيه نقص.
يا الله.

[سوسو اسو]

اختي قريبي هم انطوه اي زي بس ملفة بيه نقص.
يا الله.

يعني مشه الوضوع لو لا؟ يعني اقصد الكيس نمبر ينطوه لاي احد مقدم وخلص ؟ موو معناها هو مقبول مبدئيا وينتظر مقابلات الي عنده كيس نمبر؟

ونكول يا الله

[malak.ali]

الف شكر الك لمحاولة رفع المعنويات

[ابو حنين الطائي]

الف شكر اخونا الطيار العراقي لمجرد محاولة رفع المعنويات للاخوة المنتظرين وهذا شعور جدا نبيل
والمتفائل يقول نصف الكأس ملئان والمتشائم يقول نصف الكأس فارغ
اتمنى الخير للجميع وان شاء الله اصدار الفيز لكل المنتظرين