جماعة سوريا ( اعادة المقابلة ) انلغت .. الكل يدخل

[إستقرار]

طبعاً أول مرة اسويها واجيب لي خبر مفرح و موثوق .. هههه

اتصلت اليوم بالهجرة عمّان و في ما يلي نص المكالمة :

مرحباً
- أهلين
بدي استفسر .. إلخ
- انتو تجييك أمني ..!
حبيبي احنا ننتظر جدولة لاعادة مقابلة ..!
- لا انلغت اعادة المقابلة و تنتظرون تبصيم و تجييك أمني
شكراً على هذا الخبر الحلو .. بس أريد اسألك عشان بعض اصدقائي
هل كل الي كتبتولهم بالموقع (مكتمل) على اعادة المقابلة .. تم الغاء اعادة المقابلة إلهم . ؟

- الكثير منهم تم الغاء اعادة المقابلة
ردت الزك له بعد و اسأل عن امور تتعلق بيكم اخواني لكن سمعت التلفونات يمه تركع و هوه استعجل فما حبيت امصخها  

شكراً .. مع السلامة ..

علماً إني من جماعة سوريا ..
مستلمين الموافقة المبدئية بشهر الخامس 2010
وبلغونا باعادة المقابلة  تقريباً بشهر السابع بالـ 2011

واعتقد هواي طلع كلام انه انلغت ما انلغت .. ولحد البارحة اني قريت خبر من احد الاخوة الي كاتبيله مكتمل بس آي او ام سوريا قالوا له لا
لازم تسوي اعادة ..  بس هسه هذا فصل الخطاب برأيي ..

اخواني .. اتمنى منكم جميعاً .. الدعاء بصلاتكم .. بقداسكم .. وبأي طريقة ..
وما ننساكم من الدعاء إن شاء الله

إستقرآر .

[الريم 2000]

الف مبروك اخي الك وتسلم على الخبر الحلو وانشالله تفرج عليك وعلى كل اهلنا بسوريا امين

[ابومريم البغدادي]

السلام عليكم اخواني البارحة سمعت خبرنقلته الكارديان الفرنسية نصا انه سوف يتم تحويل ملفات اللاجئين في سوريا الى عمان لغرض اعطاءهم التأشيرات من هناك وذلك بسبب سوء الاوضاع الامنية /وفي نفس اليوم اكد هذا الكلام احد الاصدقاء الراجعين من الهجرة الدولية فأذن الموضوع مضبوط سلامي اخوكم ابومريم البغدادي سوريا

[إستقرار]

ابو مريم اخي العزيز . شكراً إلك و اني ردت منك تفاصيل بس ما جاوبتني .. علعموم ان شاء الله يكون خبر صحيح

أوركاي : صديقي العزيز القديم .. و أحد اصدقاء النظال القديم بالجمعية الأولى .. اتمنى لك يا غالي الفرج القريب والاستقرار الك و لاهلك ..

الريم الغالية .. مشكورة لمرورج يا عزيزة .. و بالتوفيق الج كذلك ..

[برنسيسة]

اشكرك والف رحمة على والديك على هذا الخبر
يا الله انشالله الاخبار الحلوة جاية بالطريق
كولوا آآآآآآآآآآآآآآآآآآمين

[إستقرار]

والله اني ما انتظرت ولا دقيقة علمود ابشركم وما نسيتكم حتى بالمكالمة لأن ادري شكد دنعاني كلنا ..

اهم شي التفاؤل اختي و الثقة بالله أنه ما راح يقدم الا الي بيه الخير ..

[إستقرار]

رفع ..

خل يتونسون 

[ali_lion71]

سلام عليكم صدك هذا الخبر بان راح يحولونا الى الاردن الله يسمع منك هل هذا الخبر من الهجره الدوليه في سوريا وشوكت راح يبلشون اني هم انتظر فيزه الى امريكا صارلي سنه ونصف ربي يسهل على الكل يارب عود كتبونا الاخبار اول باول تحياتي

[كآبه]

السلام عليكم اخوان الله يخليكم فهمونه يعني الي دينتظر الامنيه هم يتحول ملفه الى عمان وبالنسبه للفيزه همه يرتبوها ارجوكم افيدونا بارك الله بيكم

[وفاء علي]

السلام   عليكم وان  شاء  الله  تفرج على كل  الطيبين.

يعني اذا احنه  عدنا اعادة مقابله مع الوفد هسه  حتنلغي .علما  احنه  جماعة 2009,وما اعرف  اذا بقى احد منهم.

زين  التبصيم  مو  يحتاج  وفد .





      وفاءعلي/سوريا

[إستقرار]

وفاء عيني شوفوا ملفكم على الموقع اذا كاتبيلكم مكتمل بالمكان مال مقابلة المحلف ف 98 % انلغت المقابلة

و يبقى موضوع التبصيم  وهذا سؤال يطرح نفسه .. وما اعرف شلون راح يرتبوه ..
بس اهم شي المقابلة و الرعب مالها انتهى .. بقى بس البصمة مو مشكلة و اني اعتقد رح يكنسلوها لو يخلونا نبصم بمكان ثاني

لا التبصيم ما ينراد له بس لابتوب و جهاز صغير ممكن يشوفون حل باي سفارة اخرى يتعاونون وياها

[rayanchase]

عاشت ايدك اخي العزيز  و بارك الله بيك


سؤال  شنو   سالفة التبصيم

يعني هم ينرادلنه   وكت ننتظر    شوكت   يخابرونه على اعادة البصمات

تحياتي

[ALmlahaltaeh]

ممنون اخي على نقل الخبر ولو اني عدت الوفد بس شنو الفايدة لحد الان نراوح في مكاننا
بس اخي رجاءا ارقام الاردن ان امكن
فرج الله على جمييع الصابرين

[إستقرار]

أخوي رايان جيس .. اعادة التبصيم اي نعم لازم ننتظر يجي الوفد يعيدهن .. بس هيه تحصيل حاصل يعني ما تخوف مثل المقابلة ..

الملاح التائه : ميخالف اخي و موفق ان شاء الله .. تفضل الأرقام ..

0096265625089
0096265625080

أول ما تتصل و يفتح خط رأساً دوس رقم ثنين للغة العربية و بعدين رأساً دوس 828 ..

لا تظل تسمعها البدالة تحجي و يحسب عليك رصيد ..
بالتوفيق ..

[ALmlahaltaeh]

سلمت يداك اخي الكريم
ويارب تنال الاستقرار والرزق والعافية عاجلا غير أجل

[mosul87]

انشالله تتسهل امور الكل

و بالتوفيق

[إستقرار]

اخوي موصل .. انته بعدك ؟

اتذكر انته جنت يمكن بنفس الفترة اني وياك قابلنا واستلمنا الموافقة ..

بشرني شنو صار وياك ..
انته شنو ولايتك ؟

موفق ان شاء الله

[mosul87]

اهلا اخويا استقرار اي اتذكرك !!!
والله لحد الان دا ننتظر رحمة الله
انتظرنا الموافقة الامنية و ما اجتي
وهسة نحنا ينرادلنا اعادة بصمات يعني لازم يجي الوفد
اني ولايتي كاليفورنيا حددولي
واللله كريم ... انتا اخبارك ؟؟؟

[إستقرار]

تحياتي الك خوية موصل ..

اسف علتاخير ما انتبهت لردك

اني  مثلك تماماً .. استحقينا اعادة مقابلة بعدين انلغت مثل ما هو واضح .. و هسه باقي اعادة بصمات ..

احنا ساندييغو طبعاً ..


الله يسهل ..

[mosul87]

اخي العزيز استقرار

انت من جماعة سوريا ..

ليش اتصلت بعمان ؟؟ و من كلامك واضح انو مسجل بمركز خدمات التوطين /عمان

هل يقدر شخص بسوريا يسجل ؟؟ ممكن توضح اكثر !!

[إستقرار]

اي نعم اخي العزيز المصلاوي ..

اني جماعة سوريا بس ما اتصل بمركز سوريا لان الحل و الربط بمركز عمان .. لذلك اتصل مباشرة بيهم

يمكن صار لي حوالي سنة ما متصل بجماعة سوريا كل اتصالاتي بعمان

شوف اخي :

https://www.jordan.iom.int/refinfo/

انسخ هذا الرابط مثل ما هوه و سجل
بالنسبة للارقام هذي هيه  :

0096265625089
0096265625080
0096265625423

أول ما تتصل اختار (2) للغة العربية و بعدين مباشرة اضغط 828 ولا تظل تنتظر البدالة تسولف و رصيدك يروح
هذا رابط سجل بيه كالتالي :

رقمك-sy
كلمة السر لازم بيها حرف كابتل و رمز مثل (@$%#*&) واحد من ذني .. و رقم  و لازم يكونن عشر احرف كلهن يعني مثلاً ..

Mousl@8787

وره ما تسجل لازم يوصلك رابط تفعيل الحساب على بريدك اذا ما لقيته بالإنبوكس راح تلقيه بالسبام اذا كنت ياهوو
واذا كنت هوتميل راح تلقيه بـ ( غير هام ) تضغط عليه و وراها تقدر تستخدم حسابك و تجيك وضع ملفك
سجل وراح تقدر تعرف حالة ملفك


و اعتذر ان كان اكو قصور بالشرح او إطالة ..

أخوك ..

[mosul87]

تسلم اخويا استقرار

بصراحة كفيت و وفيت و ما خليت شي ماذكرتة

بس الظاهر حظي ويا الموقع مثل الفيزة

ما دا يفتح .. ههههههه