فزعتكم شباب !

[black sword]

السلام عليكم و رحمةالله و بركاته
شلونكم ان شاء الله زينين

عندي صديق عزيز عليه و حاب يستفسر منكم بلا زحمة

صديقي مقدم من تركيا من سنة 2007 و تم رفضه من الامريكية و الاسترالية ولحد هسة ماكو اي شي من يوم 3/2/2010 انرفض من استراليا و لحد اليوم ماكو اي جواب ولا اي شي 
اكو تعرفون شخص مر بهجيجي حالة و شصارمن سالفته  و يعني شنو الحل الي يكدر يسويه

اتمنى اذا تعرفون شي متبخلون عليه
وتحياتي


اخوكم احمد

[AboDiana]

للرفع

[kunda]

ليش خطية ؟؟؟؟؟؟ والله اني مار علية هواية هيج حالات وطبعا غالبا بالاخير يروحون تهريب الى اوربا او يرجعون للعراق .

[Aiham_]

يعني هو مرفوض , شراح يسوي مثلا

خلي يتوكل على الله و دبرب الشنكن و البلان بي

[كلي امل]

بلان بي

[الريم 2000]

صح --خلي يتوكل على الله وانشالله يتوفق

[Edy Simon]

عزيزي ابو الموضوع
اني عندي اقارب ابتركيا كاعدين او هم صار وياهم نفس الشي, او كتلهم عدة مرات شوفولكم فيزة شنغن او تعالو الى اوربا...
لكن مع الاسف جوابهم جان لو امريكا او استراليا لو ما نتحرك من تركيا... مع العلم عدهم اخوا او خوات في استراليا, او حاولو ان يسألو عن القضية مالتهم او بواسطة محامي استرالي...الجواب كان: بالوقت الحاضر ماكو لجوء او هجرة انتظرو اشويا...
اتصور حضرتك اما تنظر مثل الباقي.... او اتفتش على فيزة شنغن او تتوجه الى بلد البرد والثلج فنلندا
او اتقدم لجوء بي... بس على شرط اتكون الفيزة بدون بصمة ولا يرجعوك مثل ما رحت الى تركيا...
تحياتي
جوسي البغدادي المانيا

[مــودي]

ما بقى غير التهريب لو الفيزا ..طبعا الفيزا احسن وشلون دول راقية(بلجيكا ,فلندا .النمسا.هولندا اذا مشتغل وية الجيش الامريكي كلها يستقبلوك ) ويكولن بدت المانيا تنطي بس غير متأكد..