ما اكدر ادفع غرامه عالمود الشقه التعبانه

[شمس بلادي]

شلونكم اخوان
اريد مساعدتكم بالشقه مالتي طلع بيها البيد باك وبلغنه الاوفس و اجوي كافحوا هاي السالفه سولفتلكمياها لكن بعد فتره ظهر من جديد البيد باك و ذبينه الفراش بالزبل و اطفالي دينامون بالكع و تأذوا من البيد باك لان يكرص و صعدت عدنه الكابه لان نفسيتنه كلش تعبت والاوفس ميقبلون يغيرولنه الشقه و قررنه نكسر عقد و نطلع نروح لغير مجمع بس الافنديه جماعة الاوفس يكلون لازم تدفعون الغرامه مال كسر العقد تتراوح الغرامه بين (200$ الى 2500$) و يكلون اذا متدفعون نضربكم باد كردت و بصراحه احنه بعد منتحمل نبقى بالشقه و هاي الغرامه كلش هوايه ومن نتحول ينراد هوايه مصاريف لان كل غراضنه حنذبها بالزبل ولازم نشتري جديد
يا اخوان  شسوي الي عنده حل او اتصال باي جهه تخلصنه من الغرامه او تقلل منها رحمه لوالديه يكتب الحل

[journalist]

السلام عليكم
اخي العزيز , عضات هذه الحشرة تترك اثر مميز بجسم الانسان والمفروض تذهبون لدكتور لعائلة وتبلغوه وتشوفوه الاثار وتشرحوله الي ديسووه بيكم اصحاب المجمع فهو راح ينطيكم ورقة تؤيد وجود هذه الحشرات بلبيت ومضارهة على صحة الانسان وخاصة الاطفال وبعد ذالك تشتكون عليهم بلستي الي انتو تابعين اله وهمة راح يتكفلون بلباقي , هذا الاجراء يمكن شوي بطئ لكن الاسرع تتصلون بلشرطة ومن يجون للبيت تبلغوهم بوجود هذه الحشرات ومعاناتكم منهة وخاصة الاطفال ومعاملة اصحاب السكن وياكم وعدم اتخاذهم اي اجراء لتخليصكم من هذه الحشرات .

انشاء الله يفرج عنكم هذه الحنة وترتاحون

[pati]

اخذوا صور لجسم الاطفال و لجسمكم و تقرير من الطبيب و كولولهم احنا مرح ندفع و هذه التقارير و الصور رح نوديهه لمحامي و نرفع عليكم دعوه

we will sue you


لانه اكو عائله نعرفهم اجروا بيت و وراهه كامت تطلع عليهم الحشرات و ابو البيت مقبل يكسر العقد

استشاروا محامي كاللهم اخذوا صور للصراصر ( حشاكم ) و كولوله اذا مرح نطلع رح نضطر نسوي دعوه عليك و نقاضيك

راسا طلعهم من البيت و مغرمهم درهم و هو الممنون

[الريم 2000]

اللة يساعدكم  هية من اسمها حشرة خبيثة بس كلام باتى صح يرجى الاخذ به لانو هوة الصح وماقصرو الاخوان بلرد اللة يوفقكم ويغيرون الكم الشقةوتبشرونة يارب--اهم شي سلامتكم وسلامة الاطفال

[الذكي]

كلام الاخوان صحيح جدا اخذي صور وكليلهم راح اشتكي عليكم بالستي
بس عندي استفسار هية هاي الحشرة موجودة بالشقة نفسها لو بالاثاث او بالدواشك لو بالكاربت لو شنو هية اخاف مشترين غراض مستعمل وبيها هاي الحشرة تاكدوا احتمال الشقة مابيها شي
وشكرا

[** يدكو **]

انتهى الفلم اخي مادام انتشر البيد بك بالبيت مايفيد بعد يعني يكون موجود بكل البيت بالاغراض والملابس الموجوده بالبيت  لازم ينزت كلشي بالبيت

وتتحول الى شقه اخرى بدون ماتنقل وياك الاثاث او اي شيء اما التفاصيل البقيه مثل ماذكرو الاخوه بتقرير من الدكتور ينحل ان شاء الله كلشي
تحياتي

[شمس بلادي]

شكرا اخوان على ردودكم
احنه اخذنه صور لعضات البيد باك لاطفال واخذنه صور للحشره عالحايط وخبرنه الاوفس ان لازم يغيرونه الشقه او نطلع بدون غرامه كسر العقد ....مقبلوا و كالوا انتو موقعين عالعقد و لازم تلتزمون بي بعد ذلك اتصلنه بالستي واجوي الستي شافوا الوضعيه و اخذوا صور و اخير شي كالوا احنه منكدر نسوي شي لان الافس متعاون و ياكم و كافحوه و كلنالهم الاطفال تأذوا و نايمين عالارض بدون فراش و حصلنه منهم نفس الجواب منكدر نسوي شي
والاوفس كالوا حنجي مره رابعه نكافحه و حجينه و تعبنه و ملينه و النتيجه وحده ماكو تغيير شقه و الغرامه موجوده اذا نطلع

[مغترب بلا وطن]

الله يساعدج على هذا البلاء الاسود

اذا انتقلتي ف احذري ان تنقليها وياج , كل المبيدات الحشرية الي موجود بالسوك على الاطلاق متفيد , وما تقضي عليها بصورة نهائية

الحل الوحيد هو النفط الابيض واسمه بالانكليزي Kerosene

من تشيلين ترحين للسوك تشترين اكياس زباله سوده كبيره وقوية وتحطين بيها ملابسكم كلها وفراشاتكم كلها ومخداتكم وكل خاولياتكم , كلشي قماش تخلينه بهاي الاكياس وتبخيها بالنفط الابيض وتقفليها زين , ورة كم يوم تنكتل كل الحشرات وبيوضها وراها تغسلين الملابس زين وتحطيلها داوني علمود ريحة النفط

النفط تجيبينه من الول مارت سعر البطل الزغير ب 5 دولار وهو كلش كافي لكمية كبيرة من الملابس.

[الريم 2000]

اللة يكون بعونج بس من صدك هذولة تعبانين وميستحون ميكولون اطفال وللة ماعرف بس همة الا الاطفال ميكدرون يتحاشون بيهم --اختى اي شي كوليلهم الاطفال مينامون اتجهي بس بلاطفال ترة ايكلبون الدنيا عليهم حاولي ولا تكولون تعبنة ؟لان صدك موضوع يحير ؟كوليلهم الاطفال ميقبلون ينامون بلبيت ترة وللة يبهذلوهم؟اللة يكون بعوننكم ---لا تستلمون ابد هنا القانون فوق كل شي حتى على الرئيس بلحق؟----زينب