ممكن اهل الخبره مال الاي او ام

[فقير وحباب]

السلام عليكم اخواني واخواتي جميعا :اني اريد اسأل عن موضوع الاي او ام اني مقدم اس اي في بس عندي صديق يسأل عن iomايصير ايقدم بس هو ماعنده ركمونديشن ولا اي شي يعني بالاختصار هب بياض ..ممكن خبرتكم حتى اردله خبر لانه بموضوع الاي او ام ما اعرف.لا الايميلات مال الاي او ام ولا شروطهه,,,وبارك الله بيكم والكم وجزيل الشكر..

[فقير وحباب]

مشكور على الرد السريع اخوية ابو مريومة ,,,


تقبل مروري....

[كوكي 2004]

   عيني حباب التقديم على ال IOM والي يسموا التقديم المباشر هذا فقط للمشتغلين ويا القوات الأمريكية
   أما أذا مامشتغل بأي شكل من الأشكال ويه الأمريكان فميصر وبهذه الحالة لازم يطلع لدول الجوار ويقدم
   على ال UN .

  بالتوفيق

[سرى سرى]

لا ميصير لانة ميت بيدة هب بياض ههههههههه هو الك مو  لو صديقك هههههههههه اوكي واذا تحب انطيك رقم اوباما بس رقمة اسيا هع

[فقير وحباب]

مشكورين ابومريومة وكوكي وما قصرتوا ,,اما بالنسبة للاخت سرى فالسؤال صديقي كلفني بيه,,اما بالنسبة اللي  اني مقدم siv ,ومقابل صارلي 7 اشهر ,,,تحياتي للجميع

اخوكم النعيمي

[سوسو اسو]

عيني اخ فقير وحباب
اذا بالقليل عنده باج او نسخه من الباج خلي يقدم ومخسران شئ
خلي يكتب كليشه عباره عن قصه حياته العمليه ويه الامريكان وياها اتجمينت مال الباج اقلها ويبقه الموضوع حسب الشركه الي مشتغل بيها وقناعة الاي او ام

وخلي يدز على هذا الايميل
ic@iom.int
وهذا ايميل ثاني لغير منظمه خلي يدزلهم نفس الحجي ويشوف شيجاوبي احتمال همه يكولولك شتسوي
uscis.amman@dhs.gov

تحياتي الك

[ابن شط العرب]

هم فقير وهم حباب
التقديم المباشر الى الـ IOM الا مشتغل ويا خوالنا الامريكان جيش شرطة قوات خاصة شركات مدنية اي شي امريكي وعندة تزكية ( ريكومنديشن ) من المشرف الامريكي ( سوبرفايزر ) والمشرف لازم عنده ايميل رسمي ينتهي بـ GOV واذا ماكو ما عنده الا الله والـ UN حتى يصير حباب .