شغلة تحير

[black jack]

مرحبا جميعا اخوان اليوم اكملت سنة كاملة على انتظار مفابلة المحلف وظليا بحيره اشو الجماعة صنته وكلشي ماكو وممقدرين انه من طلبنا اللجوء  مجان من اجل الونسه او البطر لاكن الامر صار مصيري للاغلبية فأما العيش مع التهديد وهذا شي مستحيل او الذهاب الى المجهول من اجل الامان المشكلة ان الجماعة مديقدرون هذا الشي وظلينا احنا لا سما ولا للكاع حتى مدنعرف شنسوي خصوصا احنا اهل بغداد المظلومين يعني الجماعة منطين تغليزه توب وكل متسئلهم اييكلولك بالجراءات لو التشيك الامني وكانه ابن لادن الي مقدم الطلب متناسين ان كل من قبل هو مستوفي للشروط الي وضعوها والله مادري شلون ماعدنا غير انكول الله كريم هو الي ينظر لنا وهو حسبنا ونعم الوكيل

[مرسي الزناتي]

الله كريم

[كاتلوني الى الابد]

والله يااخي الحديث اله بدية مااله نهاية الى الله المشتكى بس ماالنا والك الا الصبر وميدري الانسان وين الخير وربنا ايفرج عليك عاجلا غير اجل ولاتنسى الدعاء وكما ورد في الحديث الدعاء هو العبادة اجعل نفسك في عبادة الى ان ربك يفرجها عليك

[Abdullah2006]

اي والله حيرة

[(COBRA)]

اخي جاك...........لله كريم كلنه على هل الحال
اخطاء الهجره واللجوء اصبحت قاتله ؟ شوف استراليا اذا ممقتعين بيك خلال شهرين ينطوك رفض بالوجه وهذاا عن دلائل شفناها وسمعناه.......يعني انته نفسيا ترتاح وتعرف شنو الكدامك .....
بس امريكا عكس كل الدول  يخلون كلبك مشلوع وتركض وراهم  بدون اي اعتبار للظروف الي يمر بيها الاجئ..... طيب انتو انطيتوا موافقه وقبلتوا على شروطكم لامريكا بعد شنو هل المماطله بالموضوع والتجيكات الي تطول فوك السنه يعني همه هيج غشمه لو يردون معلومات خلال ايام يطلعلولك ياه من جوه الكاع
الله يسهل  هيه تصفه .
 

[jack black]

         الله كريم اخي انشالله تفرج ونخلص من الانتظار

[الاسد الجامح]

اخي جاك كلنه على هل الحال

اني يوم 26\4 يعني بعد شهرين وعشرين يوم اقبط

3 سنوات 
من تاريخ اول مقابلة توطين  بال un

[black jack]

اشكركم اخوان على اهتمامكم بالموضوع والرد عليه المشكلة اخوان انه اغلنا اصحاب عوائل وطول الاجراءات معناه لازم تجمد لا تكدر اتقدم ولاتاخر خطوة هسه لو ابس اطمئوننا انه الشغلة 100% احنا مقبولين او لا حتى الواحد يكدر يتصرف يشوفله طريق ثاني والله يسهل على الجميع انشاء الله ويهدي ويحنن كلوب المنظمة علينا

[alzandawi]

الله يسهل الامور اخوية والفرج انشاء الله يجي

[عاشق الاحباب]

بالبداية اتمنى الخير للجميع ,,,,,ثانيا عندي سؤال محيرني فوق الانتظار ,,,,كفيلي دز الهم سؤال ليش ماخرين هذه العائلة ,,,,دزو له جواب ما من حقك تسال ميخالف هاي فهمناها ,,,,الكفيل ليش كل ما ادزله رساله لايجاوب ولا يرد ,,,,علما انه نمنتظر الامنية اكثر من سنة ,,,,والله كريم انكول ماتظل هيج ,,,,,ارجو الجواب من كل من عنده راي في هذه المسالة ,,,,الله يوفقكم

[Abnaa Al-Iraq]

والله يا اخي كلامك صحيح بس الواحد شنو بيده يسوي ماكو غير الصبر بالله ونعم بيه

[Sound of Soul]

الله كريم الله يفرجها معكم ان شاء الله
ماعدكم غير الصبر والانتظار وان الله مع الصابرين

[امل الوصول]

ميصير نسوي مظاهرة يمهم نطالب بتعجيل النتائج ؟......ان الله مع الصابرين

[مس لارا]

والله صحيح حيرة ببس لو ينطونه جواب ليش كل هل التاخير فوك ضيمنه