مشكله الجنسيه العراقيه

[مسره]

السلام عليكم

لي صديقه مقيمه في السويد  قدمت على الجنسيه السويديه ومن شروط الحصول على الجنسيه السويديه ان تتنازل عن الجنسيه العراقيه

والسؤال هنا لو تنازلت عن الجنسيه العراقيه من اجل الحصول على الجنسيه السويديه.. في المستقبل تكدر تسترد الجنسيه العراقيه

وشنو الغرض من اسقاط الجنسيه العراقيه
وهل القانون العراقي يسمح بالتخلي عن الجنسيه العراقيه

وهل اكو فقره بالقانون تحق استرجاع الجنسيه

هل احد عنده معلومات خول هذا الموضوع

[كوكي 2004]

أختي العزيزة مسرة
بالنسبة للسويد مو من الدول الي تطلب تسقيط جنسية البلد الأم
ورح أنطيج مثال ومتأكدة منه 100/100 عندي بيت خالي حاصلين على الجنسية السويدية أجونه زيارة للأردن برمضان الفات وظلوا يمنه أكثر من
شهر ودخلوا للأردن بجوازاتهم السويدية وجابوا وياهم جوازاتهم العراقية الجديدة فئة G  وسارية المفعول
وللتأكيد هسة قبل ماأكتبلج الرد وعلمودج خابرتهم وسألتهم كالوا من نروح نقدم على الجنسية ينطونه أستمارات وبيهه عدة اسئلة
ومن ضمن الأسئلة هل ترغب بالأحتفاظ بجنسيتك الأصل أم لا وبهذه الحالة ومقابل السؤال حاطين أشارة صح وخطأ واليحب تحتفظ بجنسيته يحط أشارة صح
واليحب يتنازل يحط أشارة خطأ أو أكس وأكدولي مستحيل السويد تجبر شخص على التنازل عن جنسيته
وطبعآ أكو كثير عراقيين تنازلوا عن الجنسية العراقية بالسويد وظلوا بس على السويدية
تحياتي لحضرتج

[كلي امل]

والله جواب شافي وحلو ومرتب ياكوكي الورد تسلمين

[كوكي 2004]

ممنونة منج قلبي وأنت الأحسن أمولتي الورد

[مسره]

عفوا همه في المانيا مو السويد
 حصل خطأ ارجو المعذره

همه طالبين منهم  اسقاط الجنسيه العراقيه مقابل الحصول على الجنسيه الالمانيه

شلون حل لهذه المشكله

نريد  راي من لديه نفس المشكله

شكرا لكم جميعا على الفائده من المعلومات

[كوكي 2004]

عيني مسره أطلبج مكالمة دولية ههههههههههه دا أتشاقة وياج طبعآ
أذا ألمانيا بهاي آني وياج صح ألمانيا والنمسا من الدول الي متمنح الجنسية أله أذا الشخص يتنازل عن جنسية بلده الأم
وطبعآ هذا قانون ثابت عدهم يعني لا اليوم ولا البارحة يعني لو العراقية لو الألمانية ولازم صديقتج تدرس الوضع وتقرر وهي أعرف بوضعهه
وان شاء الله يدخل أخونه جوسي مستشار اللاجئين بألمانيا ويوضحلج أكثر
تحياتي وبالتوفيق

[مسره]

شكرا عزيزتي كوكي على الرد والاهتمام وانت تتدللين على فلوس المكالمه الدوليه ههههههههههههههه

شوكت يسعفنا مستشار اللاجئين الاخ جوسي

والله احنا مشكلتنا العراقيين مشكله

سبحان الله ماكو واحد مرتاج اللي خارج العراق لو اللي في داخل العراق
المشاكل تركض ورانه ههههههههههههههه

عبالك عايشين في كابوس لاينتهي
ولما اقرا مشاكل الناس ومعاناتهم في الموقع والله اصخن

منتظرين الرد على السؤال التنازل عن الجنسيه العراقيه المشؤمه ههههههههههههههههه

[kunda]

يرفع ويستدعى حضور السيد جوسي البغدادي .ايدي سايمون.ابو ديانا .خبير الشوؤن الاوربية (ذيج الصفحة) ,,

[Edy Simon]

يرفع ويستدعى حضور السيد جوسي البغدادي .ايدي سايمون.ابو ديانا .خبير الشوؤن الاوربية (ذيج الصفحة) ,,

شكراً للاحبة الكرام
على ثقتكم الواسعة في شخصي....بالحقيقة انه الجواب على هذا السؤال ,المانيا ما اتعامل الدول العالم بنفس المكيال...
لانه اكو ابناء دول معينة من يعيشون في المانيا او يحصلون على الجنسية الالمانية لازم يتنازلون عن جينسيتهم الاصلية..
اي يسقطوها او ابناء بعض الدول اللي طلبت منهم المانيا اسقاط جنسيتهم الاصلية, سقطوها من حصلو على الجنسية الالمانية او راجعو الى بلدهم الاصلي اي تركيا او ادعو انه ضيعو الجنسية التركية او طلعو جديدة, لكن الحكومة الالمانية حسو بالموضوع او سحبو الجنسية الالمانية من عدهم.....او حسب ماسمعت من بعض الاخوة العراقيين في هم المانيا عند استلامهم الجنسية الالمانية سقطو الجنسية العراقية , او بعدين راحو للعراق او طلعو الجنسية العراقية...
يعني الاخت الفاضلة لازم اتقررين اما الجنسية الالمانية او العراقية بالبداية... او اتسقطين الجنسية العراقية او اتروحين للعراق او اطلعين الجنسية العراقية...بس بقت عندج اذا حست بيج الحكومة الالمانية جائز راح يسحبون الجنسية الالمانية منج...
اتصور الاسعافات الاولية اكدرت اقوم بيها, او اذا تحتاجين الى اي شي مو مشكلة اني بالخدمة اكدر اكمل العلاج

تحياتي للجميع
جوسي البغدادي استشاري اللاجئيين والمهاجرين المانيا

[مايكل اندريه85]

تحية طيبة عندي مداخلة صغيرة من بعد رخصتكم ورخصة الاخ الاستاذ جوسي ابو ديانا الورد

اللي اعرفه ومتاكد منه جدا  هو انهو لدي صديق في المانيا هذا الرجل طلع الى المانيا بسنة 1995 بعد رحلة طويلة المهم وحصل لجوء بشلعان القلب  وخاض رحلة ماراثونية بعدها للحصول على الجنسية الالمانية والجواز وتحقق هذا بعد ان تزوج من بنت عربية وانجب طفلة وكان ذلك بسنة 2008  تصوروا  ماهذا الصبر  ياالهي لو انا جان انتحرت واروح شهيد الجنسية الالمانية  المهم  تنازل عن الجنسية العراقية في وقتها  هذا الرجل قرر السفر الى العراق خلال  سنة 2010 واحتاج الى جنسية وشهادة جنسية  عراقية طبعا لاننسى بالعراق كلشي يصير بالتوريق وبالواسطات وبالعلاقات اجرى اتصال مع بعض اصدقائىه بالعرا ق  الديمقراطي  ومن واحد لواحد المهم توصلوا الى شخص يستطيع عمل جنسية وشهادة جنسية عراقية اصلية لان هذا الشخص لديه نفوذ في مقابل مبلغ مالي يصل الى 1500 دولار  يعني  15  ورقة  وبشهرين طلعن المحروسات وارسلوهن الى هذا الرجل الموجود في المانيا بالبريد مال شركة ت ان تي  وصلن وسافر الى العراق ودخل بيهن الى المطار  العراقي بردا وسلاما وهو عمل زيارة خلال سنة 2010 

فهنا يااختي العزيزة اذا الشخص قرر ان يتخلى عن جنسيته لازم يضع في الحسبان طريقة ممكنة لاستحصال جنسيته البلد الام اذا مارغب في 1ذلك وبالنهاية كل قرار وله مغامراته فلازم الواحد يحسب حسبة طويلىة

اتمنى ان اكون قد اوصلت فكرة لحالة معينة

[engineermech]

يرفع ويستدعى حضور السيد جوسي البغدادي .ايدي سايمون.ابو ديانا .خبير الشوؤن الاوربية (ذيج الصفحة) ,,

هههههههههههه صدك ضحكتني كوندا وين لاكي هاي الصورة هههههههههههههههههههههههه

[مرسي الزناتي]

يرفع ويستدعى حضور السيد جوسي البغدادي .ايدي سايمون.ابو ديانا .خبير الشوؤن الاوربية (ذيج الصفحة) ,,

  :Dنازللهم من كوكب فيكا الكبير

[Edy Simon]

  نازللهم من كوكب فيكا الكبير

لولو الكبير

ترى انه بالهند مو كلهم بشرتهم سودة....
بالجنوب اغلبهم بشرتهم سودة....
او بالشمال اللي على جوانب جبال همالايا بشرتهم بيضة او شكرة......

لذا يسموهم اقوام ايندو اريا.......

تحياتي

جوسي البغدادي باحث اجتماعي المانيا

[مرسي الزناتي]

  نازللهم من كوكب فيكا الكبير

لولو الكبير

ترى انه بالهند مو كلهم بشرتهم سودة....
بالجنوب اغلبهم بشرتهم سودة....
او بالشمال اللي على جوانب جبال همالايا بشرتهم بيضة او شكرة......

لذا يسموهم اقوام ايندو اريا.......

تحياتي

جوسي البغدادي باحث اجتماعي المانيا

شعجب هل مره ما جبت طاري لل3000$ مالتي 

[Edy Simon]

شعجب هل مره ما جبت طاري لل3000$ مالتي

ولايهم لولو ابو اسماعيل الورد
مانسيتها الـ3000 دولار مالتك, لانه منتظر ادزها ويا العبريةالى المانيا.....
بس مو مشكلة بلجيكا موبعيدة عليا اجي اخذها منك... بس حولها الى يورو...
حتى استثمرها باليورو......
ولا يهمك... بس ابقى على اسوالفك جسمك يحكك ابقى تتحارش....
يابو اسماعيل مايفيد بيك التعب...
تحياتي

جوسي البغدادي باحث اجتماعي المانيا 

[مسره]

مرحبا

شكرا لكم جميعا على الرد والتعاون

اتصلت بصديقتي في المانيا وخسرت فلوس مكالمه ههههههههههههههه

هي عندها استفسار بخصوص  في حاله تنازلت عن الجنسيه العراقيه وحصلت على الجنسيه الالمانيه وبعد ذلك لو حاولت الحصول على الجنسيه العراقيه وجواز السفر بطريقه ما......كيف ستعرف الحكومه الالمانيه بذلك؟
انا من راي الشخصي اللهم الا اذا  بينت هي لهم بطريق الخطأ الجواز العراقي...
وانتو شنو رايكم.. شلون راح تعرف الحكومه الالمانيه انها رجعت الجنسيه العراقيه

في حاله سفرها للعراق بجواز عراقي وتستخدمه بس في حاله دخولها وخروجها من الاراضي العراقيه...هنا محد راح يعرف انها رجعت الجنسيه صح؟؟؟

اكو قصه هي قالتها لي  واني كلشي مافتهمت منها  مثل الفلم الهندي هههههههههههههههه
ممكن اللي يقرا الموضوع يعلق ويفسر ويشرح  هذا الفلم الهندي هههههه

تكول اكو  ناس تنازلوا عن الجنسيه العراقيه واخذوا الجنسيه الالمانيه وبطريقه ما حصلوا او تمكنوا من استعاده الجنسيه العراقيه
سافروا من المانيا الى سوريا بالجواز الالماني ومن  سوريا الى العراق بالجواز العراقي وعند وصولهم للمطار في العراق طلبوا من ضابط الجوازات في المطار ان يختم  لهم على الجواز العراقي وبينوا له بان لو ختم  لهم على الجواز الالماني راح تصير لهم مشكله مع الحكومه الالمانيه
وكذلك بالنسبه للخروج من العراق
بمعنى الجواز العراقي استخدمه فقط في الدخول والخروج من الاراضي العراقيه

واني كلشي مافتهمت ..ممكن احد يشرح ويوضح شلون؟

لكم جزيل الشكر
وعلى مساعدتكم وتعاونكم  وعلى المعلومات
وعلى القائمين على الموقع والجهود التي تقدموها ليستفاد منها الجميع

منتظره رد الاخوان جوسي البغدادي وماركوس القيصر وجميع الاخوات

[مايكل اندريه85]

الاخت مسرة تحية طيبة

وين المشكلة فيما لوختم على الجواز الالماني بختم دخول وخروج من العراق شنو راح يحدث بالفعل على كولتج فلم هندي ؟؟؟

الشخص هنا عنده جنسية المانية وجواز الماني وداخل الى العراق اكيد طبعا عبر ترانزيت تركيا او غيرها ودخول شرعي طيب هنانا باعتقادي ماكو مشكلة والا ماذا يحدث هل من المعقول فيما لوختم على الجواز الالماني بختم دخول وخروج من العراق هل ستقوم الحكومة الالمانية باجرءات ضد الشخص المسافر  وبالتاكيد وبالطبع ليس من المعقول ان يحدث مثل هكذا اجراء تعسفي ليش هي شنو الجريمة هل الجريمة وجود اختام عراقية بالجواز الالماني باعتقادي هذه ليست مشكلة .....

طيب هل من المعقول انهو في حالة استلم الشخص جنسية المانية راح يوقع اويجبر على بند يتعلق بمنعه من دخول العراق وفيما اذا في يوم من الايام سافر الى العراق وعاد الى المانيا ولاحظت الحكومة الالمانية وجود اختام عراقية هل ستسحب الجنسية والجواز الالماني منه بالتاكيد لا    لانه ليس من المعقول ان تعاقب الحكومة الالمانية شخص متجنس بجريمة دخوله بلاده الاصلية بجواز الماني ووجود اختام بلاده على جواز المانيا هذا ضرب من المستحيل باعتقادي ...... 

وبالنسبة لاستردادها الجنسية العراقية اني بينت في شرحي السابق في حالة تخلي الشخص عن جنسيته الاصلية بلده الام وفكر باسترداها في وقت لاحق يجب ان يحسب حسبة طويلة ويلاقيله اشخاص موثوقين لكي يعملوا له وثائق عراقية وطبعا واكيد بفلوس واسطات لان خومويروح يقدم طلب للحصول على الجنسية العراقية ويراجع هاي الشغلة انساها ورق تحصل على كل ماتريد ......

وهذا رايي.....

 تحياتي واحترامي لحضرتج

[مايكل اندريه85]

وطبعا بانتظار راي الاخ الاستاذ ابوديانا الورد

 

[مسره]

شكرا لكم جميعا على التفاعل والردود واحس اني كاعده بيناتكم

وكاعدين وحاطين الجاي والكليجه ونسولف هههههههههههه

المهم اني من راي المتواضع الساذج هههههههه انو هذا الشخص حويط بمعنى  يحاول قدر الامكان ابعاد اي شي  يثير الشك بانه من الجائز والممكن  يحاول الحصول على الجنسيه العراقيه كما تحدث الاخ  ابو ديانا عن الرجل  التركي واكتشف امره

ولهذا هذا الشخص حاول جاهدا بان يبعد الشك والشبهات عنه ولهذا دخل للعراق بالجواز العراقي وختموا له عليه خروجا ودخولا

والله يكون بعون الجميع..واكيد كلا له ظروفه

تحياتي للجميع

[espero]

الدخول الى اي دوله بجواز يستوجب الخروج منها بنفس الجواز
يعني تروح الى سوريا مثلا بالجواز الالماني وتطلع من الحدود السوريه بنفس الجواز وتدخل العراق بالجواز العراقي


زين هي ليش ماتتنازل عن الجواز العراقي الخاطر الله

[الذكي]

السلام عليكم

لي صديقه مقيمه في السويد  قدمت على الجنسيه السويديه ومن شروط الحصول على الجنسيه السويديه ان تتنازل عن الجنسيه العراقيه

والسؤال هنا لو تنازلت عن الجنسيه العراقيه من اجل الحصول على الجنسيه السويديه.. في المستقبل تكدر تسترد الجنسيه العراقيه

وشنو الغرض من اسقاط الجنسيه العراقيه
وهل القانون العراقي يسمح بالتخلي عن الجنسيه العراقيه

وهل اكو فقره بالقانون تحق استرجاع الجنسيه

هل احد عنده معلومات خول هذا الموضوع

برايي المتواضع مثل مكلتي حضرتج اني اتصور اكو فقرة بالاستمارة مال تخلي عن الجنسية العراقية واخذ الالمانية اكو فقرة تكول اتعهد بعدم زيارة بلد الام مرة ثانية بعد اخذ الجنسية الالمانية مجرد رايي والا ماكو سبب ثاني وشنو يعني بلكي واحد الماني عجبة يسوي سياحة بالعراق وليش ميخلي ظابط الجوازات يختملة على الجواز الالماني ليش الا العراقي
عموما الاخوان مقصروا وانشاء الله تنحل المشكلة

[كوكي 2004]

للتوضيح أكثر أبن خالتي بألمانيا من سنة 1979 وحاصل على الجنسية الألمانية وطبعآ مسقط جنسيتة العراقية لأن موبكيفة
يعني لازم يسقط وهاي من شروط الجنسية الألمانية وطبعآ متزوجمن ألمانية وعنده ولد أثنين بالجامعة المهم
من بعد ال 2003 ولحد الآن راح زيارات للعراق الله ليكذبني أكثر من خمسة مرات وكلهه بجوازه الألماني ولا فكر بيوم من الأيام
يطلع ثبوتيات عراقية لأن يكول ماأمشي بطريق مو قانوني وماحب الشي الأعوج وألمانيا ماجبرتني على شي
يعني هذا قانونهم يعجبك أهلآ وسهلآ ميعجبك هذاك بلدك أرجعله
تحياتي للأخت مسره
وان شاء الله صديقتج تقتنع بهل تجارب الي انذكرت بهذا الموضوع

[مسره]

تحياتي لكم جميعا احبتي

والله اني اشكركم واشكر صديقتي على فتح هيجي موضوع.. علمود الكل يستفاد من المعلومات هذي

واكيد هذي مشكله الكثير.....

واني كلشي مااعرف لو ما صديقتي الله ينطيها لما سالت السؤال فتحت لنا مجال للحوار والنقاش ومعرفه مايمكن نعمله لو صادفنا هذا الموقف لنا او لغيرنا

السؤال هنا ايضا....... بمعنى هذا القانون ..قانون التخلي عن الجنسيه العراقيه في حاله الحصول على الجنسيه الالمانيه هذا موضوع قديم وليس جديد؟؟؟

هل انتم متاكدين؟؟ ارجو ممن علق على هذه الفقره ان يؤكد لنا هذا
بعدين اني خالي متزوج المانيه وحاليا عايش في امريكا وعنده الجنسيه الالمانيه ولم نساله يوما او هو  لم يحجي لنا عن اسقاط الجنسيه العراقيه
ممكن الاخوان يؤكدون لنا هذه الفقره

واني اضيف من راي الشخصي اللي يحصل على الجنسيه الالمانيه شنو بعد يسوي بالجنسيه العراقيه ؟؟
لو يريد العيش بالعراق او الزياره ماعنده مشكله بالعكس يكون معزز مكرم على الاقل مينطبق عليه  القانون العراقي وكت ميعجبه يطير ههههههههههه
هي بيد منو طايجه الجنسيه الالمانيه؟؟؟

واذا عندكم راي اخر  نحب نسمعه ....نستفاد من تجارب وخبره ومعلومات بعضنا البعض
منتظره ردودكم اعزائي
الف شكر  للجميع

[Edy Simon]

هي بيد منو طايجه الجنسيه الالمانيه؟؟؟

سيدتي الفاضلة مسره المحترمة,

اود ان ازيدكي علماً انه الجنسية الالمانية.....(هي بيدي اني طايجه الجنسيه الالمانيه؟؟؟)...

وشكراً على ارائكي وتقوعاتكي القيمة حول موضوع الجنسية الالمانية...

تحياتي

جوسي البغدادي استشاري اللاجئيين والمهاجرين وباحث اجتماعي المانيا

[lyoo]

جيرانا هم طلع الى المانيا (( اهوووووو هم جيراانكم  )) من 1999 طلع ولحد الان بعده هناك يعني توقعو لو اني انتحر

[Edy Simon]

رسائل: 581

ضاقت فلما استحكمت حلقاتهافرجت وكنت أظنها لا تفرج



 






رد: مشكله الجنسيه العراقيه

« رد #24 في: اليوم في 01:49:53 pm »




--------------------------------------------------------------------------------

جيرانا هم طلع الى المانيا (( اهوووووو هم جيراانكم  )) من 1999 طلع ولحد الان بعده هناك يعني توقعو لو اني انتحر


ابو الشبل
ليش لو انته جان تنتحر....
مو مشكلة لانه جيرانك طلع قبل الاحتلال, او هسى العراق احتل او صار ديمقراطي او اكيد ىراح يسحبون اللجوء مالته او راح يرجعو الى قواعده سالمة....سلملي عليه بالله
تحياتي او هذا اثبات لكلامي.....

خبر منقول الخاطرك تحياتي

ألمانيا تسحب اللجوء السياسي من عدد من العراقيين الحاصلين على اللجوء قبل احتلال العراق..!

 دويتشة فيله ::

ختم (مرفوض) بالألمانية..!ABSCHIEBUNG
 
بدأت المحكمة الإدارية العليا في ولاية راين لاند بفالس بألمانيا النظر في قرار "الهيئة الفدرالية الألمانية للاجئين والمهاجرين" والمتعلق بنزع صفة اللجوء السياسي عن عدد من العراقيين. موقعنا تحدث مع بعض المختصين.

 تقدم سبعة عراقيين بدعوى قضائية ضد قرار "الهيئة الفدرالية الألمانية للاجئين والمهاجرين" التي كانت قد أصدرت في وقت سابق قرارا إداريا يقضي برفع صفة اللجوء السياسي عن عدد من العراقيين الذين لجئوا إلى ألمانيا في عهد نظام الرئيس العراقي الراحل ما بين عامي 1998 و2000. وقد عللت الهيئة قرارها بأن شروط اللجوء السياسي قد انتفت بغياب هذا النظام وأن الظروف قد تغيرت في هذا البلد الذي صادق مؤخرا على دستور جديد.
 
* حقائق وأرقام :

حسب مصادر منظمة حقوق الإنسان الألمانية "من أجل اللاجئين" فان هذا القرار يشمل ما مجموعه 7000 عراقي، وأن الأمر لا يتعلق فقط بالعراقيين بل بعدة أشخاص من أفغانستان وكوسوفو، على اعتبار أن القانون الألماني للاجئين يمنح هذه الصفة بناء على أوضاع معينة وعندما تنتفي هذه الأوضاع فإن المشرع الألماني له الحق في مراجعة هذا القانون كلما اقتضت الضرورة ذلك.

وحسب نفس المصادر، فإن هذه الوضعية اشتدت حدتها منذ سنة 2002، حيث جردت "الهيئة الفدرالية للاجئين والمهاجرين" في السنة نفسها حوالي 2200 شخص من حق الاعتراف بهم كلاجئين سياسيين. وفي سنة 2004 بلغ عددهم 18000 وتم إعادة النظر هذه السنة في 5700 ملف تم الاعتراف بـ 169 منها فقط.
 
* آراء ومواقف :

خلف هذا القرار، خصوصا في شقه المتعلق بالعراق، استياءا عاما وردود أفعال متباينة من جهات سياسية وقانونية فاعله، فالسيدة ماري لويز بيك عن حزب الخضر والمسؤولة الفدرالية عن المهاجرين واللاجئين انتقدت هذا القرار ودعت إلى استثناء العراقيين منه. أما منظمة "من أجل اللاجئين" فترى أنه يجب طرح السؤال حول الوضعية القانونية الصعبة التي سيعيشون فيها هؤلاء بعد التراجع عن الاعتراف بهم. أما الناشط الحقوقي العراقي الدكتور كاظم حبيب المقيم في برلين فانه يوجه نداء للمسؤولين الألمان ومن خلالهم إلى كل الحكومات الأوروبية يدعوهم فيه الى ضرورة النظر في وضعية هؤلاء من زاوية إنسانية على اعتبار أن العراق يشهد حاليا حربا غير معلنة وأن الأرقام تؤكد ذلك.

ففي الشهر الأخير وحده تراوح متوسط عدد القتلى ما بين 60 الى 65 شخص في اليوم الواحد. أما حسين وهو شاب عراقي يقيم في بون فيرى أن مشاهد الرعب والقتل اليومي على شاشات التلفزيون كل مساء تعطينا صورة عن حقيقة الوضع في العراق. ايلاكا هيرمس عن "مؤسسة الاستشارة القانونية للمهاجرين واللاجئين" بمدينة ترير ترى هي الاخرى أن غياب الأمن في العراق وانتشار مظاهر الفوضى والدمار يفرضا علينا التراجع عن هذا القرار، فالدولة في العراق لا تستطيع أن تحمي حتى أجهزتها وبالتالي فإنها غير قادرة عن حماية مواطنيها، كما أن هذا القرار يعني رمي هؤلاء إلى جحيم مؤكد. وتضيف قائلة: "أن العراق لا يزال يشهد حربا وبالتالي تسري على هؤلاء معاهدة جنيف التي تحمي الشعوب التي ترزح تحت حالة الحرب. "
 
* الانعكاسات النفسية والمادية للقرار :

إن تجريد هؤلاء وغيرهم من حق اللجوء في ألمانيا سيدخلهم وذويهم في حلقة مفرغة ستؤثر من دون شك عليهم وعلى أوضاعهم، فهذا القرار وان كان لا يعني ترحيلهم إلا أنه يجعلهم ينتقلون من وضعية قانونية طبيعية كانوا يتمتعون بها تضمن لهم العيش الكريم والعمل إلى دوامة الإقامة المعلقة المعروف بـ "دولدونغ". وهذا النوع من القامة يجب تجدده كل ثلاثة شهور مع الحرمان من حق الشغل، مما سيكون له انعكاسات نفسية ومادية مباشرة على وضعية المعنيين، يدخلهم في اضطراب نفسي ودوامة الخوف من الترحيل.
 
وقد يترتب على هذا الوضع الاضطرار إلى زيارة الأطباء النفسيين، إضافة إلى أن فقدانهم لحق العمل يعني أن على الدولة أن تتكلف بهم وكل هذا سيكون بكل تأكيد على حساب ميزانية الدولة التي هي في غنى عن مصاريف إضافية يمكن توفيرها بتخليها عن هذا القرار الذي يعلق مصيرهم ومستقبلهم.

[مسره]

ايضا من راي الشخصي

اني اشوف ان النضال ولكفاح والجهاد من اجل الحصول على الجنسيه الاوربيه هي مكسب وامان وضمان للمستقبل وللاطفال
لان الحصول على الجنسيه بطلعان الروح ونقرا ونسمع كم هي معاناة الناس في سبيل الحصول على الاقامه  بس مو الجنسيه

اما الجنسيه العراقيه بكل سهوله الواحد يحصلها والله اني سمعت واكيد انتو سمعتوا اكو هوايه عرب حصلوا على الجنسيه العراقيه بالفلوس
واختلط الحابل بالنابل متعرف منو العراقي الصدك من المزيف

كل شي صار بالعراق ينباع بالفلوس... يعني لاتقلقوا مادام الفلوس موجوده كل شي ممكن تحصله في العراق العظيم

يعني الواحد بو رجع للعراق مستقبلا شنو راح يشوف حتى الهندي راح يكوله اني عراقي واهل البلد الاصليين هربوا من الوطن

صح كلامي لو لا

يعني همين ماجاوبني ا

[مسره]

ايضا ماجاوبني الاخ ابو ديانا على سؤالي

الا وهو  يعني  قانون الحصول على الجنسيه الالمانيه ان تسقط الجنسيه العراقيه هو اجراء   قديم

من اي سنه بدوا العمل فيه

ارجو الرد على السؤال 

[Edy Simon]

ايضا ماجاوبني الاخ ابو ديانا على سؤالي

الا وهو  يعني  قانون الحصول على الجنسيه الالمانيه ان تسقط الجنسيه العراقيه هو اجراء   قديم

من اي سنه بدوا العمل فيه

ارجو الرد على السؤال

الى السيدة مسرة الفاضلة
ابو ديانا ما جاوبج على سؤالج ....لانه من يجاوب على العام يدخلون اشخاص او يعلقون تعاليق مالها دخل بالموضوع...
بما انه الموضوع خاص بيج او ابصديقتج...
ممكن ان توجهي السؤال الى ابو ديانا على الخاص او شوفي يجاوبج ولا لاء....لانه اني جاوبت او انمسح الجواب ما ادري منو مسحه.
تحياتي
جوسي البغدادي استشاري اللاجئيين والمهاجرين المانيا

[رائد عباس]

مرحبا
اريد اسئلك اخي عن امر محيرني ولا اعرف احد يساعدني في هذا
انا لاجأ عراقي في الاردن على المفوضية السامية لحقوق الانسان في الاردن انا مسجل فيها منذ سنتين
هل من الممكن ان اقدم على اي سفاره اخرى غير المفوضية
لئن لا فائدة من المفوضية لم احصل على مساعدات ولا اي شي مجرد ورقة الحماية

[texasddddd]

العراق يسمح بلتنازل عن الجنسيه بس مااعرف الاجرائات
احد الأصدقاء عندة جنسيه اردنيه ونقبل بوضيفة حساسة بلحكومة الامريكية طلبو منة التنازل عن اي جنسيه اخرى
خاطب الاردن الي بعمرة مواصل الها طلبو منه ١٥ الف دولار
الحاصل اني ممستفادة شي من العراق
اتشالله هيه رجعة وحدة واحد يكمل شعندة متعلقات ويسلم عالاهل واذا التنازل مجاني قبل أتنازل واني الممنونة
حسبي الله ونعم الوكيل على كل إنسان ظالم بلعراق والله يهدي الجميع ويهدينا