اخوان باجر مقابلتي SIV يصير ما اخذ الاطفال ويايه للمقابله رجاءا المساعده

[$$$$$]

اخواني الاعزاء  باجر موعد مقابلتي يصير ما اخذ اطفالي ويايه علما انه اكبر طفل عمره 5 سنوات

ارجو الاجايه من اصحاب التجارب

[SIV NASSA]

والله اخي حسب معلوماتي اخذ الاطفال ضروري

[kunda]

والله يااخوية هذولة شغلتهم حيرة بحيرة بوقتها اني دزيتلهم ايميلات وتوسلت بيهم انه ماجيب طفلتي اللي عمرها بالمقابلة (ايام ) معدودة وحاولت وماقبلوا ابد وكَالو لازم تجيبها هي وامها والا نأجلك المقابلة (والله يعلم الى متى يأجلوها) مع العلم الام ايضا في حالة صعبة جدا,,,,
وبعد ان وصلنا بطلعان الروح الى السفارة وتعب وأذية خاصة من اخذوا الحليب مال بيبي من عدنا ... جان يكًولولي  هاي ليش مبهدلهم وجايبهم ؟!!!؟!  ماكان المفروض تجيبهم وياك وحالتهم هيجي ؟؟!!

[روزة اليرموك]

اخي اتصور ضروري تاخذهم وياك والله يسهل عليك ان شاء الله

[Aiham_]

لا تاخذهم , ماكو اي داعي روح بس انتة و زوجتك و خطيتك بركبتي

[$$$$$]

والله حرت هسه اخذهم لو لا ؟؟

[$$$$$]

والله يااخوية هذولة شغلتهم حيرة بحيرة بوقتها اني دزيتلهم ايميلات وتوسلت بيهم انه ماجيب طفلتي اللي عمرها بالمقابلة (ايام ) معدودة وحاولت وماقبلوا ابد وكَالو لازم تجيبها هي وامها والا نأجلك المقابلة (والله يعلم الى متى يأجلوها) مع العلم الام ايضا في حالة صعبة جدا,,,,
وبعد ان وصلنا بطلعان الروح الى السفارة وتعب وأذية خاصة من اخذوا الحليب مال بيبي من عدنا ... جان يكًولولي  هاي ليش مبهدلهم وجايبهم ؟!!!؟!  ماكان المفروض تجيبهم وياك وحالتهم هيجي ؟؟!!

اخ كوندا يعني عمر بنتك الله يخليها بالمقابله جان ايام معدوده وهسه شكد عمرها ومن تسافر شكد راح يصير عمرها يجوز بصف اول ابتدائي!!!!

[Aiham_]

كوندا هاي  انتة دا تحجي من جانت المقابلة مالتك بعصر الجاهلية

هسة احنة عصر الفيسبوك

اخوية دولارات ,,,,,,,, كوندا قابل بال 2010 اني بال 2011 بهاي السنة الكشرة تغيرت هواي شغلات


بعدين اذا همة ما يزعجوك اخذهم ااسفارة شكو بيها اقلها يغيرون جو

[asad3333]

اخوية العزيز انه سمعت منهم وكالو ماكو داعي للاطفال وانه متاكد من كلامي لان صارت الحجي امامي وماكو داعي تاخذ الاطفال

[ابو كرار الحلاوي]

السلام عليكم حبي انا قابلت 6-10-2011 و انشلع كلبي جبت وياية الربع كلهم و من وصلت كالو ماكو داعي للاطفال حتة محد شافهم اللتهو بالملاعيب فحبي لا تاخذهم لان ماكو داعي هذا صار وياية و بالموفقية

[lyoo]

اخي اخذ اطفالك احسن لايسولك وحده من الاثنين وبس يردون حجه عليك فانت اخذهم هو يوم واحد والله يسهل امرك

[kunda]

هسة بنتي تحجي تكًول بابا ....مم ماما  ...دادددادا  ... فيييييزاا

[جورجيا]

اخويه
لازم المحلف يشوفهم لازم
يعني لازم تاخذهم
اني بوكتها من قابلت المحلف ضل ربع ساعه لازم جواز ابني وجان عمره 6 اشهر بوكتها ضل يقارن بينه وبين صوره الجواز
وهسه ابني يركض ويسولف وصار رجال وبعده ينتظر الامنيه الكشره 
وانشاء الله موفق
جورجيا

[ابن الحله]

حبيبي الغالي اذا انت اس اي في م اتصور اكو داعي لاان اخوك قابل يوم 19 واحد 2012 و قبل المقابله بسبوع دزولي ايميل بيه اتاجمنت تعليمات المقابله الجديده و منها هاي الفقره
الاطفال: عدم جلب الاطفال دون سن 13 سنة في يوم المقابلة
لا يحتاج الاطفال دون سن 13 سنة حضور المقابلة في القنصلية الامريكية بإستثناء كل من هو مقدم رئيسى على الهجرة. على سبيل المثال، لا يحتاج المقدمين على تأشير الهجرة الخاصة احضار اطفالهم الى المقابلة. إلا انه يتوجب حضور الطفل البالغ من العمر 13 سنة او ادنى الى المقابلة كونه يعتبر متقدما رئيسيا، مثل الطفل الذي قُدمت له معاملة من قبل مواطن امريكي. وفي حال انك لم تحضر الاطفال (البالغين من العمر 13 سنة وما دون) الى المقابلة، نرجو احضار كافة الوثائق الضرورية الخاصة بالاطفال بإلاضافة الى اثبات العلاقة كالصور الفوتوغرافية مثلا.
واذا تحب اطلع على هذا الملف حتى تتأكد و قابلت و القنصل كال بنتك الصغيره ماجبتها كتلي لا كال اوك كل الزين ماكو اي مشكله و المقابله مشت طبيعي جدا و سهله جدا ما طولت 13 دقيقه
 و بالخدمه و بالتوفيق و اي شي تحتاج اخوك موجود تره اني هم اس اي في

[$$$$$]

اخوية ابن الحله الغالي  اني ممنون منك وانشالله نظل على تواصل لان احنه جماعه 2012 تحياتي الك ياورده

[$$$$$]

مشكورين اخوان على الردود

[ابن الحله]

اخوية ابن الحله الغالي  اني ممنون منك وانشالله نظل على تواصل لان احنه جماعه 2012 تحياتي الك ياورده

بالتوفيق اخي العزيز و تفضل انضم للمجموعه من تقابل بخير و سلامه باجر
http://www.ankawa.com/forum/index.php/topic,556846.0.html