ادخلوا وشوفوا التحليل

[IsamZM1]

السلام عليكم
مع احترامي لادارة المنتدى ولجميع الاعضاء ولكل ما يقدم من مساعدات معنوية وعلمية في المنتدى ولكني بدات  احس بالاحباط عندما اسمع ب عنكاوا   الهجرة واللاجئين  لاني اصبحت افكر ان هذا المنتدى( فكَر) هذا المنتدى منحوس جدا جدا فادعوكم اخوتي لترك المنتدى لمدة شهر لتجربة الحظ وانا من اليوم ساترك المنتدى مع احترامي واعتزازي لجميع الاعضاء ولادارة المنتدى  ويرجع السبب الى ما مطروح لكوني لم اسمع بشخص من الاعضاء استلم فيزته وكل الكلام يشير الى  ابن عمي اقربائي صديقي صديق صديقي اعرف جماعة كل هذه المسميات استلمت فيزا ما عدا اعضاء عنكاوا ............ الله يسهل للجميع..............    تحياتي


انتظر ردودكم وهل تحسون بالشئ نفسه

[مــحــمــــد]

راح ينقلون موضوعك للسماوه

[مرسي الزناتي]

اشتري اكس بوكس مثل ما سويت و تنسى

[ssomeda]

اشتري اكس بوكس مثل ما سويت و تنسى

يعني هسه بقه عندك 2745 صح لو لا 

[مرسي الزناتي]

اشتري اكس بوكس مثل ما سويت و تنسى

يعني هسه بقه عندك 2745 صح لو لا 

تقريبا اذا ما حسنا سعر 10 اقراص القرص باالف و ربع

[السيناتور]

الاخ
ايوه كده يوديع
الاخ
دمروني
بعد التحيه
للتوضيح فقط   مدينة السماوة مدينة جميلة ولكن امتدت لها ايدي العابثين من حرامية السياسة الجدد الى ان اصبحت اجمل مدينة (بالعراك) عفوا بالعراق

                                     تحياتي اخوكم السيناتور 

[s350thebest]

خوش فكرة  .

[Safaa Alkhrkhy]

والله خويي شكلك !!!
الصوج مو بالمنتدى ولاعلاقة له بالسفر لامن بعيد ولامن قريب
بعض الاخوة الاعضاء الذين يستلمون الفيزة _ ايغلسون _ عليهة خوف من الحسد


ابو سارة

[ابن شط العرب]

اخي عصام السلام عليكم
انت عضو تعتبر مخضرم يعني مو البارحة جاي للمنتدى لأن انت عضو من 8/10/2010 يعني صارلك سنة و4 اشهر ولو مشاركاتك قليلة، هي ماكو اي مشكلة بس السياقات المتبعة عند الاغلبية من الاعضاء هي الخوف من الحسد والعين الزركة والعورة فيقول لك جيرانا وابن عمي وسمعت وخابرني صديق وابن عمة خال ابن عمة جيران ابو المولدة حتى اذا احد يدعي عليه ما ينصابون بالحسد يعني الشغلة مو جديدة وتعودنا عليها وهذا المرض انتقل للاستفسارات ايضا واحد عندة مشكلة لو سألني صديقي وكتلة راح اسأل جماعتنا بالمنتدى لأن عدهم الحل ويضل يتجادل وياك ويرد عليك باسرع من البرق عبالك صاحبة كاعد ويا 24 ساعة، فماكو داعي تزعل على المنتدى كلهم اخوانك حتى بأدعاتهم هذه لم يسببوا الأسائة لأي من الاعضاء يعني كذبة بيضة.

[ريم عبد]

اخي  عصام
بهذا المنتدى ودعناااااااا اجيال من الاجئين
وكان باليوم الواحد منلحك نكتب تهاني للمسافرين
بس العيب مو بالمنتدى وانما بالاجراءت الي تغيرت بهذا الوقت وكمنا نسمع بالرفض وتاجيل السفر
وهاي جانت قبل شبه معدومه
ومن جهه اخرى انه تلكي واحد  اختفى وبعدين يكول اجاني موعد سفر مفاجئ وصارلي شهرين بامريكا
الله يوفق الجميع احنا منعتب على احد بس نريد نباركلهم ونفرح وياهم قابل هسه عيونه ليزريه راح تتعبر حاجز الصوت والصوره

[kunda]

لا اخي بالعكس المنتدى مو فكَر ابدا ... هواية ناس سافروا وهواية ناس استقروا وصارلهم سنين ولايزالون متواصلين مع اخوتهم اللي بعدهم بالانتظار
المنتدى اكثر من مجرد تسلية وقضاء وقت فراغ احنا هنا نفيد ونستفيد بحيث اصبحنا مثل العائلة الوحدة نفرح لفرح بعض ونحزن لحزن بعض  وصار بيناتنا تواصل وصداقة وتقديم مساعدة واكثر من ذلك.
اما شغلة الحسد والعين هاي تبقى اجتهادات واعتبارات اكو هواية ناس مايبلغون عن مواعيد سفرهم وفيزتهم لعدة اسباب منها اسباب امنية وهم بالتأكيد معذورين خاصة جماعة العراق ,,لكن بعد الوصول يدخلون ويطمئنونا على وضعهم وغالبا يكونون مستعدين لتقديم المساعدة لااخوانهم الباقين

[Safaa Alkhrkhy]

اخي  عصام
بهذا المنتدى ودعناااااااا اجيال من الاجئين
وكان باليوم الواحد منلحك نكتب تهاني للمسافرين
بس العيب مو بالمنتدى وانما بالاجراءت الي تغيرت بهذا الوقت وكمنا نسمع بالرفض وتاجيل السفر
وهاي جانت قبل شبه معدومه
ومن جهه اخرى انه تلكي واحد  اختفى وبعدين يكول اجاني موعد سفر مفاجئ وصارلي شهرين بامريكا
الله يوفق الجميع احنا منعتب على احد بس نريد نباركلهم ونفرح وياهم قابل هسه عيونه ليزريه راح تتعبر حاجز الصوت والصوره

كلامج صحيح مية مية
بس اني اريد اعرف انتي شوكت اتسافرين وترتاحين وتريحينة؟؟!!
اي شنو قابل جلبتي بالكرسي بالعراق ؟؟ مو حتى القذافي همين سحلوا من الكرسي ورة 42 سنة؟؟!!!!

اتشاقة وياك ريومة لاتزعلين!!

ابو سارة

[Grey Goose]

اخويه IsamZM1 والله الصوج مو بالمنتدى الصوج بالحظ مالتنا  اني احجيلك عن قصتي 
اني من زمان جنت اقره بالمنتدى شغلات قليله وفترات انكطع عن المنتدى لفترات طويله الي صار بيه انو اني كملت كل شي وجنت انتضر موعد سفر وجاني ايميل بشهر 3/2011 انو اني على جدولت السفر من بغداد كلت خلي اصفي اموري بعت غراضي ووزعت قسم .ما بقى عندي غير الجنطه وبيها 20 كيلو من الاغراض طبعا ويايه عائله من7 نفرات كلنه نفس الشي ما بقينه شي كلنه  جم يوم ونسافر وبعت سيارتي لصديقي باقصاط كلت خلي اساعده لصديقي وبسعر النقد مو محملها وتاليها نامت عليه الطابوكه من ذاك اليوم الى هسه بشهر 6 سوت اشتراك بالمنتدى وصرت عضو وجان اقره موضوع الي موجلين من السفر بعد ان اخذو موعد سفر الى اشعار اخر ذاك الوكت عرفت انو اني كلش اتسرعت ولوقاري الموضوع من زمان ما جان بيعت كلشي والى هسه اني اخذ اقصات سيارتي وصرفت كل فلوسها وشتريت كل غراض البيت مره لخ وطبعا احسبت انو راح اسافر فكلت خلي نسويلنه طفل يولد هناك هاي همين صارت صفح واجه هنا بالعراق وهسه عندي اعادت محلفين علمود اضيف ابني
والله كريم كلشي بيد الله نروح نبقى بعد متفرق عندي لان هوايه تعبت وشكرا للجميع طولت عليكم هوايه بس جنت رايد اوضحلك اخويه انو شكد اكو ناس تستفاد من هذا النتدى
اخوك نائل من دهوك

[زهرة الصبار]

والله خوش فكرة واصلا هوايه اشياء متغيرة بالمنتدى ينرادله يسوون عنكاوة بحلته الجديدة ويجيبون انجي مرة لخ حتى يرجع مثل اول

[IsamZM1]

السلام عليكم

طبعا  احب اشكر الاخوة اللي ردوا على الموضوع اللي منزلة اني وكانت ردود الاغلبية بيهة تشجيع على رفع المعنويات والتكافل في ما بيناتنة حتة اصبحت مشكلة العضو الواحد هي مشكلتنا كلنا بالمنتدى وبسبب هذه الردود الجميلة والعزيزة علية مراح اترك المنتدى وارجع عن فكرتي لان صحيح السبب مو بالمنتدى السبب بالعضو اللي يغلس لاسباب امنية او خوفا من الحسد وهذا حقة والله يعطي الصبر لمن لم يستلم الفيزا وانشاء الله يستلم الفيزا عن قريب والف مبارك على اللي استلم الفيزا مالتة والله يسهلة رحلة الهجرة او اللجؤ واجدد اعتزازي بادارة المنتدى والاعضاء
اخوكم
isamzm1