معادلة الشهادة الجامعية

[rami_sami]

السلام عليكم اخوان ....
ارجو منكم تزويدي بمعلومات عن كيفية معادلة الشهادة الجامعية العراقية اختصاص هندسة في امريكا .
مع جزيل الشكر لكم .............

[asmar22]

اخى العزيز
كل ولاية والها قانونها الخاص بيها
بس هية تاخذ وثيقة التخرج مالتك وبيها كل المواد الى ماخذها خلال مدة الدراسة  وتجيكها الجامعة الى راح اتقدم الها  وبعدين ايضفون الك كل المواد  الى انتة مدارسها بالعراق والموجودة بالجامعة الجديدة وهاى تعتمد على الولاية والجامعة واكو ولايات متقبل منك ان تدرس الا بعد سنة من وصولك الى الولاية  اذا كنت تريد تاخذ قرض للدراسة

[ميخالف]

يعني مثلا تكساس من ضمن الولايات الي تخليني اعادل شهادتي اول مااروح ان شاء الله لو لا ؟

[مالايكي]

اشلونك يا صاحب الموضوع



دزيتلك رسايل    رد رد 

[Black Angel]

السلام عليكم ورحمة الله

اخي العزيز شوف هذا الرابط وان شاء الله يفيدك واذا تحتاج اي شي بالخدمة

http://www.ankawa.com/forum/index.php/topic,463711.0.html

[ابو بنين]

السلام عليكم ورحمة الله

اخي العزيز شوف هذا الرابط وان شاء الله يفيدك واذا تحتاج اي شي بالخدمة

http://www.ankawa.com/forum/index.php/topic,463711.0.html

اخوية العزيز السلام عليكم احب ان اسئلك كم سؤال من رخصة الاخ صاحب الموضوع هو انه اني عندي شهادة بكلوريوس تربية /اجتماعيات \
اسئلتي هل اكدر اكمل دراسات عليا في امريكا بنفس الاختصاصات بعد ما اعادل الشهادة وهل اكدر امارس اختصاصي كمدرس
لانه ما  سمعت اكو لاجئين اشتغلوا مدرسين ارجو من حضرتك ان تجيب عن اسئلتي لانه محتاج لاجابة وافية وشكرا لك مقدما

[Black Angel]

وعليكم السلام ورحمة الله

بس ممكن حضرتك تشرحلي شنو تقصد بالاجتماعيات ؟ يعني حضرتك خريج تربية والي اعرفه اكو تاريخ وجغرافية لو حضرتك تقصد تربية / علم الاجتماع ؟

[*iskender*]

اني بلنسبه اليه بكلوريوس تربيه قسم تاريخ واحب اسأل نفس السؤال الي سأله اخويه ابو بنين شلون يعني واحد يكدر يصير مدرس بأمريكا لو شلون

[Black Angel]

السلام عليكم ورحمة الله

اخي العزيز بالنسبة للمعادلة فان شاء الله تكدر ترسل شهادتك وتعادلها ولكن حتى تشتغل مدرس فهاي بيها شي اخر لان اعتقد بالنسبة للتعليم عدهم قواعد خاصة للتعليم تبقى مسالة طبيعة دراستك للتاريخ مااعرفها ولكن من الممكن ان تراجع الجامعة الي اذا تحب تكمل دراستك بيها راح يكولولك اذا تحتاج كورسات معينة

[ابو بنين]

شكرا لردك على استفساري اخي العزيز اني خريج تربية جغرافية وحاليا كاعد احضر لامتحان التوفل عسى ولعل الله يسهل النا ونسافر ويفيدنة الامتحان بامريكا

[goldarrow]

اخونا العزيز بلاك انكل

بالنسبة للخطوات الي مسلسلها لمعادلة الشهادة النقطة رقم 3 اتكول ارسل الشهادة للحصول على رفرنس نمبر
وبالنقطة رقم 8 اتكول يجب البدء بملء الابليكيشن.... زين العفو اخي مافهمت الشغلة هسه شنو اول شي نسويه ؟؟؟

وهل اذا  عملنا الطلب معادلة الشهادة لأغراض الدراسة او العمل ؟

وهل ممكن نبعث سكانر ملون عن الشهادة ام يجب الاصلية ؟؟؟

[Black Angel]

ابو بنين

اهلا وسهلا بيك اخي العزيز بالنسبة لتخصصك اسهل اكيد باعتبار الجغرافية تخصص عام فان شاء الله المعادلة تكون سلسة ومابيها اشكال يبقى السؤال بالنسبة للتعليم اكو خطوات معينة حتى تصبح مؤهل للتعليم ولمجرد حصولك على المعادلة مو معناها انت ممكن تشتغل مباشرة اكيد لا اخي وهذا مو بس بتخصصك لجميع التخصصات لازم تبدي تفكر تحصل درجة علمية اعلى حتى تعزز من موقفك وبعدها تبيد تفكر اذا ترغب بالتعليم او بشي اخر وهو مجرد راي اتمنى يتسع صدرك لقبوله

تحياتي

[Black Angel]

goldarrow

اخي العزيز بالبداية تكدر تملي الابليكشن اون لاين وتكمل عملية الدفع عندها راح اكيد تحصل ريفرينس نمبر وراها تستخدم الريفرينس نمبر بالاكاديمي ريكوست الي تمليها حضرتك والكلية او القسم وترفقها وية نسخة ملونة من شهادتك الي بالانكليزي والي تحوي الدرجات ومثل مكتبت بموضوعي على بقية التفاصيل وترسلها

لا اخي تحدد نوع المعادلة لاي غرض دراسة او عمل لانه كل واحدة منها يختلف نوع المعادلة وغالبا مايطلبوها لاغراض الدراسة لان الخبرة العملية تحتاج كردت يعني تكون مشتغل بامريكا

نعم ممكن ترسل نسخة ملونة مصورة بس بشرط قبل مترسلها ومن تملي الفورم تخلي الشخص الي يوقعلك الريكوست يوقع على الشهادة بهالحالة تصير اصلية

تحياتي

[lionofiraq]

اخي العزيز بعد التحية

اكو حالتين لمعادلة الشهادة اما للعمل او للدراسة اكو وكالات خاصة او انسميها دوائر هي متخصصة بمعادلة الشهادة اذا انت اتريد اتعادل شهادتك للدراسة فجيك هذا الشيء وية الجامعة فاذا اتريد اتعادل الشهادة لغرض العمل مو للدراسة فاتصالك يكون مع دوائر المتخصصة بمعادلة الشهاداة و تكدر تتصل بيهم مباشرة عبر الهاتف و تطلب منهم ادق التفاصيل

 http://www.naces.org/members.htm

شوف هذا اللنك بيه هواية جهات اتفيدك و شوف ياهو النسب و الأرخص هم عموما معادلة الشهادة للبكالوريوس ياخذون 150 الى 180 هاي وية رسوم البريد و انت بعد الي يناسبك سوي

اتقبل تحياتي     

[goldarrow]

goldarrow

اخي العزيز بالبداية تكدر تملي الابليكشن اون لاين وتكمل عملية الدفع عندها راح اكيد تحصل ريفرينس نمبر وراها تستخدم الريفرينس نمبر بالاكاديمي ريكوست الي تمليها حضرتك والكلية او القسم وترفقها وية نسخة ملونة من شهادتك الي بالانكليزي والي تحوي الدرجات ومثل مكتبت بموضوعي على بقية التفاصيل وترسلها

لا اخي تحدد نوع المعادلة لاي غرض دراسة او عمل لانه كل واحدة منها يختلف نوع المعادلة وغالبا مايطلبوها لاغراض الدراسة لان الخبرة العملية تحتاج كردت يعني تكون مشتغل بامريكا

نعم ممكن ترسل نسخة ملونة مصورة بس بشرط قبل مترسلها ومن تملي الفورم تخلي الشخص الي يوقعلك الريكوست يوقع على الشهادة بهالحالة تصير اصلية

تحياتي

بارك الله بيك على الاجابة
زين اخي هاي ورقة الريكوست التي نسحبها ... متى اطلب من المنظمة عمل الركوست  ؟؟؟؟

وسؤالي الاخر اخي هاي المعادلة من منظمة ويس هل معترف بها فقط على صعيد امريكا ام معترف بها ايضا في كندا اواي دولة اخرى ؟؟؟

[Black Angel]

goldarrow

اخوية العزيز راح اجاوبك على اسالتك
اول شي تدخل على عنوان المنظمة وتكمل الابلكيشن كله اون لاين الي يشمل المعلومات الخاصة بيك والدفع ومكان ايصال الاوراق المطلوبة وراها راح يدزولك ايميل يكولولك الابليشكن خلص وينطيوك الرفرينس نمبر تبدي انت تكمل الاوراق والي تشمل الرريكوست الي تسحبه من الموقع يمك وانت تترس الجزء العلوي والكلية تترس الجزء السفلي تتوقع وتنختم وتنرفق معاه نسخة ملونة من شهادتك يوقعها ايضا نفس الشخص الي يوقع الريكوست وتنحط بظرف مغلق ابيض وينختم من الجانبين ووراها ينكتب عنوان الكلية الكامل على الظرف ( اقصد كليتك ) وايضا عنوان ويس الي تلاكيه يمك بالموقع وترسلها باي شركة شحن  DHL   FEDEX وترسلها باسم الكلية مالتك وراها تبدي تجيك وضعك عن طريق الموقع مال ويس وتشوف ليوين واصلة معاملتك

نعم اخي معترف بها في امريكا وكندا اكيد

طلب اخوية بدون امر عليك ربي يبارك بيك اقرة الرابط بهذا الموضوع http://www.ankawa.com/forum/index.php/topic,463711.0.html
راح يجيب عن هواية من اسالتك واذا اكو شي مفاهمه او محتاج للتوضيح اني برسم الخدمة

تحياتي

[goldarrow]

goldarrow

اخوية العزيز راح اجاوبك على اسالتك
اول شي تدخل على عنوان المنظمة وتكمل الابلكيشن كله اون لاين الي يشمل المعلومات الخاصة بيك والدفع ومكان ايصال الاوراق المطلوبة وراها راح يدزولك ايميل يكولولك الابليشكن خلص وينطيوك الرفرينس نمبر تبدي انت تكمل الاوراق والي تشمل الرريكوست الي تسحبه من الموقع يمك وانت تترس الجزء العلوي والكلية تترس الجزء السفلي تتوقع وتنختم وتنرفق معاه نسخة ملونة من شهادتك يوقعها ايضا نفس الشخص الي يوقع الريكوست وتنحط بظرف مغلق ابيض وينختم من الجانبين ووراها ينكتب عنوان الكلية الكامل على الظرف ( اقصد كليتك ) وايضا عنوان ويس الي تلاكيه يمك بالموقع وترسلها باي شركة شحن  DHL   FEDEX وترسلها باسم الكلية مالتك وراها تبدي تجيك وضعك عن طريق الموقع مال ويس وتشوف ليوين واصلة معاملتك

نعم اخي معترف بها في امريكا وكندا اكيد

طلب اخوية بدون امر عليك ربي يبارك بيك اقرة الرابط بهذا الموضوع http://www.ankawa.com/forum/index.php/topic,463711.0.html
راح يجيب عن هواية من اسالتك واذا اكو شي مفاهمه او محتاج للتوضيح اني برسم الخدمة

تحياتي

الله يحفظك ويبارك بيك على شرحك الوافي....وفيت وكفيت 

وممنون جدا  اخوية بلاك ....والله يفتح عليك


تحياتي............

[goldarrow]

اخ lionofiraq  شكرا  عزيزي على الرد  ياورد

[Black Angel]

goldarrow  حياك الله اخوية العزيز

انت تدلل وتامر امر واني جاوبتك على رسالتك ان شاء الله يكون بيها فائدة

تحياتي

[goldarrow]

شكرا اخي بلاك ...وكفيت ووفيت وما قصرت وبارك الله بيك في مساعدة اخوانك

[lionofiraq]

تدللون اهلي و اخوتي

[ابو بنين]

ابو بنين

اهلا وسهلا بيك اخي العزيز بالنسبة لتخصصك اسهل اكيد باعتبار الجغرافية تخصص عام فان شاء الله المعادلة تكون سلسة ومابيها اشكال يبقى السؤال بالنسبة للتعليم اكو خطوات معينة حتى تصبح مؤهل للتعليم ولمجرد حصولك على المعادلة مو معناها انت ممكن تشتغل مباشرة اكيد لا اخي وهذا مو بس بتخصصك لجميع التخصصات لازم تبدي تفكر تحصل درجة علمية اعلى حتى تعزز من موقفك وبعدها تبيد تفكر اذا ترغب بالتعليم او بشي اخر وهو مجرد راي اتمنى يتسع صدرك لقبوله

تحياتي

شكرا لاخي الملاك (الاوضح)على اجابته لتساؤلاتنا برحابة صدر وبدون تاخير واحب ان اقول له ان مسألة ممالرسة مهنة التعليم في امريكا طريقها طويل حسبما افتهمت من حضرتك وان شاء الله يكون التوجه لكل الاخوة المهاجرين واللاجئين هو توجه علمي دراسي في المقام الاول وهو الحل الامثل للعيش في امريكا
وشكرا لك مرة اخرى

[Black Angel]

ابو بنين

اخي العزيز يسعدني ويشرفني الرد على اجابتكم واني برسم الخدمة لاي طلب باذن الله
اوافقك بالنسبة للتعليم اكو بيها سياقات معينة فان شاء الله الاسهل يكون تحقيق دراسات عليا وبمجرد انه تجتاز السنة التحضيرية الاولى ان شاء الله راح تشوف الامور تبدي تفرق حتى تبدي شركات او مؤسسات معينة تطرح عليك فكرة التعاقد وانت بمرحلة البحث
وان شاء من توصل بالسلامة راح تشوف الواقع بصورة اوضح
امنياتي بالموفقية بكل المجالات

تحياتي