ارجو المساعده اخواني الاعزاء

[ام مصطفى54]

قبل كم يوم جاء رفض الى ابني   انه مقدم على siv
 ولا يزال يشتغل معهم مدة 3 سنوات  متتاليه ولا يوجد اي اشكال ا و سبب في العمل  وسببب الرفض جاءه على ايمله شنو الحل ارجوكم انه يعيش لوحده في العراق والعائله كلها موجوده في امريكا ارجو النصيحه وشكرا الكم ام مصطفى

[ابن شط العرب]

الاخت ام مصطفى السلام عليكم
اولا ً هل تقصدين ان قرار الرفض جاءه بواسطة الايميل، ام ان سبب الرفض هو الايميل، واذا كان الرفض جاء عن طريق الايميل فما هو سبب الرفض واذا لم يذكروا سبب الرفض فليعمل اعادة ارسال للأيميل (Reply ) ويستفسر عن اسباب الرفض.
ثانيا ً يمكنه ان يقدم الى الـ IOM من بغداد مباشرة وان يرفق مع المستمسكات كتاب توصية ( Recommendation ) من السوبرفايزر الذي يعمل تحت امرته مع رقم موبايل السوبرفايزر وايميله الرسمي وليس الخاص، هذا التقديم لا علاقة له مع التقديم الاول وليذكر عندما يمليء استمارة المعلومات انه قدم الى الـ SIV واعتقد ان ما ذكرته الاخت star_2000 صحيح ، اما بالنسبة الى التقديم فما زال مفتوحا ً من بغداد.

[مــودي]

اختي العزيزه ولو اني ماعندي معلومات اهواية ...بس حسب رايي مدام انتو كلكم اهناك يعني يمكن الشغلة اسهل شوية تكدرون ادزون عليه ابدعوه او يقدم على الي او ام وهم ماعرف اذا بعده مفتوح التقديم لو لا بس سمعت بعده ...بس يعني حاولو تشوفوله طريقة مدام كلكم اهناك ...وان شاء الله هم الاخوان ميبخلون عليج بالنصيحه والاراء تحياتي الك ...
اختك star_2000

+1

[Aiham_]

عيني ام مصطفى الحل انو ابنج يرجع يفتح الملف مالتة على ال اي او ام , حتة اذا اجا رفض يكدر يقدم استئناف , خلي يدز ايميل للاي او ام يكولهم اني اريد افتح الملف مالتي من جديد , و يشرحلهم السبب و اذا تريدين اني اكدر اساعدج بصياغة الايميل , دزيلي الايميل مالتة او مالتج حتة افتهم منكم تفاصيل اكثر على الياهو ماسنجر  , و تدللين

[روزة اليرموك]

الله يساعدج اختي والله يسهل امركم ان شاء الله

[ريم عبد]

عزيزتي ام مصطفى
مثل مذكر الاخ ايهم ملف ال اي او ام ممكن ينفتح بكل سهوله
 اذا انغلق لمجرد عدم الرد
لان هذا يعتبر غلق مو رفض
ويرجع يتواصل وياهم ويمشي ملفه
اما اذا قابل محلفين واجا الجواب رفض بهاي الحاله يقدم استئناف
والتسهيل من الله