والله اني اشوفهم خوش ناس واوادم ...وراح اذكر هذه الحادثة صارت امامي قبل كم يوم رحت لمكتب الويسترن يونين ,,شفت مجموعة عمال جورجيين ديحولون فلوس لااهلهم طبعا واكًفين سرة ونظام وترتيب موطبيعي .. صدكً تحس نفسك انت ويا ناس اوربيين ,,, والمكتب بيه اثنين موظفين فقط يمشون الناس ...ورا شوية واحد منهم اجالة تلفون جان يعوف ويروح وبقى الشغل كله على موظف واحد استلام الفلوس والارسال.
عيني وبعد شوية صار ازدحام وعلكًت وصارت بالطكًاكًيات اجاك المصري العراقي والاردني واللبناني والهنود والبقية ,,,وجماعتنا العراقيين تعاركوا ويا ابو المكتب على شلون تمشي الغريب قبلنا .؟؟!! الى ان اضطر المكتب ان يمشي كل اثنين او ثلاثة عراقيين وواحد اجنبي .... وطبعا صارت بس ابو الهوسة والصياح والعياط هو اليمشي وهذولة الجورجين نباوع عليهم مستغربين وواقفين بعدهم بالسرة ..ولا تخربطوا ابد ...
