شلون اعرف

[nony]

شلون اعرف
****
هاك شوف
جروح گـلبي يا جرح تـگـدر تطيبه
وآنه عمري
وياك راح
تـگـدر اتروح وتجيبه
امنت بيك واجيت امشي بدروب الغريبه
وجان كلشي يصير عندي بس يوم هجرانك غريبه
وتالي ما تالي عفتني
وضيعتني
بلا سبب وگـتلي كلمن ايحصل نصيبه
يا نصيب التحجي عنه يانصيب
وانت انت اللي گـلتلي
ما الي غيرك حبيب
ما جنت اعتقد بيك اتعوفني وحدي غريب
وسبب كل جروحي انته
وخلص عمري وياك سكته
وكل هاي دگـاتك الصارن باقي انته
باقي بعيوني حبيبي
وانت
انت ذاك انت دوه لجروحي وطبيبي
وتبقه روحي اتهيم بيك
واردود آنه اردن ليك
واحط گـلبي ابين اديك
وگـللك شوف بعيونك يولفي بهيده شوف
شرد اشد منهن اجروحي
وشرد اداوي
شرد اروف
ما يوم فارگـني خيالك
ومن انامن
عليه كل ليله يطوف
انت بس انت الامان
الدنيه بعدك كلها خوف
واريدنك وياك تبقه مثل الماي الما تزعل وياه الجروف
سكن حبك وسط روحي
ونبناله بـگـلبي طوف
وتريد اعوف
ولك انته مخبل اشلون اعوف