سحب جوازات عراقيين سوريه بالجديد

[علي امون]

 السلام عليكم جميعآ

أخوان صارت بالفترة الاخيرة سحب جوازات السفر بالحدود ( الكرامة ) من السلطات الاردنية وينطوك ورقة ونسخه من جواز السفر ويكولولك من تخرج تاخذ جوازك  ( لحد يدوخ بالسالفه او يقلق صارت مع الجميع  والاجرائات طبيعيه لغرض تقليل الزخم من النازحين وطالبين اللجوء من سوريه الى الاردن عراقيين الجنسيه  وترة حلهه بسسيط تكدر تروح تقدم طلب للمفوضيه السامية للشؤن اللاجئين وهمة يخاطبون جهاز المخابرات الاردني بصفتك طالب لجوء ولا تستطيع العودة الى العراق ........ ويتكفلون باحضار جوازك  وتحياتي للجميع


علي أمون \ عمان

أتمنى تكون مواضيع المنتدى تخص الهجرة واللاجئين وبالمستوى الي يفيد الناس بالغربه افضل من القيل والقال

سلامي واحترامي للجميع

[طائر البرق]

علي أمون يمعود وينك ظل بالنا يمك 

الحمد لله على السلامة طولت الغيبة داد

[أبوعبدآلله]

تسلم أخويه الورد على هذا التنبيه وبارك آلله ربي فيك .

[علي امون]

العفو اغاتي  الله يسلمك والله يا يابه ليش انكطعت غير من القال والقيل عمي  وهل الي انت تشوفه وتسمعه شويه شويه راح يكولك علي امون طلع محلف ههههههه

بس موضوع سحب الجوازات ترة  صارت بغالبيه العراقيين بالفترة الاخيرة وجدآ طبيعية السالفه

تحياتي الك وشكرآ على سوالك

علي امون \عمان

[كوكي 2004]

    تسلم أخي علي
   بس أذا ممكن يعني قصدك حتى العوائل ألي تجي زيارة من بغداد هم ياخذون جوازاتهم
  تحياتي لحضرتك ياطيب
  بعدك تروح للمطار لو بطلت  

[عبدون]

مشكور اخوية علي امون هاي وينك عبالي سافرت ههههههههه وفوكاها رحت للحدود السورية الاردنية ...والله تعبناك ...لأن الجماعة بعين كاوة صاروا يتسالون .. هل علي امون حقيقة ام خيال . وها انت موجود في الاردن .
اخوك عبدون
  عمان

[ابن شط العرب]

الاخ علي امون السلام عليكم
سألت عليك قبل ايام مع مجموعة من الاخوة الذين كانوا يتحفونا بكلماتهم ومعلوماتهم القيمة والله الك وحشة يا مراسل عين كاوة في مطار الملكة علياء الدولي ، الف الحمد على السلامة ولا تكطع بينا وتروح وتكول عدولي.

[إستقرار]

ابو حسين اني ما اعرفك .. بس اتمنى نترفع كلنا عن القيل و القال و عن الرد على القيل و القال الا بالقدر الذي يظمن سلامة سمعتنا مو اكثر



زين هسه بالنسبة للاردن .. اني سمعت انه ما نقدر ندخل من سوريا للاردن لازم ندخل من سوريا للعراق ومن العراق للاردن .. فرة يعني

باعتبار الحدود الاردنية ما تدخل عراقي من سوريا ..


اكو هيج شي؟
 

[علي امون]

 السلام عليكم جميعآ

والله كلش اشكر شعوركم الطيب والله يسهل على جميع انشالله امين ... واني حاضر وبالخدمة واي مساعدة يا اخوان هم اروح للمطار واي شخص يريد يروح حاضر وخادم اني عمي وقضيه سحب الجوازات  من حدود الكرامة بسبب كثرة العراقيين ومعضمهم من الاجئين وعادي كل الداخلين جوازاتهم تسحب الي مقدم او ايريد يقدم يكدر يروح للمفوضية وهية كفيله بجلب الجوازات


علي امون \ عمان

[علي امون]

 اخي الطيب راسل الاي او ام  عمان وابعث نسخه من اليو ان والاي او ام  مالتك واذا بعض الاخوان جوازاتهم اس هم عادي لان ظرف مو طبيعي والحاله انسانية بحته وهمة كفيليين بمخاطبت المنفذ الحدودي وضابط الارتباط بذلك  وترك مذكرة ونسخه من جوازات الذين يسمح لهم من الدخول الى الاردن من سوريه واذا تعرقلت تكون من حدود الكرامه عن طريق العراق حسب المعطيات وخطورة رجوعك للعراق تكدر تقنعهم بعدم تمكنك من الرجوع الى العراق




علي امون \ عمان

[كوكي 2004]

    أخي علي يعني بعد كم يوم رح يجون أقاربنه زيارة لمدة أسبوع ويرجعون هم ياخذون جوازاتهم لو لا
   تحياتي






                        أختك كوكي

[علي امون]

اختي اذا مطار تفرق واذا بري يكدرون يجون بدون امتعه او غراض ومسواك هوايه ويفهمون الظابط انو همة فقط فقط لزيارة

تحياتي

علي امون \ عمان

[lyoo]

بارك الله بيك على التنبيه لاخوانا في الاردن

[عراقي ضايج من عراقيته]

ها قفاص

[كلي امل]

شكرا اخونا علي امون على التنبيه

[كرادي مغترب]

اني اعتقد الدخول عبر المطار يكون اسهل ومافد يوم سمعت عراقي ساحبين جوازه بالمطار مثل هيج قضيه !

تحيتنا الك اخ علي مشتاقين 

[فارس العراق 90]

بارك الله بيك اخويه ومنور المنتدى من جديد

[علي امون]

تحياتي للجميع وانشالله الجميع بخير

اخويه كرادي اني الاشوق اخبارك انت الامور وياك شلونك والله اسئل عليك الولد وعلي النعيمي ولله دائمآ بطاريك بالزين تحياتي الك والى كل الاخوة الطيبين
حبيبي فارس العراق تحياتي الك ومنور المنتدى اغاتي اشكرك يابه
علي امون \ عمان

[علي امون]

 الى الخوش انسان والشريف والاصيل وابن الاوادم ( مو عراقي _ وضايج لانه مو عراقي )


 سوال الك عندي انت ليش ضايج ومخثوث من علي امون  ؟؟؟؟؟؟؟؟؟

ونصيحتي الك  ومو شقه والله واني ماضوج ترة لان اعرف اني شنو بس انت حاول تشغل نفسك بشي مفيد او تفيد اخوانك بالمنتدى بامور تنفعهم  احسن من هذا الخريط والتجاوز لان محلوه بحق نفسك

واشكرك لان نبهت المنتدى من النصابين  والقفاصه بسسس لو تكدر تنبه العراق كله لان الفيزة الشنكل والتهريب والجواز الاوربي الكلك  وتركيا و اسبانيا وووووووو هاي كله امور بطريق اعوج وغلط بس الغاية منهه الخلاص من وضع وحكومة لا عراقيه وفاشله وعلاسه وقفاصة والشعب مجبور يطلع من خلال هاي الطرق واذا اكو فلوس باي منظمة  او رشاوي شي طبيعي لان الموظفين مو فصيل مال انبياء استاذ مو عراقي


ونبهه بطريقك جميع من ينوي التعاقد مع الحكومه الي بالعراق ههههه لان هم قفاصه مثل علي امون هههههههه

وعيب تغلط  وتتهجم  خلي يكون عندك اسلوب وشخصية تواجه المقابل انت او غيرك


اسف للاطالة

علي امون \ عمان

[Dark...Angel]

اخي العزيز علي :

معلوماتك صحيحة وسمعت بهذا الشي كذالك بس سؤالي
اذا واحد رايح ب طيارة من دمشق ل عمان همين ياخذون
الجواز بل مطار ؟؟

وبلمناسبة سمعت ايضا انو الناس المستحقة مقابلة وفد
يخابروهم ال iom يكلولهم راح نسهللكم دخولكم للاردن
من اجل مقابلة الوفد لمدة من 3 ايام الى اسبوع على
ان يرجعو ل سوريا ويتصلون بيهم علمود ياكدون رجعوهم
لسوريا فاعتقد هذا الاجراء المتخذ هو وحده من هذا الاسباب

تحياتي وتقديري

[ابن شط العرب]

الاخ علي امون السلام عليكم
ليش تخلي الغلط يركبك من راسك الى رجليك ماكو داعي تجاوب هيج نمايم لا الاسم مال بشر ولا الرد مال بشر ولا تخلي مثقال الحجر يصير بدينار عوفة هوة يسكت من كيفة لا تكبر راسه وانا عمك الدنيا علمتنا هواية وخاصة بهل الوكت.

[علي امون]

 السلام عليكم جميعآ

اخي الطيب ماكو اي قلق لتخاف همة يدخلون العالم الي جايين من العراق بري او جوي ولكن لتقليل الزخم والتوافد من العراق الى الاردن خصوصآ بعد احداث سورية  يسوون هاي الاجرائات بس لغاية الان مصارت واحد عنده موافقة دخول ويمنعوه من الدخول بس اذا كانت اكو مضايقات لينطيهم حجة عليه خلي يكون اسلوبه  مهذب ويتحمل تصرفاتهم ويدخل

تحياتي الك

علي امون \ عمان