شكرا الكم على الردود الجميلة ....... مثل ما كتبت احنة عائلة كبيرة وهذا الشي اللي اخرنا ........ يعني احنا كلنا تقريبا كملنا الساعة 1 الظهر
بس بقى واحد من العائلة ممقابل هو اللي اخرنا ... الساعة ب 2 ونص تقريبا صاحو باسمه ودخلوه للمقابلة الى الساعة 4 عصرا كمل وطلع
انا وزوجتي قابلتنا بنية سويسرية ( من اصل عر اقي ) وكانت كلش مؤدبة وحبابة حتى انه اني اثناء المقابلة سالتها عن سويسرا وكامت
تحجي عن سويسرا فترة . هي المقابلة تتكون من مرحلتين ....
الاولى : مقابلة عادية مجرد اسئلة واجوبة نفس اللي موجودة بالاستمارة الي وصلت بالنت ومليناها .. بعدها استراحة لمدة ( 5 او 10 ) دقايق
بعدها تدخل مرة ثانية وتبدء المرحلة الثانية .
المرحلة الثانية : وهي الاهم
تبدء تسئل عن سبب تقديمك للجوء ... ما هي قصة التهديد . انت تجاوب وهي تطبع كلامك وترجمه للانكليزية .
هل تهددت ( مباشر او غير مباشر ) هل سمعت او شاهدت ان احد المترجمين في منطقتك او محافظتك قتل او تهدد . يعني فرضا تخبرها
انك تهددت بس استمريت بالعمل ؟ فتسال اذا اتهددت ليش استمريت بالعمل مالتك وما تركته ...
بعدين من تكمل تبدي تقرالك المعلومات التي طبعتا وتطلب منك اذا اكو شيء خطا او اضافة تريد اتضيفها للقصة ...
من تكمل تنطيك ثلاث اوراق توقعهن وترجعهن وايضا ثلاث نسخ تاخذهن الك معلومات عن التوطين في امريكا ...
طبعا الاطفال تعبوني وايضا تعبوا ...... يعني بس اخذولنا صور بعد المقابلة ... سئلت البنية عن الاطفال واكدر ما اجيبهم وياي بالمقابلة الثانية
فكان جوابها انه لازم يجون لان المحلف لازم يشوفهم بالمقابلة الثانية .
بلغتني ان هاي المقابلة اولية وان الثانية هي الاهم لان المحلف هو الي يقرر القبول او الرفض .....
الي عدهم موعد مقابلة لازم تاخذون اكلكم وياكم لان المقابلة طويلة وما يقدمون اكل بس الماي متوفر ....... واكو غرفة للاطفال بيها العاب
وتلفزيون و ( دي في دي ) يعرض افلام كارتون ........
اسف للاطالة واي سؤال اني بخدمتكم . اسف للاخطاء الاملائية ان وجدت لان ما راجعت كتابتي
تقبلو تحياتي وشكرا للردود مرة اخرى
