تحياتي للجميع
البداية اخوان كلنة نعرف طول عملية الاجرات لاكمال معاملات IOM , SIV بس اريد اعرف هل تتاثر معاملة SIV في حالة ورود رفض من IOM ( المحلفين او الامنية ) ,
الله اليساعد الكل علة الانتظار ومنهم اني وبما اني مقدم علة siv ومقابل سفارة 1/10 /2011 ودانتظر النتيجة مثلكم .
احب اكللكم اني مقدم علة iom من بغداد من عام 2010 وفي عام 2011 بشهر ااثامن قابلت محلفين طبعا بعد مكملت المقابلة الاولى والفحص الطبي ولم يردني جواب المحلفين رفض او قبول فقط تحت التجييك وبعد 5 اشهر دزواي كلولي احنة منكدر ناخذ قرار بملفك لازم ايروح بامريكا يلله ياخذون بي قرار وصلني القرار منUSCIS بعد شهر وكلولي مرفوض فهل هاي قرار المحلفين لو الامنية ؟؟واني مصدوم لان بصراحة مجنت متوقع الرفض ولمن يمة قريت رسالة الرفض كان مؤشر بيهة علة رقم 8 others اما باقي النقاط فارغة يعني ما عدهم سبب لو اني غلطان ؟؟؟لان بكل نقطة بيهة فد 5-6 نقاط ثانوية شارحين بيهة سبب الرفض في حالة اذا امشرين عليهة بعلامة صح ولكن بحالتي لاتوجد اي علامة علة اي شي فقط رقم 8 وكاتبيلي التالي حسب اامعلومات المقدمة وحالة الدولة ومعلومات اخرى متوفرة كتقدير للحالة انت مرفوض لاعادة التوطين حسب البند 207 واني بصراحة دخت مع العلم اني جنت مترجم ولمدة سنتين فد اريد اعرف لعد منو دينقبل علة اللجوء ؟؟
بس اني هم مقدم علة siv مث مكلت بالبداية ومسوي مقابلة السفارة فما ادري احتمال همين انرفض ؟؟لو لان مسوي معاملة هجرة وريدون غلقون الملف iom زين اسوي استاناف لو ابقة علة الاس اي في ؟؟لان هي تعتبر اعلى واني محصل الابروفل فقط باقية الامنية ود انتظر تجي والفيزة لان همة ما خذين الجوازات لو همينة انرفض على siv ولله اني حيل دخت اريد اشوف تاليهة شلون وين صير السالفة ,
- اني ممسوي اي شي خلاال فترة العمل معهم جنت بدون اي مشكلة هسة لو جنت ابو مشاكل جان كلت هاي حقهم واني السبب .
2- زين اذاكان السبب زيارتي المتكررة لايران 3-4 مرات اصلا اني كلتلهم لان جنت مسجل علة اللجوء هناك وعندي رقم يو ان ملف وجنت فقط احظر علمود المقابلات ولمدة 2 -5 ايام فقط واني كلتلهم بالمقابلة ,.احتمال هذا السبب لانهم يضوجون من ايران ولاني زرتها سابقا .
3- اما اذا كان السبب انه مسجل علة البرنامجين معا بوقت واحد وهذا من حقي لان هم كاتبين هذا علة موقع السفارة في العراق وبشكل رسمي !!!! وبكل رسالة تاتيكم من iom يكتبون بنهاية الرسالة يمكنك ان تقدم علة برنامج ال siv ايظا اعتقد الكل قاريهة لو اني غلطان !! انتو شدولون ؟؟
4- اذا الامنية مال الاي او ام او قرار محلفين بيهة رفض هل هذا معناه الامنية مال siv مرفوض ايظا لو مالهة علاقة كل وحدة علة حدة وكل وحدة لها شروط؟؟
زين لو اكو مشكلة عندي بمسئلة امنية لو اي شي همة وجدوه سلبي لعد شلون حصلت الابروفل مال السفير مع العلم اني ما عندي اي شي ؟؟ زين شنو السالفة ؟؟
شتنصحوني ارسل رسالة الى السفارة استعلم عن ملفي مال ال siv واخبرهم عن الرفض مال iom وشوف شيكولون عن لو غلط
اني دخت لان ممتوقع هذا
5- الي يعرف رقم تلفون بالاردن اخابر علة المنظمة وافتهم منهم شنو القصة والسبب الرفض ؟يزودني بالرقم
فليعرف اخوان ارجو مساعدني بالمعلومة الي متاكد من الاجابة ؟ من اهل الخبرة الSIV و IOM
مع تحياتي والموفقية للجميع اخوكم المهاجر 2010
