المحرر موضوع: الاسعار في امريكا  (زيارة 37481 مرات)

0 الأعضاء و 1 ضيف يشاهدون هذا الموضوع.

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
الاسعار في امريكا
« في: 21:08 24/02/2012 »
الاخوه والاخوات اللي بامريكا
اكتبو فد يوم عن اسعار كيلو الطماطا كيلو التفاح
اسعار المواد الاخرى
السلع المعمره المنزليه
خلي الناس تصير عدها فكره عن الوطن الجديد



غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #1 في: 21:26 24/02/2012 »
حبيبي مو تدلل :

هنا نتعامل بالباوند والباوند تقريبا 450 غرام يعني كول نص كيلو .. اسعار الخضار والفواكه يختلف من ولاية الى اخرى ومن محل الى اخر  ... يمي بتكساس فورت وورث دالاس

الطماطة احصلها من بعض الاسواق   78 سنت للباوند
الخيار الامريكي ينباع بالوحدة الوحدة 50 سنت والخيار العربي الي يجي من كاليفورنيا الباوند 1.20 دولار
الباذنجان بالوحدة الباذنجانيا وزن تقريبا نص كيلو  1.10 دولار
الكرفس 4 بدولار
البتيته جدا رخيصة 5 باوند باقل من دولارين
الفواكه
التفاح 5 باوند 2.5 دولار
الموز 46 سنت للباوند
البرتقال حاليا 5 باوند ب 1.50
الانناس 1.5 دولار الحبة
الكيوي 5 حبات بدولار
العرموط طبعا انواع والوان بس تقريبا الباوند بدولار
الرقي هالفتره شوية غالي لكن سعره بشكل عام 4.5 للركية طبعا بدون وزن انت تختار الحجم الي تحبه
البطيخ الوحدة بدولار اقل شوية

اللحوم  راح احجي على اللحوم بالاسواق العامة :
لحم شرح بدون عظم 2.58 دولار للباوند طبعا بقري
لحم مثروم حسب نسبة السمن بس تكدر تكول الباوند 2.5 دولار
الدجاج سعر الباوند 89 سنت , صدر دجاج 1.69 دولار , فخذ دجاج 93 سنت
طبعا هذه افضل الاسعار بالسوق العامة اما المحلات العربية الي تعتبر لحمها حلال راح تضيف مو اقل من 1.5 دولار او 2 دولار على سعر الباوند ايضا هما يبيعون لحم الغنم الباوند بالعضم 6.25 دولار ..

طبعا هذه الاسعار وفق مدينة فورت وورث وضواحيها ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل kunda

  • اداري
  • عضو مميز جدا
  • ***
  • مشاركة: 4360
    • مشاهدة الملف الشخصي
رد: الاسعار في امريكا
« رد #2 في: 21:27 24/02/2012 »
مو لهلدرجة حبي وديع ....ثم هالامور مايصير تقارنها بالاسعار العراقية ,,لانك راح تعيش هناك بالوطن الجديد
بس اني وياك اذا سفرك قريب وتقارن بين الامور اللي تريد تشتريها مثلا ملابس احذية او غيرها يعني تاخذ منا لو مناك هاي بيها مجال.

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
رد: الاسعار في امريكا
« رد #3 في: 21:36 24/02/2012 »
والله حبيت افيد العوائل
اني رب العالمين مفضل عليه والحمد لله خير وبركه
وعزابي
بس تفيد للعوائل واللي ناوي على مشروع مطعم  محل عصير  سوبر ماركت
تحياتي
لابو قمر
ولكوندا

غير متصل Edy Simon

  • اداري
  • عضو مميز متقدم
  • ***
  • مشاركة: 5389
    • مشاهدة الملف الشخصي
    • البريد الالكتروني
رد: الاسعار في امريكا
« رد #4 في: 21:37 24/02/2012 »

عزيزي كوندا

حبيب الكل وديع يريد يعرف اسعار الخضرة اهناك,
حتى من يوصل راح يكلب الجمبر مالته من عربانة هوت دوك
 الى عربانة الخضرة حتى يكدر يشتغل او مايعيش على مساعدات الدولة...

اني اكلك اكو اسعار الخضرة رخيصة اذا اتروح لسوك المخضر,
يعني مثل العلوة مال المخضرة او تشتري بالصناديك كوترة...
يصير عليك ارخص او يصرف...

تحياتي
جوسي البغدادي المانيا

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
رد: الاسعار في امريكا
« رد #5 في: 21:40 24/02/2012 »
حلو خوش موضوع عاشت الايادي  ::)

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
رد: الاسعار في امريكا
« رد #6 في: 21:44 24/02/2012 »
حبيبي جوسي مااكدر استغني عن اللحوم مرور جميل

ثانكس برنسيسه وهديتك لفه مال هوت دوغ بعد شتريدين

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #7 في: 21:54 24/02/2012 »
صديقي العزيز صاحب الموضوع هذا الموقع بيه الاسعار اليومية بشكل تقريبي للخضراوات والفواكه ..

http://www.todaymarket.com/us_pric.htm

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
رد: الاسعار في امريكا
« رد #8 في: 21:56 24/02/2012 »
متقصر ابو قمر

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #9 في: 22:27 24/02/2012 »
اسعار الخضراوات والفواكه تلكيها ارخص في محلات ولمارت و اج اي بي اما الخضراورات الاوركانك تلكاها غاليه جدا يعني باوند طماطه 5 دولارات و3 خيارات صغار ب 4 دولارات اما البصل الاحمر الناشف يشبه مالتنا (بصل احمر يابس) الباون ب 5 دولارات فلا تشتري شي اسمه اوركانك حتى اللحوم والدجاج الاوركانك اغلى بهوايه بس اذا الواحد يخاف على صحته انصح بشراء الاوركانك
تحياتي

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #10 في: 22:35 24/02/2012 »
طبعا كل شي مابيه لا طعم ولا طيب وخبزهم حلو وريحه زبد بيه بس اكو بال اج اي بي صمون يشبه الصمون التركي 4 صمونات ب دولار لا كيك عدهم طيب ولا حلوياتهم وانصح الطبخ بالبيت لانه مره مرتين تاكلون بره نفسكم تنسد واكلهم ابد مو صحي كله دهون وجبن واحسن شي سوا الهمبرغر بالبيت اشتروا شوايه وانتوا سوه واي شي تريد تسال اسال اني حاضره
تحياتي

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #11 في: 22:43 24/02/2012 »
بالنسبه للسلع المعمره الطباخ والثلاجه موجوده من ضمن المطبخ بقت المجمده تشتريها من هوم ديبو سعرها مناسب اني اخذتها ب 200 دولار وغساله ملابس ونشافه ملابس اثنينهم ب 900 دولار هم جابوها ونصبوها وانطيتهم بخشيش 10 دولارات ههههههههه المايكرويف اكو بولمارت رخيص ب 50 دولار بس يمكن مو هلكد اغلب بضائع الولمارت الكهربائيه مو شي ورخيصه كلش احسن شي تشتري ماركات من هوم ديبو بس مؤقتا اني اشتريت الرخيص لحد ماتخرب عود اشتري نوعيه افضل اذا عندك امكانيه لا تشتري رخيص الغالي فلوسه بيه
تحياتي

غير متصل malak.ali

  • مبدع قسم الهجرة
  • عضو مميز جدا
  • *
  • مشاركة: 2657
  • الجنس: أنثى
  • سبحان الله والحمد لله
    • مشاهدة الملف الشخصي
رد: الاسعار في امريكا
« رد #12 في: 22:56 24/02/2012 »
غساله ونشافه ب900 دولار ؟؟؟
هنا صارت الغساله بورقه


اللهــــم صـــلٍ عـلى محمــــــــــد وآل محمـــــــــد ....


يا آل بيــت رسـول الله حبكـم *** فرض من الله في القرآن أنزله
يكفيكم من عظيم الفخر أنكـم *** من لم يصـــل عليكم لا صلاة له

**************

إن كان رفضــاً حب آل محمـــدٍ .... فليــشهد الثقلان أني رافضـــــــــــــــــــ

غير متصل الفارس السادس

  • عضو فعال
  • **
  • مشاركة: 50
    • مشاهدة الملف الشخصي
رد: الاسعار في امريكا
« رد #13 في: 23:04 24/02/2012 »
الاخ ايوه كدة ياوديع احييك على هذا الموضوع وبالفعل مهم جدا الواحد يعرف الاسعار

اخوك الفارس السادس

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #14 في: 23:06 24/02/2012 »
غساله ونشافه ب900 دولار ؟؟؟
هنا صارت الغساله بورقه

اختي ملك اختنا تحجي على نوع معين الغسالة والنشافة الجديدة حسب المواصفات والماركة تبدي من 275 للغسالة والنشافة و  275للمجففه طبعا المجففة مموجودة يمنا فكرتها مثل الاوتي تنطي حرارة حتى تجفف الملابس بصورة كاملة ...
طبعا اختنا اشترت جديدة ممكن تشترين مستعمله بضمان 3 اشهر اخو الجديد ب 250 او 300 دولار القطعتين ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #15 في: 23:06 24/02/2012 »
غساله ونشافه ب900 دولار ؟؟؟
هنا صارت الغساله بورقه
عزيزتي ملاك ام الورقه هاي كوريه اني احجيلج غساله فول اوبشن امريكيه وهاي كانت ارخص شي اكو ب 2000 دولار بس غساله اما ما احجيلج شغل النشافه شنو والله تسوى مليون دينار بعد ماكو لا تفيعين ملابس ولا تشرين ولا مطر ولا تراب هي تنشفها وتطلع عبالك مكويه ان شاء الله يوم اللي توصلين وتذكريني
تحياتي

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #16 في: 23:10 24/02/2012 »
غساله ونشافه ب900 دولار ؟؟؟
هنا صارت الغساله بورقه

اختي ملك اختنا تحجي على نوع معين الغسالة والنشافة الجديدة حسب المواصفات والماركة تبدي من 225 للفسالة والنشافة و 225 للمجففه طبعا المجففة مموجودة يمنا فكرتها مثل الاوتي تنطي حرارة حتى تجفف الملابس بصورة كاملة ...
طبعا اختنا اشترت جديدة ممكن تشترين مستعمله بضمان 3 اشهر اخو الجديد ب 250 او 300 دولار القطعتين ...

تحياتي
أبو قمر
كلش تمام ابو قمر واكو بالمجمعات السكنيه غسالات ومناشف يكدر الواحد هناك يغسل بس احنا مانحب نغسل هدومنا وياهم نخاف من الامراض الله يجفيكم شرها
تحياتي

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #17 في: 23:13 24/02/2012 »
وهذا رابط لغسالة ونشافة مستعملة معروضة للبيع من قبل صاحبها طالب عليها 280 دولار يعني ممكن تاخذيهن 250 دولار ..

http://dallas.craigslist.org/ndf/app/2869043331.html

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #18 في: 23:21 24/02/2012 »
عزيزي ابو قمر صح كان اكو ارخص بس الحجم هوايه اصغر يعني مانكدر نغسل بيه اللحاف والكبيره تكدر تحط كميه اكبر من الملابس اختصارا للوقت واقتصادا بصرف الكهرباء اني حتى من اشغل النشافه اغسل وجبتين وانشفهن سوا لانه النشافه هي اكثر ماتصرف كهرباء اني محاسبه وكلشي احسب حسابه هههههههه
تحياتي

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #19 في: 23:25 24/02/2012 »
عزيزي ابو قمر صح كان اكو ارخص بس الحجم هوايه اصغر يعني مانكدر نغسل بيه اللحاف والكبيره تكدر تحط كميه اكبر من الملابس اختصارا للوقت واقتصادا بصرف الكهرباء اني حتى من اشغل النشافه اغسل وجبتين وانشفهن سوا لانه النشافه هي اكثر ماتصرف كهرباء اني محاسبه وكلشي احسب حسابه هههههههه
تحياتي

اتفق وياج اختي العزيزة .. الخيارات كثيرة وكل انسان يختار ما يناسبة .. انا فقط اطرح خيارات اكثر ... بعض الاجئين الجدد ممكن ميكون عنده امكانية جيدة فممكن يشتري مستعمل نظيف يمشي نفسه بيه ومن الله يسهل عليه ممكن يشتري فول اوبشن .. انا متفق معك الاسعار تختلف بحسب الماركة والحجم والمواصفات ولهذا الاسعار تختلف ... ايضا ممكن قبل لتشتري تترقب العروض احيانا تنزل عروض خصومات توصل الى 40 بالمية من السعر بالذات ايام الكرسمس والثانكس كيفنك ...
تحياتي اختي المحترمة ..

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #20 في: 23:29 24/02/2012 »
انا هنا احاول ان ابين للاخوان ان امريكا فيها خيارات واسعار مختلفة وغير طبيعية ... يعني ممكن اتئثث بيتك ب 1000 دولار وممكن اتئثثه ب 100000 دولار ... واحيانا تجد نفس الضمان لنفس الجهاز لكن بفرق سعر كبير بين محل واخر ... ايضا ممكن تتسوق من الانترنت باسعار توصل الى 50 بالمية من اسعار السوق وبنفس الضمان وغالبا ميكون سعر الشحن مدفوع من قبل البائع ...
ايضا موقع كريكليس ممكن تجد فيه اسعار جدا راقية وخيالية لاجهزة ومواد جديدة او مستعملة .. المهم لتتسرع في الشراء زور اكثر من محل جيك الانترنت وشوف احتياجك شنو ولمن توصل الى قرار اختار الي يناسبك واشتريه ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل ANDME

  • عضو فعال جدا
  • ***
  • مشاركة: 137
    • مشاهدة الملف الشخصي
رد: الاسعار في امريكا
« رد #21 في: 23:35 24/02/2012 »
اتفق معاك اخي ابو قمره كليا فعلا اول ما يوصل اللاجيء عنده اولويات اهم من شراء غساله ونوعها بس جبناها على اسئله وديع واخت ملاك ندعيلهم بالوصول الى امريكا واي شي يستفسروه احنا حاضرين حضرتك ماتقصر بالمواضيع الكبيره والصعبه واحنا علينا الشغلات الناعمه اللي تخص الحياة العاديه
تحياتي واحترامي

غير متصل malak.ali

  • مبدع قسم الهجرة
  • عضو مميز جدا
  • *
  • مشاركة: 2657
  • الجنس: أنثى
  • سبحان الله والحمد لله
    • مشاهدة الملف الشخصي
رد: الاسعار في امريكا
« رد #22 في: 23:40 24/02/2012 »
ابو قمر الغالي

ANDME حبيبتي بارك الله بيكم وسهل اموركم يارب

مشكورين على الجواب


اللهــــم صـــلٍ عـلى محمــــــــــد وآل محمـــــــــد ....


يا آل بيــت رسـول الله حبكـم *** فرض من الله في القرآن أنزله
يكفيكم من عظيم الفخر أنكـم *** من لم يصـــل عليكم لا صلاة له

**************

إن كان رفضــاً حب آل محمـــدٍ .... فليــشهد الثقلان أني رافضـــــــــــــــــــ

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #23 في: 23:45 24/02/2012 »
اتفق معاك اخي ابو قمره كليا فعلا اول ما يوصل اللاجيء عنده اولويات اهم من شراء غساله ونوعها بس جبناها على اسئله وديع واخت ملاك ندعيلهم بالوصول الى امريكا واي شي يستفسروه احنا حاضرين حضرتك ماتقصر بالمواضيع الكبيره والصعبه واحنا علينا الشغلات الناعمه اللي تخص الحياة العاديه
تحياتي واحترامي

ولو اختي انتم الخير والبركة ....
اخونا وديع حاول تكتب كل اسئلتك عن الاسعار هنا بهذا الموضوع وانشاء الله مراح نقصر وياك كلنا الي موجودين في هذا البلد المحترم ...

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل abo shams

  • مبدع قسم الهجرة
  • عضو مميز
  • *
  • مشاركة: 1825
    • مشاهدة الملف الشخصي
رد: الاسعار في امريكا
« رد #24 في: 23:48 24/02/2012 »
اخواني و الله عندي سؤال مهم جدا .. لان صار بي نقاش كثير اني واقارب لي في كندا
انه عند سؤالهم املم مسجد فانكوفر وهو نيجيري .. عن انه هل يستطيعون اكل سندويجات اللي فيه لحم مثل همبركر لو دجاج كنتاكي لانهم تعبو من اكل اصابع السمك و الخضروات كونهم من الطلبه و اغلب المطاعم لاتقدم اللحوم الحلال .. فكان جوابه انهم يستطيعون ذلك للعدم وحود مايمنع .. هذا شئ و الاخر الكثير من اقاربي يقولون انهم يشترون لحوم " الغير مذبوح على طريقه اسلاميه " هذا بالتحديد تسميته لانه اللحم ليس حرام عموما .. لان اسعار اللحوم "" الحلال "" غاليه جدا ؟؟؟ اريد التفصيل ولكم الشكر لان الموضوع تناقشت فيه كثيرا
طبعا انا من اصحاب انه اما على الطريقة الاسلاميه او يستعيضون عنه بشئ ااخر

غير متصل احمد سلطان

  • عضو فعال جدا
  • ***
  • مشاركة: 740
    • مشاهدة الملف الشخصي
رد: الاسعار في امريكا
« رد #25 في: 23:55 24/02/2012 »
الصدك ماكو ارخص من مصر اذا غسالة 2000 دولار حسب ماذكر احد الاخوان بامريكا

غير متصل كوكي 2004

  • مبدع قسم الهجرة
  • عضو مميز جدا
  • *
  • مشاركة: 4368
  • الجنس: أنثى
    • مشاهدة الملف الشخصي
رد: الاسعار في امريكا
« رد #26 في: 23:56 24/02/2012 »
بارك الله بيك وديع وعاشت أيدك على هالموضوع الحلو والمفيد
وبدربك فد هوت دوك ولتنسه الخردل وكوب جاي وياها  ;D والله دتشهينه كلما نشوف هالمحل المتنقل الحلو

أذا ممكن عندي سؤال لأخويه أبو قمر وباقي الأخوه والأخوات ألي بأمريكا
شلون أسعار السمك وشنو الأنواع الموجودة ويانوع أطيب من كل الأنواع تقريبآ
تحياتي ياطيبين وبارك الله بيكم

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #27 في: 00:04 25/02/2012 »
اخواني و الله عندي سؤال مهم جدا .. لان صار بي نقاش كثير اني واقارب لي في كندا
انه عند سؤالهم املم مسجد فانكوفر وهو نيجيري .. عن انه هل يستطيعون اكل سندويجات اللي فيه لحم مثل همبركر لو دجاج كنتاكي لانهم تعبو من اكل اصابع السمك و الخضروات كونهم من الطلبه و اغلب المطاعم لاتقدم اللحوم الحلال .. فكان جوابه انهم يستطيعون ذلك للعدم وحود مايمنع .. هذا شئ و الاخر الكثير من اقاربي يقولون انهم يشترون لحوم " الغير مذبوح على طريقه اسلاميه " هذا بالتحديد تسميته لانه اللحم ليس حرام عموما .. لان اسعار اللحوم "" الحلال "" غاليه جدا ؟؟؟ اريد التفصيل ولكم الشكر لان الموضوع تناقشت فيه كثيرا
طبعا انا من اصحاب انه اما على الطريقة الاسلاميه او يستعيضون عنه بشئ ااخر


صديقي ابو شمس سؤالك بعيد عن اختصاصنا ... الموضوع ديني بحت اختلف فيه الكثير من العلماء ... المحرم بالنص واضح جدا الميتة والدم ولحم الخنزير وما اهل لغير الله والمتردية والمنخنقة وما الى ذلك ... مفهوم الذبح الاسلامي هو قطع الرقبة مع التسمية التي هي سنة ... اذن حسب اكثر العلماء المشكلة ليست بالتسميه المشكله في الذبح ولهذا السول لم يحرم علينا اكل طعام اصحاب الكتاب  ...
عموما العلماء اختلفوا منهم من قال لا يجوز ومنهم من قال ممكن تسمي على الطعام والاجتهادات كثيرة في هذا المجال لانه لايوجد نص محدد يحرم هذه الحالة ... هنا كثير من الناس يذهبون الى القاعدة الفقهية استفتي قلبك ... ويبقى الموضوع كله هو علاقة بينك وبين رب العالمين ..
انا لا احب ان اتكلم او افتي في هذا الموضوع فانا لست مفتيا ولا اتصور ان انسان عادي ممكن ان يفتي لك ممكن ان تستشير علماء الدين واخذ ارائهم واستفتي قلبك واتوكل على الله في الخيار الذي تختاره ...

تحياتي يا طيب

أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #28 في: 00:07 25/02/2012 »
بارك الله بيك وديع وعاشت أيدك على هالموضوع الحلو والمفيد
وبدربك فد هوت دوك ولتنسه الخردل وكوب جاي وياها  ;D والله دتشهينه كلما نشوف هالمحل المتنقل الحلو

أذا ممكن عندي سؤال لأخويه أبو قمر وباقي الأخوه والأخوات ألي بأمريكا
شلون أسعار السمك وشنو الأنواع الموجودة ويانوع أطيب من كل الأنواع تقريبآ
تحياتي ياطيبين وبارك الله بيكم

اختي العزيزة السمك الطازج هنا يعتمد على الولاية في المحالات الاسيوية راح تلكيه جدا رخيص وبانواع مختلفة اذا ما قورن باسعار العراق او الوطن العربي والانواع اغلبها انواع بحريه ...
اما الفيلية فيكون شوية غالي ويباع في الاسواق العامة للامريكا مقل الولمرت .. بشكل عام الامريكان مياكلون السمك كثير واذا اكلوه ياكلوه على شكل فيليه .. اما الاسيويين من فيتناميين وشرق اسيويين فذولا ادمان سمك حتى تشريب سمك يسوون ولمن تدخلين محلاتهم راح تلكين عشرات الانواع من السمك وباسعار جدا مناسبة ...

تقبلي تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل abo shams

  • مبدع قسم الهجرة
  • عضو مميز
  • *
  • مشاركة: 1825
    • مشاهدة الملف الشخصي
رد: الاسعار في امريكا
« رد #29 في: 00:09 25/02/2012 »
لك الشكر اخي ابو قمر ... وبعد اذن الاخ " وديع " واذا كانت مشاركتي اخذت الموضوع لاتجاه اخر اني على استعداد لحذفه عن طيب خاطر
لكن حبيت اعرف وجهات النضر فيه لا اكثر ولا اقل .. و اكرر شكري لكم

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #30 في: 00:15 25/02/2012 »
لك الشكر اخي ابو قمر ... وبعد اذن الاخ " وديع " واذا كانت مشاركتي اخذت الموضوع لاتجاه اخر اني على استعداد لحذفه عن طيب خاطر
لكن حبيت اعرف وجهات النضر فيه لا اكثر ولا اقل .. و اكرر شكري لكم


لا صديقي بالعكس برائيي ان مشاركتك مو بعيدة عن الموضوع انت دتسئل لانك دتشوف ان المحلات العربية دتبيع اللحم بضعف سعره كونه يطلق عليه حلال .. والموضوع جدا مستفز واستغلالي ... فاكيد من حقك تسئل لكن انا دائما من طبعي لا احب ان افتي في اشياء ليست من اختصاصي فانطيتك رائيي وممكن تبحث على النت عن فتاوي العلماء او ممكن تسئل عالم بالعكس الحرص على الدين واجب لانه الرابط الاهم بين الانسان والخالق ... تحياتي ياطيب وشعندك اسئلة اسئل بصراحة اليوم صار عندي واهس للكتابة ...

ابو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل **Sally**

  • عضو مميز جدا
  • *****
  • مشاركة: 2019
    • مشاهدة الملف الشخصي
رد: الاسعار في امريكا
« رد #31 في: 00:19 25/02/2012 »
اخواني و الله عندي سؤال مهم جدا .. لان صار بي نقاش كثير اني واقارب لي في كندا
انه عند سؤالهم املم مسجد فانكوفر وهو نيجيري .. عن انه هل يستطيعون اكل سندويجات اللي فيه لحم مثل همبركر لو دجاج كنتاكي لانهم تعبو من اكل اصابع السمك و الخضروات كونهم من الطلبه و اغلب المطاعم لاتقدم اللحوم الحلال .. فكان جوابه انهم يستطيعون ذلك للعدم وحود مايمنع .. هذا شئ و الاخر الكثير من اقاربي يقولون انهم يشترون لحوم " الغير مذبوح على طريقه اسلاميه " هذا بالتحديد تسميته لانه اللحم ليس حرام عموما .. لان اسعار اللحوم "" الحلال "" غاليه جدا ؟؟؟ اريد التفصيل ولكم الشكر لان الموضوع تناقشت فيه كثيرا
طبعا انا من اصحاب انه اما على الطريقة الاسلاميه او يستعيضون عنه بشئ ااخر


صديقي ابو شمس سؤالك بعيد عن اختصاصنا ... الموضوع ديني بحت اختلف فيه الكثير من العلماء ... المحرم بالنص واضح جدا الميتة والدم ولحم الخنزير وما اهل لغير الله والمتردية والمنخنقة وما الى ذلك ... مفهوم الذبح الاسلامي هو قطع الرقبة مع التسمية التي هي سنة ... اذن حسب اكثر العلماء المشكلة ليست بالتسميه المشكله في الذبح ولهذا السول لم يحرم علينا اكل طعام اصحاب الكتاب  ...
عموما العلماء اختلفوا منهم من قال لا يجوز ومنهم من قال ممكن تسمي على الطعام والاجتهادات كثيرة في هذا المجال لانه لايوجد نص محدد يحرم هذه الحالة ... هنا كثير من الناس يذهبون الى القاعدة الفقهية استفتي قلبك ... ويبقى الموضوع كله هو علاقة بينك وبين رب العالمين ..
انا لا احب ان اتكلم او افتي في هذا الموضوع فانا لست مفتيا ولا اتصور ان انسان عادي ممكن ان يفتي لك ممكن ان تستشير علماء الدين واخذ ارائهم واستفتي قلبك واتوكل على الله في الخيار الذي تختاره ...

تحياتي يا طيب

أبو قمر

صح
وبعد كل انسان وحسب قناعته
همزين اني نباتيه  :P

غير متصل abo shams

  • مبدع قسم الهجرة
  • عضو مميز
  • *
  • مشاركة: 1825
    • مشاهدة الملف الشخصي
رد: الاسعار في امريكا
« رد #32 في: 00:22 25/02/2012 »
الله يبارك فيك اخي ابو قمر .. اني بصراحه ما اسئل على اسعار اي شئ الان ... لان لا اتكول سمسم الا تلهم مو صحيح موضوع السفر بعده بعلم الغيب اهم شئ هو شلون استفاد من تجابركم بخصوص امور حياتيه اعتقد مهمة جدا هذه ممكن اتعبلي حياتي وممكن اتسهله و من الله التوفيق .. الطماطه و البصل غلا لو رخص غصبن علينه نشتريهم مو صحيح ههههههه ...
الله يديم واهس للكتابه واحنه بالنصف الاخر من العالم صارت عدنه الساعه وحده ونص .. نكلكم  صباحكم  عسل و سكر وكيمر الحله

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
رد: الاسعار في امريكا
« رد #33 في: 00:27 25/02/2012 »
ابو شموسه اخذ راحتك وسؤالك لبو قمر جدا حلو
ملاك  ان شاء الله توصلين امريكا

كوكي بيبسي دايت لو عادي حددي

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
رد: الاسعار في امريكا
« رد #34 في: 00:30 25/02/2012 »
مشكور ابو قمر
واول شي كثير من الناس معتقده البيع بالكيلو مثل العراق والدول العربيه


او اكو شي مهم جدا موضوع الخبز والصمون الملاحظ شحه في هاي المادتين شحه من حيث النوعيه كمنتج عراقي
وهنا بعمان دائما ينطرح هذا الموضوع الحيوي والمهم

غير متصل مــحــمــــد

  • عضو فعال جدا
  • ***
  • مشاركة: 316
    • مشاهدة الملف الشخصي
رد: الاسعار في امريكا
« رد #35 في: 00:32 25/02/2012 »
ANDME
مشكوره ومرو وتعليقات جميله جدا

غير متصل كوكي 2004

  • مبدع قسم الهجرة
  • عضو مميز جدا
  • *
  • مشاركة: 4368
  • الجنس: أنثى
    • مشاهدة الملف الشخصي
رد: الاسعار في امريكا
« رد #36 في: 00:38 25/02/2012 »
وديع عيني هالموجود بس أذا سفن يكون أحسن  ;D
تسلم ياطيب كلك ذوق

غير متصل malak.ali

  • مبدع قسم الهجرة
  • عضو مميز جدا
  • *
  • مشاركة: 2657
  • الجنس: أنثى
  • سبحان الله والحمد لله
    • مشاهدة الملف الشخصي
رد: الاسعار في امريكا
« رد #37 في: 00:46 25/02/2012 »
وديع عيني عاشت ايديك على الموضوع المهم


اللهــــم صـــلٍ عـلى محمــــــــــد وآل محمـــــــــد ....


يا آل بيــت رسـول الله حبكـم *** فرض من الله في القرآن أنزله
يكفيكم من عظيم الفخر أنكـم *** من لم يصـــل عليكم لا صلاة له

**************

إن كان رفضــاً حب آل محمـــدٍ .... فليــشهد الثقلان أني رافضـــــــــــــــــــ

غير متصل amman76

  • عضو فعال جدا
  • ***
  • مشاركة: 418
    • مشاهدة الملف الشخصي
رد: الاسعار في امريكا
« رد #38 في: 01:19 25/02/2012 »
موضوع حلوا ومهم ...... مشكورين وبارك الله فيكم

تحياتي لكم وللاخ ابو قمر






المهندس

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
رد: الاسعار في امريكا
« رد #39 في: 01:38 25/02/2012 »
مشكور ابو قمر
واول شي كثير من الناس معتقده البيع بالكيلو مثل العراق والدول العربيه


او اكو شي مهم جدا موضوع الخبز والصمون الملاحظ شحه في هاي المادتين شحه من حيث النوعيه كمنتج عراقي
وهنا بعمان دائما ينطرح هذا الموضوع الحيوي والمهم


مدينة الي رصديقي موضوع الخبز العراقي او العربي راح يعتمد على المدينة الي متوجه الها اذا بيها نسبة عرب جيدة راح تلكاه متوفر لكن ايضا راح يكون غالي يعني الخبز العراقي راح تلكه مثلا 3 كرص بدولارين طبعا حسب المدينة .. الخبز اللبناني هو الاكثر انتشار وممكن تاخذ الكيس بيه 5 كرص بدولار ... ايضا الخبز اللبناني موجود في امريكا ويباع تحت اسم بيتا بريد peta وراح تلكاه يقسم الخبز بالولمرت بس شوية اثخن وسعره مناسب ...
موضوع الخبز راح يختلف كثيرا من توصل امريكا راح يقل كثير استهلاكك للخبز يوم بعد يوم بالذات اذا تبدي تعلم نفسك وتعلم اطفالك على التوست الي هو رخيص نسبيا وعلى بعض انواع الصمون على فكرة هناك اكثر من 25 نوع للصمون فقط وهناك اكثر من 60 نوع معجنات راح تلكه نكهات واطعام مختلفة .. بعض الناس يتقبلها ويبدي يتعلم عليها  وبعض الناس من النوع التقليدي ميحب ايجرب اي شي جديد .. لكن بكل الاحوال وهي نصيحة من توصل امريكا حاول تقلل من الاكل العربي التقليلدي لانك راح تعيش في هذا المجتمع مو يوم ويومين ... طبعا بعض العوائل مشترية تنور وبعضها يخبز على شواية الهمبركر يعني الخيارات كثيرة المهم توصلون بالسلامة ..

تحياتي
أبو قمر

ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل kunda

  • اداري
  • عضو مميز جدا
  • ***
  • مشاركة: 4360
    • مشاهدة الملف الشخصي
رد: الاسعار في امريكا
« رد #40 في: 09:10 25/02/2012 »
نستنتج من رد اخونا الغالي ابو قمر الاول انه اذا عملنا مقارنة بين اسعار الخضراوات والفواكه واللحوم بين امركا والعراق واني اتكلم هنا عن مدينة (اربيل) ولو يكَولون اربيل شوية اعلى من باقي المدن ,,,,نجد انه كلشي هناك ارخص ماعدا الباذنجاناية اللي وزنها نص كيلو هاي دوخني بيها ابو قمر  ;D .
بالنسبة للحوم العراقية فمثل ماتعرفون انه صارت اسعارها نار يعني لحم العجل مع عظم وشحم يوصل 16000 دينار عراقي واذا شرح طبعا اغلى
بس حبيت انقل ملاحظة للاخ او الاخت andme وهي انه حاليا في العراق اكثر من 90% من المنتجات الزراعية مستوردة من دول الجوار واغلبها منفوخة نفخ ومن النوع التي تنمو بسرعة (كيمياوية) لذلك ماتحس بيها اي طعم او نضارة او فائدة غذائية .يعني الحال من بعضو. يمنا ويمكم
وحتى بعض اللحوم واسماك التربية مال الاحواض .
شكرا وديع على هذا الموضوع

غير متصل تقوى الله

  • مبدع قسم الهجرة
  • عضو مميز جدا
  • *
  • مشاركة: 2203
  • الجنس: أنثى
  • نسال الله الفرج العاجل لنا وللجميع
    • مشاهدة الملف الشخصي
رد: الاسعار في امريكا
« رد #41 في: 13:55 25/02/2012 »

موضوع مهم ورائع فعلا
وهيجي معلومات الكل يحتاجها
وشكر خاص للاخ العزيز ابو قمر ع المعلومات القيمه الي ذكرها بخصوص الاسعار
وايضا نشكر كل الاخوة الاعزاء الي شاركو بالموضوع

وشكرا لصاحب الموضوع ع الطرح الجميل


الكلمه الطيبه جواز مرور لجميع القلوووب
اختكم تقوى الله

غير متصل محارب

  • مبدع قسم الهجرة
  • عضو مميز جدا
  • *
  • مشاركة: 3957
  • الجنس: ذكر
  • (كلش حباب)
    • مشاهدة الملف الشخصي
رد: الاسعار في امريكا
« رد #42 في: 01:37 06/05/2013 »
للرفع
وسنوافيكم بارتفاع الاسعار
الباوند الواحد للطماطه دولارين وخمسه وستون سنت
يعني الكيلو يعني 5 دولارات و36 سنت للكيلو
5.36 * 1250 سعر صرف الدينار =7600 دينار كيلو الطماطه
حسب اسعار الولمارت لهذا اليوم

غير متصل الذكي

  • مبدع قسم الهجرة
  • عضو فعال جدا
  • *
  • مشاركة: 687
  • الرب راعي فلا يعوزني شئ
    • مشاهدة الملف الشخصي
رد: الاسعار في امريكا
« رد #43 في: 05:20 12/05/2013 »
للرفع
وسنوافيكم بارتفاع الاسعار
الباوند الواحد للطماطه دولارين وخمسه وستون سنت
يعني الكيلو يعني 5 دولارات و36 سنت للكيلو
5.36 * 1250 سعر صرف الدينار =7600 دينار كيلو الطماطه
حسب اسعار الولمارت لهذا اليوم

هو اللي يريد يتسوك فاكهة وخضرة يروح لولمارت ويشتري باوند الطماطة ب دولارين وشوية ؟

غير متصل كاكاشي

  • عضو فعال جدا
  • ***
  • مشاركة: 157
  • الجنس: ذكر
  • كاجي باشن ناجتسو
    • مشاهدة الملف الشخصي
رد: الاسعار في امريكا
« رد #44 في: 13:45 12/06/2013 »
مشكور اخويه

غير متصل الدواجن اليوم

  • عضو جديد
  • *
  • مشاركة: 3
  • منتديات عنكاوا
    • مشاهدة الملف الشخصي

غير متصل lionofiraq

  • عضو مميز
  • ****
  • مشاركة: 1005
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
رد: الاسعار في امريكا
« رد #46 في: 22:40 24/07/2018 »
يوصلون بالسلامة ان شاء الله
و الله اسعار الخضرة مرتبطة بالبورصة مالت الخس و الكمثرة