طريقة عمل النازوك

[jo7ee]

هل هناك من يعرف طريقة عمل (النازوك)

مع الشكر

[نور جموعة]

شنو هو النازوك

[jo7ee]

اختي العزيزه
النازوك مثل الكليشة وتكون العجينه كلش ناعسه يعني مو يابسه وكلش طيبه يعني لو ضوكين وحدة تاكلين 10 وراها ,,,,,,,
ماكلها بدوره حي الاثوريين من زمان////

مع الشكر

[نور جموعة]

هاااا

[maryamat]

الى jo7ee مع التحية

عمل النازوك اسهل منها ماكو واطيب منها هم بعد ماكو
مثل ما تفضلت حضرتك هي مثل ما نسوي الكليجة
احنا مو نسوي كليجة مال ...  مرتوخا ... او احنا نسميها...  بخيشا ... والتي فيها يسخن الزيت او الزبد ونضيف الطحين شوية شوية مع التحريك المستمر  ثم نضيف الماء المملح وقسم يضيفون شوية شاي علمود اللون

في النازوك : نحتاج الى زبد غير مملح ... سكر ..طحين ...   شوية فانيلا
مثل ما قلنا هي نفس طريقة الكليجة بس هنا الطحين لا يقلى اذ يسيح او نعمل على اذابة الزبد واحسن طريقة يوضع على نار خفيف يسيح شويه ثم نرفعه ونحركه حتى يذوب اكبر قسم ثم نعيد هذه الطريقة حتى يذوب كل الزبد
يضاف السكر ويحرك او يخفق جيدا ثم نضيف شوية فانيلا بعدها نضيف الطحين بالتدريج مع الخفق المستمر الى ان نحصل على مزيج كثيف عينا مثل مرتوخا
تم نفتح العجينة على شكل دائرة كبيرة او مستطيل ونوزع المزيج على العجينة كلها ثم يلف ويلف بعدها تقطع على شكل مستطيلات رفيعة ويدهن الوجة يالبيض المخفوق ويخبز

بالنسبة لمقادير العجينة فهي نفسها الموجودة والتي ارسلتها قبل فترة تحت عنوان طريقة عمل الكليجة وانا استعملت نفسها بس زين لحكت اصوّر هذا الماعون لان مثل ما قال الاخ لو تضوكين وحدة تاكلين 10 وراها  خلصت بسرعة

[hewy]

شكرا يا مريمات على اجابتك لطلب جوحي

[sjsj]

شكرا  وطبعا هيه كلش طيبه وصدوك واحد من ياكل وحده ميشبع من عدها