عزيزتي ريم .... شكراً على الرد 
........... زين خط الرحلة استلمها من اليون؟؟؟؟؟؟؟؟
اختي نور الله يسهل امرك وتكون اجراءاتك سريعة وتسافرين ، من يحددون موعد السفر راح يتصلون بيك ويكلولك موعد سفرك بفلان يوم .
ويحدوون موعد لتسليم الجواز في اليو ان واغلب الحالات تسليم الجواز قبل 10 ايام من موعد السفر .
اما خط الرحلة منظمة ال iom يتصلون بيك لاستلامه ويشرحون الكم بشكل بسيط ( للتكرار) اوزان الحقائب اضافة الى وقت تواجدكم في المطار ، ويبلغوك بالذهاب الى مستشفى الخالدي يوم السفر .
يوم السفر ترحين لمستشفى الخالدي لفحص ما قبل السفر واخذ ( الحبة السحرية
) ومباشرة بعدها ترجعين للمنظمة تاخذين نسخة من التذكرة وتوقعين على تسديدها فيما بعد من توصلين ان شاء الله طبعا النسخة لونها اصفر (ما اعرف اذا هسه تغير اللون) . وينطوك كروت الـ iom تعلكيها بالحقائب . واقل شي قبل الرحلة 4 -5 ساعات انتي بالمطار مع مراعات الوقت ( يعني اذا الرحلة 3 صباحا يوم 6/3/2012 انتي تكوني بالمطار على الاقل الساعة 10 مساءاً يوم 5/3/2012 ) لان اكو عراقيين ابدعوا بهذه النقطة يركزون على اليوم فقط ويتجاهلون التوقيت وضيعوا الموعد وبعد تواسيل انطوهم موعد آخر .
واللي عنده اضافة اخرى يتفضل .... وبالسفر القريب لنـــا جميعا يااا رب .
ام الهنا
