عـــدم المـــحــكــومــــــية للــــــ (SIV)

[chaktafaxi]

السلام عليكم
تحية طيبة ...
(أولاً) أني مقدم على برنامج الاس اي في (SIV) وحاليا في مرحلة أنتظار تحديد المقابلة من (NVC) في السفارة الأمريكية في عمان بس حبيت أسأل الأخوان شنو سويتوا بموضوع عدم المحكومية (Police certificates) ؟ أني كنت متابع المواضيع كلهة وحقيقة اني عندي نفس المشكلة حاليا اني مقيم في عمان-الأردن ولم أذهب للعراق منذ اكثر من 5 سنوات فقضية عدم المحكومية هل انه نكتفي بشهادة عدم محكومية الاردن فقط ؟ (علما أنه اني قد قمت بأصدار شهادتين الأولة هي عدم محكومية من المحاكم الأردنية والثانية شهادة حسن سلوك من دائرة البحث الجنائي الأردنية) كوني عراقي و مقيم هنا في الأردن بس بالمقابلة هل راح يسألوني عن عدم المحكومية العراقية أيضا  وهل انه ملزم أحظارها بالأظافة للشهادتين التي ذكرتها سابقاً ؟

- (ثانيا) سمعت أنه بعض الأخوان من العراقيين المقيمين خارج العراق قد قدموا تعهد بعدم أستطاعتهم أحظار شاهدة عدم المحكومية العراقية لتعذر رجوعهم للعراق بسبب الوضع الأمني فهل هذا التعهد مقبول ؟ وما صيغته / نموذج منه ؟
مع تحياتي

[Old Fox]

اخي الكريم
 اني مقابل بعمان نهاية العاشر 2011, ولم اجلب عدم محكومية عراقية
لكن بالمقابلة القنصل اصرت على جلبها حتى بعد ان فهمتها انه من الصعب جلبها
وقالت من تكمل الاجراءات الادارية لازم تكون موجودة

بالنسبة الى عدم المحكومية الاردنية ما يعترفون بيها, لازم حسن سير

تقبل مروري اخي

تحياتي

[googoo]

أخويه العزيز:

فرض عليك ان تنطيهم عدم المحكوميه مال العراق تره ينيمون معاملتك مثل ماصار بيه.
آني بالمقابله كلت للقنصل مااكدر ارجع للعراق لأنه مهدد وماكو سفارة عراقيه بالبلد اللي آني مقيم بيه والبلدان المجاوره اللي بيهه سفارة عراقيه ماتقبل تنطيني فيزا حتة ادخل واقدم على عدم المحكوميه من السفارة العراقيه، تدري أشجاوبتني؟؟

كللتلي هاي مو مشكلتي انت ملزم بتقديم عدم المحكوميه وأعتبارا من هاليوم انت كدامك سنه كامله حتى اتجيب عدم المحكوميه وقالت حاول بكل الطرق حتى تحصل عليهه وبعدين انطتني الورقه G-221 ومكتوب بيهه نقص عدم المحكوميه.
وأخوك اتلوًع 4 أشهر ألى أن كدرت بالأخير أن اجيب عدم المحكوميه وسلمتهه الهم. ثاني يوم اتصلوا بيه كللولي معاملتك الآن اصبحت كامله وتعال سلم الجواز للسفارة.
أخويه روح للسفارة مالتنه بعمان وقدم على عدم المحكوميه ودزهه لبغداد وخللي واحد من اقربائك يمشي بيهه وبعدين لازم تندز للسفارة مرة أخرى حتى يصادقون عليهه وانت تبصم على الورقه.

بالتوفيق ان شاء الله