يعني هاي الاعداد من تقراها تنصدم بالحقيقة و الي هي ازدياد الاعداد بالنسبة للناس الي مقدمين, السفر قليل جدا مقارنة بالسنوات 2009 و 2010 و الي كانت الاعداد تتجاوز ال 18000 في حين ان الناس الي سافرت بسنة 2011 بس 9000 يعني نص العدد و هاي السنة اذا تقارنها باعداد الناس الي سافرت ب 2011 هم اقل فاتت خمس اشهر من السنة بس 1861 شخص واصل للوطن يعني الحجي عن الزيادة بالاعداد و هاي السوالف ماكو بس اعلام و اشاعات اتوقع اشوف زيادات طفيفة بالاعداد يعني 600, 700 اعلي شي خلال الاشهر القادمة بس مو اكثر.
السؤال هو هل اسمي راح يكون من بين هاي الاسماء؟؟ يعني هيج عندي حظ و بخت و اسافر ما ادري؟؟ من جانو يكرفون بالعالم كرف بال 2009 و 2010 ما سافرت هس راح يكعد حظي و اسافر من صار السفر بالقطارة؟؟ هنا يكمن السؤال و فنه الي يجاوبني
على كوله المغني الي يكول ((( ماكوووول غير اللللللله الله يكون بعون كلل صابرين)))
