سؤال مهم عن حالة الموقع مال ال IOM

[غسان العبيدي]

اخواني واحبائي تحية طيبة لكم جميعا

اخوان اني قابلت محلفين ولله رالحمد يوم اول البارحة ودخلت كالعادة اجيك حالة الملف مالتي في موقع الاي او ام
لكيت مقابلة المحلفين صارت مكتمل جانت فعال طبعا
وحالة الكيس بانتظار النتيجة بس الفحص الطبي غير فعال

هذا ماذا يعني؟؟؟؟ غير المفروض حالة الفحص الطبي فعال تصير ؟؟؟ لو شنو تعني ؟؟؟ هواية من الاخوة قابلو محلفين وصارت حالة الفحص الطبي فعال وراها ؟؟؟

ارجو المساعدة

[ك ن م ك 1]

من يحطوك بجدول الفحص الطبي يصير فعال كلش عادي

[مايكل اندريه85]

up

[روزة اليرموك]

عادي اخوية لتقلق من يحطوك علجدول الفحص يلة يصير فعال وهمة اكيد عدهم زخم اني تقريبا شهر بعد المقابلة يلة دزوا علية علفحص الطبي وللاطمئنان اكثر دزلهم ايميل اسألهم عن حالة ملفك والفحص الطبي والله يسهلك ان شاء الله

[ابو ايمن المياحي]

up

[engineermech]

عادي جدا اخي من يحطوك بجدول يتغير الى فغال

[وردة الخليج]

up

[غسان العبيدي]

جماعة ال Up والجاوبو

رحم الله والديكم

[ام الهنا]

اخي غسان مبرووك مقابلة المحلف ، وان شاء الله تستلم موافقة المحلف والامنية سوة يوم السبت انت وكل المنتظرين ...
وبالنسبة للفحص الطبي في الغالب بعد استلام نتيجة المحلفين وبعدها تتغير حالة الملف بالموقع التعبان ...
وسؤال لو سمحت / مشاهداتك في المنظمة اكو مقابلات هواية لو شوية وخصوصا الملفات القديمة  اكو من القدماء ، اكو مواعيد سفر ؟
وبالتوفيق للجميع ...

ام الهنا

[غسان العبيدي]

جزاج الله خير اختي العزيزة ام الهنا

بالنسبة لسؤالج  اي شفت ويايه طبعا ناس ديقابلون بس قليل الصراحة يعني جنا 6 عوائل فقط وبس اني الجديد السنكل بيهم وكلهم قدامى يعني اكو ناس مقدمين من ال 2005 هاي اول مرة يطلبوهم مقابلة محلفين وتحولو اي او ام بال 2010

وهسه الي دا الاحظه سواء من عين كاوة او من رحت قابلت اكو الحاح على القدامى اكثر من الجدد بيهم طبعا جان اعادة محلفين وبصمات
وانتبهت على عائلة وحدة بس جانت جاية مقابلة اولى جدد

الله يسهل على الجميع بلكي وتفض علينه على خير وسلامه

[أبوعبدآلله]

اخواني واحبائي تحية طيبة لكم جميعا

اخوان اني قابلت محلفين ولله رالحمد يوم اول البارحة ودخلت كالعادة اجيك حالة الملف مالتي في موقع الاي او ام
لكيت مقابلة المحلفين صارت مكتمل جانت فعال طبعا
وحالة الكيس بانتظار النتيجة بس الفحص الطبي غير فعال

هذا ماذا يعني؟؟؟؟ غير المفروض حالة الفحص الطبي فعال تصير ؟؟؟ لو شنو تعني ؟؟؟ هواية من الاخوة قابلو محلفين وصارت حالة الفحص الطبي فعال وراها ؟؟؟

ارجو المساعدة

اخوية الورد الف مبروك و وبالنسبة للفحص الطبي من يوصلك السره همه يدزون عليك وبالتوفيق

[ام الهنا]

اشكرك اخي غسان على الرد ، كلامك وكلام بعض الاخوة هو شاهد على ان المقصود بالملفات القديمة يعني اللي متحولين توطين ومتأخرة مقابلاتهم ، اما احنه القدماء اللي مكملين كولشي اغلب الظن ننتظر اعادة كولشي !!!
الله كريم هو ينظر لحالنا ويسهل امورنا اجمعين ..
تحياتي لك ... وبالتوفيق ..

ام الهنا

[غسان العبيدي]

حبيبي ابو عبد الله الذهب تسلملي

الله كريم مظل شي على النتائج والله يفرجها على الجميع في كل مكان ويسهل امورنا جميعا
فصبر جميل...والله المستعان على ما تصفون

اختي ام الهنا ..... المبلل ما يخاف من المطر واحنا تبللنا بعد فنتوكل على الله وننتظر وان شا الله مبقى الا القليل

تحياتي للجميع