مخضرمين الاس اي في محتاج مساعدتكم

[Birch]

مساء الخير اخواني و اخواتي الاعزاء

اني قدمت اوراقي للنبراسكا قبل شهر و تم ارسال وصل الاستلام و بعدها تم قبول الطلب و انهم سوف يتصلون بي خلال شهر.تاكيد قبول الطلب قبل اسبوعين تقريبا.قبل يومين استلمت رسالة بس جتي على السبام من عنوان (siv_ope@iom.int), يطلبون من عندي تقديم الفورمات الخاصة SIV.

ممكن رجاءا تساعدوني بقراءة الرسالة و هل صحيح هذه الخطوة تعتبر ضمن برنامج SIV لو اني استلمت الرسالة بخطا؟


Dear Applicant,
 
IOM Amman has received your application for a Special Immigrant Visa (SIV) from the National Visa Center in the United States.
 
Please find attached the following documents:
 
1. Frequently Asked Questions (FAQs) regarding the SIV program
2. 17 Things You Need to Know About Resettlement (English and Arabic)
3. SIV Refugee Benefits Election Form
4. DS-234 Biodata Form
 
Please note that you need to send us the following documents:
 
1. After reading attachments 1 and 2 carefully, please decide if you would like to receive refugee benefits as part of your SIV processing and complete attachment #6 SIV Refugee Benefits Election Form, only for the principle applicant (PA), please make sure you choose only one of the two paragraphs in the form. Then send this document to us by e-mail in PDF file format.
*The Arabic version of this form is only sent to you as a sample, please do not fill it out, it’s only for your reference.
 
2. If you choose to receive the refugee benefits, then you must fill out a copy of attachment #4 DS-234 Biodata Form for each person in your case.  Return these documents to us by e-mail in PDF file format.
 
3. If you already have valid passports for yourself and others on your case, please send us copies.
 
*Please note that you can print out the attachments, fill them by hand and then send a scanned copy but please make sure the documents are sent in PDF file format.
4. Please be aware that SIV recipients may designate a resettlement preference if they have family or friends living in the United States. If you have a resettlement preference, please provide the full name, address, telephone number, email address and relationship for the individual(s) you desire to be resettled near. If more than one individual is provided, please indicate your order of preference. Please note that the individual(s) that you request to be resettled near must currently be living in the United States (not living or working overseas), and must be willing to discuss your case with a resettlement agency. Changing your resettlement preference later may delay your travel to the United States, and change requests received within 30 days of your visa expiration date will not be accommodated. Unless you are joining close family members, it may not be possible to honor your resettlement location preference. Please also inform us if you do not have any family or friends in the United States. If you do not have any family or friends in the US, your final destination will be determined by the resettlement agency.
If you have any questions, please do not hesitate to write to us at siv_ope@iom.int.
 
Regards,
 
IOM SIV Application
 
 
 
SIV Applicant

[*George*]

الله يساعدك
اي اخوية هاي الخطوة صحيحة وما بيها اي اشكال
تروح تطبع البنفت فورم وتمليها بس من يجيك الكيس نمبر الجديد وبالنسبة لل 234 هم تمليها وتدزها للاي او ام
الغرض من هاي الرسالة شغلتين
الاولى اذا انت تريد تستفاد من امكانية حصولك على مساعدات بخصوص نفقات تذاكر الطيران وتسكينك بشقة وباقي الملاعيب
الثانية هي تحديث او تأكيد معلومات عن طريق الفورم دي اس 234
جورج
 

[Aiham_]

احسب بعد اسبوعين او اقل يجيك موعد مقابلة ,,,, هاي الزبدة انطيتكياها

املي الفورمات الي دزولكياها و ابدي اشتغل بعدم المحكومية من هسة و ابدي ترجم المستمسكات مالتك
جنسية و شهادة الجنسية و طلع صورة قيد مترجمة
و من تحتاج مساعدة باي شي ان شاء الله ما اقصر وياك

[مــودي]

ولاتنسى مقر العدم محكومية صاير بالبلديات الامن العامة القديمة اخذ جوازك او نسخة ملونة منة..موفق ان شاء الله

[Birch]

شكرا اخواني و اخواتي الاعزاء و ممنون منكم هواي.

شكرا اختي العزيزة Star2000 و تسلمين يا وردة.

اخوية جورج الورد , بس حبيت استفسر منك شنو تقصد بالكيس نمبر الجديد؟ هو نفس الرقم الي بالوصل مالت الاستلام من قبل نبراسكا,الي يبدي Lin***-*** ,على ما اعتقد متكون من 12 رقم؟ ارجو توضيح هذه الفقرة؟ بالنسبة للبنفتس,شنو تنصحني اقدم على البنفتس لو لا؟

حبي ايهم متقصر و ممنون منك يا غالي. ايهم تقصد ان شاء الله بس ارسل للاوراق وراها باسبوعين مقابلة؟
ولو اتعبك بكل مرة, بس سولفلي على عدم المحكومية و الترجمة ؟ بالنسبة للصورة قيد 57,عندي وحدة مسويها ب2008 ,يعني قبل 4 سنوات.هسه اسوي وحدة جديدة لو ميحتاج؟ لانه قبل فترة صديقي كان مسوي وحدة ب2007 و يكلي ميصير لازم تسوي وحدة جديدة.بس هو شغلتة مو هجرة و انما دراسة (بعثة دراسية) .علما اني محافظات مو من بغداد.

اخي العزيز مودي العراقي تسلم و ممنون منك .

تحياتي

[مــودي]

اخي العزيز مودي العراقي تسلم و ممنون منك .

تدلل والله يسهل عليك

[*George*]

اخوية العزيز لا اغاتي راح يجيك رقم كيس جديد اذا انت بالعراق يبدي ب BGH واذا انت بغير دولة يجيك بحروف عاصمتها
فقرة لخ مرة لخ من ترسل رسالة الى الاي او ام او جماعه الاس اي في ضيفهم بالكونتاكت مالتك حتى ميروح الجواب مالتهم بالسبام مالتك وتضيع وقت او فرصة
تحياتي
جورج

[*George*]

اخوية هذا هم شرح يفيد باصدار العدم محكومية وصورة قيد الولادة والترجمة
للفائدة العامة سويتة فايل بس سويلة داونلود

[Birch]

شكرا اخي العزيز جورج على الاجابة و المساعدة.

اني بالعراق ,بس حبيت اعرف شوكت راح احصل الرقم الجديد,بعد ما ارسل الفرومات لو قبل لا ارسل الفورمات لازم عندي الرقم؟

بالنسبة للبنفتس,شنو للافضل اقدم عليها لو لا؟

[محارب]

طبعا اخي لازم تسوي البنفت

[Birch]

شكرا اخي كلش حباب على المساعدة و التوضيح.

شباب الفورم (DS-0234) و (BENEFITS), ارسلها على نفس الاميل الي استلمت بيه الفورمات و الي هو ((siv_ope@iom.int)) ؟

 لو ارسلها على (SIVNVC@STATE.GOV) مثل ما موضح على الفورمات؟؟ لانه للبعض يكول ارسلها على اميل ((siv_ope@iom.int)) , و التعليمات بالفورمات مكتوب على (SIVNVC@STATE.GOV) ؟ شنو هو الصحيح؟

[ابو ايمن المياحي]

للرفع والمساعدة

[Birch]

شكرا اخي العزيز ابو ايمن المياحي .

شباب وينكم يمعودين اعرف ضوجتكم بس يالله تحملوني 

[Aiham_]

اخوية العزيز دزهن على الايميلين
همة كايليلك دزهن على واحد بس انتة للتاكيد دزهن على الاثنين

[محارب]

up

[Birch]

شكرا اخواني ايهم و كلش حباب يسلمووووووووا.

لليوم استلمت اميل من NVC و مخلين cc للسوبرفايزر ,يطلبون من عندي ان املأ الفورم SD230 أو الفورم SD260 اولاين , وان ارسل نسخة من الوثائق  و ترجمتها وعدم محكومية لل NVC  بالاميل.

ممكن رجاءا توضحولي شنو بالضبط اسويه و ارسله الهم.و الشغلة الثانية اي فورم تنصحوني ارسل 230 لو 260؟

[Aiham_]

اخوية العزيز

1- الاستمارة 260 تمليها اونلاين , دز رسالة لجماعة ال ان في سي كلهم اريد البفنشري نمبر لان ما دازيلكيا همة اصلا و انتة تحتاجة حتة تمليها
2- الي تسوي كالتالي :
تسوي عدم محكومية
اذا متزوج اترجم عقد الزواج
ترجمة الجنسية و شهادة الجنسية
صورة قيد لغرض الترجمة الك و اذا متزوج لكل العائلة , و لعلمك اذا عندك اطفال لازم اطلعلهم جوازات لان صورة القيد يطلبوها
راح يجيك ايميل مال الفحص الطبي بعد كم يوم , تكمل الفحص بعيادة اور

[Birch]

شكرا اخي العزيز ايهم و تعبتك وياي و تسلم يا ورد.

اي صحيح للا أن ان في سي ما منطيني رقم بنفشري و ان شاء الله راح ارسلهم اميل اطلب رقم البنفشري نمبر.

بالنسبة للترجمة مالت الوثائق تحتاج تصديق لو لا؟ و بالنسبة للصورة قيد 57 ,عندي وحدة صادرة ب2008 بالعربي و الانكليزي و مصدقة؟ يقبلوها لو لازم اطلع وحدة جديدة؟

عدم المحكومية و الفحص الطبي لازم اكملهن قبل المقابلة لو بعدها؟

[Aiham_]

حبي بيرج , المقابلة تحصيل حاصل , كل الاوراق لازم تكملها قبل المقابلة
صورة قيد جديدة سوي
اي تصديق من الخارجية لاي وثيقة ما تحتاج , بس اترجمها و تختمها من المكتب مال الترجمة

[Birch]

اخي ايهم العزيز تسلم على الاجابة و التوضيح.

بالنسبة للعدم محكومية هم لازم اكملها قبل المقابلة؟

بالنسبة للصورة قيد 57 مراح يقبلونها لانه صادرة قبل 3 سنوات؟ تعتبر قديمة لو شنو؟

بالنسبة اليه لحد الان ممسوي لا عدم محكومية و ترجمة الوثائق. اقدم الفورمات دي اس و 234 و  260 اولاين لو انتظر لحد ما اكمل عدم المحكومية و ترجمة الوثائق وارسلهن سوية؟

اسف على الاطالة و تقبل تحياتي

[Birch]

Up

[*George*]

والله اخوية تريد نصيحه
كمل كل شي ودزهن دزة وحدة ليش تدوخ نفسك
تحياتي
جورج

[need justice 1]

اخي الغالي
الاخوان ما مقصرين ابد بالاجابة ولا يوجد عندي ما ازيد على ردودهم بارك الله بهم جميعا ...
انا مع رد جورج بوش
كمل كلشي ودزهن مرة وحدة وبملف بي دي اف واحد.
- العدم محكومية تحتاجها بالمقابلة
القيد 57 قبل 3 سنوات ما يصير تسوي واحد جديد لان بهالثلاث سنوات كلشي يتغير عندك فلا تخلي حجة تاخير على نفسك .
- الفورم 230 تاخذه وياك للمقابلة وهسه انته لازم تملي الفورم 260 وتدزه اونلاين
- حاول تسوي العدم محكومية قبل موعد المقابلة باسبوع او اسبوعين حتى لا تصير اكسباير وتكسب وقت
- ترجمة الوثائف وتصديقها مهم جدا فلا تتهاون وترجمها بمكتب قانوني والمترجم يزودك بكتاب موقع منه ومختوم بخنمه ويدرج بيه الوثائق الترجمها لك .ويكتب بيه انه مترجم قانوني ويخلي اسمه ورقم الرخصة ان وجدت ورقم تلفونه وايميله .
احترامي وبالتوفيق ومثل ما قلت لك الاخوان ابد ما قصروا بالاجابة الله يعطيهم الف عافية

[/size]

[Birch]

شكرا اخواني الاعزاء جورج و نيد جستس على الاجابة و المساعدة .

اني بصراحة حاليا مشغول بسبب ظروف خاصة و بالاضافة للوضعية شوية صعبة ببغداد بسبب اجتماع القمة ,فممكن اسوي عدم المحكومية و صورة القيد 57 بعد اسبوعين ؟ اقصد ماياثر على معالمة الاس اي في؟

وهل الممكن لصورة القيد 57 يسويها شخص نيابة عني لو الا اني احضر شخصيا؟

اسف على الاطالة و تقبلوا تحياتي

[*George*]

اخوية العزيز
بالنسبة لصورة القيد يكدر يواحد بمكانك يسويها شي عادي بس لازم يكون قريب منك يعني اخ اخت او اب من هذا القبيل
اذا حملت الملف الي اني خليت بردي سابقا راح تلاي بيه معلومات تفيدك شلون تطلع القيد 57  بسهولة ومتطول عندك اكثر من يومين
بس هاي الايام صعبة حيل بسبب الازدحامات وسدة الطرق في بغداد اذا انت من بغداد
تحياتي
جورج

[Birch]

شكرا اخي العزيز جورج على الاجابة .

و الله اخي اني اجلت الموضوع بعد اجتماع القمة بسبب الازدحامات و الطرق كلها مسددة .ان شاء الله بس خلي يخلص اجتماع القمة اني احاول اخلصها ان شاء الله.