تحذير لاهلنا العراقيين القاطنين في المملكة الاردنية

[Edy Simon]

تحذير لاهلنا العراقيين القاطنين في المملكة الاردنية

تحذير من قوات الامن العام :- الرجاء قراءته

 بينما كنت أقود سيارتي صباح الخميس ، رأيت مقعد رضيع للسياره على جانب الطريق ببطانية. لسبب ما ، لم أتوقف ، ولكن شغل تفكري الطفل على ذالك المقعد لكنه، وعندما وصلت إلى وجهتي ) اتصلت بالشرطة ولكن ، نصحتني الشرطة قبل ان يتوجهوا إلى هناك للتحقيق بأن أتوخى الحذر..فهناك عصابات ولصوص يخططون الآن على طرق مختلفة للحصول على أشخاص (معظمهم من النساء) لإيقاف سيارتهم والخروج من السيارة، فهناك عصابة ذكرتها الشرطة المحلية بأنهم يضعون مقعد سياره على جانب الطريق... مع دميه توهم الماره بأنه طفل لقيط تخلى عنه أهله! في انتظار إمرأه ، بطبيعة الحال ، للتوقف وإنقاذ هذا الطفل.

 وعندها يتم الضرب الاغتصاب والسرقه، وعادة ما تترك الضحيه مقتوله.
لذلك لا تتوقف لأي سبب!
بل أنقذ حياة غيرك بالاتصال على الشرطه!

 
ونصيحه إذا كنت تقود السيارة بالليل ، وتم رميك بالبيض على الزجاج الأمامي الخاص بك،
 لا تتوقف لفحص السيارة ، لا تشغل المساحات ولا ترش الماء

 لأن البيض الممزوج بالماء يصبح حليبي ويمنع الرؤية الخاصه بك حتى 95 ٪ و ثم يتم إرغامك على التوقف بجانب الطريق وتصبح ضحية لهؤلاء المجرمين.

 هذا هو الأسلوب الجديد الذي يستخدم من قبل العصابات

.

[Abnaa Al-Iraq]

شكراً اخي العزيز للتحذير ...

لكن الحمد لله هذه الاساليب بعيدة كل البعد في المملكة وصار سنين لم نسمع بوجود هكذا حوادث على الطرقات خصوصاً الطرقات العامة والتي تكون تحت الرقابة اولاً كذلك الشيء الثاني المجتمع الاردني مازال بعيد عن اساليب الغرب في عمليات الجريمة المنظمة .

[كلي امل]

شكرا ابوديانا علتحذير - كمت ارجف من الخوف

[messi10]

شكرا على التحذير اخوية العزيز و الله يحمي الجميع ...
اخوية ابناء العراق الواحد كلشي يتوقع و الأردن بيهه هواية اشياء تصير بس مو دائما انت تسمع بيهه صدكني مرة صارت كدام عمارتنه انو تم تسليب سيارة تكسي بس الي صار انو السارق طلع من فرع بسرعه بدون ما ينتبه عالطريق و جان يصطدم و اني كدامي شفت الهوسة, و بعدين اجه صاحب السيارة و الشرطة و اخذوه للسارق يعني هالاشياء موجودة بعمان بس الله يبعد الشر عن الجميع.
تحياتي

[bon]

يعني مع احترامي ل كاتب الموضوع صار 11 سنه مقيمين بالاردن وماكو هيجي شغله وثانيا هذا الموضوع  صار سنين يحاولون يحجون بي العراقيين ويروجون ل هاي الاشاعات الغير صحيحه

[كوكي 2004]

عاشت أيدك أبو ديانا
وبارك الله بيك على هالتنبيه
وفعلآ الحذر يغلب القدر
تحياتي

[سوسو اسو]

قبل مده قريت نفس هذا الحجي بس على اساس بالعراق مو بالاردن
ولو اساليب الاجرام بكل مكان

[santabanta]

والله حرمات حته فعل الخير راح يصير بيه تردد من وره المجرمين, حسبي الله ونعم الوكيل.

[الناسك]

العم جوسي سلمت يداك
((((ماكو زور يخلة من الواوية ))))
شكد اكره الاردن والاردنيين . واضيف اكره كل العرب همات
تحياتي

[إستقرار]

عاشت أيدك أبو ديانا
وبارك الله بيك على هالتنبيه
وفعلآ الحذر يغلب القدر
تحياتي

العفو . منو اليغلب اللاخ ؟ 

[A_FOX]

هذا تعميم عممته وزارة الداخليه العراقيه قبل شهرين
يعني الحدث في العراق وليس بالاردن ؟

[النسيم المهاجر]

[السلام عليكم


      الأمان بالاردن مليون %  لانه اكو شرفاء ديشتغلون صح  واذا الشخص هو ميورط نفسه بمشاكل او يدور شغلات مكسره محد يجي يمه وبكل مكان
       احترم تحترم .

      وملاحضه الاخ صحيحه اي حاله لاتدخل بشي مايخصك واذا ردة تساعد صح تخابر شرطه لانه هذا واجبهم ويهرفون شون يتصرفون ويحلون اي اشكال ممكن تدخل انته بموضوع ماعندك خبرة شون تحله وبدل ماتجي تكحلها تعميها  فنصيحه صحيحه الشرطه في خدمه الشعب .

                  النسيم الجاثم بسبب الامنيه r]

[Mr 122]

يعني مع احترامي ل كاتب الموضوع صار 11 سنه مقيمين بالاردن وماكو هيجي شغله وثانيا هذا الموضوع  صار سنين يحاولون يحجون بي العراقيين ويروجون ل هاي الاشاعات الغير صحيحه

+1

[ابن شط العرب]

الاخ ابو ديانا السلام عليكم
هذا الكلام لا اساس له من الصحة حيث مضى علينا اكثر من 6 سنوات هنا في الاردن لم نسمع او نرى او نقرأ عن مواضيع كهذه، من ناحية اخرى وللعلم فالمعارضة الاردنية وما يسمى بجماعة الحراك والجماعات الاسلامية على مقولة العراقيين ( كاعدين سجينة خاصرة ) لأي حدث صغير او كبير ليتهجموا على اجهزة الدولة بكل مرافقها ليثبتوا انها غير قادرة على تأدية واجبتها وخاصة الامنية منها، نعم هناك جريمة كأي بلد في العالم نقرأ ونسمع عن جريمة سرقة اوجرائم الاعتداء على المحال التجارية عند حدوث مشكلة بين اثنين كل واحد من عشيرة فيقوم سرسرية كل عشيرة بالاعتداء على ممتلكات العشيرة الاخرى وعلى ممتلكات الدولة وتتدخل قوات الدرك وتلقي القبض على مجموعة من هنا ومن هناك وتجتمع الشيوخ ومسؤولين من الدولة وتحل المشكلة عشائريا، بلد عشائري وتتلغب عليه العصيسة القبلية بس من تتدخل الدولة وتصير الحديدة حارة يقوم الكبار بتهدئة الوضع وحل المشكلة.
انا من الناس التي لا تحب الاردن او الاردنيين ولكن كلمة الحق يجب ان تقال.
ارجوا ان لا يسألني احد عن اسباب وجودي في الاردن ما دمت احمل لهم الكره فأقول ( اش صبرك على المر كال الأمر منة ).

[فارس العراق 90]

شكرا ابوديانا ع تحذير وبارك الله بيك اخويه العزيز

صحيح اخويه اكثر شي سرقه المرءه اهنا تمشي ويسحب الحقيبه من ايده وينهزم هاي سرقو بيه جارتي اردنيه

[**Sally**]

شكرا ابو ديانا عالتحذير 
رح اقفل الباب من هسه ههههه

[ــــ{{{ABADY}}}ـــــ]

ابو ديانا,,,,

الاردن من احسن دول العربيه فى الامن والامان,,, والامان هنا ما شاء الله


انا من قريت العنوان عبالى تحذير من منخفض قطبى قريبا

[espero]

شكرا على التحذير

[برنسيسة]

مشكور ابو ديانا على التحذير
دومك سباق لفعل الخير
بارك الله بيك

[amman76]

مشكور اخي على التحذير

ولكن لااعتقد بوجود هذا الشيء في الاردن

قبل فتره سمعت مثل هذا الشيء في العراق ونفس التحذير على الفيس بوك





تحياتي
المهندس