جماعة اعادة الفحص الطبي --شنو انتم !!!!!!!!!! غير مستعجلين

[علشحن]

  مساءاتكم فرح احبتي --اليوم أحــــــــــد اول الدوام بالاسبوع بما فيها العيادات الطبيه وبما ان اغلبنا قد وصله ايميل اعادة الفحص فتوجب الاتصال لغرض الحجز ---هسه انحول جلفي ----كلت خلي اخابر ب8 وي الدوام حتى احجز من وكت --اتصلت على عيادة اور طلعلي واحد كال اتفضل كتله عيوني عند اعادة فحص واريد احجز --كال عيني راح احجزلك على الخميس --كتله فدوه ليش مو باجر --كال والله العظيم ماكو مجال قبل ربع ساعه صار علينه هجوم مال حجز ومدا انلحك --كتله عمي على الخميس مو مشكله

[مرجانه]

 هههههههههههههههههه حلوة هاي مال هجوم ... بس خوش هجوم هذا .. الله يزيد ويبارك 

[Banjamen]

مو يطبقون المثل اليكول
الطائر المبكر يفوز بالدودة
يلة متعلمين ع المدافع عادي اخوية علشحن لا تضوج

[لويس_17]

حبي على شحن انيهم اتصلت على اور وا كالو الاحد الجاي لان عدنا زخم وراها اتصلت على عيادة اي او ام كلت بلكي  ما عليهم زخم اتصلت جان تطلع الموظفة كالت عادي تكدر باجر تسوي فحص بس يكلفلك 240 دولار كتلها ليش؟ كالت 170 دولار فحص او 70 دولار مطاعيم دوائية اني كبل فريت ويل على اور اورجع خابرتهم كتلهم اشكد اجورالفحص كال 160 دولار مو 170 كتله بيها مجال اتقدم يوم قيب الخميس كال احاول المهم  اذا رهمت على خميس اكيد راح نلتقي اخويه
تحياتي

[علشحن]

ربي يسهل امور الجميع وتفرج عليكم

  حبيبي لويس زين لحكت لان صديقي خابر الظهر شمروه على الشهر الرابع

[*George*]

السلام عليكم
شباب اريد العنوان المضبوط مال عيادة اور
رحمة لوالديكم
جورج

[علشحن]

السلام عليكم
شباب اريد العنوان المضبوط مال عيادة اور
رحمة لوالديكم
جورج

  حبيبي جورج بوش بكل الاحوال تأخذ تاكسي على العنوان اللي دازيلكياه كراده مسبح قرب السفاره الالمانيه القديم وهناك تنزل وخابرهم وهمه يوصفولك ماكو غير طريقه وياريت اذا احد الاخوان عنده الوصف الدقيق يدزه الك على الخاص او النه مو ظاهري --محبتي

[Lord of Pain]

السلام عليكم
 اخوان بدون زحمة انتم وصلكم ايميل اعادة فحص لو اتصال هاتفي لان اني من حماعة المغضوب عليهم 2010 ولحد الان ماكو شي
وهل اكو واحد بيكم من اللي مقابلين سنة 2010 مع الشكر والتقدير

[ابو ايمن المياحي]

خميس سبت احد عادي المهم الفكرة 

[علشحن]

السلام عليكم
 اخوان بدون زحمة انتم وصلكم ايميل اعادة فحص لو اتصال هاتفي لان اني من حماعة المغضوب عليهم 2010 ولحد الان ماكو شي
وهل اكو واحد بيكم من اللي مقابلين سنة 2010 مع الشكر والتقدير

   أخي لورد الجميع وصلهم ايميل وهذه الوجبه الاخيره اللي نشرت في موقع عين كاوه جميعهم ممن قابلوا في الشهر الثالث من عام 2011 وبنفس الوقت هناك الكثير من الاخوه من جماعة 2010 مازالو بالانتظار ---حاول ان تستخرج عدم محكوميه وتجعلها جاهزه عندك لانهم سيطلبونها منكم في حال تقرر اعادة الفحص لان جماعة 2010 مضى على انتظارهم 15 شهر يعني العدم محكوميه ايضا اكسباير ---محبتي

[محارب]

up

[Lord of Pain]

اخي العزيز
اني طلعت عدم محكومية جديدة قبل اربعة اشهر بتاريخ 26-9-2011 فهل تعتقد هاي كافية لو احتاج اطلع وحدة جديدة بتاريخ قريب
مع الشكر والتقدير

[علشحن]

خميس سبت احد عادي المهم الفكرة 

   ابو ايمــــــــن ليش هو وين اكو ضمانه بالعراق هناك وكطعوا الطرق وسدو الدرابين ----اليوم بلغوا الدوائر الحكوميه بايقاف الدوام الرسمي اعتبار من يوم الاحد حتى 1 نيسان

[علشحن]

اخي العزيز
اني طلعت عدم محكومية جديدة قبل اربعة اشهر بتاريخ 26-9-2011 فهل تعتقد هاي كافية لو احتاج اطلع وحدة جديدة بتاريخ قريب
مع الشكر والتقدير

   نكول انشا الله كافيه --حقيقة مااعرف بس خلي يجي الموعد وكلشي يهون

[Aiham_]

جورج حبي خابرني و اني ادليك