خابروني قبل ربع ساعة على موعد فحص طبي

[الحـلم الوردي]

اخواني قبل ربع ساعة خابرني ولد من الاي او ام ( رقمه اثير ) وبلغني على موعد الفحص الطبي ( قريب جدا ) اعذروني ما اكدر اطيكم الموعد

بالضبط لاسباب امنية .  وطبعا بمستشفى ابن البيطار ...

اني مقابل اولى قبل شهر ... رقم الكيس iz 123xxx  مقدم في شهر ( 11 ) 2010 .... حبيت انقل الخبر حتى ايكون اكو امل للمنتظرين

تحياتي

[الحـلم الوردي]

بس اخواني اذا تكدرون تطوني تفاصيل عن مكان ابن البيطار لان اني محافظات ... ارجو الرد منكم اخواني ..

[كلي امل]

يا الله بلتوفيق

[محمد الحسني]

مبروك عليك الفحص وان شاء الله يوم موعد السفر اخي العزيز اذا انت من المحافظات الجنوبيه فاكيد راح توصل للعلاوي ومن هناك تركب اي تكسي وتكله لمستشفى ابن البيطار 3 الاف دينار لانه كلش قريب ارجو ان تكون استفدت من جوابي

[صفاء الصحفي]

 الاخ العزيز \ الحلم الوردي \ 1000  مبروك ويارب السفر القريب \  اخي مستشفى ابن البيطار قريبة على كراج العلاوي  \ اخوك صفاء الصحفي

[مراد البغدادي]

السلام عليكم اخونا مبروك وانشاء الله السفر القريب بالبدايه انصحك تجي قبل يوم من الفحص تبات في بغداد احسن كلشي يصير وثاني شي ابن البيطار قريب العلاوي توصل قبل 9 تكعد بالباب بعدها تشوف الموظف تنطي اسمك وجنسيتك وتدخل الفحص يتضمن طول وزن نظر دم واشعه واي سؤال بالخدمه

[شموسه123]

مبروك اخي وربي يوفقك

[@المهندس@]

السلام عليكم..
بداية ألف مبروك أخي الكريم وياربي يوم سفرك ووصولك بالسلامة
 سأجاوب على بعض الأستفسارات الي تدور في بالك على شكل سؤال وجواب...وللعلم هذه وجدتها في مكان أخر ولكني أضفت بعض التعديلات عليها...وبالتوفيق مقدمآ..
1-   اين يقع مكان المستشفى ( أبن البيطار) بالتفصيل ؟
ج/يقع في منطقة الصالحية/شارع مكاتب السفر...إذا نزلت بكراج العلاوي أخذ تكسي ب3000 دينار..وإذا حظرتك من المحافظات الي ينزلون بكراج النهظة فتكون التكسي ب 8000 دينار.
2-إذا كان الفحص مكون من  فحصين فهل كلاهما في  المستشفى  أم ماذا؟
ج/ الفحص الأول صباحآ ويكون في مستشفى أبن البيطار,,,وأما الفحص الثاني فيكون في مختبر يقع في الحارثية-شارع الكندي خلف العيادات الطبية وأسم المختبر (مختبر أبن البيطار) كل شخص بشارع الكندي يندله وبسهوله.

3- ما هي المدة بين الفحص الاول والثاني ؟
ج- المده يومين لانه فحص الدم يتطلب هذا  الوقت كي يتأكدوا من خلو الشخص من مرض الايدز لاسامح ألله.

4- هل يتم تحديد ساعة معينة للفحص ؟ ام يمكن الحضور في اي وقت ؟  مثلا بدلا من ال8 صباحا نحضر بال 10 صباحا أو وقت أخر مثلآ؟
ج/يجب الالتزام بالموعد ..لانه انت مثلا محديديلك الساعه 8  ممكن اكو وجبه وراك محديديلهم الساعه10 بس فحصهم يختلف عنك  يجوز كايليلهم فحص سريري..فلذلك ألتزم بالموعدوفي الوقت المحدد ومن ألله التوفيق.
5- هل يمكن اجراء الفحصين في يوم واحد ؟؟
ج/ لا....وكما ذكرنا سابقآ بأن فحص الدم يتطلب فترة يومين.

6-هل سيتواجد موضف من ال IOM   في المستشفى لترتيب اجراءات الفحص ام لا ؟
ج/يوجد بالاستعلامات موضف خاص عنده قائمه بالاسماء راح ياخذ جنسيتك ويأشر على اسمك وياخذكم للفحص وكلهه تسهل بإذن ألله

[الحـلم الوردي]

 شكرا جزيلا اخواني على الردود الوافية وما اعرف شلون اجازيكم بس مو غريبة على اعضاء عينكاوا ...  شكرا جزيلا لكم

[الروح المجروحة]

الله ذكرتني بأيام الحلم الوردي من قابلت وفحصت اتمنالك السفر السريع وما تنشتل مثلي

[A_FOX]

اخي مساء الخير
الفحص بابن البيطار لا حارثيه ولا جادريه  هاي اولا
ثانيا الفحص ينتهي كله بنفس اليوم وبنفس المكان
تحياتي

[الحـلم الوردي]

 شكرا اخي فوكس على المعلومات .....

الاخ الروح المجروحة شكرا لك بس ما عرفت انت هسة وين بامريكا لو بعدك بالعراق العظيم ......  تحياتي

[storm2000]

اخي مساء الخير
الفحص بابن البيطار لا حارثيه ولا جادريه  هاي اولا
ثانيا الفحص ينتهي كله بنفس اليوم وبنفس المكان
تحياتي

كلامك دقيق 100% لان اني هم جاني موعد فحص وسألت لموظف الي خابرني لان اني هم من المحافظات كوتله جم يوم الفحص بلغني ايطول 3-4 ساعات فقط وهذا الحجي اليوم
بالموفقية

[برنسو]

الف مبروك اخوية العزيز.........

[فارس العراق 90]

الف مبروك اخوية العزيز......... انشاء الله يوم السفر

[المسافرة]

الف مبروك وان شاء الله موعد سفر قريب بأذن الله
بالتوفيق

[روزة اليرموك]

الف مبروك وبالتوفيق ان شاء الله

[jack black]

                         مبروك للفحص وانشالله السفر القريب ومبروك لستورم 2000 

[الناسك]

اخواني قبل ربع ساعة خابرني ولد من الاي او ام ( رقمه اثير ) وبلغني على موعد الفحص الطبي ( قريب جدا ) اعذروني ما اكدر اطيكم الموعد

بالضبط لاسباب امنية .  وطبعا بمستشفى ابن البيطار ...

اني مقابل اولى قبل شهر ... رقم الكيس iz 123xxx  مقدم في شهر ( 11 ) 2010 .... حبيت انقل الخبر حتى ايكون اكو امل للمنتظرين

تحياتي

بالخير عليك اخوية
بس هية مو فد معلومة امنية تستاهل ان تخفي يوم الفحص
لأن العشرات يومياً من اعضاء المنتدى ومن غيرهم يفحصون بابان البيطار وعيادة اور ... يعني منو الي راح ينتظرك او يشخصك كدام المستشفى خصوصاً اذا كان الفحص يومي ومستمر ... اني بالنسبة الي عدت الفحص مؤخراً يوم 12-3 وكان اكو ناس كثيرين وياية وخلي اضحكك حتى ابو التكي الي وصلني كال عدكم فحص مال هجرة .... ههههههههههههههههههههه
تحياتي واتمنى لك التوفيق
اخوك الناسك

[s350thebest]

خير انشاء الله.

[lord.baghdad]

مبروك وبالتوفيق والسفر العاجل

[Aiham_]

نصيحة زغيرة

اذا انتة محافظة بعيدة , تعال قبل يوم من الفحص و بات بفندق بالسعدون و الصبح اطلع افحص

اذا انتة بمحافظة قريبة اطلع بال 4 الصبح لان الطرق ب بغداد الصبح تلعب مليون نفس ,,, خصوصا اذا جان طريقك يمر بساحة قحطان ( مستشفى اليرموك - الحارثية - الزوراء )

[ابو ايمن المياحي]

الف مبروك اعادة الفحص عالاقل انو همة ما ناسيك