اخواني العراقيين في مصر ...والمصريين ايضا..
بعد ستة سنوات هجرة من العراق الى سوريا ونتيجة هذا الذي يحدث قررنا الهجرة مرة اخرى وهذه المرة الى (مصر)ونحن عائلة خمسة ا ا
افرادوننتظر مقابلة الوفد الامريكي للهجرة ويبدو ان الوفد زعلان ولن يصل ..
انا لااعرف مصر ولااحد اعرفه فيها ..جئتكم واملي كبير بالنخوة والطيبة التي تحملونها بقلوبكم وان تجاوبوني على مااريد وان
ترشدوني كل على قدر مايعرف وادعوا الله لكم الف الف خير وان يسهل كل اموركم وينهي معاناتكم على كل خير..
1-في اي منطقة يسكن العراقيين وماهي المناطق الملائمة
2-اين يقع موقع الا..يو أن
هل هناك مساعدات
3-ماهي اسعار الشقق
4-ماهو وضع المدارس
5-ماهي المدة بين التقديم على اليو ان وبين فبولك كلاجئ
6-مبلغ 500دولار كافية لنا شهريا؟؟
وكل ماتعرفونه به فائدة ارجوكم بلغوني به ..ولكم مني الف شكر
هلا بيك اخي العزيز راح اجاوبك بحسب تسلسل اسالتك على كد ما اعرف باعتباري من اللي ساكنين بمصر
1- العراقيين ساكنين باكثر من منطقة كلمن حسب قدرته المادية بس اكثرهم بمنطقة 6 اكتوبر وللعلم هاي المنطقة صايرة على اطراف القاهرة وكانت جزء من القاهرة بس اخر وكت اعتبروها محافظة مستقلة عن القاهرة
2- موقع اليو ان يقع في منطقة 6 اكتوبر
3- ماكو مساعدات غير بس ادوية الامراض المزمنة تنطيها جمعية كرتاس وبحدود مبلغ معين يعني اذا ادويتك غالية انت تشتري الباقي والادوية هنا غالية لان غير مدعومة من الدولة واكو ناس مخصصيلهم راتب شهري من كرتاس اذا شافوه مريض ومحتاج وفي احسن الاحوال ميتجاوز ال 400 جنيه شهريا علما بانه يزيد وينقص بحسب موارد المنظمة وهالايام توزيع هاي الرواتب متوقف لان اكو تحقيق ويا جمعية كرتاس ومسدودة
4- اسعار الشقق الفارغة حسب المنطقة تتراوح من ورقة ببعض المناطق الشعبية او المناطق اللي تقع على اطراف القاهرة وتصل الى 3 اوراق او اكثر في المناطق الارقى اما الشقق المفروشة فاضربها في ثنين او تلاثة اقل شي
5- المدارس الحكومية هنا متقبل الطلاب العراقيين لازم تسجلهم بمدارس اهلية اما اسعارها فتعذرني ما اعرفها لان ماعدنا اطفال وطبعا كلها تدريس خصوصي والا ابنك مينجح
6- اما مدة قبول التوطين فحدث ولا حرج الاجراءات هنا بطيئة كلش احنا شخصيا مسجلين على اليو ان من ال2006 وبال2010 يلا اتحولنا على التوطين واكو ناس اطول وناس اقل كل واحد حسب حظه وقسمته
واي سؤال اخر اكدر اجاوبك عليه اني حاظر
تحياتي
