الفحص الطبي صار فعال بعد مجان غير فعال في موقع IOM

[غسان العبيدي]

اخواني الاعزاء

بعد ثمانية ايام ولله الحمدمن مقابلة المحلفين قررت اليوم ادخل على الموقع كما جرت العادة ....فشفت الفحص الطبي فعال ولله الحمد وكان البارحة غير فعال

الحمد لله هل يعني هذا انو موافقة محلف؟؟؟؟؟ لو شنو؟؟؟؟

تحياتي والموافقة للجميع علما اني منتظر النتائج يوم 24/3/2012 من جماعة عمان

[ابو ايمن المياحي]

تترك لعلماء وخبراء الموقع

[ام الهنا]

اخي غسان ان شاء الله تعالى يتصلون بيك عالفحص الطبي ، وللمنظمة معايير  بالعمل لا يفهمها احد بالتعامل مع الملفات ، قسم من الاشخاص يسوون الفحص الطبي قبل نتيجة المحلف وقسم بعد النتيجة ، وما اريد اسبب لك قلق قسم يسوون الفحص ويجيهم تأجيل وهذه حالات قليلة وتكون سببها ( خربطة) من المنظمة في تحديد مواعيد الفحص .
واكو حالات مرضية يسوون الدورة التثقيفية قبل استلام نتيجة المحلفين وحصلت مع سيدة مريضة عافاكم الله وحضرت الدورة يوم 20/3/2011 ( في مثل هذا اليوم   ) والمفروض تستلم نتيجة المحلفين يوم 26/3/2011 ، وسافرت شهر 7/2011 بالسلامة .
وان شاء الله تعالى تستلم موافقة المحلف والامنية مع بعض انت وكل المنتظرين ...
وبالتوفيق للجميع ...

ام الهنا

[غسان العبيدي]

الله يبارك بيكم جميعا وشكرا على الاجابة اخوان

بس الحمد لله بس التاجيل ليش يسووله فحص هذا السؤال

مع التحية

[ام الهنا]

الله يبارك بيكم جميعا وشكرا على الاجابة اخوان

بس الحمد لله بس التاجيل ليش يسووله فحص هذا السؤال

مع التحية

اخي غسان هاي خربطة من المنظمة وصارت مع احد الاعضاء على ما اعتقد والدته سوت الفحص الطبي والمفروض تستلم النتيجة يوم السبت لكن بلغوهه بالتأجيل ، المفروض اكو آلية بالعمل يسلمون النتيجة ثم الفحص ، الا في حالات نادرة وغالبا ما تكون مرضية ويستعجلون بالاجراءات .
وربي يسهل اموركم وكلكم تستلمون يوم السبت موافقات .

ام الهنا

[غسان العبيدي]

على كلا اختي ام الهنا اني ممخابريني على فحص لحد الان

الله يسهل على الجميع

[روزة اليرموك]

مرحبا اخي غسان العبيدي مبروك علتحويل الفحص الطبي الى فعال معناهة انت علجدول الفحص الطبي وان شاء الله نستلم الموافقة يوم 24-3

[غسان العبيدي]

تسلمين اخت روزة
ان شا الله الموافقة للجميع

اخت روزة ردت اسالج شنو اجراءات الفحص الطبي يعني شسوولكم شكد طولتي شسوين اول مرة ارجو ان تشرحيلي بالتفصيل ان امكن انت والاخوة

تحياتي

[البغدادية2]

اخي غسان هسه يتصلون بيك على الفحص الطبي مثل مصار ويانه

[غسان العبيدي]

زين شنو الاجراءات بغدادية2؟؟؟؟ شسوولكم شكد طولتو؟؟

وعندي سؤال مهم انتو حالة الملف اول شي بالموقع شنو؟؟؟؟؟؟ بانتظار النتيجة لو فعال لوشنو؟؟؟؟

[s350thebest]

مبروك وانشاء الله السفر القريب جميعا.

[البغدادية2]

زين شنو الاجراءات بغدادية2؟؟؟؟ شسوولكم شكد طولتو؟؟

وعندي سؤال مهم انتو حالة الملف اول شي بالموقع شنو؟؟؟؟؟؟ بانتظار النتيجة لو فعال لوشنو؟؟؟؟

هسه يتصلون بيك وينطوك موعد للفحص  الطبي لان احنا من كناانطب على موقع مكتوب مكتمل مره طبينه عن طريق الصدفه لكينا فعال بالظبط ورا يوم اتصلوا بينا ونفس الشي صار ويا جماعه اصدقاء من يصير فعال انتظر منهم تلفون احنا اعادة الفحص بس اريد اكلك فدشي الفحص الطبي موشرط انو قبل محلف ورا محلف احنا اول مره من سوينا الفحص ورا ثمانية ايام من مقابلة المحلف هذا مو يعني مواقفه نهائيه لا طبعا هو المحلف صحيح ينطي خلي انكول 50 بالميه اذا اقتنع بالقصه بس تبقى الامنيه هي الطامه الكبرى والله يااخويه زوجي في مقابلة المحلف اثناء توقيعنا على اوراق كال بعيني اني شفت الموافقه مال المحلف ورا شهرين يلا دزوها باايميل النا انت مامستلم نتجة محلف مو اخي ؟؟؟؟

[غسان العبيدي]

لا ممستلم بس النتيجة على يوم السبت الجاي بلكي

احنا جماعة الاردن وانت من بلد مقدمة؟

[فارس العراق 90]

بلخير عليك موفق ومقبول انشاء الله

[روزة اليرموك]

اخي غسان بالنسبة للفحص الطبي من يخابروك ان شاء الله اطلع من وكت يعني قبل الساعة 8 حاول تكون اهناك لان راح تلكة ورقة ياهو اليجي يكتب اسمة بيهة وعلى اساسة اتكون الاسبقية بالفحص يعني بالسرة فكلما من وكت كلما خلصت اجراءات الفحص من وكت وهية عبارة عن اشعة للصدر حتى يتاكدون من عدم الاصابة بمرض السل (الله ليكولهة) وبعدين فحص الدم (للتاكد من عدم الاصابة بمرض السفلس)وبعدين اخذ الطول والوزن وفحص بصر ويسؤلك اذا عندك امراض مزمنة وغيرها وبعدين الفحص السريري وهاهية وبالتوفيق ان شاء الله واسفة عالاطالة

[espero]

مبروك ان شاء الله الفحص والموافقة

[البغدادية2]

لا ممستلم بس النتيجة على يوم السبت الجاي بلكي

احنا جماعة الاردن وانت من بلد مقدمة؟

لا ابويه ترا احنا من بغداد واني مااعرف اهل الاردن شنو اجرائتهم لان تختلف انشاالله اهل عمان ميقصرون وياك وافضل شخص هو الاخ عبادي حاول تكتبلا على الخاص وهو يفهمك

[روزة اليرموك]

up

[lord.baghdad]

المهم اكو تغيير ومتابعة لحالة الملف هذا شي كلش زين والحمد لله

حسب معلوماتي انو هم دا يحظرون حتى يصير الملف بجداول الفحص الطبي

ان شاء الله خير

تحياتي

[غسان العبيدي]

حبيبي لورد اليوم خابروني وكالولي عندك فحص باجر
اذا الموقع مو كذب والموقع مضبوط وهاي اني شخصيا ثاني مرة تضبط ويايه مرة الاولى جانت على المحلفين صار فعال ورا يومين خابروني
وهسه الفحص الطبي

الله يفرجها على الكل

[ankawa_2010]

اني هم اليوم تغير حالة الملف مالتي
بالنسبة للفحص الطبي كان فعال واليوم صار مكتمل
علما اني عايد الفحص الطبي بعد مرور سنة
وكان اعادة الفحص يوم 5-3
واني من جماعة سورية محلفين شهر الثاني 2011