لم يمضي اسبوع علي هنا في امريكا وبدات افهم بعض الامور واريد افيد اخواني بالمنتدى
الوضع والحياة الجديدة في امريكا للوافد الجديد قد تختلف اختلاف واسع من حيث كونها ممتازة او محبطة وهناك اسباب اختصر اهمها بالاتي
1-التوفيق الالهي
2-الولاية ,بعض الولايات ممتازة للعائلة من حيث المجتمع والكثافة السكانية والتعامل مع الاجئين الجدد والجو وبعض الولايات تكون غير منسبة للعيش حيث ان امريكا تتكون من خمسين ولاية وفي كل واحدة خصوصية مختلفة,وبعض الولايات كلهة مشاكل
3-المنظمة , لها دور اساسي و محوري في حياة القادم الجديد لا تستغربون من تسمعون اكو منظمات حرامية وسيئة و مهملة يعني اتخيل انت بامريكا جديد والنظمة تاخذك بنفسهة و تعرف على المدينة و تنجز معاملاتك وهناك منظمات انطت لكل لاجئ صحن م وملعقة و اداروا ظهورهم عنه
4-وجود منظمات وكنائس داعمة للاجئ ,اذا موجودة الاجئ او المهاجر يدللو يعني اتصورو اكو منظمات داعمة تنطي سيارات هدية للعائلات الجديدية وصديقي سنكل في ساوث كارولينا انطو باسيكل وسيارة
5- وجود العراقيين الداعمين للقادم الجديد,بعض العراقيين بامريكا ناس اشراف نصحون وينطوك نصائح ما تعرف عنهة لو اتضل سنوات ويدلوك بالستورات الرخيصة ويتبنوك ويساعدوك ويوصلوك بالسيارة واكثر من ما تتوقع من اقاربك ,وطبعا اكو عراقيين بالغربة يأثرون عليك تأثير سلبي
6- وجود معارف واصدقاء امريكان ,دورهم اساسي وتأثيرهم الايجابي على حياتك وسوف يتفانون لاجلك وقد يوفرون عمل لك
7- الوضع الاقتصادي للولاية
8- الزوجة المدبرة الصبورة المساندة لزوجها
9-معرفة كيف تتعامل مع الامريكان و طريقة تفكيرهم
10- الادمان على موقع عينكاوا لمعرفة الكثير من المعلومات
لا تستغربون اذا سمعتو عراقيين يسبون بامريكا او ناس رجعو للعراق وناس فشلو هاي اتصير كلش هواي
اكو ولايات ايجار الشقة 500 دولار شهريا ونفس الشقة في مكان اخر 1200 دولار وما بيهة شغل
اني ما اعرف العراقيين شعاجبهم بمشيغان او كاليفورنيا ؟؟؟؟؟لان كل عناصر الفشل موجودة بهكذا اماكن
ما زلت لا املك نت بشقتي المؤثثة بالكامل الجديدة ذات التلفزيون ال سي دي التوشيبا الخرافي اللي انطونيا ببلاش وما ازلت استخدم النت بالشارع على النهر قربي تحت اشجار الورد والحور والصمغ الحلو والدردار وفيها طائر احمر يغرد اسمة الكاردينال والاوز في النهر يسبح ولكن لا يمكنني الا ان اصلي لله شكرا واتمنى من كل العراقيين الطيبين ان يوفقوا هنا في امريكا
وارجع واككر اذا اجيتو الى امريكا ممكن ان تكون امريكا على غير ما توقعتم ....ممكن ان تكون قاسية ومقرفة وصاخبة وحاقدة وتلعنون اليوم الي شفتوهة بي ولكن بسبب النقطة الاولى التي اسلفتها فامريكا التي استقبلتني وعائلتي كريمة و لطيفة وحلوة (ونسوانهة صاكة )بس لا زوجتي تقرا الفقرة الاخيرة من المقال!!!!!!!!!!!
وللحديث بقية
