الحمد لله قابلت مقابلة اولى و حصلت قبول - تركيا

[black sword]

السلام عليكم و رحمة الله و بركاته
اخوتي و اخواتي الاعزاء  في  عين كاوة  حبيت ابشركم
الحمد لله قابلت اني و عائلتي مقابلة اولى بتركيا و حصلنا على القبول ( الفسفورة ) بيوم 21-4 
موعد التقديم جان ب شهر ال 12 سنة 2011 و  انطونة موعد بشهر السابع و قربوه الى شهر ال3 و يعني قابلنا بعد 3 اشهر و 21 يوم من يوم التقديم
و عراقيين ما شاء الله كومــــة جانوا عدهم مقابلة اولى و الحمد لله هواية ناس اخذوا فسفورة يعني من ضمنهم عزاب و عوائل من بغداد و غيرهم
و للعلم دينطون مواعيد مقابلة اولى بعد 3 اشهر فقط يعني تقريبا متحسنة المواعيد مو مثل قبل

و بس حبيت اكوللكم و بالتوفيق للجميع

[كلي امل]

بلتوفيق ياورد

[المسافرة]

الف مبروك وان شاء الله موفق
تحياتي

[ابو سميره]

الف الف مبروك ربي يسهله عليكم انشاء الله

تحياتي

[روزة اليرموك]

الف مبروك اخي وبالتوفيق ان شاء الله بس ممكن تفهمنا شنو هاي الفسفورة وانت قابلت مقابلت توطين لو شنو 

[black sword]

الف مبروك اخي وبالتوفيق ان شاء الله بس ممكن تفهمنا شنو هاي الفسفورة وانت قابلت مقابلت توطين لو شنو 

اخي العزيز الفسفورة معناها تم القبول كلاجئ
لا الاستيطان بعد فترة

[engineermech]

الف مبروك اخي ان شاء يوم تحص الموافقة على التوطين بس شنو هذه السيف الاسود يغني اكو سيف اسود هههههههههههههه

[سأحقق ذاتي]

الحمد لله اخي والف مبروك خلصت من هاي المرحلة بالتوفيق ان شاء الله

[فارس العراق 90]

الف مبروك اخي وبالتوفيق ان شاء الله

[احمدمالك]

الف مبروك وان شاء الله موفق

[خولة بنت الأزور]

الف مبروك اخوية black sword  والله يتتم لكم على خير

[foxsingluser]

الف مبروك ان شاء يوم ال ✈✈✈✈✈✈

[lord.baghdad]

الف مبروووك حبي وبالتوفيق و زين مسريعن الاجراءات لان جانت قبل الفسفورة ينطوها ورة المقابلة الاولى بفترة يعني شهر الى شهرين هذا الحجي صديقي كالي علية قبل سنة تقريبا لان هو مقدم من تركيا وقابل بشهر ال 4 2011 و استلم الفسفورة بشهر ال 7 من نفس السنة بالتوفيق اخوية


تحياتي

[زرزور بغداد]

ألف مبروك وأنشاء ألله يوم السفر وتفرحون

[black sword]

شكرا اخواني و اخواتي
و ان شاء الله يوم سفركم شلللـــــــع
و بالتوفيق للجميع

[نداوي79]

عل الخير ان شالله تكمل كل المقابلات وتسافر

[alzandawi]

على الخير ويارب يوفقك بلخطوات الجاية

[*iskender*]

الف مبروك احمد الغالي

[black sword]

شكرااااا يا غوالي
و ان شاء الله التوفيق للجميع

[zaenab]

للاسف احنا عدنا جماعه ولد بتركيا قابل هم مثلك خويه بشهر الثالث وانطوه موعد ثاني
شهر 3 سنه2013 يعني بعد سسسسسسسسسسسسسسسنه ؟؟!!
وكانت صدمه كبرى والكل يحجي بيها وطبعا بدون فسفورة واذا واحد يقدر يشرح لي الله يجزيه الخير
ومبروك اخي ان شاء الله يوم السفر

[black sword]

اختي العزيزة  الموعد كلش بعــــــــــــــــــــــــــــــــيد بس هذولة اعتقد الولد اعرفهم  و بنفس محافظتي بس ذولة شغتلهم خااصة و يجوز يقربوه محد يعرف !! و ان شاء الله يقربوه و التوفيق للجميع

[امير العراقي]

السلام عليكم اخوان

شنو قصه تركيا صار بيه هواي عراقيين اكثر من عمان اشو كله ده تروح لتركيا زين ليش هاي المواعيد الطويلة لعد شنو يكولون تركيا اسرع اذا بس الموعد 6 اشهر المهم مبروك اخوية ولله يسهل للعراقيين

[hon]

تركيا في كل الاحوال هي الاحسن من غيرها بس طبعا التاخير من ورة الزخم وهذه حالة طبيعية كما في السنة الي جنت بيها ابتركيا هذا اولا وثانيا
هناك بعض الاشخاص ياخرون سواء في اليو ان او في المقابلة الثانية والثالثة  او حتى بعد الفحوصات بانتظار الطيران ولا اعرف السبب بالظبط ولكنها حالات قليلة ثم ان لكل شخص او عائلة اسبابها لا يجب ربطها ببقية الناس وهذه نقطة مهمة يجب ان ياخذها مقدم اللجوء

[black sword]

السلام عليكم اخوان

شنو قصه تركيا صار بيه هواي عراقيين اكثر من عمان اشو كله ده تروح لتركيا زين ليش هاي المواعيد الطويلة لعد شنو يكولون تركيا اسرع اذا بس الموعد 6 اشهر المهم مبروك اخوية ولله يسهل للعراقيين

اخي العزيز صح تركيا اسرع دولة و احسن دولة بس ينطون مواعيد بعيدة و ورة فترة يخابرون يقربون و هذا الشي صار وياية و وية كشو عراقي ديوصل
ينطون موعد بعيــــــــد و يقربوه

شكرا