هذا الموضوع منقول حرفيا من أحد الردود السابقةو أعتقد إيفيدك
بداية التقديم على برنامج الهجرة الخاصة SIV
المرحلة الاولى :
1- ارسال رسالة على البريد الالكتروني التالي
IraqSIVApplication@state.gov تشرح بيها بايجاز طبيعة عملك مع الحكومة الامريكية كأن تكون مترجم مع الجيش عن طريق ال GLS او تايتن او غيرها او مع شركة امريكية متعاقدة مع الحكومة الامريكية للعمل بالعراق على ان لا تقل فترة عملك معهم لمدة 12 شهر ( سنة كاملة ) وتكتب بالرسالة بانه انا فلان الفلاني عملت مع الجهة الفلانية لمدة ( وتذكر الفترة من والى ) وتحب تقدم على برنامج الهجرة الخاصة SIV .
2- ترسل مع الرسالة اعلاه ريكومنديشن صادرة من المسؤول المباشر مالتك وموقعة منه وبها ايميله الرسمي ( يعني ياهو هوتميل جي ميل وغيرها ما تصير ) لابد من كتابة الايميل الرسمي للمسؤول الامريكي ويجب ان يكون امريكي ورقم تلفونه ان وجد وبيها يذكر لهم انك مشتغل وياه لفترة لا تقل عن سنة بدات من ولغاية كذا وانك تركت العمل بصورة حسنة ومن غير مشاكل ( في حال انك تارك العمل ) او ما زلت مستمر لحين كتابة الريكومنديشن وايضا يذكر بيها انه انته انسان جيد وقدمت خدمة لحكومة الولايات المتحدة وبرايه انك لا تشكل تهديد للامن القومي الامريكي وهو يزكيك ويكتب بيها ايضا نوع العمل مالتك وياه ويوقعها ولا تنسى اهم شي بخلي بيها ايميله الرسمي لان راح يدزون عليه استفسار عنك مكون من 5 اسئلة وهو يجاوبها بنعم ولا . ( ملاحظة : اذا يكتب لك بالتوصية انه حياتك بخطر او مهدد تكون الشغلة اضبط )
3- ايضا مطلوب منك بهاي المرحلة رسالة من قسم الافراد بالشركة اللي انته تابع لها كأن تكون ال GLS مثلا يذكرون بيها الفترة مال الشغل مالتك من والى ( اقل شي 12 شهر ) ويوقعوها وهاي يسموها ال HR letter .
4- ترسل ايضا نسخ من الباجات مالتك
5- وايضا اكو فورم يسموه DS 157 تمليه وتسويه سكان وتدزه مع الاوراق اعلاه
6- الجنسية وشهادة الجنسية مترجمات ايضا تدزهن
7- تكتب على ورقة وورد معلوماتك الشخصية كما هي واردة بالجنسية مالتك وبالانكليزي وكالتالي :
- الاسم
- اسم الاب
- اسم الجد
- اسم العائلة او العشيرة ( اللقب مثل مابالجنسية او الجواز )
- الاسماء الاخرى ان وجدت
- الجنسية : عراقي طبعا
- رقم جواز السفر ان وجد
- تاريخ الولادة
- محل الولادة
- الجنس
- الحالة الاجتماعية
- البريد الالكتروني + رقم التلفون
8- الجواز تسويه سكان وتدزه ان وجد
9- رسالة وورد يسموها ستيتمنت اوف ثريت ( وصف موجز لحالة التهديد التعرضت لها ) ومو تسويها طويلة باختصار
ملاحظة هاي الوثائق كلها تسويها بملف بي دي اف واحد ما عدا الفورم DS 157 تشتغله بوحده
وترسلهن على العنوان التالي
IraqSIVApplication@state.gov ولا تنسى بالسبجكت مال الرسالة تكتب اسمك مثل ماهو مكتوب بالجواز ان وجد الجواز او تكتبه مثل ما موجود بالجنسية وبالانكليزي .
وتنتظر الجواب من عدهم في حال يريدون استفسار اخر منك راح يدزون لك رسالة يبينون لك بيها شنو المطلوب .
ملاحظة :
المشمولين وياك على برنامج الهجرة الخاصة SIV هم ( زوجتك + اولادك ما دون سن ال 21 سنة فقط ) .
هسه نجي على طريقة ملئ الفورم DS 157 واللي راح تلاكيه على هالرابط
http://www.state.gov/documents/organization/79964.pdfطبعا الفورم DS 157 كلش مهم تمليه بصورة صحيحة وبدون خطا وترسله مع الاوراق والوثائق اعلاه بقية الحصول على ال COM وهي موافقة رئيس البعثة الدبلوماسية )
- كيفية ملئ الفورم :
1- الاسم الاخير مثل الجواز
2- الاسم الاول
3- الاسم الثلاثي كتابة باليد بالعربي
4- اللقب مثل ما بالجواز
5- اسم الزوج او الزوجة وللاطفال تخللي N/A
6- اسم الاب الثلاثي
7- اسم الام الثلاثي
8- هنا تخللي N/A
9- اذكر الدول اللي دخلتها باخر 10 سنوات مع ذكر سنة الدخول
10- اذكر الدول اللي اصدرت لك جواز سفر واذا بس العراق تكتب Iraq
11- هل سبق ضاع او سرق مكنك جواز السفر تاشر يس او نو
12- ما عدا شغلك الحالي اكتب تفاصيل اخر شغلتين اشتغلتهن
13- تكتب بيها None
14- هل تلقيت تدريبات او عندك مهارات على المتفجرات والكيمياويات وغيرها خللي اكس بمربع نو وافتك منها
15- الخدمة العسكرية مع شرح لها
16- هل دخلت بصراعات مسلحة حتى وان كنت ضحية خللي اكس على نو وافتك منها
17- المراحل الدراسية تخلليها من الاعدادية والكلية وبس
18- هل عملت أي ترتيبات للسفر هاي خللي بيها اكس بمربع نو وافتك منها
