الكفيل المعنوي ضروري يوقع اوراق الكفالة؟؟

[OK H.K]

اخواني وخواتي السلام عليكم....
 
عندي سؤال بلا زحمة واتمنة اللي مار بهاي الحالة يجاوبني عليهة ....كفيلي بولاية تكساس اتصلوا بيه قبل فترة لأجل كفالتي بس ما طلبوا منه توقيع اي اوراق بس مجرد مكالمة تلفونية ...هل اكو احد من حضراتكم بس اتصلوا بكفيله فقط بالتلفون بدون توقيع اوراق؟؟ علما انه كفيل معنوي وليس مادي

ارجو الرد اخواني وخواتي وشكرا لردودكم الكريمة مقدما

[OK H.K]

عذرا نسيت اذكر لحضراتكم انو اني مقدم IOM

[فينوسيوس]

اني قبل شهرين اتصلو بكفيلي  علتليفون  ومموقع  لغايه الان وهو هم كفيل معنوي   زواني مخهلص كلشي حتى اعادة فحص طبي  سويت قبل اسبوعين ومو شرط  انه الا يوقع الاوراق اكو ناس وقع اوراقهم  قبل ليجون بعشرة ايام اكو ناس موقع اوراقهم واكو ناس  صارت  سهله  عليهم مو شرط

[فارس العراق 90]

اي اخويه عندي اصدقاء توقيع الكفاله مجرد تلفون واليوم استلمو خط رحله يعني مياثر انشاء الله
تحياتي الك

[فرعون مصر]

مو شرط يوقع على الاوراق بمجرد اتصلوا بيه ووافق على الكفاله المعنويه فهذا كافي ونفس الشي حصل ويه كفيلي

[foxsingluser]

موشرط يوقع الاوراق

[OK H.K]

اخواني الكرام: 

فينوسيوس
فارس العراق
فرعون مصر
foxsingluser

بارك الله بيكم واني شاكر جدا مروركم الكريم .والله يجعله في ميزان حسناتكم اخوتي الاكارم ويارب يوم افرح بسفركم واحد واحد...امين

تحياتي ومحبتي

[دارين العراقيه]

اخي صاحب الموضوع اعتقد انو ولاية تكساس هذه نظامة لان كل الكفلاء الي بتكساس
يتصلون عليهم بس اتصال ميستدعوهم للتوقيع

[engineermech]

زين والي ما عنده كفيل شلون اجرأته

[AbEr SbiL]

ماريد احبط صاحب الموضوع بس اني اتصلو بكفيلي بتاريخ 1_ 4 _ 2010  وكفيل معنوي مثلك بس تلفون قبل يتكفل وكلشي اوكي ولحد الان سكته 

[doori]

السلام
نعم اخويه مو شرط يوقع اني كفلت صديق الي في عمان و هسه هو يمي و مجرد اتصلو بيه و اخذوا موافقتي على الكفاله وطبعا همه تكفلوا بكلشي اني فقط كلت نعم اكفله معنويا
تحياتي

[OK H.K]

الاخت دارين العراقية ..اخواني الكرام engineermech  ،doori

اشكركم اخواني وحبايبي على ردودكم الكريمة ومساعدكم ربي يحفظكم ويحقق كل احلامكم

احترامي لمروركم الكريم

[OK H.K]

ماريد احبط صاحب الموضوع بس اني اتصلو بكفيلي بتاريخ 1_ 4 _ 2010  وكفيل معنوي مثلك بس تلفون قبل يتكفل وكلشي اوكي ولحد الان سكته 

اخي العزيز عابر سبيل اذا كفيلك وكفيلي سووا اللي عليهم ووافقوا عالكفالة  بعد شنو اللي بيدنة نسويه غير الدعاء ؟!!
اتمنالك التوفيق اخ العزيز وشكرا لمرورك حبيب

[مجروح واكابر]

حبيبي قبل 15 يوم اتصلو بكفيلي وكالولها حيجي عن قريب لا توقيع ولاشي

[دارين العراقيه]

الاخ doori سؤال لحضرتك اذا متصير زحمة عليك
انت من اي ولاية كفلت صديقك بالاردن وهو هسه يمك وشكرا لك مقدما على الاجابة

[OK H.K]

حبيبي قبل 15 يوم اتصلو بكفيلي وكالولها حيجي عن قريب لا توقيع ولاشي
[/q

شكرا اخي الكريم على مرورك واتمنالك السفر القريب...تحياتي

[anoano]

السلام عليكم احبتي..
اخي العزيز..بالنسبة لي وهذا ماحدث لي قبل ايام ..قابلت سفير مع احد الاصدقاء الاعزاء في نفس اليوم واكملنا الفحص الطبي سوية ....اتصلوا بكفيلي وطلبوا منه الذهاب الى المنظمة المعنية لغرض توقيع الاوراق ..وفعلا تمت التوقيع والحمدلله .اما عن صديقي اتصلو على كفيله (اتصال فقط)..ووافق على الكفالة وانتهى الامر..المقصود ..كل منظمة ولها نظاماً يختلف عن المنظمات الاخرى..يعني بالنسبة الك شغلة الكفيل انتهت والحمدلله ولاتفكر بالموضوع..
ويارب السفر القريب الك ولكل احبتنا الكرام
تقبل التحية
اخوك آنو

[AbEr SbiL]

اخويه العزيز OK H.K نسال من الله سبحانه وتعالى ان يسافر كل شخص مضايق وفعلا محتاج السفر بالنسبه للكفاله خليها على الله ويه تصفه

كفيلي ولاية ميشكن مدينة لانسنك

[anwarchalabi]

اني اؤكد كلام الاخ دوري
اهلي بامريكا- فلوريدا, كفلوني و همين بدون توقيع
مجرد ع التلفون بس

[yasir fakhri]

اخي العزيز موضوع الاتصال الاولي بالكفيل هو اجراء روتيني اولا لمعرفة وللتاكد من العلاقة الموجودة بين الكفيل والمكفول هذا من ناحية ومن ناحية اخرى هي للتاكد من استعداد الكفيل لتحمل بعض الاعباء والمسؤليات التي يجب عليه توليها عوضا عن المنظمة وبصراحة اللي شفته انه اكثر الكفلاء يتملصون من ابسط الاشياء التي من الممكن جدا ان يقوموا بها للمكفول وعليه فان المنظمة مسؤولة عن اللاجئ حتى وان اصبح بذمه الكفيل المعنوي ان صح التعبير.
جوابي هذا عن ما استفسرت عنه اما موضوع الكفالة والكفيل فهو موضوع طويل عريض لايسعني ذكره الان.
اخوكم ياسر

[hamada2]

لاااااااااااااااا

ويمكن اي

ويمكن الحظ يلعب دور

ويمكن اني غلطان


لكن كفيلي بوقتهة راح وقع اوراقي بعد مقابلة المحلف بعشرة ايام , وحجولة انه يحظر نفسة خلال شهر اني اوصل اميركا

ولكن ظليت سنة وثلاث اشهر

وبعدها غيرت الكفيل الى غير ولاية وبعدها بشهر او شهرين انحلت كل اموري وجاني خط رحلة 

شنو السبب ؟ لا اعرف ؟


لكن صديق لي في اميركا قال لي غير ولايتك وممكن خلال شهر يجيك خط الرحلة ؟ وبالفعل تم ذلك


شنو السبب ؟ لا اعرف 


كلش جايز ؟ وكلشي يصير 

تحياتي

[OK H.K]

anoano
anwarchalabi
yasir fakhri
hamada2

شكرا اخواني على مروركم ومعلوماتكم جعلها الله في ميزلن حسناتكم ...بارك الله بيكم ماقصرتوا

تقبلوا تحياتي ومحبتي

[مغترب بلا وطن]

اي رفيق عادي جداً

الناس هنا بزي وماعدهم وقت يعوفون اشغالهم حتى يرجون للمنظمه يوقعون اوراق

أني كفلت اكثر من واحد بالتلفون

السنه الفاتت جنت بالنرويج وخابروني لهناك علمود كفاله ومشيتها

[seta hago]

اي نعم اكو هيج شي صار ويه اصدقاء نعرفهم

[OK H.K]

اخواني الكرام

مغترب بلا وطن
seta hago

شكرا على مروركم الكريم وشكرا عالرد على الموضوع ولو الشكر متاخر بس لأن موقع عينكاوة كان ميشتغل لعدة ايام

تقبلوا تحياتي ومحبتي